炊豕店 (加路連山道) (已結業)

一直都好想試呢間台式餐廳既秘製豬扒，今日終於路過銅鑼灣既小街食到佢喇！！！由於係晚飯時間，餐廳門外都有唔少人排隊，排左大概15分鐘左右先入得。餐廳入面唔算大，環境同裝修偏向工業風同台式風味，不過唔緊要，好重要係食物既質素！叫左個涼拌大豆芽做小食，好香麻油同小小醋味，仲有豆卜碎係入面，非常開胃呀！同友人分別叫左個期間限定既黃金咸蛋燕麥豬扒飯，同埋咖哩汁秘製豬扒飯，野飲就係好普通既罐裝/包裝飲品，如果有埋台式飲品就好喇！塊豬扒皮炸得非常香脆，唔會食到成口粉，豬扒亦十分厚身，又唔會乾身，爆多肉汁呀！極力推介期間限定既燕麥豬扒呀！由於有咸蛋黃既關係，燕麥同豬扒呢個配搭唔會好乾，咸蛋黃亦有都好香濃既蛋黃味，成件事真係好match!

聽表妹介紹銅鑼灣嗰間炊豕店幾好食，🤔所以今日就去睇下。原來呢條小街都有幾間好似幾好食嘅嘢🤤，新發現～下次可以去試吓其他😇。 呢一間豬扒飯好受歡迎，七點半左右嚟到都己經排第三。但都唔係等左好耐，等緊嘅時候可以攞點餐紙點定嘢食。睇咗價錢又幾抵食😏。入面個環境都幾靚，係開放式廚房，睇到廚師點煮嘢食。叫咗個黃金鹹蛋燕麥豬扒飯，咖喱豬扒飯同椒鹽魷魚鬚。女仔可以叫小飯😝，因為佢呢到好大碗飯。叫小飯仲可以減一蚊！個鹹蛋燕麥豬扒飯好香鹹蛋味⭐️本身個豬扒層皮都炸得好脆🤤。面頭有啲鹹蛋黃仲有燕麥脆，多重嘅口感。豬扒好厚好juicy， 好味 👍🏼。由於有鹹蛋嘅關係送飯一流，所以食晒一碗飯不是夢。🙈至於咖喱豬扒飯👍🏼豬扒又係皮脆肉軟又juicy， 再加埋個咖喱汁，辣辣地。椒鹽魷魚鬚，正😍。呢碟野唔係周街搵到！太吸引，忍唔住叫咗一碟 🙈。好好味，新鮮滾熱辣，啱啱炸好。本身都好有味，如果想再多少少味可以點埋佢個醋。晚飯時間，可以食到咁好味，又大份，又唔貴，呢度性價比幾高🤔可以再戰👍🏼下次等我試埋其他小食同想試吓撈粗麵😝。

今日Happy Friday 又去食好西喇～！今次去咗位於銅鑼灣利園附近既炊豕店哩度係一間台式料理店，店舖既裝潢充滿懷舊台式情調。牆上有好多有趣嘅插畫，等上菜嘅時候～欣賞下就最適合喇！廚房係Open Kitchen～可以欣賞下廚師嘅手藝！⭐️黃金鹹蛋燕麥豬扒飯（$70）哩款絕對有驚喜！炸到黃金色好鬆脆既豬扒表面，仲加咗滿滿嘅燕麥同鹹蛋溶～呢個組合產生咗好勁嘅化學作用！因爲有燕麥同醬係上面，入口又脆又滑！加埋鹹蛋嘅鹹香～整體口感/味道更有層次！幾樣好似唔可相容嘅野，竟然咁出色咁同時出現到～而且豬扒厚得嚟，仲依然非常juicy!真係值得一讚⭐️秘製豬扒飯 - 肉燥汁（$59）豬扒同樣咁出色表面炸得非常香脆！但內裡仍然好juicy～ ！飯入面加左肉燥兩者一齊嚟送飯！真係好惹味！⭐️涼拌大豆芽（$18）咁熱嘅天氣，食返碟酸酸甜甜嘅涼拌小食，好醒胃！！！⭐️辣味海蜇（$18）海蜇爽口彈牙！好鐘意個汁調製得好好味！溫馨提示：每碗嘅飯量極多！建議女仕們/細食嘅朋友仔可以叫少飯呀！

