影片
更多
2023-05-22
54 瀏覽
🥢《炑八韓烤親子餐廳》@meokbang_kidzone放假喇～係時候帶埋啲姨甥出去放下電。今次帶咗佢地去觀塘嘅炑八韓烤親子餐廳。位置就有小小遠～係apm行過去大概10分鐘左右。我地4點到步，一入到去左手邊最吸睛就係小朋友最鍾意嘅地方-「韓系童心空間」，有波波池、瀡滑梯、兒童廚房玩具，積木等等等等，多到數唔晒嘅玩具。除此之外，仲有韓服試穿添吖。扮下傳統韓仔韓妹四周圍打下卡。講返右手邊就係食嘢嘅地方喇，裝修、擺設好韓風吖，似足韓屋。職員安排左我哋最近「韓系童心空間」，我地大人坐係度食嘢都可以望到小朋友們。小朋友入場費$158/位，包括埋兒童套餐，我地order左「企鵝泡泡浴」 同埋「鬈髮的可愛獅子」比2位小朋友。造型十足，好靚同好吸睛。當然味道都唔錯喇，小朋友都食我好開心，另外order埋卷蛋棒棒糖 🍭比佢地做甜品。點解小朋友嘅野食咁可愛㗎。到大人野食喇前菜同爐邊泡菜蛋同埋芝士粟米可無限添加～前菜有泡菜，芽菜，白蘿蔔，海帶～每一款都好入味，好好味。1️⃣頂級霜降牛小排見到肉質肥瘦分明。燒完，入口好肥嫩，牛味好濃郁。2️⃣韓國鰻魚 有職員幫手燒埋，超好食吖，魚皮燒得好香脆，魚肉好嫩。點埋醬汁超好食
@meokbang_kidzone
放假喇～係時候帶埋啲姨甥出去放下電。今次帶咗佢地去觀塘嘅炑八韓烤親子餐廳。位置就有小小遠～係apm行過去大概10分鐘左右。
我地4點到步，一入到去左手邊最吸睛就係小朋友最鍾意嘅地方-「韓系童心空間」，有波波池、瀡滑梯、兒童廚房玩具，積木等等等等，多到數唔晒嘅玩具。除此之外，仲有韓服試穿添吖。扮下傳統韓仔韓妹四周圍打下卡。
講返右手邊就係食嘢嘅地方喇，裝修、擺設好韓風吖，似足韓屋。
職員安排左我哋最近「韓系童心空間」，我地大人坐係度食嘢都可以望到小朋友們。
小朋友入場費$158/位，包括埋兒童套餐，我地order左「企鵝泡泡浴」 同埋「鬈髮的可愛獅子」比2位小朋友。造型十足，好靚同好吸睛。當然味道都唔錯喇，小朋友都食我好開心，另外order埋卷蛋棒棒糖 🍭比佢地做甜品。點解小朋友嘅野食咁可愛㗎。
到大人野食喇
前菜同爐邊泡菜蛋同埋芝士粟米可無限添加～前菜有泡菜，芽菜，白蘿蔔，海帶～每一款都好入味，好好味。
1️⃣頂級霜降牛小排
見到肉質肥瘦分明。燒完，入口好肥嫩，牛味好濃郁。
2️⃣韓國鰻魚
有職員幫手燒埋，超好食吖，魚皮燒得好香脆，魚肉好嫩。點埋醬汁超好食。
3️⃣芝士炸雞全份
炸雞🍗份量好大份，熔咗嘅芝士滿佈鐵板底，而每粒炸雞都充滿芝士粉。濃郁嘅芝士味+外脆內juicy嘅雞，整體都唔錯。
Drink:
🍓甜蜜士多啤梨香蕉奶昔
到咗5點左右，有個免費工作坊俾小朋友參與。每位小朋友可以整一條頸鏈。真係有得食，又有得玩，又有得體驗韓服，仲有工作坊参加～真係好正吖。
I▪️🅐🅓🅓🅡🅔🅢🅢
📌 觀塘 📍鴻圖道90號2樓
張貼
