炊豕店 (加路連山道) (已結業)

這天剛剛和朋友去銅鑼灣逛街，剛巧經過這間豬扒店，見到幾多人排隊，就心思思想入去試吓，很有驚喜。這間鋪頭走懷舊香港路線，周圍的擺設或裝修都很有心思，值得細看。我同我朋友叫咗兩個飯同埋兩個小食。我叫咗咖喱豬扒飯，我朋友叫咗肉燥豬扒飯。如果比我選擇的話，我會選擇咖喱豬扒飯。當然，這間鋪頭的主角就是炸豬扒。豬扒好厚好大塊，唔會覺得好乾，近骨嘅地方仲會好香好多汁，食完都唔會覺得好滯，配埋啲咖喱汁，超乎下飯，簡直是絕配。我朋友的肉燥豬扒飯也很不錯，豬扒都是炸得很鬆脆，可口多汁，唯一要挑剔的地方就是肉燥比較甜，食下去會覺得比較滯。如果豬扒能夠配上酸酸地嘅汁，例如檸檬汁或醋，中和返豬扒的肥膩，這樣就完美了。另外我們亦叫了兩款小食，一個是炸雞翼一個是炸蝦，炸芝麻雞翼的確很出色，很香脆，雞翼上的芝麻也是錦上添花。炸蝦就不要了，外層的炸粉很厚，蝦亦沒有太多鮮味。總括而言,很滿意這一餐飯，豬扒果然是名不虛傳，經過銅鑼灣值得一試。

成日行過銅鑼灣都會見到炊豕店出面排左一條人龍，好想搵個機會試下，好彩今日早收工，居然星期五晚六點幾嚟到唔使排隊雖然鋪仔細細，但裝修得幾有懷舊情調，牆壁仲寫住「我們都是食豬大的」，呢句說話幾有玩味每位客人自己填一張餐單再交俾服務員，嚟到當然要試下招牌豬排飯啦！我就揀左期間限定嘅柚子蜜豬排飯，一上枱就見到塊巨型豬排，上面淋上柚子蜜，酸酸甜甜好適合夏天食，豬排炸得好鬆脆，值得一試我朋友就揀左另一款秘製豬排飯配肉燥汁，再加錢配滷水雞蛋，賣相幾吸引，豬排同樣整得外脆內軟，喜歡食豬嘅朋友一定要試下喇大家睇下豬排嘅側面好厚身㗎我地仲叫左兩款小食，第一樣係辣味海蜇，味道較濃，咸咸辣辣，海蜇口感好爽，食完一啖想再食另外仲有椒鹽魷魚鬚，魷魚鬚配上炸蒜幾惹味，再有一款醬汁可調味，醬汁帶點醋味又咸咸地，大家可自由點醬上菜都算快，埋單每人90蚊有找，以銅鑼灣嚟講算唔貴喇好彩我地早到，因為一路食一路見出面越來越多人排隊，可想而知呢間餐廳幾受歡迎，大家要食就早d去喇

炊豕店仲係舊舖個個位嘅時候，佢係我同老公多年前嘅拍拖飯堂。要係銅鑼灣寸金赤土嘅地方，屹立不倒甘耐，佢嘅食物質素當然係有番甘上快！同老公出嚟拍下拖，重遊舊地，來食番碗豬扒飯。我叫左期間限定嘅柚子蜜炸豬扒撈幼面。豬扒一如既往一樣，非常大份，堆到好似一座甘，上面淋左柚子蜜。炸豬扒嘅水平一直以嚟都維持到甘高嘅水平，外皮炸得非常香脆，豬扒嫩滑得嚟，又帶點爽口，一點都唔乾。柚子蜜甜甜酸酸，仲可以中和點油膩感，有意想不到嘅驚喜。幼面撈左汁，配埋炸蒜混合一齊食，非常之甘好食呀！老公話好肚餓，叫左肉燥炸豬扒飯之外，仲追加左午餐肉同炸滑蛋。豬扒當然一樣甘優秀，午餐肉係非常厚切，比平時其他地方厚三至四倍！炒蛋方面亦做得相當唔錯，香滑得嚟又有蛋汁，老公都俾個讚呀！肉燥汁亦都煮得唔錯，肉碎細細粒，味覺適中，老公話送飯一流呀！五十幾至六十幾蚊，食到如此優質嘅豬扒飯，簡直抵到爆登呀。

