炑八韓烤親子餐廳

營業中

休息中

年年去韓國既我，到底有幾掛住❤️偽韓的一天就是帶放暑假的寶寶去食暑假遊學團套餐👶👶呢間炑八有別於往時食嘅，除咗環境好似韓屋，仲有為小朋友而設嘅玩樂地方，又可以租借韓服影偽韓相。暑假遊學團套餐 $862唔好睇佢好似好少嘢食，其實飽到上心口。除咗燒烤有雞翼，牛同埋豬既韓肉之外，仲有海鮮同埋蔬菜南瓜車。主食仲有炸雞翼同薯條。最鍾意食呢間韓燒嘅原因莫過於無限refill芝士粟米，同埋前菜。佢真係為小朋友而設，啲肉全部都用過飛機裝住，雞翼薯條用迷你超市車，蔬菜南瓜車連啲蔬菜都精緻過人，整曬圖案樣，bb表示好鍾意。窩心摩天輪 $98因為我個人比較鍾意打卡，開頭又以為唔夠食，手多多加咗個摩天輪。其實佢份量唔算多，但係就好精緻。紫菜包飯，炸薯條，炸雞翼，韓式炸餃子，魚糕串。柑橘鮮橙果茶 $48幾好飲，啲橙味又唔會好over清爽白桃梳打 $48足足半隻白桃呀係🍑🍑🍑唔會好糖水，又飲到又食到桃，好正！因為有比小朋友玩嘅地方，帶咗小朋友唔係唔玩呀嘛？小朋友入場費$88一位，包左兒童前菜。而大人最低消費每位$80一位，但係就唔可以叫午餐或者下午茶餐牌。但佢四點之後先開，如果想來玩嘅就要睇清楚時間，入面都幾寬敞，

好耐冇食韓燒啦😍😍今次見炑八新出左個夏日燒烤套餐，係觀塘分店先有架，一於就黎試試❤️❤️-🏖夏日繽紛樂園套餐 $1388✨成個餐好豐富，適合2-3人🤩🤩燒烤方面，包括有月見和牛肩肉扒🥩、蔬菜南瓜車🎃、大八爪魚🐙、牛舌👅、醬油五花肉🥓、韓牛前胸肉🐮、豬梅花肉🐷同梨汁雞肉🐥～～每款肉都好新鮮，當中推介和牛肩肉扒！！食落入口即溶，好香牛味🤤🤤醬油五花肉都唔錯，薄切好入味，味道甜甜地～～另外店員仲會主動過黎幫我地燒肉，抵讚👍🏻👍🏻呢度既前菜、爐邊蛋、芝士粟米都可以無限refill，我都refill左芝士3次呢🤣🤣-主食方面就有Oppa飯盒🍱同窩心摩天輪🎡Oppa飯盒賣相可愛，裡面有兩個飯糰，飯糰上面放左塊厚切午餐肉～～底層就有好多生菜同蕃茄，有菜有肉夠健康🤣🤣而窩心摩天輪就放滿左唔同既韓式小食，包括紫菜包飯、炸薯條、炸雞翼、韓式炸餃子同魚糕串😋😋每樣味道唔錯，食完好掛住韓國呢～～飲品方面，我地叫左清爽白桃梳打($48)同菠蘿梳打($38)～～白桃梳打係新出架！飲落酸酸甜甜，幾香桃味🍑🍑菠蘿梳打都唔錯，味道清甜好解渴👍🏻👍🏻今餐食得好滿足！！同埋呢間係親子韓燒餐廳黎架，餐廳仲設有玩樂區可以俾小朋友玩

