火鍋撚 (日富里百好大廈) (已結業)

一班朋友冇事冇干出黎打邊爐，其中一個介紹左呢間，就一於試下。一入到餐廳已經聞到好香，口水都流埋。餐廳既座位夠闊落，好好座，方便吹水。我地極速咁點左D野食，配上佢個胡椒豬肚湯底，個湯底最早黎，我地見到中間有舊野，其貌不揚。正當我奇怪緊既時候，呢度既侍應已經開始做野。原來舊野係豬肚黎，包住左入面隻雞，佢地好細心咁剪開俾我地食，隻雞食落好嫩滑，但味道偏淡，配合埋個湯真係剛剛好。個湯好夠味，成隻雞既精華都煲晒出黎，佢入面既胡椒味不會太搶，冇蓋過左D雞原來既味。淨係呢個湯我都飲左幾碗！之後既野食陸續黎到，佢所有野食都有個細牌仔，話你聽要"六"幾耐，岩晒我呢D嘟嘟地既人，同時又保障到客人唔會overcook, 令食物係最好食既時候俾人食落肚，小小而重要既安排，令小弟非常欣賞。點左咁多樣野食，最值得一提既係聖子，佢既聖子大大隻，好清甜，而且一D都唔韌，超級推薦！之後就係肥牛，佢切得好薄，卓一卓就食得，食落好新鮮，贏在用料同個湯底。仲點左D羊肉、雙拼滑、菜、麵之類既野，整體食物質素都好高，我地仲點左幾支佢既手工啤酒，十分爽皮。

一入門就被聖誕兵馬俑吸引住！造型趣怪！餐廳亦設計得非常中式。醬料種類當然亦都好多，比較特別係有腐乳醬選擇！而我就揀左蒜汁同特製醬油，2者混合香而帶微甜，十分美味！湯底喺火鍋當中非常重要，而火鍋撚就喺呢方面做得好出色，認真能夠用足料來形容！祖傳秘製麻辣鍋夠麻夠辣，大蔥花椒辣椒等等非常足料！而鍋中鴨血更吸收超多湯汁，十分入味，正呀！至於蜂巢豆腐白湯鍋，飲落超清甜，而且係藥膳湯，就咁飲已經好好味，除左鴨血外，還有更入味更吸湯的蜂巢豆腐！火鍋撚御用手切肥牛，火山般排列再配合乾冰，霸氣十足！而肉質口感較厚實，牛肉味非常濃郁！個人比較中意濃牛味的肉片，好合我心意！羊肉片依舊用乾冰作點綴，但肉質與牛肉片大不同，質地很嫩滑，羊騷味即炸三秒響鈴卷響鈴非常薄而脆，又一個吸湯之選！但真係唔好煮超過3秒，會失去微脆口感。黑松露墨魚滑就非常嫩滑，再帶少少彈牙口感，而且松露味好香，唔錯！至於香菇貝鮑鮮滑的菇味特別濃郁，嫩滑彈牙之餘，加上貝類特有口感，正！水蜜桃冰沙，比凍飲更冰涼的沙冰，桃味清新！而且冰沙質感細緻唔硬！甜品芋圓糖水，集口了紅豆、綠豆、珍珠、小丸子、芋圓、地瓜圓、圓仙草，甜度合適，質素拍得住台灣本土的

之前跟朋友試過中環的分店，今次就去西環試下佢呢間分店質素如何~ 入面裝修係比較型格走中國風位置好闊落~ 睇左餐牌我同朋友就決定叫媽媽滋補老火湯鍋，因為我地兩個都唔食辣~媽媽滋補老火湯鍋，呢個湯好像係平時老媽級煲嘅老火湯一樣，勁足料好濃味~ 蟶子皇(2隻)好大一隻!! 好鮮甜，肉身扎實彈牙!花膠(2 隻) 女仔就係要食花膠補美顏下~~ 鴛鴦雙蚌 非常新鮮，灼10秒即食，好鮮甜爽口~ 五色丸丸拼盤芝士墨魚丸，鹹蛋黃豬肉丸比較特別，墨魚同蝦肉全部好扎實，食得出好足料~ 五彩鮮疏藍 有粟米、木耳蕃茄菜芯同娃娃菜~ 最後仲有甜品送！芋園丸子珍珠仙草，我朋友好鐘意，所以我比埋佢食AHHA丸子珍珠仙草再加埋甜甜既紅綠豆，配埋清熱仙草，好下火~

