炑八韓烤親子餐廳

營業中

休息中

放左係wish list好耐既 @meokbang_kidzone 餐廳可以一邊韓燒一邊去玩裝修都好似去左韓國咁點少得著埋下韓服打下咭小朋友嘢食造型好可愛❤️叫左好多嘢食食到好飽😛企鵝泡泡浴 飯團超可愛鬈髮的可愛獅子粉好味蛋又滑頂級霜降牛小排 油脂分佈勁平均入口即溶好滿足啊韓國鰻魚 因為我唔識燒 店員好好幫我燒 超肥美同厚肉 魚皮燒到脆卜卜 入口d魚油湧出黎 好正最驚喜係個芝士炸雞🍗肉質好嫩 個皮姓好脆唔厚粉 芝士味濃 再撈埋d芝士 好邪惡啊🤤飲品叫左甜蜜士多啤梨香蕉奶昔泡沫鮮奶 好好飲好香滑，奶昔唔會好甜玩樂區有波波池🛝滑梯仲有大量唔同玩具朗朗玩得好開心啊 大人可以一邊食好嘢一邊望到小朋友玩樂區 可以食得好放心🤣下次要再約埋朋友一齊去玩@meokbang_kidzone 餐廳：炑八韓烤親子餐廳(觀塘)地址：觀塘鴻圖道90號2樓Openrice：https://bit.ly/3OA8sDE

🥢《炑八韓烤親子餐廳》@meokbang_kidzone放假喇～係時候帶埋啲姨甥出去放下電。今次帶咗佢地去觀塘嘅炑八韓烤親子餐廳。位置就有小小遠～係apm行過去大概10分鐘左右。我地4點到步，一入到去左手邊最吸睛就係小朋友最鍾意嘅地方-「韓系童心空間」，有波波池、瀡滑梯、兒童廚房玩具，積木等等等等，多到數唔晒嘅玩具。除此之外，仲有韓服試穿添吖。扮下傳統韓仔韓妹四周圍打下卡。講返右手邊就係食嘢嘅地方喇，裝修、擺設好韓風吖，似足韓屋。職員安排左我哋最近「韓系童心空間」，我地大人坐係度食嘢都可以望到小朋友們。小朋友入場費$158/位，包括埋兒童套餐，我地order左「企鵝泡泡浴」 同埋「鬈髮的可愛獅子」比2位小朋友。造型十足，好靚同好吸睛。當然味道都唔錯喇，小朋友都食我好開心，另外order埋卷蛋棒棒糖 🍭比佢地做甜品。點解小朋友嘅野食咁可愛㗎。到大人野食喇前菜同爐邊泡菜蛋同埋芝士粟米可無限添加～前菜有泡菜，芽菜，白蘿蔔，海帶～每一款都好入味，好好味。1️⃣頂級霜降牛小排見到肉質肥瘦分明。燒完，入口好肥嫩，牛味好濃郁。2️⃣韓國鰻魚 有職員幫手燒埋，超好食吖，魚皮燒得好香脆，魚肉好嫩。點埋醬汁超好食

爽爽👧🏻帶媽咪👩🏻嫲嫲👵去了觀塘的親子餐廳這裏的食物跟服務也不錯❣️之前爽媽光顧過其他分店他們的親子餐廳也是第一次🤭這次主菜是那裏的playhouse 🤭副菜是吃飯啦😝一進門口就有打卡位🤩有一個韓風的場景🥰邊位有長椅子可座😊有些圖書📚提供❣️可讓小朋友等待playhouse 清潔中時👍🏻消磨時間playhouse 牆壁是透明玻璃👍🏻若坐在附近的位置❤️便能放下孩子在那裏玩🤭回去座位邊看邊安心吃飯😎（可惜我地坐得好入）爽爽的兒童餐到了😍好可愛的企鵝寶寶浴缸😋兩個飯團，整成企鵝的樣子 撈茄汁蔬菜醬油蟹👍🏻唔會太鹹，而且keep到鮮味，撈飯一流工作人員幫忙燒五花腩🙏怕油會彈跳😖爽爽用餐巾保護一下😉五花腩厚身要燒時間長些，香脆可口，肉汁豐富，夾住生菜食燒豬皮豐富嘅骨膠原❤️好有口感，而且不用燒太久沙律菜同蛋都好食🤤蛋仲可以加泡菜另一邊粟米芝士😉飲料方面叫左杯蘋果汁同埋特飲菠蘿梳打味道正常👍🏻主菜來了😍穿上韓國🇰🇷服😜裝一下韓妹進入波波池打一下卡😝裏面還有🛝有蔬菜玩具🥗雪糕車🍦等等😎爽爽偏愛這玩具Dyson🤓7成時間都在用它打掃🧹愛美的爽爽怎麼會不在玩具梳妝台整裝一下呢😝最後賣單有個轉轉蛋幣比小朋友💚扭

