炊豕店 (加路連山道) (已結業)

放工個肚餓到…決定同男友大吃一番！黎左呢間炊豕店，黎到估到咁多人排隊，出名平靚正既呢間店果然名不虛傳，好野就係多人食！ 當然要食佢個SIGNATURE啦（最貴果個！原來都只係＄78) 煎蛋焗豬扒飯 同大家記同大快記唔同，呢個…好食好好好好多！塊豬扒厚到不得之了，重點係豬扒塊皮係脆架，仲有隻就黎要流出既太陽煎蛋，極力推薦！ 再黎叫左豬軟骨＋煎蛋＋肉燥汁 豬軟骨整得好”林”，好易入口，夠哂入味，仲有食到好少有既蓮藕做配菜，5星推介！ 值得一提既係D肉燥汁，點解D肉燥可以咁大粒？我平時食果D都都冇咁大粒架喎！ 呢間店，貴精不貴多，雖然款式不多，不過齋做”豬”就夠啦！加油！

聽朋友介紹喺大坑有一間食炸豬扒好出名嘅餐廳，今日難得經過大坑，就決定去試下佢嘅炸豬扒點解咁出名😝餐廳內部唔算太大可以容納十幾個人度，我同朋友坐低之後叫咗一碗秘製咖哩炸豬扒撈幼麵，同埋酥炸鳳尾蝦一份。首先上檯嘅就係秘製咖哩炸豬扒撈幼麵， 佢嘅咖哩汁係另上嘅，足足有一個飯碗咁多，係張相到亦可以見到佢嘅炸豬扒非常之大塊。 事不宜遲，我夾起一塊炸豬扒咬落口試咗一啖，原來佢唔只係外觀好，內裏都唔差架！佢嘅表皮炸到脆卜卜，豬扒嘅肉汁亦都好豐富，唔會乾爭爭咁，肥膏唔多， 肉質唔韌😋 的而且確係我最近食到最好食嘅炸豬扒。咖哩汁唔會太辣仲好惹味，用嚟撈麵一流，可惜佢嘅幼麵吾夠我將成碗咖哩汁食曬😭酥炸鳳尾蝦，佢每一份有三隻每隻都唔細㗎， 佢炸得唔會太過油膩 咬落去蝦肉亦都好爽口，加埋啲沙律醬眨下眼就食曬啦😀總結，我發現我最近都成日去食啲好大件嘅嘢食，之前食完燒鰻魚今次又食炸豬扒😂

這條街一向有很多好野食，看見這家餐廳門口站著人龍，於是決定試試。一進門內便被這句說話吸引「我們都是食豬大的」，再加上掛牆的漫畫和中小學時代的座位，可見裝潢是用心設計的。只欣賞了一會店內裝修，第一道小食便上菜了。辣味海蜇，但完全沒有辣味的，當作普通的海蜇吃，味道還不錯。然後是店內的招牌：秘製豬扒(肉燥汁)，是挺大塊的，而且還有炸蒜附上。豬扒也是厚身的，一般厚切豬扒也較鞋，又或醃得太多變太淋，但這個豬扒是厚切當中較出色的，一點也不鞋，有正常豬扒的質感，食豬有豬味而且炸粉也不會太厚，吃下去還有脆脆的味道，近骨位的豬扒更好吃！這碗粗麵真的很豐富，除了炸蒜，還有肉燥粒，汁也夠多，使每條麵也能掛汁。粗麵是較硬身的那種，黏上炸蒜一起吃，回味無窮。整碗麵也是濃濃的味道但又不太咸，而且肉燥汁跟麵類也很配。然後，友人點了沖繩豬軟骨飯，加煎蛋和厚切午餐肉，飯是用上珍珠米，所以也會較飽肚。同樣也是配上肉燥汁和香蔥，如同吃著台式肉燥飯午餐肉厚切得驚人，接近有2cm厚。豬軟骨是淋身的，有軟骨可吃，但始終這裡的豬扒處理得更為出色。以這附近來說，這家店食品的性價比高，而且食物也具質素，所以才會人流不斷吧！

得到貴餐廳邀請既試食，可惜試食都唔一定要比好評，今日黎到有不少好評既炸豬扒店食豬扒飯，豬扒飯都叫可以既，可惜店員既服務差到極點，等候期間我唔係幾舒服合眼休息一陣，點知比人話吸污糟野，我恨啲絕對可以告貴餐廳誹謗，而家比個負評已經係小懲大戒，服務差到不得了！-Well. Hi. Yes. One day. Me (Monkey King), young mother and old auntie go to take west book. We are exactly in the hell. We come to a pork chop store to check check quality. We see a lot of 8 grandmothers everywhere around. Maybe they are the signature of this pork chop store. I suggest they can open a pop up store for this signature. Then, I walk in the store. I see a u