之前跟朋友試過中環的分店，今次就梗係番番自已地頭西環試下佢呢間分店質素如何啦! 入面裝修係比較摩登型格，而且位置好闊落舒服，好啱family gathering ! 除左裝修摩登型格，佢啲食物都好型，佢地有cocktail 同shisha 食係未好潮先?(但打打下邊又食水煙好似有odd hahaha 但都係好創新既~~) 好喇，睇左一輪餐牌我同朋友就決定叫媽媽滋補老火湯鍋，因為我地兩個都唔食辣~至於佢地蜂巢豆腐白湯底，因為我剛由台北番黎，喺無老鍋已試過，我就無再叫了，但其實依家諗番都覺得要試試真係!! 媽媽滋補老火湯鍋，呢個湯好像係平時老媽級煲嘅老火湯一樣，勁足料好濃味，好多既猴頭菇ssss，仲有一舊好大既肉!蝗子皇(2隻) $44 X22大一隻，好鮮甜，肉身扎實彈牙!花膠(2 隻)$78x 2女仔就係要食花膠補美顏下~~鴛鴦雙蚌 $128非常新鮮，灼10秒即食，好鮮甜爽口~ 五色丸丸拼盤 $98芝士墨魚丸，鹹蛋黃豬肉丸比較特別，墨魚同蝦肉全部好扎實，食得出好足料~ 五彩鮮疏藍 $79 有菜芯，粟米、木耳蕃茄同娃娃菜~ 最後仲有甜品送！芋園丸子珍珠仙草，係我既大愛！因為所有都煙煙韌韌，

好有火鍋撚特色嘅壁畫［祖傳秘製麻辣鍋&蜂巢豆腐白湯鍋，$158］相信大部份人嚟到火鍋撚都係叫呢個紅白鴛鴦湯底嘅組合。白湯用人蔘、雞、豬骨等熬製，鮮味回甘，喺開始淥嘢之前先飲一碗，好有返咗屋企飲老火湯嘅感覺～而紅湯就加咗中草藥落去熬製，鮮、麻、香、辣。而兩邊都有鴨血同蜂巢豆腐，吸哂湯汁之後十分好味醬料選擇都唔少 ［新鮮野生竹笙，$79］比起上次喺中環店食到嘅好似冇咁新鮮，有潺，而且冇咁爽口，有少少失望［火鍋撚御用手切肥牛（小），$208］呢款牛肉係餐排上中間價錢嘅一款，但質素都已經幾唔錯牛味濃，食落亦冇筋［脆鯇骨腩，$59］呢個魚腩部位肥美得嚟咬落爽脆，但就有少量細骨。如果唔識「倫」骨嘅話叫脆鯇魚片會好啲［紅薯寬粉，$38］呢樣嘢係我食麻辣鍋必點！煙韌嘅寬粉沾滿麻辣湯汁，非常過癮枱面有個籬可以裝住啲寬粉嚟淥，好方便［鮮榨西瓜汁（渣），$76］西瓜汁可以清熱氣又可以解辣，配麻辣鍋啱哂同中環同旺角店唔一樣，呢間分店送嘅唔係沙冰，而係一碗冰凍嘅台式甜品！入面有芋圓、珍珠、小湯丸、紅、綠豆，同埋仙草—食完重口味嘅麻辣鍋之後食呢個甜品，降吓溫，都幾好呢間分店有一個唔好處，就係佢嘅卡位，枱同櫈個距離

平時搭車經過見到呢間個名咁吸引，咁我唔日放假就同朋友過嚟試吓。入到去見到裝修到好有特色，接待處有一座兵馬俑，非常有趣！食物方便選擇嘅種類繁多，有唔少充滿特色嘅配料！飲品方面就叫咗個杞子龍眼菊花蜜，味道好清甜，仲有淡淡的菊花香味，很不錯！湯底方面，叫咗個蜂巢豆腐白湯鍋，個湯底奶白色，有好多唔同嘅湯料，忍唔住試左一啖，非常濃郁同甜！前菜就叫左加拿大野生象拔蚌刺身，爽口鮮甜冇得頂！依個鴛鴦滑滑拼盆，瑤柱干貝滑同令蝦滑！瑤柱干貝係真材實料，蝦滑都好彈牙！龍蝦湯爆漿牛丸，好香濃嘅牛味，咬落去爆晒d龍蝦湯出嚟好鮮甜，而且牛丸非常彈牙。 極品安格斯肥牛，脂肪嘅分佈好平均，而且一啲都唔韌！黑栢葉只需要煮10秒就食得！超級爽脆！桂花蚌非常新鮮，灼10秒即食！鮮甜！爽口！好正！一個咁濃郁嘅湯底配合埋呢啲掛湯能力特強嘅配料，神級既享受！最後仲送咗每人一碗甜品！系出邊要同人爭崩頭嘅芋圓