再訪呢間親子主題餐廳答應咗小朋友每月溫書溫得好會去一次今次佢哋都好開心，仲好乖好快食晒因為佢哋知道有playroom同埋可以😌著韓服首先餵飽小朋友，大人先可以享受美食😂小企鵝泡泡浴賣相好可愛，飯團🍙喺企鵝造型🐧入面有少少蕃茄肉醬，蟹柳，肉粒，番茄，紫菜，粟米等等鬆髮可愛獅子🦁️粉中間滑蛋內有豬肉粒，翠玉瓜，再配鮮茄汁嘅螺絲粉項級霜降牛小排油花分布均勻入口即化 口感嫩滑仁川鰻魚職員主動幫忙燒不用擔心燒濃條鰻魚點醬汁先會好食啲芝士無骨炸雞全份無骨啖啖肉鐵板上芝士溶化，炸雞上有芝士粉濃濃芝士味甜蜜士多啤梨香蕉奶比較水同淡味小朋友都有岩飲嘅飲品我哋order一杯泡沫鮮奶俾兩姊妹飲味道正常除左無限添加爐邊燒嘅芝士粟米同泡菜蛋原來前菜都可以無限添加 今次先知道😂

炑八 - 韓烤親子餐廳今日嚟到觀塘區一間韓式燒烤專門店，非常特別嘅，今次係一間親子餐廳，有韓燒食之餘，仲有個好大嘅地方比小朋友放電，親子活動一流。兒童每位 $158，包一份兒童套餐，10個月下bb免費入場；大人就最低消費$150/位。頂級霜降牛小排 $188油脂豐盈，大理石紋理嘅牛小排，入口即溶。韓國鰻魚$256韓國仁川嘅鰻魚，肉質彈牙啖啖肉。芝士炸雞全份 $220熱辣辣嘅香脆炸雞，皮脆肉嫩又多汁，配上拉絲嘅芝士更加吸引。卷蛋棒棒糖 $52波棒糖造型既卷蛋，小朋友拎住食又唔怕整到手仔污糟。企鵝泡泡浴 $98 企鵝造型飯團配上蟹柳雞扒粒鮮茄醬汁。鬈髮的可愛獅子粉 $98獅子造型既蕃茄豬肉螺絲粉。甜蜜士多啤梨香蕉奶昔$48

今日去位於觀塘鬧市後面鴻圖道既親子餐廳,話明親子餐廳, 就緊係帶埋2隻小魔怪去啦入到去, 已經見到一個大大波波池, sir滑梯同勁多玩具. 小朋友已經好興奮大叫要入去. 職員帶我入去, 安排左坐係最近波波池嘅位置真係一路食一路已經可以望到入邊,好安心！係未諗到食乜之際,店員已經好好咁樣上咗幾個前菜同沙律，食完重可以fill嫁另外再整左芝士粟米粒同蛋漿蛋漿仲可以加泡菜,但係我冇加到,因為for小朋友可以一齊食由於今次其實係諗住慶祝下母親節, 所以叫左幾樣自己鍾意食嘅嘢🐮頂級霜降牛小排🐮超級淋呀同埋好香牛味, 油脂分布均勻再夾片生菜一齊食,無咁漏仁川鰻魚全份燒鰻魚真係第一次 重要成條燒店員好好呀 幫我地燒埋重排到好整齊❤️個皮脆脆, 加埋鰻魚汁.好好食芝士無骨炸雞半份原來係用鐵板上, 啲芝士熔岩喺底, 雞上面仲有芝士粉, 外脆內軟,勁juicy芝士控既人一定要試下另外講返餐廳帶小朋友入場會收入場費 但入場費係包左✅兒童餐一份✅韓服體驗1小時✅遊玩區玩樂兩小時兒童餐有好多選擇今次兩隻😈😈揀左🐧企鵝泡泡浴🐧🦁鬈髮的可愛獅子粉🦁一黎到 ，佢2個已經曄曄曄 兩碟兒童餐賣相非常吸引,而且裏面嘅蕃茄汁好

