炊豕店 (加路連山道) (已結業)

今次去左一間連店名都唔識讀的—炊豕店話說呢間店，之前都有朋友介紹過，話一到飯點時間門外就大排長龍，坐無虛席，主要係食豬排飯，今次我都唔執輸，拉埋女朋友去食，去嘗一嘗呢碗豬排飯的滋味7點幾去到，岩岩好有2個位置，唔洗等，直接入左去坐底，一坐底，見到周圍充滿懷舊氣氛，旁邊仲有一幅紅磚牆，幾有舊時食大碗飯的味道坐底緊係拿拿杯睇餐牌，我隻肥豬都開始叫肚餓，見到旁邊枱的大大塊豬排，真係閃爆我隻豬眼最後就叫左咖哩炸豬排粗麵、芝麻雞翼、椒鹽魷魚、可樂同麥精。唔使10分鐘，野食到首先黎左係芝麻雞翼，炸得好脆身，外層灑左七味粉，好惹味，一啖咬落去，好香脆，有小小肉汁湧出黎，好正 主角出黎啦 咖哩豬排粗麵，估唔到d豬排咁粗咁大塊，一碗大大塊放係麵上，咖哩係另上的，第一下咬落去真係我係香港食過最好食既炸豬排之一，好香好多肉汁好甜，係愈咬愈有味，同薄薄既外皮一齊咬，一軟一硬，真係無得輸 連埋d咖哩粗麵，配搭一流，終於明白我之前食個d豬排同呢個相差幾袁食完呢碗，大開我隻豬眼仲有個椒鹽魷魚，本身我都好鐘意食椒鹽魷魚，佢碟起碼有7-8粒魷魚，粒粒都好大粒，魷魚同椒鹽個味好夾，旁邊仲有一個醬油，沾左之後係更香，魷魚裹

以前係附近番學已經留意到呢間人氣炸豬排店，因為每次都一定排長龍。今日早收工終於可以去試下，大概六點多到達，人龍唔算太長，但都要等十至十五分鐘。一入店舖，其實一眼睇晒。雖然座位唔算太多，但都算有空間感，坐得舒服。店舖既裝潢算時尚精緻，最有趣既係店舖牆上寫的：［我們都是食豬大的]炊豕店提供食物款式唔算特別多，大多數以豬扒為止，當然仲有好多特式小食如芝麻雞翼,酥炸鳯尾蝦等等。🔍期間限定黃金咸蛋燕麥豬扒飯 $65星珈玻出名既咸蛋魚片就食得多，咸蛋豬扒飯都應該係第一次聽。完全無諗過燕麥同咸蛋豬扒係出奇地夾。本身豬扒已經炸得金黃色，十分之脆口，再加埋燕麥，好有口感同層次啊！如果下次再黎，一定會再食，必叫。🔍秘製肉燥汁豬扒飯 $54 +滷水蛋 $7話明秘製，緊係要試試佢。肉燥汁都算多，唔會食食下得番啲飯，真係送飯一流，又惹味。呢個肉燥汁豬扒肉質一樣鮮嫩，肉汁非常多，塊豬扒大到食完個飯都未食晒個豬扒。說實話，分分鐘好味過正宗的台灣肉燥飯。🔍炸芝麻雞翼 $26炸芝麻雞翼可以話係我最愛既小食。呢個芝麻雞翼有啲特別，因為佢上面加左小小七味粉，雖然我唔太食得辣，但都可以接受。炸芝麻雞

聽朋友介紹銅鑼灣有間炸豬扒嘅小店好好食 今日就去咗試吓 都算幾容易搵😛間舖頭外面係用黑色做主色 幾有格調😎 店員都幾有性格 出面有欄杆俾人排隊 我諗應該都幾多人食 不過可能我地太早 五點鐘就食飯😂我地叫咗兩個飯加一個小食 當然要試吓呢度嘅招牌菜 秘製豬扒飯配肉燥汁 我地仲特意加左塊厚切午餐肉 成個飯俾啲餸遮住晒🙊 豬扒好大塊 豬扒炸得嚟唔會好乾身 好多肉汁 外層炸粉又唔會太厚 而午餐肉真係勁厚切 好有驚喜 下次都會想黎食呢塊餐肉😻 肉燥又肥瘦得宜 食完成個飯好滿足仲有另一個飯係沖繩豬軟骨飯 豬軟骨好林 又好入味 配菜嘅蘿蔔同蓮藕都整得好入味 啲汁都幾好餸飯👍🏻而小食我地就嗌咗個椒鹽魷魚鬚🦑 呢碟小食都幾惹味 配埋伴碟嘅醋 可以將食物帶到另一個層次😛呢間野嘅豬扒真係好好食 好有驚喜 下次嚟一定再叫豬扒飯同厚切午餐肉🐷🐷

