火鍋撚 (日富里百好大廈) (已結業)

星期日訂了五時半入座，原來七時半前離座有八五折，叫了小食黃金粟米(好吃)，鴛鴦鍋(有豆腐及鸭血)，響鈴可點甜酸醬或放湯(2種都好味)，其餘都正常水準，值得一提生啤有多種選擇還有免費糖水及白飯任食，一定吃到滿足。

火鍋是港人至愛，今天就來到這家火鍋店試試，小妹很佩服店主的勇氣，採用了這個充滿霸氣店名。進店內感覺光鮮亮麗，而且坐得舒服，抽氣系統做得不錯 這裏是以養生火鍋為主題，小妹點了這個媽媽滋補老火湯鍋（ $119 ），以淮山、杞子、玄玉、猴頭菇、紅蘿蔔、粟米、紅棗等煲雞， 十分足料。 先點飲料，點了一搾杞子龍眼菊花蜜（ $68 ），打邊爐都少不免會熱氣，這個飲品最適合不過，夠滋潤，而且真材實料。魚皮餃（ $55 ），皮夠煙靭，餡料味道保持水準；手打丸雙拼（ $69 ），包括海味花枝丸及留心鹹蛋黃豬肉丸，兩款均爽口彈牙，特別是流心鹹蛋黃豬肉丸的確很流，鹹蛋黃的味道配豬肉是最適合不過。梅花豬肉（ $89 ），以玫瑰花造型，加上乾冰的仙氣，十足有排頭，賣相已經滿分，味道亦很不錯，豬肉味道香滑，脂肪分佈亦平均， 油甘香濃。水晶叉燒包（ $39 ），不是每間火鍋店也有這個，小妹一口氣把這四個叉燒包放進火鍋裏，很可惜，最後只剩一個，所以建議用筲箕盛着再放進火鍋，而且不能滾太久。日本A四特級和食牛（ $289小），雪花分布平均，賣相吸引，而且鮮度十足，為優質和牛。蟹籽燒賣皇（ $55 ），這個賣相吸引，

小弟今晚和家人去拾下拾下，來到這家裝修不錯的港式火鍋店，坐得舒服，且地點方便。     話就話港式火鍋，但湯底都是以台式養生鍋為主題，有多款不同選擇。     梅花豬肉（ $89 ），玫瑰花加上乾冰這個氣勢十足的造型，賣相出眾，味道亦出色，豬肉味道甘香濃，口感爽嫩。      生根（ $38 ），媽媽至愛，份量足，味道保持水準。     鮮腐竹（ $39 ），賣相色澤光鮮，味道新鮮香滑，火鍋配料精選。         黑松露什菌餃($55)，外皮薄且滑，餡料新鮮，加上黑松露的香氣，這個可以Encore。   

夏天吃火鍋其實很愉快，這間餐廳之前有食過旺角的，仿中式設計很特別，而今次的西環店，店內有中式的裝潢，牆身的壁畫亦很本地畫風。「火鍋撚」主打養生火鍋，從食材、創意點心、飲品等。店內主推養生鴛鴦鍋，今次同幾個朋友點了白紅湯底：「蜂巢豆腐白湯鍋」和「祖傳秘製麻辣鍋」。自家製蜂巢豆腐可以加點，因為白湯不放任何材料，先飲湯，非常好吃，而蜂巢豆腐的氣孔細而密，一咬下去立即食到湯汁，感覺很讚。桂林牛肉球，最特別的中式甜心，廚師專為打邊爐而設，即使放入火鍋，亦不會糊爛。極品安格斯肥牛脂肪剛好，厚實而且夠新鮮，沒有冰鮮感，一入鍋很鮮嫩。鮮腐竹，放紅湯或白湯，吸了湯汁後更令人滿足。響玲是火鍋必備，現炸的酥酥，就這樣吃已經很爽。最後會送芋圓糖水或冬瓜檸檬沙冰，吃完火鍋配一杯冬瓜檸檬沙冰很讚，感覺可以再吃一頓。

