炊豕店 (加路連山道) (已結業)

若以區議會或小學學校網計, 銅鑼灣和灣仔是屬於同一區!!而區內以食豬排而聞名的小店最少有2間!!灣仔有新景園, 銅記有炊豕店!!!炊豕店位於銅鑼灣一不起眼的位置!! 小店空間不太, 而食物價錢不貴,一碗飯約50至70元左右!!在區內算是比較平宜近人!!至於食物方面, 食物屬台灣食店風味!!肉燥豬排飯的肉燥帶甜品, 內有燒肉粒為肉碎!而豬排厚度十足, 煮出來比較腍身, 比較好咬口, 味道頗佳, 好好食!!另外, 豬手麵都同樣出色, 豬手煮得夠腍, 亦很入味, 很容易入口, 好食!!難怪平地的晚上都要等位!

想在銅鑼灣食一餐豐富的晚餐並不便宜，於是選擇了在銅鑼灣附近的一間台灣風味的長人龍店試下，當日六點鐘去到並沒有人排隊，可能時間尚早，但當我們7:00走的時候已經有人排隊了，如果大家想幫襯呢一間小店記得係要提早一點了！當日我們叫了炸魷魚的小食，炸得有啲乾，不太juicy，但係味道尚算可以，他們做的醬計很開胃，酸酸甜甜去了不少的油膩感。主角出場了，我們order了咖喱汁炸豬扒飯，咖哩汁很大碗，跟了薯仔，$58 ，另外我亦都叫了炸豬扒飯配滷肉汁，我改咗粗面，本身已經加咗醬油，已經味道十足了！但係我好值得一讚嘅就係佢哋嘅醬汁真係做得好好，粗面又滾得剛剛好，質地勁彈啊，🤗🤗🤗！最重要係呢度啲豬扒炸得非常之好味，新鮮熱辣，肉質鮮嫩，十分juicy 😜😜😜，不像外面的炸雞扒食落去非常熱氣，這裏是高質素之作品，怪不得得經常有咁多人排隊食啦！🤭🤭🤭

夜晚相約朋友一起到銅鑼灣吃晚飯，可以順便嘗一下地區人氣食堂 炊豕店炊豕店位於Lee Garden的旁邊，從地鐵站走過去只需大概4分鐘，非常方便我們一行二人大概7:45到達餐廳門口，看到炊豕店的大招牌，旁邊還寫著 我們都是吃豬大 的字句，份外幽默到達餐廳時，門外大概有8到9人正在排隊，可見餐廳熱門程度十分高我們大概等待了15分鐘便可進入餐廳，十分有效率這間餐廳沒有餐牌，點菜需要寫在點餐紙上(一人一張)在等待食物的其間，因為餐廳採用開放式廚房，我們都能看見餐廳內的廚師或學徒不停地製作食品他們態度一絲不苟，值得一讚首先來的是黃金鹹蛋燕麥豬排飯(少飯)飯淋了一些甜豉油和配有一根小棠菜米飯軟硬度適中這個豬扒上菜時親眼看到是剛炸起來的，所以非常鬆軟又香口炸粉槳不分過多所以外皮酥脆配合一些燕麥令豬扒吃上來不會感到油膩，加上一些鹹蛋碎片十分香口。另外，我還加了5蚊要一杯熱柚子蜜，十分解渴清甜朋友點了一個豬軟骨飯配肉躁汁上菜時被它的份量嚇呆米飯十分多，朋友還興幸加配一個肉躁汁肉躁汁的肉粒份量十足，吃下去有台灣肉躁的味道，伴飯一流豬軟骨煮得十分腍滑，入口即化，脂肪和軟骨比例適宜，還十分入味旁邊的蘿蔔沒有渣