“暑假遊學團套餐”($862)“清爽白桃梳打”($48)“藍天使梳打”($38)已經好耐好耐冇韓燒啦🇰🇷今次去咗喺觀塘鴻圖道嘅炑八呢間分店特別之處係佢係一間親子餐廳👨‍👩‍👧‍👦有大大個play area比小朋友放電大人就可以慢慢燒肉🤣餐廳裝修到韓屋咁款好得意😝而且全部都係卡位,2個人都可以坐得好舒服👍🏻一入座會送上幾款前菜同沙律🥗當中泡菜同海帶好好味超開胃😝另外呢道韓燒係有爐邊蛋同芝士粟米🧀🌽個爐邊蛋入面仲有啲泡菜粒粒☺平時最驚就係啲爐邊蛋勁快熟老哂🤣呢道因為爐邊唔會太熱,啲蛋食到尾都仲好嫩好正😍最近因應暑假有一系列新限定套餐menu當然都可以散叫,但怕煩嘅我地都係揀set算🤣叫咗呢個暑假遊學團套餐☀️內容包括月見和牛肩肉扒🐮🥚,蔬菜南瓜車🎃,醬油五花肉🐷,紅蝦🦐,護心肉🐷,單骨雞翼🐔,韓牛前胸肉🐮仲會跟一個小食炸雞翼薯條🐔🍟真係十分之豐富🥰啲肉仲用穿梭機造型嘅盤裝住超得意😆小朋友應該會好開心🤣各款肉類質素都唔錯🤤和牛肩肉扒大大塊,肉味香濃☺點埋蛋黃一齊食真係好夾😙五花肉本身調咗味唔駛點額外醬料都夠味🥰用生菜包住嚟食就岩哂😋飲品方面叫咗2杯梳打分別係新出嘅白桃梳打🍑同藍天使梳打💙白桃梳

星期六同老公出開APM行街，黎到工廠大廈附近嘅呢間餐廳。大約7點到餐廳，一入到餐廳就已經見到有個遊樂場，仲有好多著左韓服嘅小朋友🤣，真係好可愛。Order 了「暑假遊學團套餐」$862有月見和牛肩肉扒、蔬菜南瓜車、醬油五花肉、紅蝦、護心肉、單骨雞翼、韓牛前胸肉、炸雞翼薯條 + 兩杯梳打$38 /杯（青檸 和 菠蘿）。本身個套餐名聽到都夠晒開心😆，放暑假喎！就連食物嘅做型都啱晒小朋友心意:有飛機、超級市場嘅trolley 、 而最值得一贊嘅係蔬菜南瓜車，將蔬菜瓜果吸出多個動物做型，真係又玩得又食得👍🏻另外，佢地嘅韓式燒烤盤設計都非常方便，一直加熱著調味配料：芝士 和 泡菜撈蛋，可連同燒烤食物一齊食。最好食嘅都係和牛肩肉扒😋😋 ，好簡單咁燒熟兩邊就食得，之後再剪到細細塊咁，燒得熟啲都唔怕硬。韓牛前胸肉肉味濃郁，肉質係煙靭有口感但唔硬。醬油五花肉超入味，本身都怕食肥豬肉，但經過燒烤後五花肉上嘅脂肪消失得七七八八，剩低嘅脂肪都係香脆易入口，直接連埋瘦肉部分一齊食都得。前菜有沙律菜、辣椒蒜頭、芽菜、白紅蘿蔔、海滯和泡菜，除左沙律菜之外，其他前菜都無限添加，特別喜歡食佢地嘅泡菜，唔太辣，醃得好好食

暑假正式開始喇，今日帶兩個小朋友嚟觀塘，難得韓燒嘅餐廳有兒童玩樂區，一邊食...可以隔住玻璃睇住小朋友玩。一次過滿足哂小朋友同大人。除咗玩樂設施，仲有韓服可以穿起拍照。韓國氣氛十足👍🏻兩個仔女玩得好開心，唔捨得走「暑假遊學團套餐」套餐比散叫更抵食，一次過試哂唔同款式。份量足夠我地一家4口「炸雞翼薯條」放喺迷你購物車裡面，賣相好可愛「蔬菜南瓜車」小朋友一見到...哇哇聲，有哂造型，真係好靚呀「紅蝦」大大隻，爽口夠新鮮前菜．芝士粟米．泡菜雞蛋都是無限量供應飲品揀咗兩款不同口味嘅梳打一定要推介「清爽白桃梳打」半個白桃啖啖肉，又甜又多汁😍今晚一家人食得特別開心，好滿足👍🏻