自從同朋友去完台灣食過台式火鍋嘅酸菜白肉鍋 ，返到香港真係念念不忘， 好彩香港都有好正宗嘅臺式火鍋就係火鍋撚，仲要有幾間分店！ 今晚就同個港島區 火鍋撚朋友去食西環火鍋撚！坐低即刻點返個鴛鴦鍋先，呢度嘅麻辣鴨血同酸菜白肉雖然唔可以任添但係白飯可以任裝。麻辣鴨血真係好嫩滑，我最愛這裏的酸菜白肉鍋，酸菜夠曬酸，送白飯都一流！鹹蛋炸魚皮，新鮮炸起熱辣辣好香脆！安格斯肥牛，牛味好香！象拔蚌刺身同鴛鴦雙蚌都好新鮮呀！黑松露醬爆牛丸，好彈牙，黑松露味香濃，小心熱，堅爆漿。呢間分店最正係有糖水送，腐竹雞蛋沙冰，原來又幾好味喎，台式飲品店可以參考下！仲有芋圓！！！！！ 賣飛佛！！！！！另外雞尾酒menu好吸引呀， 容器造型好靚好別緻，可惜朋友唔飲酒冇機會試。

今日我同朋友去左一間餐廳打邊爐，個名好耐人尋味，叫做火鍋撚～首先揀左個鴛鴦湯底，一邊係秘製麻辣鍋，另一邊係蜂巢豆腐白湯鍋。兩個湯底都好足料，例如有豬紅，花椒，圓肉，京蔥，等等，有d我都唔識添。食物方面，我地叫左雙拼魚滑，雙拼肉丸，蟶子王，娃娃菜，牛骨髓，竹笙，黃金炸魚皮，枝竹腐竹雙拼。介紹魚滑先，因為我覺得打邊爐一定要食魚滑，真係好好味呀～兩款分別係黑松露墨魚同埋瑤柱干貝，魚滑好爽口彈牙，加左黑松露仲好香，而另一款比較冇咁濃味，可以食到魚肉既鮮味。肉丸叫左蛋牛包心墨魚丸同埋花枝丸，蛋牛包心既意思係，肉丸入面用蛋同牛肉做餡，食落口幾特別，有少少爆漿既感覺，花枝丸其實係墨魚丸，只係一款有餡一款冇餡，不過都一樣咁爽滑好Q。蟶子王都算幾大隻，咬落口唔會太un，重點係好新鮮，完全冇霉爛既味道，可以一試。娃娃菜同竹笙都勁入味，因為吸晒湯汁，d竹笙仲好長好大舊～記得細個係酒樓食過牛骨髓，所以叫黎試下。本身牛骨髓係冇咩味既，所以要滾耐少少，等佢索左d湯汁先好食呀。炸魚皮真係估唔到會咁大碟，而且好大塊，上面仲落左好多炸蒜，放落湯三秒已經幾入味，推介～其實我係唔知枝竹同腐竹有咩分別既，不過兩樣我地都鐘意食

每隔一段時間，就會開始心思思想食麻辣火鍋，難得今日有朋友辣味相投，今晚就揀咗西環火鍋撚嘅分店。地方比喺中環分店闊落，我們兩個人都有大大張卡位坐！當然坐低就叫咗個鴛鴦湯底先啦！招牌祖傳秘製麻辣鍋＋蜂巢豆腐白湯鍋！一紅一白，兩個湯底都好足料，麻辣鍋配鴨血簡直一絕，只需$22仲可以追加一份鴨血，分量超多！白湯湯料竟然有原條人參，個湯仲好有濃郁豆腐香味，質地稠厚奶滑，真係忍唔住打邊爐前飲返碗先！今次唔食牛唔食豬，反而叫咗碟新鮮雞件，份量差唔多應該有大半隻，皮下脂肪少，肉鮮甜。用來打邊爐都唔錯！我就比較鍾意食手打滑，呢度都有好多款選擇，仲可以雙拼添！特別喜歡黑松露墨魚滑，好彈啊，仲好香黑松露味道！食麻辣火鍋點少得叫竹笙同埋紅薯寬粉，兩種食材都完完全全可以吸收晒麻辣火鍋嘅精華，真係越食越上癮！仲加咗碟四寶餃，連朋友唔多鍾意食餃類都覺得呢度嘅真係唔錯。皮夠薄，餡料豐富！望望下心思思見到張Menu有爆好味黃金系列嘅小食，價錢仲一啲都唔貴，雖然我平時麻麻哋係打邊爐嘅時候叫小食，但佢竟然有黃金椒鹽粟米，我呢個粟米die heart fans當然要支持一下啦！上枱熱辣辣粟米脹卜卜，雖然椒鹽味不夠突出，但粟米

My friend and I went to a Chinese hotpot restaurant called ”Hot Pot Land” (火鍋撚)located in Shop 1, G/F, Pak Hoo Mansion, Yat Fu Lane, 554-560 Queen’s Road West, Shek Tong Tsui, Western District西環石塘咀皇后大道西554-560號日富里百好大廈地下1號舖.There is a cool dragon graffiti at the entrance of the restaurant!!Entire restaurant is decorated in traditional Chinese style with wooden wind screen, lantern light...etc.There is a bar right at the end of the restaurant where Hong Kong characteristic Neon light and high sett

