炑八韓烤親子餐廳

營業中

休息中

記得同仔仔去完炑八韓烤親子餐廳食嘢之後無耐，佢有問過我幾時再去食可以拉到好長嘅芝士粟米😝既然係咁趁而家有多少少空閑時間就帶埋佢同表姐仔再去食同玩～今次去到嘅時候兒童餐有新增咗新款式，最重要嘅係playroom 增加咗波波池好玩好多🤩兩個小朋友食飽就即刻衝去玩，所以今次連韓服都無着到🤣我同妹妹就可以趁住佢哋去玩嘅時候，一邊飲住甜蜜士多啤梨香蕉奶昔🍹同泡沫鮮奶🥛一邊食烤肉，安安靜靜咁享受食物😌🥩 頂級霜降牛小排油脂分布平均，牛肉味香濃，肉質一啲都唔靱，仲好軟腍。🐟 韓國鰻魚係由店員幫我哋烤，佢哋手勢真係唔錯，每一塊都烤到外脆內軟，點埋鰻魚汁食真係好惹味🤤🐥芝士炸雞全份 同樣都係外脆內軟，啲肉仲好juicy, 配合埋灑上嘅韓式芝士粉一齊食，我哋幾個芝士控食到舐舐脷😋🐧企鵝泡泡浴同鬈髮的可愛獅子粉🦁同樣都係以茄汁肉碎做醬汁，分別配上紫菜包飯同螺絲粉，啱曬小朋友口味👦🏻👧🏻兩個小朋友見到🍰卷蛋棒棒糖 嘅造型已經急不及待話要食😆而呢款甜品作為一餐嘅完結，對於小朋友來講簡直就係完美😍見到荃灣開咗分店仲要玩嘅地方大咗，下次要帶埋表妹仔一齊去玩先得😚

[ 炑八韓烤親子餐廳 ]炑八原來有開親子餐廳，餐廳位於觀塘，地點夠哂方便，一間店有得食又有得玩，啱哂一家大細嚟🎡✿ 頂級霜降牛小排🐮 $188肉色紅潤，油花分布均勻。燒烤後肉質保持鮮嫩多汁，食落好軟嫩😋😋。✿ 仁川鰻魚 (全份) $256鰻魚非常巨型，魚肉鮮嫩，口感細膩，烤完外皮脆脆的。✿ 全份芝士炸雞 (無骨) 🐔🐔 $220香濃嘅芝士粉滿佈炸雞🧀🧀，底部仲有濃郁嘅芝士醬，炸雞食起嚟都好香脆，好邪惡呀！✿ 蛋卷棒棒糖 $52充滿朱古力彩針嘅蛋捲，造型十分可愛，小朋友至愛🍭🍭。✿ 甜蜜士多啤梨香蕉奶昔🥤 $48以新鮮士多啤梨&香蕉🍓🍌製成嘅奶昔，香氣撲鼻。✿ 企鵝泡泡浴 單點 $98小朋友見到都好開心嘅企鵝🐧造型飯團，配上蕃茄肉醬&西蘭花，健康又好味。✿ 鬈髮的可愛獅子粉🦁🦁 單點 $98可愛爆燈嘅蕃茄味螺絲粉，中間有滑蛋，利用紫菜&蕃茄仔🍅砌出可愛公仔，小朋友舉手要食呀😉總結🫦餐廳地方都算大，而且Playroom都好乾淨整潔，估唔到親子餐廳食物同玩一樣有驚喜，好推介一家大細或幾個family來試試。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿炑八韓烤親子餐廳地址: 觀塘鴻圖道

