炊豕店 (加路連山道) (已結業)

平民級快餐當高級餐廳，我兩個人去食都要等齊人先入得，最好笑就係後面無人排隊，一個人直接入去可以霸4人台，都唔俾我入！排隊時又唔講明要齊人先入得！食物質素差劣，整塊豬排雖然大塊，但無肉，只得厚厚肥膏，而且又無汁要乾食，食得很痛苦！環境狹窄，坐得唔舒服，冷氣也不夠！以後都唔會黎食！

今日特登去銅鑼灣搵朋友食LUNCH, 自從炊豕店搬左舖後都冇食過, 於是今日就去回味下。12點45分既時候去到, 未有人排隊, 店員用唔好既語氣話要人齊先入得, 坦白講心裡一沉.....點解可以好地地講既一句說話要用D令人覺得嬲既語氣去講?好~一點朋友黎到, 開始有人排隊, 我坐係佢擺放於門前個張櫈店等, 點知佢話要企個邊排隊先得!個個時候我同朋友真係想問貴店門口張櫈擺係門口裝飾架???!排第一都唔坐得?!忍!! 有位入到去, 坐位比以前迫好多, 就拿拿聲ORDER。我要左秘制豬扒飯(肉燥汁)朋友要肉燥滷蛋飯食物黎到, 我見到我個塊豬扒真係好想快D走!!點解人地個D豬扒係有肉, 而我個塊豬扒全部都係透明既膏???????!朋友話算喇, 唔好食囉, 比左D肉燥我撈飯食。平心而論, 肉燥係幾好食既, 半肥瘦咁~ 但個塊豬扒根本連豬扒都不如, 好失望!綜合食物質素同服務質素都唔合格, 無下次。

黎得呢度真梗係食野，唔好諗主食裝修，唔好諗可以坐得舒舒服服食個飯，舖唔大，坐位唔多，但好多食，多人等，各位食客都好合作食完起身埋單比下一位等緊客人享用豬扒飯。。豬扒好大塊，好軟稔稔，外層好脆好香口，份量好足夠，還可以揀多飯，少飯，好貼心。

加路連山附近其實有唔少既特色店, 今日lunch獨自一個人黎到食呢度既豬扒飯 😊秘製豬扒有咖哩汁同肉燥汁2個可選, 今日試左佢個咖哩汁。秘製豬扒🐽(咖哩)飯 $54一上枱個氣勢已經嬴晒! 😍份量真係幾多 2塊豬扒🐽真係好厚肉 而且外層有輕輕以半煎炸方式處理, 迫左豬扒既油出黎雖然係咁但唔會令豬扒變干, 反而能夠鎖住原有既肉汁👍🏻外脆內軟, 食落多汁而且調味適宜好夠味😋😋😋👍🏻🍚飯係以珍珠飯做底, 軟熟而香口不得不提佢地個咖哩汁, 好香口, 配埋一齊食真係一流!👏🏻銅鑼灣Lunch食個飯閒閒地都幾十蚊-一百蚊, 呢度價錢合理之餘份量仲幾多, 食完真係好滿足!😋

左：滷肉飯（少飯）但份量都好多 滷肉嫩口 蛋都好入味 整體都好味既 賣相都唔錯下：炸雞翼外脆 好香 但肉完全唔入味 可以話係無味 完全唔推介上： 豬排飯 茄汁有少少酸 比想像中差 豬排都算ok $82黎講我覺得唔值整體黎講 食物就好普通 唔會再有下一次 食滷肉飯就寧願去阿元來了

一考完試就同朋友食餐好既鬆一鬆～自己寫紙落單比店員原來呢到每人最低消費$40嫁秘制豬扒($49)粗麵幼麵我都同樣試過只係口感有分別個人比較中意粗麵多d。。。麵條同樣都非常入味而粗面冇幼面禁入味～豬扒仲好香口同嫩算得上外脆內軟。。。又吾會太咸，岩岩好秘制肉燥汁食完仲好回味仲有兩條白菜仔中和返豬扒既油膩仲好青綠清脆tim ar仲要係有骨既豬扒我最中意嫁la

返工每日都要諗食咩好😂仲要唔係你想食就有得食，啲餐廳排到2046咁。所以我通常一點九先出去食，就唔洗排太耐。而今日本身想食榮式雞扒，但仲有人排，就去左隔離食呢間炊豕店！唔洗排之餘店內座位冇咁逼，會比較好坐😁加上店內裝修有啲舊式feel,感覺都不錯。呢到需要自己畫紙落單，食物種類不多秘製豬扒(肉燥汁）+撈幼麵💰HKD49食物由一個大碗載住，有公雞碗有花碗，感覺好懷舊。好大塊豬扒呢！仲要係啖啖肉！豬扒炸得外脆內軟，肉質一啲都唔靭，外層雖然唔係非常脆，但十分香口，而且唔油膩，好味！由於配左肉燥汁，所以喺豬扒下面有肉燥，半肥瘦，混合左撈麵嘅甜豉油，所以冇乜特別。而撈幼麵，由於有甜豉油，所以個麵一啲都唔乾好易入口，配上豬扒真係好好味！仲有一條菜😂應該係為左令碗野顏色好啲同健康啲掛？香滷牛𦟌撈粗麵💰HKD46朋友食呢個。呢一個嘅豉油比得唔多夠，食到最後有啲乾，麵質亦比較硬。朋友嘅個人喜好中意食啲濕啲嘅麵，所以佢覺得一般。牛𦟌相對普通、亦比較薄同少。如果正餐想食飽啲，豬扒會比呢個好。而跟餐加四蚊就可以有野飲。價錢黎講咁大碗麵，價錢唔算貴，豬扒真係好食同扺食。而加室內裝修都幾舒服、服務態度都幾好，確實