今次去咗一間有得玩又得食嘅親子餐廳食韓燒👨‍👩‍👧‍👦.開SUM 夏日套餐☀️有月見和牛肉扒🥩醬油五花肉，墨魚🦑蔥蒜牛五花，單骨雞翼🐔牛小排🐮月見和牛肉扒🐄油花分布均勻，入口即融🤤點埋蛋汁食一啲都唔油膩🥚蔥蒜牛五花🧄較腍肉味重👍🏻醬油五花肉🐖味道甜甜😋雞翼燒到外皮脆脆🔥仲好juicy😗.前菜🥢芝士粟米🧀🌽泡菜蒸蛋🍳沙律🥗醃蘿蔔🥕泡菜、芽菜、生菜🥬海帶.清爽白桃梳打🍑白桃香甜多汁😉.柚子檸檬梳打🍋酸酸甜甜

有得玩又得食嘅親子餐廳，香港少之又少。所以一直以來都想帶我個小吃貨仔仔黎呢間餐廳，今日終於黎開餐啦！ 進入餐廳後，仔仔已經眼甘甘咁望住個Playhouse 😍。小朋友玩playhouse+兒童零食+韓服體驗+清潔費，收費$130。 正值Lunch Time肚仔餓，坐定定用手機叫左野食先😋 睇睇個Menu，都係叫set最方便又抵食🍽 落完單，沙律同五小碟前菜隨即送黎，侍應姐姐仲即場响我地面前放左芝士粟米同泡菜蒸蛋响燒烤爐兩邊。（以上呢幾樣食物除左沙律之外都可以無限免費添加😋）🍴開SUM 夏曰套餐 $588（月見和牛肉扒，醬油五花肉，墨魚，蔥蒜牛五花，單骨雞翼，牛小排）推介推介📢🔸️墨魚好新鮮-就算我失手睇少眼燒耐左，都唔會硬。🔸️蔥蒜牛五花-一口一啖嘅size，放入口後肉汁爆出，好淋好入味。🔸️醬油五花肉-薄薄長長一片，燒幾十秒反一反再燒就食得，快靚正又脆口。🔸️月見和牛肉扒（澳洲）-成個餐嘅重點！足足有成隻碟咁大塊😍 紋油花分布均勻，入口即融而不油膩。 🍴韓國大蝦4隻大蝦size成隻手掌咁大，侍應經姐話唔駛燒到全熟，呢款蝦可以生食。啖啖肉味道好鮮味😋 🍹食韓燒當然唔少得叫杯透心涼飲品，呢度飲品

唔知大家有冇見過親子嘅韓燒餐廳呢？我同朋友就第一次見，呢間餐廳設有兒童遊玩區，仲會播放兒歌，大朋友食到lam lam脷😋小朋友就玩到流連忘返🥳一次過滿足曬大朋友小朋友👏🏻開SUM 夏日套餐肉類包括月見和牛肩肉扒、醬油五花肉、墨魚、蔥蒜牛五花、單骨雞翼、牛小排，單骨雞翼好快熟，唔洗等好耐先食得👍🏻魷魚有辣有唔辣，燒完軟腍腍之餘，仲juicy唔乾身，有驚喜🤩和牛肩肉扒來自澳洲，薄薄一塊，易燒快熟，口感柔軟配菜都非常豐富，前菜嘅泡菜、芽菜、海帶等，任添唔嬲🤣 我哋好鍾意菜包肉咁食，攞一塊生菜，包住肉、泡菜、芽菜、蒜片，層次豐富😋不過大家食得曬先好嗌，唔好浪費食物啊！我都好鍾意食芝士粟米，熱辣辣嘅芝士，營造出微微拉絲嘅效果，身為芝士控嘅我見到簡直心心眼，仲encore咗兩次添😍柑橘鮮橙果茶 ($48)面頭係橙味沙冰，下面係滿滿橙渣嘅橙汁，加上淡淡果茶香，簡直係解渴首選🤤🍑清爽白桃梳打 ($48)有半個既清甜又軟腍嘅桃，清新宜人整體嚟講，親子餐廳果然名不虛傳，好適合一家大細嚟，我哋見到好多父母帶埋小朋友嚟，通常媽媽負責同小朋友玩，每枱就剩低爸爸係道默默食🙊場面好搞笑🤣