這間炊豕店開左好耐，人氣一直好高，之前唔係因為太多人 就剛巧未開門，已經想食好耐，今日難得得閒，喺銅鑼灣特登行過黎，可能因為5點，唔使排隊，即刻有位。入到店內坐低已見每位客人都是清一色叫炸豬扒飯，但其實餐牌仲有好多其它食物想食。我好鐘意有圖片既餐牌，即刻節省好多時間，唔使齋睇文字，而且可以知道大約份量。店內座位不多，我想大約有30個座位，我覺得最特別係有十大武器之首，出面而家好難買到。廚房使用開放式廚房，睇落去都好乾淨，食得放心。等左大約十分鐘上檯，豬扒大過我塊面，香噴噴，如果是一個女仔食應該食唔晒，豬扒外脆內軟，還用上珍珠米，此價錢非常底食，，好食到震。我朋友之前食過炸豬扒，所以今次試下叉粒豆角蔥粒炒蛋飯，蛋顏色看上來應該不是日本蛋，但都非常滑，不過略微多了汁，但都OK。椒鹽魷魚鬚 份量少了一點，但炸既方法有別於外面食的，都值80分。每隻碗都好靚，好有古時風味。埋單$147 ， 飽到十點都唔覺餓。總結：炸豬扒認真出色，如果有炸雞扒我都會試，希望店主睇到，下次有得食，加油！💪🏻

聽朋友力推呢間炊豕店，於是今日行完街就過黎試下～夜晚大約7點去到，店入面坐滿曬人，我地就係出面等入座，好彩行得快，後面即刻跟著有7、8個人排隊，果然係人氣店台上面有點餐紙，每人用一張，寫完之後比waiter就得！好方便又有效率👍🏻我叫左呢個招牌秘制豬扒飯，我揀左肉燥汁！豬扒係超級大塊！！有d嚇親！豬扒炸得夠脆，好好食！最驚喜係個滷肉飯，滷肉係清晰見到肥瘦相間，但一d都唔覺得肥膩，只會令人想一食再食！因為我地坐係bar台，廚房係開放式廚房，整嘢食過程同衛生情況一覽無遺～所以睇住佢真係即叫即炸即切廚房都好乾淨，食得好放心！我朋友都係叫左秘制豬扒（肉燥汁）但就講飯底轉左粗麵底，本身我覺得滷肉一定係配白飯最好食，而且我平時都唔鍾意係粗麵，但食完佢個粗麵之後顛覆我對粗麵既諗法，居然好好食！！呢碟魷魚酥個皮炸得好脆，幾好食～跟餐加嘢飲7/5蚊，本身以為係佢自己水吧整出來加冰既嘢飲，但佢竟然係比支裝！總的來說，覺得呢間鋪頭雖然店鋪細細，但實在係良心小店，價錢唔貴但又好味而且份量多，真材實料～我地食完就即刻走啦因為外面都係好多人排隊呀( ･᷄ὢ･᷅ )...我會再黎食架啦

想試呢間好耐架喇！豬扒果然係名不虛傳！我地8點到達，排咗大約20分鐘，終於有得食！餐廳佈置好有特色，好有台灣風味，感覺簡約、時尚。座位就有少少迫。價錢好合理！我呢個唔食葱的人，見到有得正葱，覺得好貼心！仲有得揀飯的分量、加配料、加汁。<柚子蜜豬扒飯> (期間限定)豬扒堆得非常滿呀！豬扒炸得好鬆脆，肉質保持到Juicy，係外脆內軟！柚子蜜減少油膩感，推介呀！！！<叉粒豆角葱花炒滑蛋撈粗麵>蛋炒得好出色！好滑好香口！撈飯一流！配叉粒同豆角好正！粗麵沾滿醬汁，好食！<麻辣炸魚蛋>魚蛋好彈牙！食落感覺到佢係用咗好多好多魚肉黎整，好足料！！配炸蒜正呀！總括黎講，豬扒超好食！呢個價錢超抵！如果唔想排隊，記得要避開peak hour。

我絕對係炊豕店嘅常客，因為每次嚟都無令我失望。上次寫咗篇關於限時菜式嘅避風塘豬扒飯。今次要介紹佢嘅招牌菜比大家！（人´∀`*）由於餐廳嘅面積比較細啦，所以我地七點鐘食都喺門口排咗一陣隊，但其間可以望住個大餐牌，諗下食啲乜！每碟嘅豬扒飯價錢大概$50~$60! 但份量同質素絕對令人滿意啊^_^雖然真係食過好多次，但真係第一次坐bar枱，終於比我見識到我最愛嘅豬扒飯係如何煉成的～登登～我首選嘅肉燥豬扒飯。係大過隻碗嘅豬扒！我係見住個師傅即叫即炸即切即上，咁大咁厚嘅炸豬扒真係一試難忘～今次同一班朋友食，叫咗啲我少食嘅小菜。一碟炸魷魚，香脆之餘，一啲都唔會覺得好厚粉。呢碟滷水雞翼，一啲都唔馬虎，一咬嚟去，雞骨即刻分離，啲肉超級入味，所以小食方面，我最愛嘅個雞翼啦！