天氣轉涼最鍾意打邊爐暖下胃, 平日的八點都算多人，可見有幾多支持者。裝潢古色古香，有兵馬俑著上聖誕老人外套在門口。食物選擇都算多，有即食炸物同火鍋料。 湯底叫左猴頭菇雞湯同蜂巢豆腐白湯鍋, 白湯鍋有養生藥材味，材料有大蔥，大蒜，仲有蜂巢豆腐; 猴頭菇湯好出色, 有家既感覺, 濃濃既雞同豬味, 飲左幾碗湯呀。水餃韮菜餃大大件材料新鮮非常, 田雞上枱時肌肉因有鹽重收縮緊。魚頭新鮮程度好似剛剛係魚缸落上黎一樣。安格斯肥牛無論水準同賣相都好好。紅薯粉，有一大兜，用一個細篩放落鍋煮好唔錯，記得唔好煮太耐。 最後送既甜品紅綠豆芋圓珍珠仙草凍勁有心思。芋圓珍珠都夠煙韌，黑糖底糖水唔太甜，恰到好處

天氣開始寒冷起來，天氣凍最好就係打邊爐大家一致贊成一齊烚吓烚吓，就揀咗一間火鍋店，去到店舖門口，已經佈置左聖誕裝飾，好有氣氛，加上大大個落地玻璃，感覺好乾淨整潔。餐廳牆壁上畫滿了圖畫，加上店內播放着一些中國式嘅音樂。好友中式嘅氣氛。座位寬敞，坐得舒服。一坐底，店員就會放底一盤有各種香料醬油係枱面，俾客人自行調配後就拿走。醬油種類有多款選擇：有鼓油、蔥花、芫荽、蒜蓉汁、秘製辣椒油、同好好味嘅祖傳腐乳醬等等...我地點左鴛鴦湯底：蜂巢豆腐白湯鍋、媽媽滋補老火湯喎。我想講依2個湯底都非常之出色，未打邊爐之前已經淨飲左半碗湯。非常之好味。材料十分多。好足料。湯料都滲透晒湯既味道。火鍋撚御用手切肥牛（小）好有牛味，唔係入口即溶既牛，有咬口，好味。紅薯寬粉：好QQ彈口既麵，寬粉浸係湯中，吸收晒湯既精華，好好味.....追加鴨血：勁厚勁塊，鐘意食鴨血既人可以一試。瑤柱乾貝滑：好彈牙同好有鮮味，讚👍🏻黃金蛋黃炸魚皮：炸得勁鬆化，有厚厚既蛋黃包住。好好味。仲有佢既茶係我鐘意飲既濃茶，有點想秀眉加功夫茶，但無甘強烈，可以消消肥膩感。飯後會送上芋圓甜品，食完飽到行唔到....

由於太愛台灣嘅無老鍋關係。當早一年次知道香港有間貌似無老鍋嘅時候，即刻捉埋d朋友去中環那間試。確實係有有似。朋友話原來西環都開左間，結果我們又去止下無老鍋嘅癮！西環呢間嘅感覺無中環那間咁大好像。但就光猛好多。啱晒我地呢d永遠都係相機食先嘅朋友😆一入到門口就有一行的古色古香嘅坐子，供客人等位時坐。細心呢。場內已佈置了聖誕節嘅氣氛。還有有聖誕樹呢。店內播著很多我都年少時嘅歌！多麼另人想跟著唱呢！湯底方面，我們挑選了兩個湯底。第一個當然係要似無老鍋嘅鎮店之蜂巢豆腐白湯底！由於我們都不辣得嘅關係。第二個就我地挑選左：媽媽滋補老火湯鍋。呢個湯好像係平時呀嫲級煲嘅老火湯一樣。勁濃味。仲有我喜愛嘅猴頭菇，d菇索味，真係不得了！手切肥牛，新鮮紫准山，皇帝菜，薯粉，瑤柱干貝滑，梅花豬肉，仲有當然唔捨得打邊邊必食嘅響鈴！之前向中環食過安格斯肥牛，所以今次試手切肥牛。本人覺得手切肥牛好像比安格斯肥牛好食。有肉果。不錯的推介。瑤柱干貝滑也值得叫黎食，真係幾好食。唔會煤。而且仲幾彈口。不錯梅花豬肉我下次應該不會食。不是我的must eat item。因為質地似豬頸肉。而我又不太喜歡食豬頸肉薯粉真係打邊爐恩物。索