之前帶小朋友食過一次，覺得還可以，所以今次再黎，點知無論食物，服務，環境都差左好多，食物全部都淡而無味，兒童餐嘅飯餸凍的，嗌左杯芒果沙冰 轉個頭女侍應話無 叫轉其他，咁我話芒果梳打，點知轉個頭又有個男侍問介唔介意杯芒果梳打無上面D芒果(我心諗無芒果嘅話即係叫我飲糖漿水？) 其實你無芒果一早講啦，唔洗人地轉幾次，服務員好似全部都新黎咁，人地親子餐廳正常一坐低應該主動提供水，兒童餐具等，但我係要問一樣距先俾一樣 另外我第一次見親子餐廳係無換片室(上次黎無去廁所所以無留意) 得大人廁所，而且廁格好窄，極之難換片，同埋小朋友玩嘅地方都無乜嘢玩 多數得煮飯仔，但要收130入場費(送左一碟仔兒童小食 真係好少 仲要唔好食) 之前去都仲有個波波池 今次去見拆左 最後我地一家3口 ，75折後食左700幾，哩個價錢我覺得如果食物味道好嘅話都可以接受，但今次真係唔值！應該唔會再有下一次！

3️⃣月份有好多大日子🤣 趙bb 歲半👧🏻 趙生 + 趙嫲嫲生日🥳 咁高興, 要去玩下食個飯既🤭大人都想食好啲, 但又唔想趙bb 陪我地慢慢食, 趙c9 就揀左有得玩又有得食既 "炑八韓烤親子餐廳"🍢餐廳分遊戲區同食野區🙌🏻遊戲區有多種啱 8️⃣歲以下玩既玩具, 種類好多 (睇相丫📸) 而且全部都好新好乾淨, 遊戲區有哂安全墊仲好安全添👍🏻餐廳唔同時段唔同收費, 成人就設最低消費一位, 8️⃣歲以下小朋友就收入場費, 但入場費係包左進入遊戲區, 一份兒童小食餐同著韓服體驗👘 (韓服體驗有多種尺碼, 仲要非常新淨添), 大人都可以 +$70 體驗架😍食物方面, 烤肉為主, 有套餐有單點 (我用 open rice 訂座, 單點有 75折添) 除左烤肉, 仲有好多韓國熟食架, 全部都好好味😋我地一家5️⃣口逗留左 3個半鐘⏰ 食到飽, 玩到攰透, 影埋靚相, 埋單 $1000, 真係一啲都唔貴.. 場內仲有育嬰室, 啲服務員仲超有禮貌添呀👍🏻

之前都已經試過炑八嘅幾間分店，今日就嚟到位於觀塘嘅炑八，嚟到先知原來係親子餐廳。呢間炑八親子餐廳除咗有小朋友嘅遊樂園，大人都可以免費試著韓國服飾。真係啱晒好耐無去旅行嘅我哋，可以體驗一下身處韓國嘅環境。雖然我同朋友都無帶小朋友嚟，但都感受到小朋友歡樂嘅氣氛。我哋兩個人少少哋嗌咗$498嘅慶州豚肉的神話套餐。呢個套餐有醬油小排、蔥蒜牛五花、醬油牛舌、特製護心肉、慶州五花肉、梨汁雞肉同埋大八爪魚。啲肉類睇雪花嘅紋路都知款款都幾高質，牛肉輕輕燒一燒都已經好好食。八爪魚新鮮又大隻燒完之後好彈牙，比起其他肉類有嚼口。食肉食到悶悶地，有海鮮食吓都幾開心。跟呢個套餐加$20蚊可以換成其他口味嘅梳打飲品，可以一解肉類既油膩感。