黎到銅鑼灣呢間食炸豬排飯嘅餐廳 門面同裝修都好靚好舒服！👍🏻 入到去店員安排我地坐係bar枱 一路望住員工煮野食好鬼過癮😄 我地2個人叫左2個餐加2個小食 首先黎左個前菜辣味海蜇 啲海蛪酸酸甜甜 好開胃😋 口感非常爽 仲有炸芝麻雞翼 一碟2隻 雞翼皮沾面左芝麻同七味粉 炸得好脆 而且雞肉又好滑👍🏻 雞翼都幾大隻！我叫左柚子蜜豬排飯 超大碗！啲豬排好似座山咁樣 好大塊 總共有4件👍🏻 試左一啖個豬排 豬排肉質好嫩 唔多脂肪之餘仲好有咬口 勁香！加埋柚子蜜汁 非常清新！而白飯方面用左珍珠米 正👍🏻仲有叫左咖哩汁豬排飯 豬排都係一樣咁大塊👍🏻 而個咖哩汁有薯仔做配菜 咖哩汁有小小辣 而且好濃郁 係甜甜地嘅日式咖哩味道 撈白飯真係好好味！

係銅鑼灣行街，知道附近有間出名食炸豬扒既店，順便黎試下。好彩早到，唔洗排隊就可以入座。仲可以選擇坐吧枱位，睇下師父準備食物。點餐紙放係枱面，每人一填一張，之後交比店員。仲可以選擇少飯，非常抵讚。柚子蜜豬扒飯 ($60)難得黎到，當然要試下個炸豬扒。每個Order都係即叫即炸，所以食即時候外皮都非常酥脆。豬扒好厚身，經油炸後，更能鎖住肉汁，非常Juicy，且肉質嫩滑，完全唔會乾身。雖然係炸豬扒，但一啲都唔會油膩，令人想一口接一口咁食。柚子蜜甜甜地，非常易入口。份量非常大方，仲堆到成座山咁高。叉粒豆角䓤花炒滑蛋飯 ($50)除咗炸豬扒外，呢個炒滑蛋非常有驚喜！以賣相而言，鮮黃色既外表非常吸引，令人食指大動。炒蛋非常滑身，而且好有蛋香。叉燒則肥瘦適中，加埋豆角，非常好味。唯一美中不足係醬汁太多，令㡳部既白飯變得太䶢。炸芝麻雞翼 ($26)金黃色既炸雞翼，辣度啱啱好，而且肉質好嫩滑。一個人食晒兩隻都完全無問題。涼拌大豆芽 ($18)大豆芽有好香麻油味，而且份量都唔少，裝滿一碗，兩人分享就啱啱好。CokeZero 跟餐加$5

放工同兩友來到炊豕家一聚。這是其中一位友人推薦的，說一定要來一試。我們晚上七時到埗，屬黃金時間，需排隊等候。等了大概十分鐘便有座位。餐廳佈置復古，環境舒適，燈光柔和，適合三五知已談天說地。進店後，我們坐在bar檯，可以看著廚師用心制作美食的過程食物價錢親民，小食及飲品亦不貴！適合上班族及學生們友人點了豬軟骨飯。順帶一提，餐廳設有少飯減一選擇值得一讚，環保又實惠！我點了一個多叉粒滑蛋飯，配飲食很開胃！叉粒香甜，是瘦肉，加上爽口的豆角，不會肥膩。重點來了，我友人點了這餐廳最出名的炸豬排飯我嘗了一口，皮脆肉嫩。看圖也看得出豬排有多厚！滷水雞翼味道特別，八角味很清新，價錢不貴，喜歡雞翼的朋友一定要試試我十分喜歡這個魷魚鬚！十分香口彈牙很有風味總的來說，我會再次光臨

This is a small local restaurant specializing in pork located on the ground level that is quite easy to spot and find on a one sided pavement.Firstly, the presentation was smart, separating the curry sauce and the main dish. This allows you to adjust the richness of the curry mixed with the pork, rice and vegetables which are present in most of the main courses with the option of switching to a special local styled fried noodles.The curry was interesting as it was not spicy at all, I was told t