今次係開張以嚟第三次嚟食，因為今次得兩個人食，所以叫唔到好多嘢食~但一定會叫我最愛嘅椒鹽九肚魚，一口豆腐粒同埋鴨血😋不過今晚食嘅九肚魚同之前食嗰兩次有啲唔同，冇咁好食，唔知係咪唔夠新鮮呢🤔～另外仲有個安格斯牛肉都好食😚飯後有甜品，不過嗰個甜品都係同上次一樣😅我覺得太甜，芋圓口感唔夠煙韌😄純粹個人口味啫~當晚見到佢哋人手都好充足，不過有啲姐姐明顯係新手，問啲嘢都答得唔太清晰😅有個仲搞笑，隔離枱同佢講完嘢後，佢就將隻碟放係我哋度🤣🤣我朋友話我冇叫你拎碟哦～佢聽唔到就走咗😂隔咗陣有第二個行過見到我哋枱面有隻乾淨碟就話幫我哋收走🤪🤪

平時淨係從朋友口中講火鍋撚有幾好味幾好味咁，今日終於到我自己去食，睇吓係咪傳說中咁好味先。裝修較其他火鍋店特別，以中式風格為主，但之後食嘅食物就比較創新，兩者構成一個幾特別嘅對比。打邊爐之前當然要調一調醬汁先，下單之後職員就會放低調味盤，調味盤有齊我想要嘅醬汁。我同女友，一個唔食辣一個食辣，鴛鴦鍋實在不能避免。我就成餐霸住左蜂巢豆腐百湯，入面有原條人蔘，非常足料。蜂巢豆腐非常香滑，湯底鮮味十足，滲透着陣陣人蔘甘香。至於女友叫既麻辣鍋揀咗小辣，入面有龍眼紅棗等滋潤食材，當然唔少得辣椒八角等等，非常香辣。餐廳提供一個大筲箕，淥魚同牛肉嘅時候非常方便，唔使搵晒成個湯底。呢份御用手切肥牛上菜出晒煙霧咁非常誇張，味道亦誇張地好味，肉身比較厚。我哋跟住牌上嘅指示灼8秒，時間啱啱好，肥牛非常嫩滑。食肉獸既我仲叫咗極品黑豚牛，肥膏比例較高，豬肉味比一般豬肉重，份量亦足夠。呢六粒手打牛丸真係冇得彈！有三粒釀左法式龍蝦湯，一咬開即刻爆汁，非常juicy。另外三粒釀左黑松露醬，一咬開黑松露香味就湧晒出嚟，值得一試。興致勃勃下叫咗杯Special cocktail，呢杯Trequila summer 糅合本土

西環區火鍋店選擇不多，主要行高質素路線，這間新開的火鍋店位置不錯，在平路又近地鐵站。裝修非常高檔，大部分座位是寬落卡位，難怪一開張就經常坐滿人。湯底選了人參白湯和栗米老雞湯底，後者足料有驚喜，有豬肉，紅蘿白，猴頭菇等十多種料，湯料多到放不下食物，湯頭非常清甜。食物方面，魚頭魚唇份量不多，但鮮味十足，餃子係每日新鮮即包，配料豐富，最正係水餃和菜餃，配湯底一流; 田雞即叫即製，上菜時田雞肉還會震動，牛肉賣相精美，價錢亦很合理。整體黎講，食物和湯底行高質路線，但收費合理，人頭只需3百多元，值得再黎。