由於是小店，平日晚飯時間都要排隊，但好食的話，香港人一般都不人介意排隊。點了咖哩豬排飯，香蒜滑蛋炸豬排飯。兩款各有特色，價錢合理，份量多。兩個女生食得好飽。豬排炸得香脆可口，不會過於油膩，送飯一流。豬排肥瘦各半，要減肥的朋友要留意卡路里～但好食的話，間中放肆也無防。咖哩汁不過辣，是平日日本咖哩那種甜香。淋上少許咖哩汁於脆口的蒜頭及炸豬排，口感一流，又開胃。除了主食外，也點了炸魷魚及海哲。很喜歡海哲爽口微辣的味道🤤🤤🤤我和朋友都搶著食呢。炸魷魚與炸豬排相映成趣，魷魚彈牙而豬排外脆內軟。食炸物很邪惡，記住來食之前保留quota！

同女朋友係銅鑼灣行行下見到間出名食豬排，女朋友見到個好特別的燕麥豬排就話想入去試！我地就叫左個焗豬排煎蛋飯同埋蛋黃燕麥豬排飯、同埋一個炸芝麻雞翼個芝麻雞翼係超級好食，D芝麻係同隻雞翼一齊炸而唔係就咁"審"，好香芝麻，個雞皮好脆，但係D肉又好嫩好juicy，又大大隻，一人一隻幾滿足蛋黃燕麥豬排鋪滿好多燕麥，上面又有金黃色既蛋黃，好香口，D豬排十分之軟熟同淋，但係絕對唔似出面會"那"過既豬排，而且唔會好多炸粉，豬排既份量係好多好足料！D蛋黃燕麥豬排撈埋D白飯食已經好食到停唔到！個飯少D豉油就無咁膩！我個豬排飯真係值$80。首先個蛋煎得好靚，D邊好脆，而且係流汁既蛋！豬排就同頭先個個一樣咁好食，不過依個就加埋D好惹味既蕃茄汁同芝士就更加好味！個份量好大，差D食唔晒咁正既豬排飯！埋單170到 唔洗加一 食得好滿足！

其實我一向都唔係幾中意食炸野，不過朋友想食就同佢試下。因為e間野唔係係馬路邊果d鋪，唔算當眼，我地都搵左一陣，8點去到已經排長隊，大家可以係排隊時落定單，豬排飯係佢的推介 肉澡汁豬排飯，豬排十份有份量，同塊面差唔多大隻手放旁邊都feel到熱辣辣，仲好香。咬落去脆卜卜，豬排唔會好韌，不過炸粉有點厚，再薄少少口感會更佳。我地仲加左滷水蛋，佢唔會好鹹。米飯係用珍珠米，比平時的飯香，有咬口。小食叫左涼拌大豆芽，酸酸的又凍，做開胃菜一流大豆芽咬落好爽口仲有滷水雞翼同炸蝦炸蝦好大條，又係即叫即炸，熱辣辣脆卜卜。旁邊的沙律醬可以點少少增加炸蝦的味道。不要太多，否則會搶走炸蝦的味道滷水雞翼，唔知係咪放左一陣先食，咬落有少少韌，不過雞皮好薄脂肪少，肉多

"我們都是食豬大的"店內slogan好搞笑🐖秘製豬扒飯 （咖喱汁）❣️🐷🍛用雞公碗裝，超大碗的，秘製豬扒亦超大塊（隔離枱的大到直情見唔到啲飯🙈）豬扒炸得超脆身但又keep到好juicy，細心地咖喱汁係分開上的，啲飯比平時硬啲啲，加埋好香濃既咖喱汁就岩岩好，師傅係咖喱汁上加左少少辣油，好惹味，不吃辣的小妹都接受到呢。店內仲有其他台式野食，不過每個客人都係點豬扒的喔。飯仲可以轉撈麵呢。有機會要試埋啲小食先得！HKD58

