火鍋撚 (雲明行) (已結業)

今日同朋友去左蘭桂坊附近既一間新開的火鍋店叫做火鍋撚，但唔好以為係講緊粗口，其實係類似撚手小菜，即係專長既意思鋪頭既裝潢、碗碟、擺設，都係有古代既中國風味，非常有特色，行古代風但又絕不俗土連醬料都整得好靚 豉油，辣椒，麻醬，辣油等等俱備我地就叫左呢一個湯底蜂巢豆腐白湯鍋有好多材料煲成的湯 豆腐，龍眼肉，人蔘，鴨血之類店員建議我地可以先飲下個湯 然後再打邊爐個湯飲落真係好舒服 好滋潤 好香 如果屋企都整到就好啦 呢個係我食過最好既湯底！店員又介紹左幾款火鍋配料比我地其中係 酒桶五花腩肥豬肉 正！而且仲有淡淡既酒香味 不得了仲有呢個黑毛豬肉，值得一提既係有一個淥肉既好工具 唔怕d肉走散哂另外值得推介既係 呢個雙重朱古力流沙包入面既朱古力 有d似繽紛樂 值得一試當然 我地仲叫左好多配料 都幾新鮮 尤其係蔬菜仲叫左一渣 冬瓜檸檬沙冰 涼快！食到最後 店員竟然話有甜品食覺得好開心！最估唔到既係 甜品係雞蛋腐竹沙冰仲以為會好奇怪 點知好好飲香香甜甜 有少少似益力多！！最後食到飽飽！非常滿足的一餐食緊果陣 店員每隔10分鐘就幫我地加一加湯，定時定候就幫我地收野，服務比得上國內某知名既大型火鍋店！