上網見人介紹呢間炊豕店，有讚冇彈，仲個個都影相影個豬扒飯好吸引！就決定今晚收工過去試！由於朋友喺附近返工，約佢7:30pm。我7點百德新街站落車慢慢行過去，行行吓朋友打俾我，話快d嚟因爲未人齊唔入得，隔5分鐘佢又打嚟問行到邊開始有人龍。頂明明冇遲到但真係去到已經出現長長人龍。排第一店員叫我地諗定食咩，睇張點菜紙樣樣都好吸引，但最後都係叫經典豬排肉燥飯同豬排咖哩飯。好快店員話入得問想坐bar檯定普通檯，我揀咗bar檯，可以睇到師父整嘢食。但係一坐就心諗大鑊，因為店裡面本來已經唔係好大冷氣，bar檯更加唔夠涼，好彩都勉強唔會出汗。但坐bar檯嘅好處就係更距離見到煮嘢食過程，見到店員將一塊塊豬排放入炸鍋，炸到脆卜卜，然後再切開，切時每一塊炸得香脆都聽到清脆嘅切聲，聽到已經好肚餓。等咗一陣，餸到了！咖哩飯先到，咖哩汁另外裝開，塊豬排有我塊面咁大，而且炸粉好薄，炸完都完美咁保留返豬排嘅原汁原味！豬排肉質鮮嫩，連埋炸粉食都唔覺油，超好食！咖哩汁微辣帶甜，越食越開胃。跟住到肉燥汁了，一開始塊豬排大塊到睇唔到肉燥，要攞開先睇到，肉燥用嘅係肥豬肉，啱曬我心水，肉燥汁甜甜地，又係好味到唔停到口之系列。絕對

成日聽人講南華會附近有間好好食嘅台式豬排店，今日去開打波，就去試下先！認住呢個三岔口！一路向住丹麥餅家衝過去就係！雖然我6點半到，門前已經有人排緊，平日夜晚都咁誇張好彩我係一個人，就輕鬆唔使等入咗lu~話到明必食豬排飯嘛，雖然我面前有個叉燒滑蛋飯好吸引，我最終都係揀咗豬排飯（肉躁汁），再加多隻滑蛋坐咗係吧枱前可以欣賞到一塊又一塊嘅豬排炸起，切落去咔喳咔喳聲，真係聽見都想即刻有碗豬排飯擺係我面前食我見店內不少人揀新出嘅柚子醬豬排飯下次有機會都試下先終於到啦！！！！！塊豬排係差唔多同個碗咁大仲要係特厚！配埋個滑蛋真係不得了個肉躁汁俾d豬排遮住咗添係充滿五花肉粒同豬油香嘅汁，撈飯一流！一啖滑蛋，一啖肉躁飯，正！咁豐富嘅晚餐先71蚊，銅鑼灣真係實屬少見！臨走都要影返

這天與女友在銅鑼灣逛逛街, 知道附近有一間豬排非常有名既餐廳, 就過左黎試下。正值晚餐時份, 一黎到見到有唔少人排緊隊, 雖然店比較細, 但亦好快有位。店裡面係走懷舊風格, 有唔少懷舊裝飾, 連櫈都係接櫈。叫野食既方式類似叫車仔麵咁, 一人一張紙自己劃, 中意食乜就叫乜。我同女友兩人叫左兩飯兩小食~首先是海蜇, 食落好彈牙, 又野味。做小食一流~~跟住上雞翼, 雞翼有d辣粉係面, 不過其實唔太辣, 唔食得辣都唔駛擔心~而我嗌既飯係肉燥豬排飯, 豬排超厚超大塊, 咬落好鬆脆, 撈d鹹鹹地既肉燥加啖飯, 一流而女友叫既就係柚子豬排飯加蛋, 我試左一啖, 好香同清新既柚子味, 估唔到兩者咁夾~完

次次經過都唔明白點解咁多人喺度排隊食豬扒飯於是今日的起心肝逼朋友陪我一齊排不過今日好好彩岩岩過左peak hour唔洗排就入得啦！原來有好多種唔同既豬扒飯，亦有叉燒炒蛋同餐肉蛋飯仲有好多種唔同飲品同小食，都算多元化我就叫左個柚子蜜豬扒飯鍾意食甜野既話一定要試下，雖然佢係柚子蜜做汁但食落唔會太甜送飯食都冇問題而且即使落晒汁個豬扒都仲好脆！抵讚朋友仔叫左個餐肉煎蛋飯本身心諗：下？好頹wor!點知黎到有驚喜！塊餐肉厚個手指公，咬落口感好厚實好正而且加埋大大碗飯，真係好抵食終於明白點解d人排隊都要食佢