#親子餐廳 推介，有得玩，有得食，又有 #免費 工作坊❤️今次嘅工作坊係整韓式乾花掛飾，你睇吓#nasa 整得幾靚頂級霜降牛小排，油脂分布平均，每次嚟係我嘅必叫首選！仁川鰻魚，服務員好細心幫我哋燒，燒到皮脆肉嫩，加上燒汁真係好開心！炸雞系列(無骨) 芝士無骨炸雞，芝士味濃，外皮香酥鬆脆，雞肉肉汁滿滿！兒童套餐已包入場費，我哋叫咗企鵝🐧泡泡浴，有入有蟹柳、雞扒粒、鮮茄、紫菜同玉米，營養爆燈😋捲髮的可愛獅子🦁️粉，入面有鮮番茄汁翠肉瓜同豬肉粒，真係好睇又好食🫶🏻蛋捲棒棒糖🍭一個完美又可愛嘅甜品🍮甜蜜士多啤梨香蕉奶昔同泡沫鮮奶，都係香滑可口，真係美味滿分💯#炑八韓烤親子餐廳 #韓烤親子餐廳 #香港親子餐廳 #親子餐廳 #韓系童心空間 #韓屋 #親子韓服 #親子假日好去處 #親子好去處 #小朋友放電之選 #邊食邊玩 #KoreanBBQ #meokbangkidzone

#頂級霜降牛小排 ⭐️⭐️⭐️⭐️⭐️#韓國鰻魚 ⭐️⭐️⭐️⭐️⭐️#芝士炸雞全份 ⭐️⭐️⭐️⭐️#企鵝泡泡浴 ⭐️⭐️⭐️⭐️⭐️#鬈髮的可愛獅子粉 ⭐️⭐️⭐️⭐️#甜蜜士多啤梨香蕉 ⭐️⭐️⭐️⭐️自從有左小朋友出去餐廳食野都要食得快再轉場同小朋友放個電，今次比我發現呢間韓國親子餐廳有得食有得玩仲有得扮韓仔，終於可以留耐d嘆個韓燒同時比小朋友放埋電 @meokbang_kidzone⭕️新鮮鰻魚原條上仲幫你燒埋服務好⭕️牛小排靚牛入口啖啖牛香好滿足⭕️炸雞配芝士絕配再加埋熱溶芝士OMG⭕️有兒童餐小朋友食得開心大人又開心⭕️企鵝泡泡浴真係好得意忍唔住食埋一份⭕️兒童配套齊全圍兜枱墊樣樣齊⭕️有得著韓服扮韓仔一定要影相打卡啦⭕️有playroom比小朋友放電而且都算多野玩

有時好頭痛，唔知帶小朋友去邊度玩，朋友介紹去咗炑八韓烤親子餐廳，話可以一邊食韓國燒肉，一邊比小朋友玩餐廳內設置咗一個兒童遊戲專區，裏面有唔同區域，有波波池、有廚房區、有砌積木等⋯大人可以一邊韓燒，小朋友又可以玩，真係幾爽。同時，小朋友可以穿上韓服，好有儀式感，見啲小朋友都好興奮。食物方面都算多選擇，鍾意食辣或者唔辣都滿足到。燒烤盤周邊會放上芝士粟米、秘製泡菜蛋汁，待醬汁凝固後，可以可以用蔬菜包住嚟食，好特別頂級霜降牛小排：牛小排牛肉脂肪分布平均，肉質嫩滑，幾有牛味，食入口有融化嘅感覺，色香味俱全，啱晒鍾意食牛嘅朋友芝士炸雞全份：即叫即炸，上枱仲熱辣辣，好香口。炸雞肉質嫩滑，香而不膩，無油炸嘅油膩感，仲配上芝士粟米，真係食唔停口仁川鰻魚：好大條，超厚肉身。店員好貼心咁幫我哋換咗塊燒鰻魚韓燒板，仲幫我哋燒埋，服務認真一流。燒完嘅鰻魚散發出陣陣香味，食落啖啖肉，韓燒原條鰻魚比較少見，值得推介鬈髮的可愛獅子粉：用返番茄螺絲粉，切出可愛獅子造型， 十分吸睛。同時配上小朋友最愛嘅暗烈，好快就食晒企鵝泡泡浴：企鵝造型嘅飯浸喺肉醬嘅浴缸碟子裏面，十分得意。肉醬送飯，係小朋友都鍾意甜蜜士多啤梨香蕉奶昔：