已經年幾兩年無去過台灣了，好掛住台灣既美食，聽朋友介紹銅鑼灣開了間特色台灣豬扒飯，價錢還算合理，不算太貴。地段係銅鑼灣，係一度旺中帶靜既地方開，可能因為平日關係，同我地都算早到，好彩剛剛好不用排隊。係外面都已經聞到好香既味度，推介豬扒面，咁我就試下秘製豬扒(肉燥汁)啦。。。豬扒外脆內軟，不錯不錯，飯撈埋肉操味食，好夠味，不過汁就不是太多，如果多點就更好，附有滷水蛋一隻，味道正常，一碗其實都有點吃不完，可能今天天氣太熱，胃口不夠好叫左款小食，炸芝麻雞翼，超級脆，不過感覺有點乾，面好多芝麻，係幾香既，份量就不多，兩件，$26大元。

今天和好朋友到銅鑼灣逛街，到晚飯時間時正在盤算該吃什麼。朋友忽然間醒起加路連山道有間很好吃的豬扒飯專門店，於是便帶我去見識見識原來這間豬扒飯專門店叫作<炊豕店>。從外面已經看到內裏有很多食客，幸好剛巧有一對情侶結帳，我們才可以順利進去吃豬扒已經過了八點，但店內依然座無虛設。令我更加期待豬扒飯的登場在點餐紙上剔好想吃的東西後便可以交給店員，接着便坐着等吃朋友已經不是第一次來光顧，所以毫不猶豫便點了肉燥汁豬扒飯傻的嗎！豬扒比我的手掌還要大！而且大大件的豬扒外表煎炸得很香脆，但卻沒有厚厚的粉漿，內裏的豬肉鮮嫩多汁，肉質脂肪比例很低，結實美味，雖然啖啖肉但感覺絕不油膩，絕對是一塊不可多得的好豬扒！而且豬扒之下還有美味的肉燥汁，不消一會兒朋友便把全碗飯吃光光而由於我不算很餓，所以只點了肉操滷蛋飯，還要少飯呢肉燥汁非常豐富，將每一口白飯都佔有美味濃郁的肉燥汁，而肉燥汁中的肉肉並非選用絞碎了的免治豬肉，而是選用了帶有一點點肥的腩肉再切成粒狀。記得媽媽以前教過我，外出吃飯最好不要選絞碎肉，因為不能確定肉的來源和品質。而<炊豕店>用了看得見的粒粒腩肉，令我很放心呢！腩肉煮

行完 Sogo 到了晚飯時間，但又唔太肚餓，醒起銅鑼灣有間食豬扒，又係開飯獲不少好評，就去試下啦！七點，店內坐了一半客人，每人最低消費要四十蚊，點了一碗豬扒肉燥汁撈粗麵，炸豬扒大大塊，炸粉唔厚又香脆，肉質鬆化，醃得入味，肉燥汁甜味同醬油味唔夠，麵質普通唔夠彈牙，有啲麵仲黐埋一齊！炸魚旦，水準普通，勝在即炸即食！鹵水雞翼，冇味冇道，只有淋上去啲麻油香味！加五蚊有罐檸檬+C，超夠凍，大熱天時飲品冰涼最無敵

今日打完波見到有間食臀肉嘅餐廳，而且門面幾靚所以就入咗去。雖然間餐廳唔係好大但係佢嘅開放式廚房令到成日差嘅空間感大左好多！之後入嚟我哋就叫左兩支果汁，你都唔錯跟住我朋友就要左個咖喱吉列豚肉飯，佢啲餐具好特別，好傳統。好有咖喱味，不過唔食得辣嘅就唔好order hahaha~而我自己就要左個肉操吉列豚肉飯加炒滑蛋。我炒滑蛋絕對係上乘作品，不過我覺得要加錢就唔係好抵🙈至於佢塊豬扒個脂肪同肉嘅比例做得好好而且炸完會好乾食落送飯一流！之後係重要左覺酥炸魷魚鬚，雖然味道係唔錯但係分量太少，以價錢來講絕對唔抵食😵

呢個肉燥豬扒飯唔係第一次食原本諗住7月1嚟食點知close咗😪所以今晚即興光臨相隔半年再嚟門口仍然排隊但又冇職員派飛職員懶懶行結果亂哂由早嚟變後面希望呢點有改善除咗服務之外食物貨素有改善感覺零舍不同✌🏻炸🐷扒比起以前好食冇咁硬易咬好多（不過。。。。。好奇怪！人地果碗有4塊，但我得3塊🙁) 肉燥汁又比以前多仲以為好似咁少，所以額外加汁大熱天時啲員工滴哂汗希望老闆會開大啲冷氣我。。。。食食下都滴汗😅

This was a very nice Taiwanese restaurant! The food was delicious and the price was just very reasonable. You wouldn't wanna miss such a good place for a taste of Taiwan food!Pork tender rib noodles with scrambled eggs.Luncheon meat and egg noodles. The luncheon meat was much thicker than we expected and it was very nice.We also tried the chicken wings in soya sauce, not bad.It was a very nice experience here and the food was just amazing!