之前有位成日周圍食好西既朋友講銅鑼灣炸豬扒，另一位朋友就咁又明講邊間架喎，講極都講唔出個名，尋日上網搵下搵下，原來係炊豕店，睇完個名，終於明點解講唔出名😂因為唔想等位，就選擇左今日下午兩點左右先去，真係好彩，唔使等位店內及職員的制服上都寫住：我們都是食豬扒大的。呢句話真係無錯今日試左個咖哩汁豬扒撈幼麵，好多炸蒜，汁另上，好濃郁的炸蒜味，再加厚切豬扒，每一口都好豐富咖哩淡淡的香，怕辣的朋友可以一試個炸蝦都係好好咪，第一啖鬆脆，之後每一啖都好嫩滑最後塊厚切午餐肉都係不得了，外脆内軟真係最貼切店內裝潢以懷舊爲主題好有特式食完之後見到朋友都話想試呢間，又推介左朋友試lu

Happy Friday和同事打算在附近覓食，銅鑼灣一向不乏選擇及有名食店，是次我便推薦來這家連名字都不會念的炊豕店。七點鐘到來已經出現人龍，每人也手拿一張點菜紙急不及待在選擇。菜式選擇不多，我想這就是貴精不貴多的道理吧。十餘分鐘後，侍應便給我們安排了吧枱位置。在吧枱能夠清楚看著廚師們有條不紊、動作神速地製作食物。我們都被廚師飛快俐落的手藝及食物份量之大所震懾不消一會，我們的晚餐便出現在我們眼前。我點的是秘製豬扒飯（咖喱汁），另外加了炒滑蛋。豬扒即叫即炸，上枱時還是十分熱的。皮不厚，而且極為酥脆，充滿肉汁。油份亦不多，即使吃完臉般大塊的炸豬扒亦不覺油膩至於滑蛋時間上控制得剛好，不會炒至過老，摻著咖喱和飯吃，是頗合適的配搭。另外，這裡少飯可以減一元，當天點了少飯也是非常足夠的份量，對胃口小的朋友來說是貼心的服務阿！*秘製豬扒飯（咖喱汁） $58 （加炒滑蛋 $10）*而同事則偏好麵食，因此試了秘製豬扒撈幼麵（肉燥汁）。這兒的肉燥清爽而不膩，麵中有炸蒜，口感超豐富，配合彈牙的幼麵可以說是絕配而主食都附上一條菜，大概是作一個平衡吧。*秘製豬扒撈幼麵（肉燥汁） $54*除了主食外，也嘗了兩款小

約左朋友去銅鑼灣行街，諗住食左飯先行，想食炸野就簡左呢間黎食，等位排左一陣，都好快到我地，坐低叫左個柚子豬扒配飯，招牌豬扒配撈麵，另外加左個芝麻雞翼走辣，柚子豬扒好吸引，而且加左柚子減輕左油膩感，好食，而且分量都多，啖啖肉，好食，有驚喜。反而招牌豬扒就遜色d啦，豬扒好多肥膏，而且撈麵太咸，豬扒本身都已經有味，令到成碗都好咸，下次如果再叫都係配飯好d,雞翼正常。味道不過不失，不過以近銅鑼灣黎講價錢算平，但有樣唔太好既係，可能因為開放廚房，冷氣又唔夠凍，食到大汗疊細汗，好似係露天咁，呢樣真係要改善。

係銅鑼灣返工聽同事講附近有間炸豬扒飯幾好食日日都排長龍勁多人今晚6點放工決定同友人去試試間小店叫炊豕店有九款主菜我同友人點了秘製肉燥汁豬扒一個飯一個撈粗麵呢個秘製肉燥汁豬扒撈粗麵超級重份量大大塊厚切炸豬扒熱辣辣好香脆豬扒肉質好鬆化軟淋淋啖啖肉👍🏻再配粒粒肉燥汁加撈粗麵幾好食友人點了秘製肉燥汁豬扒飯加左一隻煎蛋煎蛋蛋汁加上炸豬扒又有另一種風味小店另一特色就是選用雞公碗雞公碗真係好靚襯托出小店風味呢個我覺得超好食，食吾停真心推介如果鍾意食魷魚鬍食炊豕店必試椒鹽魷魚鬍超級香脆好食我們一行二人平均消費大約80蚊左右係銅鑼灣食一個大大碗好味既炸豬扒飯50蚊左右真係不錯選擇幸好我們一放工即去食臨走已經見到排晒長龍搵日再試下柚子蜜豬扒飯先