想食韓燒 又想sette個小朋友呢度真係一個唔錯嘅選擇小朋友入場費$130, 有一份餐點(薯餅 紫菜蛋捲 菜 腸仔)重點係有個playground小朋友乖乖食完就可以即刻去玩大人點咗牛同豬platter份量好多 都食唔晒肉質比想像中好好多openrice訂枱仲有正價餐點8折下次可以再嚟

今次帶偽韓仔去左呢一間係親子餐廳黎，我地揀左平日去，平啲丫嘛🙈(實情係呀媽要清假) 去openrice 訂位仲有9折!佢地成間餐廳，係根據韓國既韓國做設計藍圖，小朋友可以換上韓服，係餐廳打卡影相。而玩樂遊戲區就以玻璃做間隔，地方都幾大，可能我地平日早場既關係，當日只有兩枱客，非常鬆動！入去遊戲區係要除鞋同消毒既，我眼見入面都好乾淨，地上冇灰塵同頭髮👍🏻小朋友就玩得非常之盡興🥰而食物方面，應該就係我食過，暫時係最好食既親子餐廳喇！一來我本人食勁中意食韓燒，你見我仔都偽韓就知啦🙈佢地食物係同其他分店一樣既，都冇特別貴到👍🏻前菜、爐邊蛋、包肉的生菜，一樣全部任添🥰💯而最最最抵讚既係，佢收既兒童入場費係包括一份兒童餐(不包飲品)，所以俾幾十蚊，有得玩又有得食👍🏻👍🏻👍🏻而時間方面，每個時嘅都有2.5-3小時，夠晒時間食同玩！出面好少playhouse/ 親子餐廳做到咁長時間，好多時唔夠時間，呀媽都成日食唔飽😆唯一要改善的地方就係佢地員工既食飯時間，咁岩就係我地入坐之後，即是話我地有成個中係冇人招呼既😅所以一就要即刻叫晒所有野食野飲先🙈

本來以為韓燒無乜特別啫，但係呢度真係好唔同，一入門口就已經有個令小朋友呆住目光嘅大型玩具房，如果有幼兒小朋友的家長門就更開心喇，因為有安全乾淨而且100%放電的遊戲空間，仲定時有清潔時段，帶埋姐姐去就一流喇。餐廳空間又超大超闊，包你坐得舒舒服服👍🏼停車場要喺街中間泊咗先，因為大廈無，由開源道左轉入鴻圖道就有好幾個停車場，唔好去到街尾！講到食物出品，未點餐就已經好驚喜喇，枱上一早就放滿韓式前菜，雖然款式不多，但樣樣都好好味，我最欣賞就係泡菜同海帶👍🏼連到盤上嘅芝士同蛋漿都仲要係無限添加，直情有去咗韓國一樣咁開心🥰燒肉方面，除咗有多款正斗套餐以外，散叫亦有出色表現，價錢都算合理，質素絕對高尚，最好係醃料適中，唔會過份蓋過原味，新鮮可口👍🏼，炸雞就一定要試，只係特色飲品方面有待改善，濃味啲就更好😚

呢晚嚟到觀塘鴻圖道食韓燒😚 餐廳位於二樓全層，一出𨋢就聽到播緊成日聽嘅兒歌同一大部播緊兒童動畫嘅電視📺餐廳環境非常寬敞，仲有個好大嘅兒童遊戲室，啱晒一家大細😎一坐低店員姐姐就送上生菜、沙律、韓式前菜（海帶、芽菜、醃蘿蔔、泡菜）仲有韓燒最愛嘅爐邊芝士同泡菜蛋🤤🤤🤤除咗沙律全部都可以再添😆😆姐姐介紹期間限定以和牛牛舌做主題嘅燒烤套餐，我地揀咗完勝薄切牛舌套餐 ($498)#和牛牛舌大大塊，厚薄適中，爽口唔膻#霜降牛小排，雪花分佈平均，牛味濃 #蔥蒜牛五花，配上蔥蒜特別惹味 #醬油五花肉，加生蒜青椒包生菜超夾 #梨汁雞肉，嫩滑勁juicy仲有厚豬皮、大墨魚🦑、大啡菇，正😋另外點咗最愛嘅 #韓國水冷麵 ，加上一人一杯梳打，爽晒😎