朋友同仔仔都鐘意食燒肉，但仔仔坐唔定鐘意玩，朋友介紹呢間有得食燒肉又有遊戲室玩既親子餐廳，啱晒大人小朋友，小朋友一去到見到有個波波池就好開心話要玩🥰啱晒佢放電，朋友又可以同我靜靜地咁傾偈👍🏻滿足晒我哋嘅願望🫡爐邊芝士🧀️大人小朋友最愛，我哋添食咗三次😂😂🦁鬈髮的可愛獅子粉🦁可愛得意嘅造型，一上枱小朋友就‘哇’好得意吖😍佢配料有豬肉粒，鮮茄汁，翠玉瓜，螺絲粉，夠晒健康好啱小朋友食🥩頂級霜降牛小排肉質鮮美，油花分布均勻，口感非常柔軟嫩滑，值得一試👍🏻🐧企鵝抱抱浴🫧未食已經俾佢嘅外型吸引到🤩好可愛啊！佢配料有蟹柳，雞扒粒，新鮮番茄，紫菜和粟米🌽酸酸甜甜啱晒小朋友食🥰🐔芝士無骨炸雞全份用鐵板上既熱辣辣嘅雞好有肉汁，無骨快感亦食得好過癮，還有芝士撈埋一齊食唔簡直係絕配🥰仁川鰻魚鰻魚大條之餘又肥美夠晒新鮮，仲有貼心嘅員工會幫你燒埋，唔使擔心自己唔識燒而燒過龍😍飲品我地叫左二杯香甜士多啤梨香蕉奶昔及一杯凍泡沫鮮奶俾小朋友。最後我地甜品食左蛋卷棒棒糖🍭佢係好Q既朱古力蛋糕🍰小朋友玩得好開心又食得好健康，我哋大人傾得好開心🥰估唔到埋單後仲有驚喜，竟然有得扭蛋吖😍😍😍

炑八韓烤親子餐廳真係非常適合家庭聚餐既好地方。入場費為158元，包括兒童套餐和遊戲室等活動。兒童套餐非常豐富，包括兔仔蛋包飯、可愛的獅子粉和蛋卷棒糖等等又好食！！就黎母親節，7：15pm 時段仲有導師教整壓花書籤工作坊，細心教導又講解清晰，讚！識鼓勵小朋友自己動手完成。前菜有傳統泡菜、蘿蔔、芽菜、芝士粟米和熟蛋，全部都可以無限添食。主菜嗌左特級牛肋骨，員工好窩心主動咁問我地是否需要幫忙燒， 熟練手勢燒出五成熟非常Juicy，服務和食物簡直5星仲有香烤豬五花和蜜糖雞腿肉都前者香口味濃，後者肉質鮮嫩，可見主厨對食品質素要求嚴格，我地食得好滋味。有多款飲品供應，我地都各先選左杯唔同味梳打。留意玩樂區係至9：30pm清場，阿囡聽到員工姐姐咁講，即刻食得好快把握時間玩。

終於有時間一家人去食燒肉的親子餐，小朋友當日食左兒童餐，又上左壓花書籤工作坊，仲喺遊戲室玩咗陣， 個度仲有韓服著，埋單後仲有得扭蛋，大人就食燒肉，前菜及生菜可無限refill ，真係好滿足。特級牛肋骨牛肋骨極大條，啖啖肉，夠肉味，又嫩滑，仲配新鮮大蝦及大菇。香烤豬五花(5件) 大大片五花肉，用生菜包住，夠油香，唔肥膩。蒜油蜜糖雞腿肉雞腿肉夠鮮嫩，燒完加埋蒜片及蜜糖食， 甜甜地，食唔停口。兒童套餐就有鬈髮的可愛獅子粉及兔仔蛋包飯，造型可愛，小朋友見到會追住食； 另外仲叫咗甜品夾心棉花糖配威化餅， 棉花糖燒一燒，再同埋朱古力威化餅一齊食，特別開心； 飲品就叫咗甜入心的甜蜜士多啤梨香蕉奶昔及甜甜的清新的泡沫鮮奶。

