火鍋撚 (日富里百好大廈) (已結業)

秋風起，最啱就係打邊爐☺️今次選擇左去好岀名的火鍋撚，環境乾淨，四周仲有好多好靚的黑白壁畫，成間舖頭都好有氣勢😂我地2個人都可以坐到卡位，空間感好大好舒服！打邊爐最怕好迫，然後所有食物迫哂一齊。😫湯底方面我地點了鎮店推介的蜂巢豆腐白湯鍋 $128 ，仲加了$30要鴛鴦鍋，揀左秘製麻辣鍋🤤白湯超足料，有好多蜂巢豆腐，鴨血，人蔘，杞子等等。本來好怕這類型的清湯好淡和好重藥材味，誰不知超好味，我齋飲湯都飲左2大碗，建議大家未開始打邊爐時可以飲返碗先！麻辣鍋都唔輸蝕，愈食愈麻，超正👍🏻水餅拼雲呑 $59超足餡料，皮夠薄😍👍🏻另外叫左雙拼蟹籽手打蝦丸同流心鹹蛋黃豬肉丸 $66覺得佢可以咁樣雙拼係一個好好的做法 如果比較小人食就可以試多啲唔同類型既野！手打蝦丸好彈牙，啲蝦新鮮爽口😍是我暫時食過最岀色的蝦丸！流心鹹蛋黃豬肉丸就真係第一次試😂個口感幾特別，但值得一試！它有個牌仔寫住小心爆漿，大家要小心唔好比d流心鹹蛋黃辣親呀因為真係好熱架😂還叫左瑤柱干貝滑 $78真材實料，好香瑤柱味不過好大舊好抵食😂食極都仲有最後驚唔飽，仲叫左稻庭烏冬$48不過可能因為係咁飲湯，結果飽到行唔郁。🤣超級豐富同滿足的一晚😍

已經聽過好多朋友話火鍋撚好好味，今晚終於到我去食！我地2個人8點到，已經full曬要等一陣。入到去的感覺同平時的火鍋店好唔同，唔會好重油煙好焗促，位置仲好寬敞添。店內屬於比較中式的格局，周圍仲有好多撚字，霸氣十足。😂Order完後，細心的店員首先附上醬汁架，有成9款咁多！分別有麻醬，腐乳醬，xo香辣醬，蒜泥汁，醋，蔥花，芫茜，指天椒同秘製醬油！友人勁喜歡佢個陳年xo香辣醬！！湯底我地叫了一紅一白的鴛鴦火鍋，咁難得當然要試下唔同味😊分別係蜂巢豆腐白湯鍋和秘製麻辣鍋！白湯的湯底味濃厚，可以讓人喝上好幾碗！而麻辣鍋則辣勁十足！下次必定要埋胡椒豬肚鍋！😍打邊爐唔小得的當然是肥牛！突別是我同友人都是牛魔王！我們叫了極品安格斯肥牛(大)。擺盤十分精緻。肥牛相對平時的較為厚身一點，但口感依然十分嫩滑！🤤另外還有不得不叫的就是響鈴了。附上了一個好貼心的牌子就是請灼三秒。響鈴是新鮮即炸的，浸過湯後依然十分可口，配上甜酸醬更是讓人停不了口！不得了☺️另外還有瑤柱干貝滑和稻庭烏冬。干貝滑新鮮彈牙而烏冬則吸收哂湯底的精華，讓人讚不絕口！最後還贈送了仙草甜品，配以紅豆，珍珠，芋圓，讓人十分驚喜。芋圓煙韌Q彈，整體