讀音：吹此店 (感謝店員提供資訊😂秘製豬扒飯配肉燥汁+炒滑蛋($49+10)：厚切大大塊冇骨豬扒，大啖大啖咬好爽啊！！！皮脆內軟，肉質既淋又多汁，超有口感👍😋 加埋即炒半熟滑蛋做中間人，將自己融入上面嘅豬扒同下面嘅肉燥珍珠飯😍 男士們記得tick多飯啊！跟餐飲品(+$4-5)Ps. 強烈油煙警告生效🚨無得輸👍：8.5/10

去南華會保齡前 總愛在附近買點東西吃 先有力打波架這間小店 最出色的係秘制豬扒⋯⋯哎呀要小妺自相殘殺唔理咁多 殺就殺啦 order 咗一個秘制豬扒配肉燥汁撈粗 Hkd 49 加Hkd 4 配飲品 因為外賣關係 一攞上手 感覺好重 應該幾大盒下 上到球場打開外賣盒 登登登登 塊豬扒超大塊 炸得外脆內軟 好香 放入口中 感覺柔軟 肉汁鮮味 有小小肥 一d都唔乾 正旁邊仲有幾條菜 感覺健康d粗麵還可以 加上佢特制嘅肉燥汁 唔太油 又唔太咸 甜甜地 好味下次要試下佢門囗介紹嘅煎蛋焗豬扒飯

下就1300去到..好在都唔係好多人....所以一去到就有位...入到去...其實都幾逼架....唔係話真係咁好坐..之後好在比我地搵到張2人位..唔係就要同人迫....之後就嗌野食..我嗌左個秘製豬扒【肉燥汁】太陽蛋飯我覺得完全係因為佢個肉燥 汁先會令到成個飯好味...因為其實佢豬扒 炸粉都幾厚...但豬扒份量幾多...勝在豬扒炸完出黎..都唔會話帶乾身~之後再嗌左個小食【炸魚蛋】呢個真係普通到無得再普遍~真係就咁炸魚蛋而已~質感介乎係【不爽,不硬】既位置~但一試無防.....

星期六和朋友相約在銅鑼灣午飯，正苦惱那裡有一些平令正的選擇，便在openrice 見到這間炊豕店。要五十蚊有找的一餐，在這個昂貴的地段，真的很難找到。小店的裝修簡約，很有台灣所說的古早味，碗用上了公雞的圖案，更添一份家的感覺。本人一向比較抗拒煎炸的食物，很怕那種油膩感。這塊尚算乾身，表面不算很脆，豬扒咬落去好淋，秘製的做法令豬扒好入味，入味得黎唔會太咸。骨的部份已剪開，方便客人食，好細心。大大塊的豬扒，加上附上的一大條菜，更添煮家飯的感覺。 菜唔會有苦味，因為通常出街食的菜都有少少苦，呢道的菜洗得好乾淨，同埋唔會煮過龍，仲係好翠綠。飯的份量好足夠，雖配有肉燥醬，但份量不算多，所以不太食得到。

是日放工，同老婆出街食飯，去左呢間食台式豬扒 叫左個豬軟骨撈粗同埋秘制豬扒撈粗豬軟骨撈粗：豬軟骨都算幾膠，唔錯，撈粗略微不夠味，要加少少辣油秘制豬扒撈粗：塊豬扒比較肥，但都算可以地方：有一陣油炸的味道

搬舖後還是第一次光顧，店內面積大了，坐位也較有距離一點，不像以往般排排坐。更設了開放式廚房及高枱坐位，可以一睹廚師的工作，但坐下不久發現店內油煙味有點重。食物方面，我選了「肉燥豬扒撈粗麵 $49」，加配一隻滷水雞蛋 ($7)。先說主角豬扒，賣相大塊又夠厚肉，沒有太多脂肪，肉質煙韌有嚼勁，不鞋口，外層鬆脆又不覺油膩。而粗麵有咬口，沒有鹼水味。只是肉燥味不太香濃突出，而滷水雞蛋也不算入味。男友則選了「咖哩豬扒白飯 $54」，貪咖哩汁可以拌飯入口，又能豐富整體味道。白飯份量足，男友都叫飽。而咖哩汁是典型港式咖哩味道，偏油了點。

在銅鑼灣比較寧靜的地段, 發現一間擁有懷舊特色的小店, 好奇心驅使下發現是賣台式食品的, (起初心想是港式懷舊小食), 點了招牌排骨飯, 滷蛋入味, 排骨(扒) 夠味而且不會乾柴, 咬口鬆化, 米飯用珍珠米, 而且肉燥亦十分香口, 充滿了台灣風味, 咖哩汁不辣(偏台日式), 價錢亦相當合理(可能做學生生意)

讀大學果陣已經成日都幫襯炊豕,因為豬扒大大件份量好足,醃得夠時間,好入味,可以配飯/粗麵/幼麵,仲附送1條小棠菜✌我份人好專一每次都係食豬扒肉燥汁配粗麵($53)加滷蛋(+$7)再加罐zero(+$4)😂豬扒炸完都吾會乾淨淨,不過有時d炸粉會超級厚,(無錯有段時間佢d炸粉係多到多過d豬扒😣😣😣!!!)肉燥汁雖少,不過肥瘦比例2:1,入口即溶(好邪惡呀!)同朋友share左客辣雞翼(+$18),無咩特別,雞翼炸得太柴皮,其實可以吾叫😂細鋪搬大鋪之後,座位數目無變,但闊絡左,客同客之間多返少少距離吾洗咁親蜜👍👍價錢就由比以前貴左10蚊度,不過依舊好有懷舊既氣氛,食客人數都無減少,條隊仲係咁長😂