我好鐘意去既親子餐廳,因為親子餐廳小朋友玩得好開心,依間餐廳真係樂而忘返,所以今次又再去,今次超開心呀,因為波波池開番啦~親子餐廳另一個賣點就係我又可以同朋友傾計ME TIME 下,真係好開心去到親子餐廳,當然要叫好可愛既兒童餐、泡沫鮮奶叫左企鵝泡泡浴同埋鬈髮的可愛獅子粉兩個都好得意呀, 企鵝真係好搞笑,好有創意,兩個食得好開心頂級霜降牛小排 (6件)依個牛真係超正,燒完即食真係好有口感~仁川鰻魚嘩,有服務員幫手燒,厚切鰻魚真係好正呀~全份炸雞系列 (無骨)果然係韓國炸雞,無得輸呀~蛋卷棒棒塘好可愛既設計,真係好滿足呀~飲品~甜蜜士多啤梨香蕉奶昔依個配合埋燒肉真係一流呀,解暑之餘又好味~掂~仲有值得一讚係佢既前菜同埋燒蛋同芝士,正~

今日帶細妹去親子餐廳玩🤣餐廳的設計風格是以韓國🇰🇷為主仲有韓服體驗俾你扮韓妹🤣勁大個場俾小朋友玩同埋可以扭蛋店員的服務非常好，我哋最後個炸雞食唔晒，佢主動幫我哋打包拎走四款前菜 泡菜蛋同芝士粟米都可以無限添加我最鍾意係個涼拌海帶同芝士🧀️粟米可以拉絲！如果你是帶小孩子來 那你們一定會喜歡他們家的親子區，這裡有很多小朋友喜歡的遊戲和玩具，讓小孩子可以在用餐之餘也能夠玩樂。佢哋一定會鍾意卷蛋棒棒糖🍭企鵝🐧泡泡浴 同埋爆炸頭獅子粉，不僅好拍照，而且也非常好吃！😍😍頂級霜降牛小排肉質鮮嫩多汁，加埋生菜🥬蒜片 醬汁夾埋一齊食，好解油膩感韓國鰻魚 鰻魚肉質鮮美 成條上份量都幾多芝士炸雞🍗全份雞肉非常酥脆配上濃郁的芝士口味 真係超正卷蛋棒棒糖🍭非常受到小孩子的喜愛，外形可愛，甜度適中

今次去到炑八韓燒親子餐廳好開心之前因為疫情一直無左波波池而家開返啦！小朋友入場費已包一份兒童餐鬈髮的可愛獅子粉 $98蕃茄豬肉螺絲粉拼成的可愛獅子🦁️企鵝泡泡浴 $98 蟹柳雞扒粒鮮茄醬汁加企鵝飯團卷蛋棒棒糖 $52抹茶卷蛋蛋糕🍰大人都有最低消費$150/一位我哋就再叫咗頂級霜降牛小排 $188驕傲原切黑毛和牛牛肩肉$248芝士炸雞全份 $220另外無限次添加前菜，真係食到好飽😝小朋友玩得開心，大人食得過癮每張枱櫃桶入邊都有兒童嘅即棄圍兜

身為家長的我，好喜歡去光顧親子餐廳小朋友有得玩有得食，可以盡情放電而我又可以和老公慢慢吃食優質燒肉環境都非常舒服，更有不同兒童餐我經常都去這間位於觀塘區的親子餐廳加上有很漂亮的免費小朋友韓服可供穿著我想留住仔仔剛6歲童真的樣子仔大十八變，不同歲數有不同的可愛現場有不少媽咪去是為小朋友慶祝生日仔仔今次玩得好開心啊，因為新增波波池我非常滿意是頂級霜降牛小排🐮油花分佈均勻，非常肥嫩柔軟容易咀嚼，連我仔仔也喜歡吃第二塊很大片的是原切黑毛和牛牛肩肉身價高，富油花且牛味重，是極佳的牛肩肉烤了之後的樣子:我最喜歡把牛肉配上可免費再添加的生菜、燒蒜頭及泡菜一起吃而仔仔就最愛吃任加煱邊的蛋漿和芝士粟米而新鮮自家製泡菜及芽菜我一人都名吃了兩碟(可免費添加)吃得甜炸雞多，我改吃芝士無骨炸雞半份炸雞配上熱呼呼的芝士，非常誘人的美食$158小朋友玩室內遊樂場包兒童套餐有鬈髮的可愛獅子粉或企鵝泡泡浴賣相可愛，仔仔最愛吃鮮甜的蕃茄汁螺螄粉另外蛋捲棒棒糖，像綠茶瑞士卷中間夾住忌廉和啫哩糖，非常美味天氣炎熱，必點冰涼士多啤梨香蕉奶昔口感幼滑，更帶有淡淡啲士多啤梨味！