其實e間算係係銅鑼灣d小巷，所以唔多起身，唔係有朋友話我知我都唔知有e間野。我8點去到已經排緊隊，鋪頭幾別緻。我叫左滷肉汁豬排飯。因為入到去見個個都食緊豬排飯，同埋佢話豬排係必食，所以就叫左。豬排超大塊，應該同我塊面差唔多，熱辣辣，咬落去脆卜卜，但炸粉略厚，薄少少口感會更佳，肥肉我覺得多左少少。不過滷肉汁好夠味，但唔會太鹹，份量亦剛好，唔會多到見唔到白飯，只要尼到的時候撈一撈d飯就ok。整體上都唔錯

呢間小店係天后既一條小巷店鋪唔大有時都仲係要排下隊架不過為左食好野係要付出下既😂#期間限定 黃金咸蛋燕麥豬扒飯 $65又係咸蛋黃既餸菜😂好香好濃蛋黃味 略嫌咸味有少少分佈得唔多平均🤔呢到特別在加左燕麥 食起上黎無咁咸之餘仲健康啲架(心理上🤭)不過炸粉有少少厚 小妹都咬走左唔少🙈加左厚午餐肉 $10見到有得加午餐肉真係受唔住誘惑而且真係好 大 塊 😳 以佢既size黎講$10都可以接受既加左炸粉外面炸得金香 裡面仲係軟棉棉架👍🏻

老實講 吾係朋友仔帶我黎食完全吾知有呢間好西晚市8點到門外人龍人山人海為左食好野只好乖乖排隊 大概半個鐘後就入座鋪頭面積吾算大 裝潢有種復古感覺最令黑洞印象深既係員工制服上既一句:我們都是吃豬大的由於排隊時己畫定食咩 一坐低就可以落單黑洞揀左期間限定:黃金咸蛋燕豬扒飯豬扒份量勁多 面頭有極濃咸蛋醬再加上甜甜地炸過既燕麥碎一咸一甜 又出奇地夾同惹味黑洞特別中意炸燕脆卜卜好似食緊薯片豬扒肉汁豐富 肉質冧滑忍吾住所有炸皮都食晒至於朋友仔食話梅花雕豬手飯再加隻煎蛋同厚餐肉 實行肥到盡豬手有淡淡花雕香 軟骨豐富骨膠原岩晒補身黑洞大推餐肉 佢係半煎炸形式特別邪惡好食細食既話可以叫少飯 仲可以平$1目測現煬好多人飲品都叫可樂黑洞認為蘋果汁都好正 不過細支D易飲晒

之前問朋友銅鑼灣有咩又抵又好食既餐廳，朋友推薦左炊豕店，親今次係銅鑼灣附近番工，決定收工黎試下有冇講到咁好食。我地係晚餐時間7:30到達，出邊大約有15個人排緊隊，等左大約15分鐘就有得入，今次試咗期間限定嘅黃金鹹蛋燕麥豬扒飯、沖繩豬軟骨飯同炸芝麻雞翼。黃金鹹蛋燕麥豬扒飯（$65）見係期間限定就試一試佢，冇諗過黃金鹹蛋+燕麥+豬扒意外地好食。豬扒厚度適中，唔會好鞋，櫻桃小嘴嘅女士都放到入口 。份量唔細，一男一女叫左少飯都夠飽。沖繩豬軟骨飯（$56）豬軟骨飯既汁送飯一流，入邊既蘿蔔同蓮藕炆得好入味，蘿蔔好淋身而蓮藕好爽脆，帶出強烈嘅對比感。芝麻雞翼（$26）雞翼外脆內嫩，但怕熱嘅朋友食果時就要小心啦，因為啱啱炸好既關係會比較熱，有機會辣親咀仔。跟餐可以加5蚊有飲品，叫左熱柚子蜜同可樂，豬扒+可樂簡直係perfect match。