梳乎蛋又搵到好嘢食，搵到家細細間的豬扒店，走台灣風味，香口大塊，見樣已經吸引。店內格局少少似快餐店，桌椅細細，如果滿座逼逼他，我哋夜晚到無問題，枱面有點心紙。我哋兩個人食咗四様嘢，先講肉燥汁豬扒飯，厚豬扒切成三件，炸得脆，𥚃面有肉汁，肉燥汁唔算多但好味。厚餐肉煎蛋配粗麵，未食過咁厚，一般都是薄切，原來口感咁好。麻辣炸魚蛋調得啱味，麻辣香得來不麻痺咀巴。仲有炸雞翼，皮脆唔乾，辣辣地。我們仲加$4及$6飲料。我覺得好底食

黎到銅鑼灣朋友話黎呢度試下上網見到d圖都覺得好吸引再加上價錢都尚算合理一黎到我哋大概等咗7至8分鐘先可以入座可能係銅鑼灣食野既水平黎講就真係幾抵既所以人都算多入到去一見到d椅子好有回到校院時既感覺即刻d中學回憶出翻黎講起點野食先要*記住一個人用一張order sheet*我同朋友點咗個大荳芽菜做小食鐘意食芽菜既朋友可以點呢個食因為幾好食幾惹味至於我自己就點咗個咖哩炸豬排粗麵另外就加多10蚊點咗個炒滑蛋鐘意食咖哩但係怕辣既朋友呢個咖哩就啱哂啦唔會話好辣反而仲有少少甜味帶到出黎個豬扒真係炸得好好食同埋豬扒真係幾滑咁多樣野拼埋一齊都真係幾夾一個字， 正

約了友人來銅鑼灣掃桿埔參加興趣班，由於時間尚早，決定先去附近吃點輕食打打底。本來屬意去禮頓道「丹麥餅店」買個招牌魚柳包吃，不過友人嫌無位坐，話有更好介紹，原來所說的就是這家位於加路連山道的「炊豕店」。這個提議也不錯喎，其實自從看過網上報導後，我也一直想找個機會來一試這家豬扒小店的出品。拉開趟門內進，店面很細小，只有廿餘個座位，而且椅桌擺放得密密麻麻，感覺有點逼狹。細看四周，紅磚牆、復古設計吊燈、學生椅，配埋牆上的兩大幅掛畫，裝潢懷舊得來又帶點工業風。拿起桌上的點餐紙，主菜共有 8 款，定價唔算貴，由 $48-$78 不等，全部以豬肉為主，可以揀配白飯、撈粗麵或撈幼麵。至於小食方面，以一間小店來說，其實花款亦唔算少，有炸芝麻雞翼、滷水雞翼、炸魚蛋、涼拌大豆芽、辣味海蜇、酥炸鳳尾蝦、椒鹽魷魚鬚等。既然店子以豬扒作招徠，咁就先點客秘製豬扒 ($52)  配撈粗麵和肉燥汁。豬扒非常大塊，幾乎將碗內的粗麵完全覆蓋，而且廚師很細心，上桌前已經將豬扒切成 4 件，方便客人分享。搶先挾起一塊試試，豬扒好厚，夠曬腍身，既鬆化又 Juicy，而且炸得好香口，啖啖肉。至於下面的肉燥，原來是用人手將五花腩切成

行完街嚟到呢頭醫肚，見到要等一陣心諗應該都幾好食先有人排就跟風排下，等大約15分鐘就有位。揀左秘製豬扒撈幻麵配咖哩汁，豬扒好大塊又好厚，炸得好香脆，又唔算好油！撈麵有d花生碎，溝埋咖哩汁食更正朋友叫左豬軟骨飯，肉好軟身亦唔會好咸，撈飯食一流！但份量就比豬扒細得多，都係推介豬扒！另外加左椒鹽魷魚，炸得耐左d所以都幾難咬，不過贏在夠惹味，如果送酒就正啦！我地仲叫左c+ lemon &柚子茶，都係各加4蚊，價格比算高

其實喺銅鑼灣都有不少小店值得一去，今日就發現咗呢間屬於台式餐廳的小店， 小型舒適得黎卻有一種台式地道嘅感覺 餐桌上會有點餐紙，每人寫返自己想食乜嘢。我就揀咗最出名嘅炸豬扒肉燥飯加煎蛋，佢既豬扒一啲都唔硬，趁熱食嘅話入口鬆軟， 豬扒睇落好厚，但食落唔會感覺到佢既厚度 ，只會感覺到佢嘅外脆內軟的鬆軟， 配上煎蛋同肉燥令到飯食起嚟冇咁dry, 我見到其他人有啲叫炒蛋豬扒飯，睇落炒蛋應該會畀煎蛋更加好食，推薦大家黎到可以嘗試下呢個招牌炸豬扒肉燥飯 加埋炒蛋就最好啦。 另外就係話梅豬手撈粗麵，面頭有啲好似係炸蒜蓉嘅配料，令到啲麵食落更加香口 粗麵都好彈牙，話梅豬手亦都好爽口，而且好入味，但係會比較重滷水味，唔太食到話梅嘅味道。呢度嘅菜式份量都好大碗，自己食一份嘅話都好足夠，而且用的係公雞碗同一些富有懷舊色彩的餐具，用餐時多了一份人情味。