之前食過中環火鍋撚，係一間好正宗嘅台灣邊爐店。今日咁岩同屋企人經過西環，就梗係立刻去試埋西環果間。一入門口，立即見到火鍋撚signature 兵馬俑。白飯仲可以任裝，正!!事不宜遲，即刻叫返個鴛鴦湯底(麻辣/酸菜白肉)。今次麻辣我地叫咗中辣，酸菜白肉就適合唔食辣嘅人。手切肥牛，入口即溶，超香牛味。再order多個野生象拔蚌同鴛鴦雙蚌，新鮮爽甜。黃金蛋黃炸魚皮，好香脆👍🏼👍🏼呢個麻辣鴨血好嫩滑🤤其他嘅嘢，包括韭菜水餃、烏冬、芝士腸，丸類。不過值得一讚係佢個雙拼手打牛丸，我哋揀咗龍蝦湯同埋黑松露醬爆牛丸，好彈牙。最正係佢送埋糖水，呢個腐竹雞蛋沙冰用一個特別嘅仿製秦朝容器莊住，連平時唔多影相嘅我，都忍唔住揸住影返幾張🤣另一個甜品係仙草芋圓，鍾意食芋圓嘅朋友都可以一試。

放假閑暇時來到西環逛下街，店舖的設計都是以復古的裝潢，一入門口就見到與我們差不多高的兵馬俑及磚牆上有寫上「火鍋撚」的招牌，牆壁也塗上有龍的塗鴉，枱與枱之間都夠闊落，設有屏風的間格，讓客人更有私人空間，也有古色古香的感覺。在座位旁邊的塗鴉也會見到有畫上了熊貓、企鵝等......天花掛上了不少紅燈籠，另外再行入內堂，會看到更有特色的裝潢，霓虹燈的的招牌、透明的圓圓的燈泡及吸睛的牆壁塗鴉，產生了另一份感覺，感到好型格又摩登。安頓座位後先選擇了個湯底先，鍋底點了個龍鳳鴛鴦鍋，會以較高價錢再另加多$30，而我們選擇了《蜂巢豆腐白湯鍋($133)+媽媽滋補老火湯鍋($119)》，所以個鍋底的價錢是$163。白湯鍋是鎮店之選，主要有自家的蜂巢豆腐、配熬製雞湯、豬骨湯、忌廉及牛乳煮成。還配搭了新鮮的蘋果、紅蘿蔔、海底椰、粟米、百合等，最驚喜是一舀起個湯底，見到有原條人參，可以滋補提氣，湯水呈乳白色，打邊爐前滾湯後先飲了啖，果然有參味的甘香，非常鮮甜，另外還加了鴨血，真是夠晒足料。最愛就是自家製蜂巢豆腐，豆腐上的窿窿可以吸盡湯水的精華，豆腐的質感香滑，有濃郁豆香，也不錯。另外一款湯底是媽媽滋補老火湯鍋，

聽過火鍋撚呢個名好多次，今晚終於有機會試下，我同朋友揀左西環個間分店，諗住人少d，但原來都好爆😂，提議想食一定要book位呀餐廳裝修風格古色古香 以木作為主題 枱與枱之間都有屏風阻擋 夠曬私人空間 而且座位闊落 坐得舒適望下個menu，揀左一邊麻辣，一邊蜂巢豆腐白湯，一開始緊要飲左湯先，原來有人参架，好滋補☺，但不喜人參既人要留意返，辣湯就不過不失啦嗌左個黃金蛋黃炸魚皮，高質👍🏻入口酥脆，又夠咸香，連續擺幾舊入口，正❤牛叫左2款，牛肉粒同雪花牛，2隻我都好鍾意，味濃而又嫩口，必點啦，上碟重有乾冰，滿足埋個視覺效果餃就叫左個雙拼，有水餃皇同創意午餐肉菜莆餃，後者有驚喜，估唔到午餐肉同菜莆係咁夾，而且個午餐肉有火腿絲，好味響鈴必點，因為食得出新鮮炸起，一d油味都無最後係條沙巴龍躉斑，超新鮮呀😍，擺辣湯個邊特別好食，即刻好似水煮魚咁😂叫埋單時重話有糖水，surprise❤其實重有d特色cocktails，重有水煙，下次一定要試下