秋風起，又係我地呢班火鍋撚最頭痛既月份，因為我地要去揀食邊間火鍋之餘，最重要既係兩個字 - 好味🤪最後我地係facebook上面見到「火鍋撚」係西環附近開咗新既分店，之前都試過旺角分店，覺得好好味，所以我地二話不說就訂咗枱去試試佢😚當日8:30去到，坐低後就馬上揀咗上次令我地覺得好impressive既「蜂巢豆腐白湯」同埋「麻辣湯底」跟住我地4個男孩子狂風掃落葉式叫咗好多野食，但叫我地念念不忘既係呢度竟然有鮮炸黃金魚皮同埋黃金雞皮呀OMG😱入口果陣鹹蛋味加上脆卜卜既咬口真係好好好正呀❤❤跟住上枱既係極品黑豚肉同埋極品安格斯肥牛，黑豚肉食落肉質肥美可口，一d豬肉既騷味都無，正呀！另外安格斯肥牛一上枱個賣相已經令我哋四個不得不用手機食先，其實之前喺旺角分店食嗰次已經覺得呢碟安格斯肥牛買相好型好靚，所以今次再encore，仍然覺得賣相造型十分「靚仔」，食落口感十足，油脂分佈均勻，正正正😘👏🏻👏🏻👏🏻👏🏻👏🏻呢啲野不得不介紹，叫「酒糟五花肉」，食落好香酒味之餘，口感仲好煙韌，一層肥膏一層肉，真係色香味俱全❤❤❤❤突然間我地見到Menu上面有「象拔蚌刺身」食，咁經過我地4個既眼神交流之後決定試試

12月都仲未係好熱，但都阻唔倒我地幾個火鍋撚去打邊爐。早已聽聞火鍋撚好高質，見西環開左旗艦店終於有機會去食下！一坐低，見朋友未到，叫左杯cocktail~呢杯cocktail 有花雕，蘋果汁，青檸。好正好清新，第一次飲倒花雕嘅cocktail 好有創意！朋友鐘意食辣所以叫左個焉鴦鍋！豆腐白湯x 麻辣湯底夠哂濃！白湯有成條人参。最正係食食下會有人自動黎加湯（唔係頹加水！）所以唔會越食越淡。大讚呀！！食野之前緊係要混醬：好特別有呢個腐乳醬，出奇地同d 食物好夾好好食！首先食左我最愛嘅響鈴配酸甜醬特別好食！梅花豬肉同五花肉都好好食，食得出唔係頹野！就算煮耐左都唔會話好un!再黎香菇貝鮑滑同蝦丸都係必食！好彈牙推介呢個午餐肉菜甫餃！非常有創意！好特別好好食！最後食左呢籠奶皇水晶包，好有心思，滾過都唔會話爛哂溶哂咁！埋單嘅時候送上免費甜品 芋圓涼粉，好有誠意！成餐飯都非常滿意，食物高質，有誠意有創意有心思，難怪平日嘅夜晚9點幾都仲係座無虛席！

秋風起，正正係去打邊爐烚下烚下嘅好時機！上年去過火鍋撚，覺得唔錯，今年一於再去。今次去嘅係西環分店，唔係喺鬧市旺區，但都幾多人。打邊爐，識叫就梗係叫個鴛鴦湯底，整個麻辣湯底加招牌白湯啦！要刺激有刺激、要滋補有滋補。白湯入面嘅藥材好足料，抵讚！打邊爐叫肥牛係指定動作，我哋叫咗個細嘅安格斯肥牛，入口鬆軟、冇渣，送上枱時仲有煙霧效果，影相呃like一流。叫咗個韮菜餃同至尊水餃皇，2款都算得上係皮薄餡靚。韮菜餃嘅菜同肉比較啱岩好，有好香嘅韮菜味。水餃皇入面有木耳、冬菇等菇菌，令餃子食落有爽口嘅口感。蔬菜就要咗皇帝菜，幾新鮮爽脆。另外要咗碟新鮮紫准山，係限量供應㗎！飲品選擇非常之多，有沙冰、果汁等，啤酒仲有手工啤酒供應添！而我哋就要咗竹蔗茅根紅蘿蔔馬蹄水，下火又清甜。食到七七八八，店員送上甜品，話係免費，開心又驚喜，入面仲有我最愛嘅芋圓添，煙煙靭靭，超正！