今日我哋一家人相約表弟去銅鑼灣唱卡拉OK😃所以帶佢去一間台灣式的小食店⋯⋯嗰度主打豬扒同樣都係銅鑼灣非常方便！位於加路連山道11號地下！🐷炊豕店🐷成條街好似食街一樣！有好多小店林立！其實好容易知道呢間食店！當你遠遠咁看見一群人潮，就係呢間秘製豬扒撈粗麵（肉燥汁）$54豬扒超大件！覆蓋成個碗咁大！而且厚切！雖然又大件又厚！但係超鮮嫩多汁！外面炸得香脆可口！備有香口嘅炸香蒜！肉燥汁有少量嘅肉粒！肉粒拼肉燥汁非常惹味帶鹹香😋😋用嚟撈粗麵超正👍煎蛋焗豬扒飯$80焗豬扒飯好似一個小山丘咁！店員捧著已經香氣撲鼻！配以🍅新鮮番茄醬汁淋滿厚切嘅豬扒頂層仲有一隻煎香左隻雞蛋🥚仲有芝士🧀添！飯粒美味無比！辣味海蜇$18海蜇爽脆香口！唔好睇佢細細碟！以呢個價錢分量都係好多啦⋯⋯甜甜地辣辣地👍👍其實咁嘅價錢有咁嘅質素😏唔使講嘢啦👍👍👍

今日同個同事去加路連山道裝機，裝完機都差唔多三點，打算食埋 lunch 至返公司。同事話附近有間台式豬扒飯專門店，個避風塘豬扒好好味。 好彩過曬lunch時間，餐廳只有兩三個人排隊。間餐廳係舊日台式風格佈置，相當有味道。 同事睇完點餐紙有點不快，因為發覺避風塘豬扒原來係期間限定，已經完賣。不過新嘅期間限定，黃金鹹蛋燕麥豬扒都相當吸引，所以佢即時點左，跟撈粗麵。佢提意我試，肉燥汁秘製豬扒撈幼麵，不過我又想試埋咖哩豬扒，所以我另點左咖哩汁。涷飲選擇唔多，得汽水和維他奶，如果多d選擇會更好。黃金鹹蛋燕麥豬扒撈粗麵 - 燕麥豬扒分開上檯，豬扒炸到金黃色，肉質鮮嫩多汁，加上燕麥脆片，配埋鹹蛋黃醬，鹹香脆口，粗麵麵質爽口，非常美味。肉燥汁秘製豬扒撈幼麵，豬扒肥厚，厚切碎上，炸到酥脆金香，肉質多汁唔乾。 肉燥不錯，肥而不膩，連埋D肉燥汁撈麵食，味道香濃爽口彈牙。豬扒配加上咖哩汁，餸麵味道一流。呢一餐真係相當滿足。

因為今日好彩有個大LUNCH BREAK所以入左加路連山搵食睇中呢間同隔離間西餐廳但眼見呢間有人排緊隊仲要係星期6下午3:00仲要排隊所以我俾條隊吸引左我去排 我就冇其他食客咁叻排之前攞定點菜紙我係就到我嘅時候先攞紙睇我好快就叫左個限定嘅黃金咸蛋燕麥豬扒飯再加罐汽水 嘩大碗到一個點我個人認為可以2個女生SHARE一碗另外其實有得少飯嘅下次去食我就會叫少飯 塊炸豬扒好好味呀炸皮仲脆但唔油膩個咸蛋汁就剛剛好唔會太多燕麥嘅存在令成件事好似健康左咁啦飯就正常飯 我會為左塊豬扒再去食下次帶埋外子去食多次