喺上環見識完， 當然要喺附近搵下嘢食啦， 由於唔知幾時有車返屋企， 所以今次揀咗用餐時間耐啲嘅打邊爐，火鍋撚！裝修 非常具中國特色， 座位亦很寬敞！必點酸菜白肉鍋拼麻辣湯底， 酸菜白肉鍋用料很足， 酸菜和白肉的分量很多， 麻辣湯底， 蜂巢豆腐吸曬辣湯嘅精華，辣得過癮， 鴨血亦很滑！先來一份餐前小食，鮮炸黃金魚皮，沾滿鹹蛋黃，加上脆卜卜既咬口真係好邪惡！😋極品安格斯肥牛，油脂分佈均勻，重牛味，輕輕淥幾秒就食得！象拔蚌刺身新鮮切片象拔蚌，仲有小小海水味，口感彈牙，鮮味十足！最尾每人送上一碗台灣芋圓甜品，食落唔太甜，芋圓亦十分煙韌，絕對不是行貨！店員服務態度亦很好，經常主動加茶，難怪夜晚九點幾都爆場！

之前阿妹發現火鍋撚做緊全單7折優惠，鐘意打邊邊嘅我地馬上book位去試下！我覺得食物係吾錯嘅，但係就吾太抵食囉，因為以咁嘅價錢俾咁嘅份量實在有啲過份，CP值太低！舉例如下：黑松露墨魚滑，只有手心咁嘅size。梅花豬肉，原來朵花係迷你版，見到實物時我嚇一嚇。佢地放火鍋料嘅碟好細(大約係乞衣兜咁大)，份量係好少，睇相會俾佢呃左。如果隻碟大嘅話，就擺啲花呀菜呀佔左半隻碟，火鍋料就平鋪埋另外半隻碟，一碟鵝腸竟然得幾條！😣我覺得較為抵食嘅係雞件雲吞同餐肉，起碼個份量係正常嘅，雞件我地仲覺得佢好大碟添，但係其他就真係離譜左啲！至於湯底，我地叫左白色果個豆腐湯(吾記得叫咩名)，越飲越咸，屋企人話好麻麻，無咩特別。佢有白飯任食同飯後甜品送，我都係扒左碗白飯先至有啲飽足感😂，甜品2選1，我地全部揀晒仙草丸子。服務方面非常好，有禮快手照顧周到，仲幫我莊埋飯，又主動問我地使吾使加啲茶葉，直頭俾佢地100分！可惜我係黎食野吾係食服務，就算7折我都應該吾會再黎...😭

這次在西環附近按摩，順便想吃火鍋就來了這家火鍋店，剛好在做優惠晚市1/7-15/7指定人群有七折，所以挺划算，整體裝修很有香港特色，融入了香港一些的招牌做白色，可見裝修設計挺有意思。叫了一些海鮮，整體食物新鮮，上菜快，蠔有鮮味，湯底叫了素之滋潤湯鍋，有點淡，建議想味道濃一點可以選老火湯湯底，響鈴可以直接吃，還有送甜酸醬，鴨血不會下湯就散，很滑，值得一試，還有黑豚肉可以選，不會有雪味。另外值得一讚得是服務質素不錯，侍應很有禮貌，要知道現在在香港吃飯大部分侍應都黑口黑面，好像你欠了他錢，毫無服務可言還要加一。這家火鍋店最後還有送甜品，可以選腐竹糖水或著芋圓糖水，也太好了吧！

好朋友生日點名一定要食「火鍋撚」真識得食選擇了一間高檔火鍋，店內所有食物全部新鮮高品質食材。地方不大不小環境清幽乾淨，牆上塗滿了綠色不同形狀葉草，木枱油上不同顏色色彩繽紛湯底選擇不算多五六樣吧！我們都偏愛食辣點了中辣祖傳秘製麻辣鍋，湯底則有花椒、乾辣椒、豆瓣醬，蔥蒜醬味較重，有點糊辣的風味，甜鹹中帶微辛食材都算好多我們點了雪降和牛、高級安格斯肥牛、雞、大大粒鮮甜桶蠔、脆鯇魚，水魷魚、黃金魚皮、四寶餃、皇帝菜、大腸，象拔蚌、牡丹蝦、魚嘴、龍躉、桂花蚌、帶子，珊瑚蚌、聖子（可惜掛住食忘記了相機食先）最後店員還會細心地問甜品二選一，我們一致都揀了一杯沙冰，嘩啦！好特別以古代酒杯盛載，一口一口飲清熱解滯，感謝店家給我們的驚喜。