炊豕店 (加路連山道) (已結業)

約咗人銅鑼灣打波，早到咗，見有時間，不如食個快飯。行下加路連山道同希雲街，見到茶仔都要45蚊一個晚餐。行過呢間，決定試下。呢間鋪仔細細，座位唔多。啲枱都full晒，所以我坐咗上吧枱。睇完點餐紙，諗緊食餐旦飯定炸豬扒飯，最後決定後者。由於鋪頭細細間，好快已經有人幫你落單。坐吧枱一路睇住佢炸豬扒，佢都冇停手。又堂食，又外賣，仲做埋網上外賣平台飯到，好香，即炸，豬扒夠大塊，成個碗咁大，炸得剛剛好，好味。下面既肉燥飯都好味。