今日趁著幫家姐去銅鑼灣交form, 走去試已經係我嘅「想去」list度排左好耐嘅人氣炸🐷扒飯炊豕店。我差唔多兩點先去到，但都要等位，可見佢嘅人氣有幾高啦。其實排緊隊嘅時候我已經望著門口個大餐牌諗好食乜架喇，所以一有位坐低，唔使一分鐘我就落左order😊。我今次點左期間限定嘅黃金鹹蛋燕麥豬扒少飯加芝麻炸雞翼😋😋😋。I know! 又係黃金鹹蛋吖嘛，真係冇辦法喎，最近真係成日遇到佢，我都唔想架😝。我因為較遲入座，所以飯就有排都未輪到我啦，但雞翼就好快上枱喇👍雞翼炸得好脆，面頭散左層類似七味粉嘅辣粉，都幾辣架，唔食得辣嘅可以走辣。芝麻比我想像中少，但其實味道已經足夠地香。第一啖咬落去覺得有啲乾，但明明裡面啲肉仲好juicy, 所以整體表現好好味。因為我一個人嚟食，所以坐左吧枱，可以望住佢新鮮滾熱辣咁炸啲豬扒😍。其間見到好多人點撈粗，個樣好似好吸引咁，雖然我唔愛麵食，不過都想下次嚟同家姐嚟試，佢極愛粗面呢！好喇，終於輪到我嘅豬扒登場喇！！！可能我諗多左啦，原來佢個黃金鹹蛋係淋上豬扒面上嘅，我之前仲諗佢點樣將咁大塊豬扒落鑊用鹹蛋醬炒添😅。豬扒好大塊好厚身，佢嘅炸法似日式豬扒，炸漿唔會太厚身或太硬

我今日專程為咗試佢嘅”期間限定黃金鹹蛋燕麥豬扒”而來，豬扒好大件分量十足。但同我想像不同，佢係將鹹蛋黃汁淋炸豬扒上而唔係好似黃金蝦（鹹蛋黃汁包住炸豬扒）。好處係豬扒比較香脆，但味道比較唔平均，有汁部份偏鹹。

今晩去了銅鑼灣一間很出名的台灣食店，因為出名的原因，所以排隊等候是必然的吧。等候了約半小時左右終於可以入座了，我看看餐牌後馬上點了👍👍👍人氣之選，番茄煎蛋焗豬扒飯，厚切豬扒味道濃厚，完全適合重口味人仕，焗飯軟硬也十分適中，完全係very good a😋然後再來一碗酥炸豬扒肉燥粗撈麵，炸豬扒內軟外脆，咬下去又不會感到太熱氣，肉燥的味道也調較得很好，完全有台式地道風味，至於粗麵也是十分彈牙，好味道。最後再點了一客鹵水雞翼，雞肉好柔軟，正👍店內環境和裝修基本上跟台灣的食店一樣，感覺也是很地道，冷氣很充足怪不得長期都是坐滿客人。而且店員的招待也是十分有禮貌，下單動作也是很迅速，上菜時間也很快，我肯定會再來幫襯😋😋😋

今日同朋友難得過海，試下呢間係openrice有好多好評既餐廳。夜晚七點幾，餐廳出面已經要排隊。等左約15分鐘就有得入，坐吧枱個邊。店員好細心咁話下面有個勾，可以掛袋唔洗食野時阻住。餐廳主要食豬扒，有唔同款式既豬扒。黃金鹹蛋燕麥豬扒撈粗麵有好多鹹蛋醬，再灑埋燕麥，邪惡之餘又健康返少少。個麵撈埋炸蒜，好有口感。秘製豬扒撈粗麵(肉燥汁)豬扒好脆好大塊，除左炸蒜，比黃金鹹蛋燕麥豬扒撈粗麵多左個肉燥。好多時撈粗都會過鹹，但呢個冇，配埋咁多料好好食。跟餐可以加蘋果汁。開放式廚房既好處就係可以睇住廚師煮野食，等食客可以放心。廚師有用手套，而且會分工好合拍。呢度就係有黃金鹹蛋同肉燥醬，仲見到好似好好味既豬軟骨。碗筷同汽水都一見睇晒。最搞笑係職員背後都寫住呢句"我們都是食豬大的"

銅鑼灣這一帶非常多餐廳，要想突圍而出真的不容易。遠處已看到唯獨有一間店鋪有一條長長的人龍，走近一看才知是這間炊豕店。店鋪小小位置不多，我們被安排到巴枱，面前就是一群廚師在忙錄準備食物。廚師們很忙啊原先想食的期間限定柚子豬扒已換上最近大熱的黃金鹹蛋，當然要點一個試試，另一個則試試原始的秘製豬扒(肉燥汁)。我跟老公比較想吃撈麵，所以選了撈粗麵，再點一個椒鹽魷魚鬚及蘋果汁。黃金鹹蛋燕麥豬扒撈粗麵這個期間限定的豬扒飯一上桌已經很昅睛，一大堆燕麥灑在上面。鹹蛋味跟豬扒原來也非常相襯，不會搶去主角豬扒的味道，又能提升整個味道層次。秘製豬扒撈粗麵(肉燥汁)豬扒大過塊臉，齊整地放在撈麵上。撈麵上還灑了一堆肉燥和炸蒜，要先搞一搞才吃更滋味。炸蒜令整個口感更佳，吃麵同時有脆脆的感覺。肉燥不會很肥，亦不鹹，一口麵吃得很豐富。椒鹽魷魚鬚炸得香口，吃前先點一下汁，能減低油膩感。很滿足的一餐，吃到很飽啊。

