火鍋撚 (雲明行) (已結業)

今日同朋友去左蘭桂坊附近既一間新開的火鍋店叫做火鍋撚，但唔好以為係講緊粗口，其實係類似撚手小菜，即係專長既意思鋪頭既裝潢、碗碟、擺設，都係有古代既中國風味，非常有特色，行古代風但又絕不俗土連醬料都整得好靚 豉油，辣椒，麻醬，辣油等等俱備我地就叫左呢一個湯底蜂巢豆腐白湯鍋有好多材料煲成的湯 豆腐，龍眼肉，人蔘，鴨血之類店員建議我地可以先飲下個湯 然後再打邊爐個湯飲落真係好舒服 好滋潤 好香 如果屋企都整到就好啦 呢個係我食過最好既湯底！店員又介紹左幾款火鍋配料比我地其中係 酒桶五花腩肥豬肉 正！而且仲有淡淡既酒香味 不得了仲有呢個黑毛豬肉，值得一提既係有一個淥肉既好工具 唔怕d肉走散哂另外值得推介既係 呢個雙重朱古力流沙包入面既朱古力 有d似繽紛樂 值得一試當然 我地仲叫左好多配料 都幾新鮮 尤其係蔬菜仲叫左一渣 冬瓜檸檬沙冰 涼快！食到最後 店員竟然話有甜品食覺得好開心！最估唔到既係 甜品係雞蛋腐竹沙冰仲以為會好奇怪 點知好好飲香香甜甜 有少少似益力多！！最後食到飽飽！非常滿足的一餐食緊果陣 店員每隔10分鐘就幫我地加一加湯，定時定候就幫我地收野，服務比得上國內某知名既大型火鍋店！

今日去左食火鍋。第一次打邊爐唔係食份量，係慢慢享受個品質，原來打邊爐唔一定要食得好飽，慢慢品嚐高質野都係一種享受。媽媽滋補老火湯底，原來個湯底可以飲左先再打邊爐。飲一啖湯就知道間野高質，湯底超甜，有屋企既味道。入邊既豬肉好明顯用慢火慢慢煮，豬肉水份仲係度，而且好滑。第一次食正宗老火湯既打邊爐。極品黑豚肉肉質鮮甜，超好食。同其他豬唔同，豬肉彈牙得黎肥美，好甜。猴頭菇索曬老火湯，一入口湯汁流曬出黎，好滿足好好味。叫左個得意野，水晶奶黃包。以為係點心，原來都係要浸係湯底。好似湯圓咁，奶黃爆左出黎，熱辣辣，原來打邊爐有咁樣既野食。今日真係食得超開心，湯底令我好意外，下次再黎食。

Wow！！ 中環地段竟然有間火鍋專門店，真係少之有少，一定係特登開俾我呢個一年三百六十五日都可以打邊爐嘅我，方便我放工同buddy們去。叫咗個「媽媽滋補老火湯鍋」，打邊爐又想養顏，可以考慮呢個湯底。材料包括咗：淮山，杞子，圓肉，紅棗，蜜棗，陳皮，海底椰煲螺頭鷄。湯鮮甜，雞肉好嫩滑，飲咗幾碗同食埋d鷄肉幾轉。叫咗大嘅本地手切肥牛，肥牛一片一片整齊放係架上，有d整到玫瑰花咁，又有乾冰效果，賣相好得。肥牛厚身，有口感，牛味算濃。黑松露墨魚滑，蜂巢牛肚，牛柏葉等都好正。作為中上環之友，打邊爐達人嘅我，覺得太好了有呢間新店係附近。