放假就喺要relax，同小朋友去炑八韓烤親子餐廳 🇰🇷，放電玩餐飽又可以享受韓式美食，so happy！入到去就見到有好大間Playhouse，有好大個波波池、化妝桌、迷你廚房、超市、玩具車同滑梯添，真喺好足夠小朋友可以無限放電！頂級霜降牛小排牛小排色澤鮮紅且雪花分佈均勻，烤香後再用生菜包裹，加入蒜片同醬料，牛肉味香濃且層次感豐富。韓國鰻魚鰻魚大塊，燒烤到外皮香脆，肉質香軟又好味，魚肉好彈牙呀！芝士冇骨炸雞全份炸雞好件，外脆內軟，口感脆卜卜，食落半熔芝士嘅香味，食到停唔到口。卷蛋棒棒糖 造型可愛嘅卷蛋，健康又美味，好啱小朋友拎住食。企鵝泡泡浴有2個用紫菜包住嘅企鵝飯團，加入蟹柳同雞扒粒，配以鮮茄醬汁，好滋味。鬈髮的可愛獅子粉 以獅子造型，配搭蕃茄豬肉螺絲粉，色彩鮮艷，好啱打卡。甜蜜士多啤梨香蕉奶昔加入香蕉同士多啤梨蓉，口感清新，味道香甜。泡沫鮮奶香濃嘅牛奶，好飲呀！

上星期見亞女放假，就帶左佢去親子主題餐廳，餐廳裏面仲有個playroom玩，有個波波池同埋有得「韓服體驗」。小公主見到個playroom 就快快手食，我地就可以輕輕鬆鬆燒烤。一坐底，職員就主動整泡菜蛋同芝士栗米，仲可以無限添加，另外有4小碟前菜（芽菜、泡菜、海帶、醃白蘿蔔）、生菜，lee幾樣都可任添，仲有沙律菜小企鵝🐧泡泡浴企鵝飯團造型🐧好可愛，下面嘅泡泡🫧浴係蕃茄🍅肉醬，蟹柳，肉粒，番茄，紫菜，粟米等等。鬆髮的可愛獅子🦁️粉獅子面係滑蛋，滑蛋內有豬肉粒同翠玉瓜，獅子鬚就係番茄🍅 螺絲粉芝士無骨炸雞全份份量十足有成16件雞件，雞件上灑了芝士粉，冇骨啖啖肉，而且外脆内嫩，鐵板底仲有落化左嘅芝士、夠哂邪惡😈仁川鰻魚好耐冇食燒鰻魚，仲要唔駛自己燒，侍應主動幫手燒，唔駛擔心會燒燶燒乾，鰻魚肉質彈牙，外皮又脆，令人回味。頂級霜降牛小排牛小排油脂分布均勻，肉質夠嫩，好有牛味，仲入口即化，我最喜歡就係夾生菜、蒜片，辣醬一齊食。甜蜜士多啤梨香蕉奶昔泡沫鮮奶甜品：蛋卷棒棒糖

今日同朋友一齊帶埋bb去食飯，朋友擇左呢間係觀塘既親子餐廳，方便大家既bb有地方玩😂大人先可以食野。。兒童入場費$158/一個bb，已經包左：兒童套餐、企鵝泡泡浴、鬈髮的可愛獅子粉。野食都幾岩bb食。。大人野食就食燒烤為主，我地就散叫左「頂級霜降牛小排（6件）$188」、「仁川鰻魚（全份）$256」、「全份芝士炸雞（無骨）$220」，牛小排好正👍🏼牛味好重，野食好大份，岩晒幾個朋友一齊share。。有杯「甜蜜士多啤梨香蕉奶昔(凍）$48」都唔錯，甜甜地，2歲bb都鍾意飲，另外有個甜品bb好鍾意😂「蛋卷棒棒糖 $52」，好靚味道唔錯。。出面個play area都唔錯，地方大得黎又多野玩，波波池都夠晒bb放電。環境唔錯👍🏼