秘製豬扒飯(肉燥汁) ($54)🐷豬扒超厚切，咬落有肉汁，加上炸漿薄，一d都唔厚粉，不過食得多會有膩。佢個肉燥汁撈飯食一流，但係好少囉，如果可以落多d就perfect喇-秘製豬扒幼麵 (咖喱汁) ($58)真心咖哩好普通🍛，冇乜特別，可以唔洗試。麵質都彈牙，但係GM覺得配飯係最夾。-叉粒豆角蔥花炒滑蛋飯 ($50)有驚喜！😍 看似普通，但係就最好食！炒蛋超滑，好嫩，係有蛋汁，加埋甜甜地既叉燒粒同爽口既豆角，仲有白飯已經淋上豉油汁，應該係秘製，唔鹹帶甜，絕對可以撈10碗白飯。🤤-好味指數: 8/10推薦度: 7.5/10性價比: 7/10

銅鑼灣既 「 炊豕店 」，主打食豬，以食豬扒聞名！價錢親民，食物有水準，難怪成日座無虛席！今晚7 點半左右到，店外已經排滿人龍，盡管天氣炎熱，但美食當前，排隊也是值得的。食物方面以台灣風味為主，包括豬軟骨、話梅花雕豬手 （好想試 ， 下次一定要食）、豬扒飯 ，可加錢追加配料，如厚切午餐肉、炒滑蛋、滷水雞蛋等。我至愛 - 「 秘制豬扒撈粗，配肉燥汁 」豬扒厚切，外皮酥脆，醃得入味，肉質juicy，好腍好鬆化，一d 都唔靭！肉燥汁有大大粒肉，真材實料，加埋醬汁同煙靱既粗麵，正呀！香噴噴的 「 焗豬扒飯」，配料豐富，有太陽蛋、洋蔥、蕃茄、芝士。番茄汁濃郁，酸甜中帶點香辣，層次豐富！芝士多得可以拉絲，豬扒又係厚切，鬆軟好juicy , 好腍！珍珠米炒飯，香口唔乾身。

今日午餐完全唔知乜好，同事提議呢間我連名都唔識讀的餐廳，因為太攰，同事就叫我休息一陣，佢買返嚟比我食，點知攞到返公司我食時，塊豬扒仍然係脆的，味道亦很好，只是肉燥汁比較多肥肉，但這價錢的確沒得挑剔了! 😋(感謝同事仔的好介紹！🙇🏻‍♀️🙏🏻)

一嚟到鋪頭已經好有驚喜因為比條長長嘅人龍震懾一下。話時話啦好耐冇食過炸豬扒飯，平日星期二夜晚到八點，估唔到都仲有咁多人。但係都想試吓。等左15分鐘到都OK。鋪頭外邊已見到入邊裝修好懷舊好有風味自己幾鍾意。入到去仲見到啲好得意嘅詞句，好有玩味，鋪頭都係圍繞著住豬做主題好搞笑。今期勁流行嘅鹹蛋黃都係我嘅愛好之一，見到鋪頭竟然出咗期間限定真係諗都冇諗即刻叫！！朋友就食嗰炸豬扒飯咖喱汁。鹹蛋黃個個佢面頭配左燕麥同埋一啲鹹蛋脆片，覺得幾好食，因為佢嗰啲燕麥同鹹蛋脆片係帶甜甜地，夾返個鹹蛋豬扒一鹹一甜啱啱好。鹹蛋味唔係話好濃但係整體食落都幾香。至於咖哩，有d薯仔係到會多d口感。味道平均，而豬扒好香脆。我同朋友都覺得好大碗，好足料，我地都好飽。另外叫咗兩個小食。一個係辣味海蜇。一個係滷水雞翼海蜇味道酸味比辣味多，好爽口，如果再辣d會更好！雞翼軟硬度好適中，岩岩好，都入味。如果自認係豬或者係豬一般的隊友或者中意懷舊風既朋友不防一試