對這間人氣炊豕店已經聞名已久, 7點半左右到達, 人龍唔算好長, 等大約十五分鐘就可以進入餐廳.店內裝修時尚簡約, 雖然座位有點擠迫, 但明白銅鑼灣租金昂貴, 在所難免.炊豕店主打大眾化炸豬扒飯, 有九款可以選擇, 仲有少量小食同飲品.柚子蜜豬扒撈幼麵 $60柚子蜜豬扒係期間限定, 當然要試下!  賣相好吸引! 好大碗, 有好多件炸到金黃色豬扒, 而且沾滿柚子蜜!酥香的豬扒加上甜甜酸酸的柚子汁, 正好減少炸豬扒的油膩感覺, 醒胃清新!幼麵沾滿柚子汁同醬油, 非常好味呀! 幼麵同豬扒既份量都好多, 好扺食, 性價比超高! 十分推介!秘製咖哩汁豬扒飯 $54 豬扒炸到金黃色, 外脆內軟, 豬扒好厚身, 口感極之鬆脆又juicy! 超級正呀!再加上港式秘製咖哩汁, 好惹味! 白飯係珍珠米, 飯粒圓潤, 軟硬適中，加上秘製咖哩汁, 好好味! 超讚!炸芝麻雞翼 $26 雞翼即叫即炸, 熱辣辣! 炸得皮脆, 雞翼肉保持好多汁, 好嫩滑! 雞翼炸粉醬加上芝麻, 雞翼上再加上炸蒜同七味粉, 好香, 好惹味!炊豕店整體落單到送食物速度都好快, 食物好味, 價格相宜, 抵食! CP值超高! 下次會再黎食炸

今天一人前往這間以前幫襯過的炊豕店，之前去的是舊舖，現在已搬到新舖，坐位多了，食物種類也多了。今次被安排坐吧台位，看著各位廚師用心的製作食物，每一個步驟都分工仔細，連最後上菜的擺設都講究。大家看到我影的食物相也看出他們的用心。至於食物質素當然也不負眾望，豬扒肉汁豐富，脆卜卜，粗麵彈牙度剛剛好，柚子汁味也很出，食到有柚子皮，只是個炸蒜比較硬有點黐牙，大致上也很滿足。難怪店外常常排長龍。下次要試下話梅豬手先。

最近也有很多機會到銅鑼灣食飯 而這次也不例外到了加路連山道的炊豕屋享用晚餐 這餐廳吸引我的原因 是因爲得知巨大炸豬扒是餐廳的招牌菜 而價錢也偏向實惠 果不其然 這間餐廳的食物並沒有令我失望 先說說前菜 炸魚蛋 炸魚蛋配上炸蒜頭 這個配合也十分驚喜 正正成為了這餐晚餐的開胃菜 除了這款前 菜外 還有麻辣海捷和雞翼 兩者也令我相當滿意 而去到主菜 我點了期間限定的柚子蜜炸豬扒飯 完全能夠明白它並不是常駐在餐牌的原因 首先 從賣相而言 這碗柚子蜜炸豬扒飯真的令人食欲大增 加上由店舖特製的柚子蜜汁 配上外脆內軟的炸豬扒 不論是口感 味道上也比想象上更滿意 而且份量也很足夠 我想就是因為這些原因 令不少人專誠到這裏排隊 就算需要等2個小時 他們也願意去等侯 没有中途離開的意欲

前幾晚同同事係南華會打完golf就到咗炊豕店食飯......雖然已經8點幾，但店入面都坐滿九成人。我果晚就點左個秘製豬扒食配肉燥汁。豬扒的份量超大份，堆滿成碗飯。食落口亦超鬆脆，拍得住係日本食到嘅豬扒。另外，碗飯裏面亦有香濃的肉燥汁，愈食愈開胃。咁好味嘅豬扒都係賣五十四蚊....正