係銅鑼灣行開街又夠鐘食晚飯，行經見到呢間舖排隊排到出尖沙咀咁濟，決定一試！炊豚店，故名思義就係食豚肉啦，呢間店專食炸豬扒，自家研製唔同口味。出面望以為細細間，點知入到去十分別緻，雖說座無虛席，但都尚算備有足夠既空間感。我叫左份期間限定既黃金鹹蛋燕麥豬扒飯，哇份豬扒大份過我塊面唔係講笑，配上獨特既鹹蛋汁同燕麥，食落雙重口感，外面脆卜卜，有甘甜咸香，同燕麥脆皮，加上內裡　肉質鮮嫩，無得彈呀！仲好有心思用上香港人唔會陌生既公雞碗，別具一番風味。

今日走左黎呢間炊豕店試下佢既出品，佢都開盅名義話到明比大家聽係食豬既，食炸豬扒。佢開係利苑隔離既加路連山路，其實唔難搵，呢頭附近都開左好多間定食類既小店，算係一個小型既搵食天堂！黎到係要排隊既！無得訂枱！好彩我地早到，排兩三個就入得，舖頭廚房係半開放式既設計，不過唔算嘈亦無乜油煙，反而有少少情調！今次我叫左個秘製豬扒飯，加厚餐肉同煎蛋，剩係賣相都已經嚇死me，因為我鐘意食餐肉，舊厚切餐肉絕對係呢碗野既精華，熱到辣咀，一啖咬落去，個種半稔又香既感覺真係好爽皮，窿邊既煎蛋亦相當不錯至於個主角，舊豬扒好大塊，平時食炸豬扒最驚就成口粉，好在佢炸粉既份量掌握得不錯，唔多唔少岩岩好，另外食得出塊扒都唔係一般既急凍豬，唔係太多醃料，肥瘦適中，成碗飯唯一美中不中既係飯量，咁多肉，加埋成篤肉燥，偏偏就係唔夠飯，有少少漏。但如果係女仔食我諗應該有剩，haha

朋友在銅鑼灣上班，佢強烈推介在灣仔工作嘅我去試呢間人氣食肆。今日忙咗一個上午，成個人好似被抽乾咗咁，晏晝真係要食番餐好嘅。餐廳離公司10分鐘距離左右，聽聞要排隊，所以我提前12點9出發，去到1點左右，食飯時間剛開始已經有幾個人排隊，等咗5分鐘左右就有位喇。餐廳唔算大，但坐位唔算迫。先睇點餐紙，有豬手，有台式肉躁飯，但餐廳主打係炸豬扒就當然要試下啦。我叫咗期間限定咸蛋黃燕麥炸豬排，再加滑蛋。豬扒係另上，好大嘅一塊差唔多同個碟咁大😮，豬扒好厚，炸粉薄，好有肉汁，沾上沙沙嘅咸蛋黃醬同燕麥，其中仲有少少甜麥片，再夾埋脆脆口感加上甘香真係可以食晒成大碗飯㗎😋😋另外加嘅滑蛋，煎得啱啱好，唔知係咪加咗奶，真係好滑好多蛋汁，又係送飯一流！總括嚟講係值得排隊嘅！我已經諗定下次要食話梅豬手喇😂😂😂👍

今晚吃炸豬排，晚上7點多已經要排隊等候，等候了接近15分鐘才可以入座。餐廳每位最低消費$40，有炸豬排、肉燥飯等選擇，可配白飯或麵，此外還有小食如雞翼、魚蛋、豆芽等。⭐️肉燥滷蛋飯$50有肉燥和蛋，簡簡單單，肉燥很軟很滑，入口令人滿足，只是欠缺了點香味。⭐️辣味海蜇$18辣辣的很爽口呢！⭐️秘製豬扒$54豬排炸得香脆，大大件，入口卜卜脆，豬排薄薄一片很鬆化，麵衣很薄，配肉燥汁和脆末鹹香可口，令人忍不住一口接一口地吃呢！粗麵取締白飯，口感Q彈！⭐️滷水雞翼$20滷水雞翼也很入味，不過雞肉嫌不夠嫩滑。⭐️熱蜂蜜柚子$5蜂蜜柚子只需要$5一杯，實在很便宜呢！⭐️橙汁跟餐只要$7，價錢很親民！