銅鑼灣成日行, 但銅鑼灣的橫街小巷真的是甚少去, 朋友話帶我去食好食的豬扒飯便來到這位於銅鑼灣加路連山道的一間小舖, 這位於窄巷的細細間的舖頭, 真是酒香不怕巷子深, 我們來到時已有唔少人龍排在門口等位. 見到門口貼住的餐牌, 有好多款都是我鍾意食的, 心大心細唔知食咩好, 但既然朋友話來食豬扒飯, 就一於試他的招牌豬扒飯啦! 但原來唔想食飯都可以改為撈粗面或幼面的哦, 真是太好了, 我叫了個秘制豬扒飯(肉燥汁)撈粗面加卥水蛋, 仲叫了個小食麻辣炸魚蛋, 未食已開始流口水, 好豐富呀! 好大一塊已斬件的豬扒放在大碗的最上面, 碗底是已用肉燥汁撈好的粗面, 碗邊放了已切開的卥水蛋, 我最先食卥水蛋, 暖暖地的卥水蛋好有蛋香, 卥味入晒雞蛋裡而, 就連蛋黃都有卥香味, 好食! 豬扒雖然是炸, 但炸豬扒外面嗰層炸漿超脆, 但炸漿裡而包住的那塊豬扒一D都唔怕乾唔怕鞋, 而且肉質嫩而有汁, 食得出這炸豬扒絕對不是經蘇打粉醃制嗰種嫩滑, 好味呀! 唔怪得咁多人排隊等食, 果然有他的過人之處, 豬扒非常好食, 值得排隊等. 粗面與肉燥汁撈勻後, 面身的軟硬適中, 肉燥汁香濃, 味道都好夾, 仲有麻辣

銅鑼灣食lunch朋友推介呢間即炸既邪惡豬扒飯。去到門口都幾多人排隊，可能因為價錢唔貴啦 五十蚊左右已經有交易。豬扒超大塊！一個人其實食完會超飽 咬開都幾多汁 唔會炸到好乾身，配合埋肉燥 好有罪惡感既午餐

這間裝修佈置充滿六、七十年代香港情懷的餐廳，不單俾佢既裝修吸引左，而美味嘅豬扒更是留下深刻印象既關鍵！Menu大部分菜式都是以豬為主！一人一張order紙落單，非常方便！秘製豬扒配上咖哩汁，可自由拼選飯、粗麵或幼麵，連連份量多少都以有得揀，簡直是度身訂造既一餐唷！厚切豬扒啖啖都是肉，肉感滿滿，口感非常豐富！最有誠意嘅係豬扒即叫即炸，豬扒炸得金黃香脆，而內裏肉汁仍然能夠keep到，點堆咖哩汁就非常高質美味喇！粗麵已加有了醬汁，所以撈上咖哩汁會失色了，搭搭不夠完美。建議跟飯吃更能吃出咖啡汁既味道！期間限定既柚子蜜豬扒飯夠哂新意！柚子蜜租甜甜酸酸幾醒胃！追加既炒滑蛋十分香滑，加上蔥花非常好食！炸芝麻雞翼好食到停不了！兩隻數量實在太可惜，唔夠喉唷！炸翼炸得卜卜脆，雞肉十分嫩滑，加上芝麻及辣粉，非常惹味！

係銅鑼灣行街行到好餓，記得加路連山道個邊有好多嘢食，有間特別多人排隊，一於試下。一入到去見到啲員工製服全部寫住「我們都是食豬大的」，即刻覺得好有自己風格，內部裝修都好有個性佢最出名係炸豬扒飯，梗係一人一個先啦，再嗌左兩個小食share，同埋要一人各落一張單㗎！黎左小食先，海蜇好好食，好爽口又調味得宜芝麻雞翼睇到賣相金黃色咁都知係好嘢，有啲辣粉係面，本身都會驚好辣，但食落又接受到，個皮炸得好香脆，唔錯～個飯終於黎啦，個豬扒大到完全係遮住左啲飯，同埋好厚身，真係好吸引～佢啲豬扒固然之係出色，但我更欣賞同柚子蜜嘅配搭，因為可以平衡到飽滯嘅感覺，加埋個半熟煎蛋可以話係perfect池，最後發覺原來佢有撈麵，下次試埋先