地鐵站出要行15分鐘左右，交通不太方便，在工廠區，電梯好舊。餐廳及遊戲區衛生不錯，裝修有特色，每位入遊戲區都要消毒雙手，遊戲區較細，小朋友無法放電，沒有見到波波池，玩具比較適合三歲或以下的小朋友。食物一般，感覺性值比不高，魷魚咸到上心口，職員會主動問添加配菜，牛肉同玉米芝士好食，飲品都係添加劑味道好怪。廁所較髒，垃圾如山，不符合親子餐廳的形象。總括來說，玩和食都一般，這個價位有更多更好玩或更好食的選擇。

#開餐好去處 ❣️ 觀塘高質性價比韓烤親子餐廳❣️兩兄妹終於都派咗成績表😆成績比預期理想💓咁就梗係要獎勵一下佢哋啦😍想有得食，又有得玩❣️咁就梗係要黎觀塘呢間高質性價比韓烤親子餐廳😋小朋友入場費$158包哂嘢食，前菜、爐邊泡菜蛋同粟米芝士無限refill 🧀🌽遊玩區有固定嘅清潔時間🧹確保亁淨又衛生🌟 而且d玩具都好新！有廚房煮飯仔、梳妝台扮靚、積木、火車、超市水果！任君選擇😆最驚喜嘅就係有韓服體驗🇰🇷大人同小朋友既尺碼都非常齊全✨仲有埋頭色配搭添🎀當然唔少得我哋既主菜燒肉啦😍💟蒜油蜜糖雞腿肉 雞肉嫩滑！入口juicy😋配搭炸蒜片蜜糖非常惹味💟香烤豬五花 呢個絕對係必點推介五花腩！配埋生菜辣椒一啖一個！超級滿足😍💟特級牛肋骨牛肋骨超級巨大仲好長添！仲有埋大蝦同冬菇！秘製醬汁醃得好入味 ！食到停唔到口😋💟兒童餐雖然係兒童餐，但係絕對用心製作💓兔仔蛋包飯有埋炸雞同壽司！鬈髮的可愛獅子粉！哥哥覺得好可愛！佢都唔捨得食😆

阿女一直記掛住上次去炑八親子餐廳玩得好開心，一直嚷著要再去，所以今日再去。一入到餐廳，阿女就一支箭咁沖左去遊戲室，我就先去點菜然後就陪玩，今次發現原來呢度有得比小朋友穿韓服影相，啲韓服仲要好新淨好靚，阿女試完一套又換另一套，餐廳特登安排職員幫小朋友穿韓服仲會哄小朋友開心，非常之好呀☺️玩到咁上下，我地就去食嘢喇阿女見到個兒童餐個兔仔咁可愛唔捨得食😅，兒童餐仲有炸雞、壽司同蛋，好豐富。烧爐周邊既泡菜蛋同芝士同埋D前菜盆（泡菜、芽菜、海帶）係無限添加既，好好味我地都加左好多轉。講番主菜先，燒牛真係好好味，最大塊果隻職員怕我地唔識燒仲幫手燒，服務真係好好，最重要係真係好好味，d肉汁鎖起塊肉度，好嫩唔鞋口🤤甜品係棉花糖夾餅，阿女可以自己燒溶d棉花糖夾起餅乾中間，有得玩有得食，阿女勁開心然後餐廳仲送左個Coins 比阿女去扭蛋，阿女超興奮🤣臨走阿女即刻問下次可唔可以再黎呀🤣，剛剛食定咁快諗下次🤭