今日單拖帶個女出遠門食好西😛再次黎到炑八的親子餐廳，今次再帶多左外甥女過黎玩餐飽😙因為呢度真係又食得又玩得！.▫️兒童套餐用今年的生肖整咗兔仔蛋包飯，非常應節同好靚，蝸牛紫菜包飯，廚師真的很有心思和心機，小朋友食得津津有味。.◾️ 韓牛前胸肉油脂分布平均，配上溫泉蛋燒汁，令韓牛再昇華到極致，非常出色，必點。.▫️特級牛肋骨牛味重，調味剛好，不錯不錯。重點是分量超多，超長。.◾️大王豬扒香濃的果味，肉質不韌，豬扒長度非常誇張，要分4大片來燒，飽到一個點😚😚

👶🏻👨‍👩‍👦話說原來爸爸公司附近有間親子餐廳，又可以食韓式燒肉又可以俾小朋友自己去遊戲區入面玩，一於帶埋小朋友同埋daddy一齊去邊食邊玩啦😍呢度一入門口已經見到好大個遊戲區😍入面有好多嘢玩！例如波波池，煮飯仔同埋積木等等！小朋友見到已經想即刻衝入去玩啦🤣🤣同埋呢度仲有韓服體驗，可以俾小朋友揀返套韓服著住去遊戲區玩㗎！好啦講返啲嘢食先😋今次我地點咗好多嘢食！大人食嘅有頂級霜降牛小排 + 韓國鰻魚 + 芝士炸雞全份 。而小朋友就點咗卷蛋棒棒糖 + 企鵝泡泡浴 + 鬈髮的可愛獅子扭扭粉粉🦁仲點咗兩杯甜蜜士多啤梨香蕉奶昔同埋一杯泡沫鮮奶比小朋友飲😚首先想讚下小朋友嘅所有餐點都好精緻，而且每款嘅造型都好可愛，味道都唔錯！BB最鍾意食獅子扭扭粉粉😍因為造型實在太得意喇而且茄汁粉配埋蛋餅真係好夾👍🏻我呢就最鍾意食牛小排同埋鰻魚喇，值得一讚嘅係呢度嘅韓國鰻魚好新鮮，而且係店員幫手燒㗎，完全唔使我哋動手就有得食啦，燒到外皮卜卜脆，好惹味😋可以一路食一路睇住小朋友玩真係好嘆呀！食完仲有金幣畀小朋友扭蛋，BB仲扭咗一架車車，真係又食又拎，好開心🥳下次一定會再嚟！推薦指數：👍🏻👍🏻👍🏻👍🏻👍🏻👍🏻👍🏻👍🏻

今晚去咗位於觀塘嘅炑八韓烤親子餐廳，呢間炑八同平常嘅分店好唔同，有好多兒童遊玩設施😍，有好大個嘅波波池比小朋友玩😆，仲有滑梯、扭蛋機、煮飯仔玩具，同埋可以穿韓服影相呀🇰🇷我地點咗頂級霜降牛小排🐄、韓國鰻魚＆芝士炸雞🐥。牛小排燒至半熟好好食，肉質好嫩滑和juicy。鰻魚燒完都香口，配埋鰻魚醬汁好正呀。此外，爐邊蛋＆爐邊粟米芝士🧀🌽都係無限添加呀！🔹️頂級霜降牛小排🔹️仁川鰻魚🔹️芝士無骨炸雞兒童套餐包括企鵝泡泡浴🐧＆鬈髮的可愛獅子粉🦁，賣相好可愛和有童真，另外仲叫咗個卷蛋棒棒糖，小朋友超仲意食呀！下次一定會再帶佢黎玩呀！🔹️企鵝泡泡浴🔹️鬈髮的可愛獅子粉🔹️卷蛋棒棒糖🔹️甜蜜士多啤梨香蕉奶昔🔹️泡沫鮮奶