見到火鍋撚喺附近開左新店，星期日晚即刻去試！入面都幾大，分左兩區，但聽到話如果無book位，要等到8:45！預先喺openrice book定枱，但分到張好似cafe小圓枱咁既二人枱，有少少細，見到有啲二人枱係用摺枱tim。見到啲cocktail都幾得意，連芫茜都有！同埋見到有shisha，不過唔覺有室外地方，同埋想像唔同一路shisha一路邊爐，所以我地今次都係主攻左bin lo先。醬料只得蒜蓉汁，無炸蒜或者生蒜><今次試左蜂巢豆腐白湯鍋。本來諗住追加鴨血，但入面已經包左4-5塊，重有好多豆腐同藥材。有啲驚喜係入面竟然有一條人參😱 湯底藥材味重，有少少苦。平時打邊爐前可能會飲1-2碗湯，但因為怕燥，今次都係飲左少少而已。配料方面，叫左御用手切肥牛（大），牛舌，五色丸丸拼盆，桶蠔，豆卜，土豆片，五彩鮮蔬籃，金桔檸檬蜜（渣）。手切牛肉真係好嫰，又唔會太肥，係當晚覺得最好味既。反而牛舌上枱時完全未解凍，同埋比較鞋，相形失色。 其他食物都不過不失。食完後重有每人一個甜品，但真係太飽，所以淨係食到幾啖😅服務方面，可能因為新開業，比較亂少少。例如當晚都有送錯配料，舉左好耐手都無人

雖然我係一個只食到bb辣嘅人，但又好鬼死鐘意食台式麻辣火鍋，一知道石塘咀開咗呢間，即刻要求老細帶我嚟食，食完之後我倆都覺得好滿意，仲異口同聲話一定會繼續嚟食添menu都算有好多嘅選擇湯底揀咗麻辣(中辣)&素湯底，麻辣個味有7成似台灣嘅無老鍋，好興奮呀，無時間飛轉台灣去食，嚟呢到食都止到癮。素湯底係無得頂，有蟲草花/粟米/節爪/蜜棗等等，令到個湯好甜好潤，連我老細都連飲3碗湯安格斯牛，好夠肉味又夠冧，正花枝丸併蝦丸，超級大粒，超級彈牙，蝦丸入面仲要真係有蝦架9菜餃併午餐肉茶甫餃，午餐肉餃真係好特別，值得一試脆骨鯇魚腩，好大碟呀，仲好脆添，魚啲肉味亦都好濃9肚魚，呢個唔會難食嘅，我自己一個食晒食碟黑栢葉，有個提示俾你，灼10秒就食得，好貼心呀唐生菜，嘩！大碟到呢五花茶，好似我媽咪煲嗰啲呀，好好好好飲最後送嘅甜品，好感動，我最鍾意食芋圓架喇，食到一點滴不漏，都不如幾想問下可唔可以食多碗添

有朋友食過話唔錯，所以諗住試一試！其實又唔係唔好味，不過以依個價錢黎講，會預期再好味少少！個人覺得黑豚肉同手切牛真係唔錯！響鈴、魚皮餃都真麻麻啦！麻辣湯底都唔錯（我哋食中辣）本身見其他分店會送腐竹蛋糖水沙冰，但依間就其他糖水，所以都特登叫左沙冰試下，真係唔錯！牛丸、豬肉丸個人覺得一般般，無乜特別！另外試左個黃金雞皮，少少難食！仲有個奶黃水晶包，感覺有點怪怪，但好香奶黃味，但唔太襯火鍋！其實服務都無乜，但都唔會好差！要主動叫先會加湯！

一家人喜愛打邊爐，港式邊爐打得多，間唔時都轉打下台式.無論係旺角定中環既火煱撚都去過好幾次，西環店終於開張緊係去幫襯下啦.訂左位唔洗排，去到即入. 由於星期日，眼見全場滿座.裝修同餐牌都同其他分店一樣.員工都相對多，但可能新開張情況比較混亂，自然服務比較差.例如要叫好耐至有人應，應完又唔記得做.一張枱兩個爐都唔著，出動到gas爐....等等.湯底如常叫左麻辣同酸菜白肉，麻辣叫左中辣但完全唔辣.至於酸菜白肉，豆腐同鴨血無得任加.至於食材整體新鮮，質數拍得住其他分店.田雞上枱時重收縮緊，丸彈牙，響鈴脆.埋單時會送上甜品，但係台灣芋圓珍珠唔係我杯茶，我都係鍾意腐竹沙冰多d...

Doesn’t worth the money. 湯底味道好怪而且蝦滑好硬好難食.羊肉有羶味，馬蹄水味道好淡，位置好擠喔，唔會再來。唔值得嘗試。性價比低。麻醬和糖水還可以接受