非常好消遣嘅親子餐廳，每隔幾個月都會嚟一次，小朋友可以自己玩，有個大玻璃望住，與此同時可以同朋友慢慢燒嘢食，留一天與你喘息。地點都好易搵，係鴻圖道觀塘碼頭附近，如果觀塘地鐵站出行10分鍾左右就到，大大隻字寫住鴻圖道90號， 2樓就係。一出lift 左手邊有個電視播住卡通片，等入坐既時候小朋友都已經睇到唔願走。兒童入場費$158包嘢食，野飲另計，佢有水提供，特色飲品都好平Starbucks嘅價錢，幾乎抵。前菜沙律無限refill，粟米芝士同蛋同樣係無限refill，食都食到飽，正。職員仲好細心見我哋食晒，好幾次主動提出幫我哋refill，不怕開不了口。四人位非常寬敞，乾淨，遊玩區都好乾淨，晚餐時間7:點開遊玩區，因為之前係清潔時間，確保場內衛生清潔，入去時可噴酒精消毒，小朋友玩得安心。另外仲可以俾小朋友玩韓服體驗，但當日冇職員駐守，又費事阻住佢哋，所以冇體驗，有興趣可以主動問職員，佢哋一定會好樂意服務。遊玩區啲玩具都好新，除咗一般嘅煮飯仔、積木、路軌火車、超市水果等等嘅玩具之外， 仲有一整牌排嘅動物公仔，我自己都好鍾意。蒜油蜜糖雞腿肉 $98先來嘅係雞肉，配上炸蒜片蜜糖，雞肉嫩滑入味，份

觀塘呢間炑八，真係一間不錯的親子餐廳，有得玩，嘢食又好味，而且menu會周不時轉，每次嚟都有新意！上次黎係聖誕節， 有聖誕老人樣嘅壽司。今次黎又有新嘢喇！可能啱啱復活節，有好可愛嘅兔仔造型嘅飯等等。小童價錢都只係$108-158，包兒童套餐一份、遊樂區玩樂兩小時，另外亦配合返呢度韓式餐廳，仲可以俾小朋友玩韓服體驗，餐廳內佈置又靚，啱曬同小朋友影靚相！遊玩區前都係玻璃，啱晒大人可以一邊食野傾計，又一路望得到小朋友。另外遊玩區一天之內都有啲清潔時間，確保場內衛生清潔，真正可以令小朋友玩得安心、大人又食得放心！除咗一般嘅煮飯仔、積木、路軌火車、超市水果等等嘅玩具之外， 最刺激就係新有一個叫「移動籃球」嘅遊戲！係一個投影射籃球既互動遊戲。唔單止小朋友，大人其實都覺得好好玩！除左settle到俾小朋友開心玩，食物方面都不錯。一坐低咩都未order,就有免費前菜供應，有泡菜、酸甜蘿蔔、芽菜、海帶同蒜片青椒，沙律菜。除咗沙律菜，其他食完仲可以refill！🥢特級牛肋骨 $288勁長一條牛肋骨！長到冇可能放得曬係個爐上面燒，要剪開一開二或三。醃得好入味 ，有啲似蜜汁味道，香甜軟嫩。仲有一大隻海蝦同菇。

親子餐廳 呢度嘅價錢 非常合理 而且隨時都有surprise 因為每隔一段時間 佢哋又會推出新嘅菜式 menu 最近 復活節 又可愛兔仔🐇造型嘅兒童餐嘢食有新意 選擇好多整體嚟講好好食 Playhouse 係用上全透明玻璃 望住小朋友 大人可以安心食嘢有AR互動遊戲、毛公仔購物區、廚房仔、化妝枱、嬰幼兒玩具、毛公仔足球、立體拼圖 🤍前菜 有四款唔同嘅韓國前菜 free 韓燒爐邊 corn with cheese 和 雞蛋汁 都可以free refill 🤍特級牛肋骨 $288超級巨型 拉長好高 又甜又夠林原來用咗10個鐘頭韓國醬油醃製油脂分布均勻 一大塊肉裏斜切 仲有好大隻蝦 🤍香烤豬五花（5件）$118有一塊好得意用薯仔做嘅豬形狀擺咗喺面🤍蒜油蜜糖雞腿肉 $98生蒜同埋蜜糖另外上 雞腿肉已經起咗骨 啖啖都係肉＄158 兒童入場費（正價）星期六日 公眾假期，同埋平日夜晚 7-10pm 如果平啲嘅就可以星期一至五4-6pm去10個月以下BB free 包兒童套餐 （menu任選一個兒童餐牌主菜） +韓服體驗 +遊樂區玩樂🤍免仔蛋包飯 $98仲有兩件蜜糖韓式炸雞 茄汁飯底 仲有一件紫菜包飯