火水爐花膠館 (已結業)

好耐無番屯門，今晚同阿媽見到呢間好懷舊的門面，便吸引了愛打卡的媽走過去。見到有養顏花膠諗都唔諗就走入去，入到去整個裝修也是懷舊色彩，格仔地板，懷舊海報、大型燈箱等。 火鍋類選擇圍繞花膠同雞，驚喜的是食完頭輪花膠如覺得個湯唔似打邊爐，可以免費轉其他湯式好貼心。花膠湯一上，有八塊花膠，塊塊都好厚身，一上桌子，我同媽媽「嘩」出黎，無諗到咁真材實料。花膠燘到好滑，好彈牙，雞肉都燉，個湯好滋補既感覺。飲完即覺得自己靚左。 手包雲吞有蟹籽，增加了口感，蝦都好新鮮，啖啖蝦肉。仲有餐前小食，炸燒賣同陳皮魚蛋，兒時回憶番晒黎。牛小排入口即融，忍唔住encore左幾次，食牛都番本。雖然材料選擇唔多，不過食物品質係唔錯既，有d材料如南瓜、爆漿魚丸等都係好不錯。

之前聽朋友話旺角有間火水爐食火鍋唔錯，家下佢又開到入屯門，鐘意試新野嘅我地又要去試下新店！呢度裝修有懷舊風，但地方闊落好乾淨。火鍋放題每位$298， 可以叫花膠雞牛小排火鍋套餐 首先會有一個花膠雞煲，啲花膠都有4,5件大大件，雞煲麻辣小辣，唔太麻唔太辣岩哂啲唔係好到辣嘅朋友。個汁都幾惹味。6人以上有會一隻雞。6人或以下就半隻。跟餐有個海鮮拼盤。 墨魚滑唔錯幾彈牙。四款汽水任飲，其他野飲按價收費。無限任食牛小排，正呀！最後仲有一大盤涼粉刨冰做甜品，唔錯！大大份有埋紅豆同雜果，好少火鍋店會用呢款甜品。不過可能新店的關係，出菜比較慢，建議一開始就入多幾張紙寫多啲，節省時間。

之前已經係MK食過一次, 知道屯門時代廣場呢度都開左間分店, 就約埋朋友再來一次呢度最貴既餐都只需$298, 可以任飲任食2小時, 可以先食花膠雞煲, 再來有海鮮拼盤打邊爐, 真係物超所值來到店員會先詢問你想要食咩價錢, 之後可以揀濃厚花膠雞湯鍋/麻辣花膠雞煲(可自選辣度)餐前小食, 炸燒賣+魚蛋, 配唔洗加錢既泰式辣醬我地點左麻辣花膠雞煲(小辣), 店員放低個雞煲, 之後會放個計時器係台面, 計時5分鍾, 到響個陣就會有店員返來你張台, 幫你將雞煲搞拌好花膠膠質真係無得輸, 食落好滑身, 份量仲要唔少架而雞方面, 我地2個人應該有半隻份量, 大部份雞肉都係淡淡肉, 而且雞煲入面仲加左豆卜同豬皮, 吸晒所有精華食完雞煲就開始換個湯底打邊爐~有4款湯底都係唔洗加錢~我地點左碧綠芫茜皮蛋鍋, 鍾意食芫茜既朋友可以試下~時令海鮮拼盤, 有海蝦, 廣島蠔, 沙白, 鯇魚片, 墨魚滑~推介頂級牛小排呢個部位肉質厚實而且肌里完美，肉質富含豐富雪花般油花最後仲有個甜品送~紅豆涼粉冰~好食整晚不停播住懷舊金曲, 加埋現場環境氣氛, 真係好似返左去七八十年代一樣~

都已經二月尾，天氣仲係甘凍，即係又要我打邊爐啦！屯門呢間火水爐，有古典既外表，但係時尚既味道。坐底睇下食咩餐先。有餐前小食，炸燒賣好好味呀，炸到又香又脆。濃厚花膠雞湯鍋，麻辣味好香，食指大動。。。雞肉都夠滑，仲有大大塊花膠，唔使爭。豆腐卜吸左個雞煲湯汁，正！盤海鮮都好夠睇面，食完都飽左大半，個墨魚滑要讚一下，好爽好彈。頂級牛小排，厚切，仲好有牛味，咬落有口感。仲有其他火鍋配料任點任食，汽水任飲，又係挑戰極限既時候。最後仲有甜品送，打完邊爐，食番呢個雜果涼粉冰，簡直係超爽超涼快！

同朋友去完屯門T-park出番黎搵野食，行行下就過左黎呢度，因為門口果個好似舊戲院既設計好得意，記得之前經過旺角果間，因為太多人所以無食到，今次黎屯門終於可以試下！因為我地得兩個人，就咁叫野食怕太多，就叫左個任食套餐，花膠雞煲頂級牛小排套餐！$298/人！首先黎左個花膠雞煲，花膠好大片，好稔好好食，雞煲夠入味，配埋可樂無得頂！食完雞煲就加湯，我地要左芫茜皮蛋湯底，食物上得好快，重點既牛小排質素無得彈，超好味！最欣賞係成間鋪入面既裝飾，好似置身於舊式戲院之中。之後食埋啲肉同菜，就好飽好滿足了，埋單要收埋$13醬油費同加一，不過仍然覺得物超所值！

火水爐係mk食過，屯門開了有花膠食！仲要唔貴，6點已經好多人排隊 每位$258，任食2.5小時餐廳環境好懷舊，有70年代的感覺。先黎前菜，係炸魚蛋同炸燒賣！有得自己調味招牌花膠雞煲，幾入味！花膠有黏咀的感覺！湯底:清雞湯主菜有廣島蠔，大蝦，花甲，脆鯇片，墨魚滑，全部都好新鮮，喜歡吃海鮮既朋友都不可以錯過。特別推介是係安格斯肥牛，脂肪比例平均，牛肉味好重，入口溶化。另外仲有其他配菜及火鍋配料，炸魚皮、油炸鬼、豬肚、各款丸、蔬菜等等，飽到一個點食完火鍋每人一份甜品就係雜果涼粉紅豆冰！大滿足。飲品以罐裝汽水為主，其他收費。

見屯門市廣場有一間新餐廳開咗好似唔係好耐 諗住試一試食物 食物漏單 見同枱搭枱下單後20分鐘先入單 叫侍應補落單 面口好似得罪佢 付款時 收銀員十問九唔應 用電子支付收完錢又唔同你講已經完成 成間鋪好似唔憂做 食物質素還可 但湯底可能有味精 令人口渴 但服務態度真令人驚嘆

屯門友帶路，去時代廣場地下新開冇耐嘅火水爐，有任食花膠煲雞套餐，我哋等位都等咗好耐，真係全院滿座。門面裝修成為舊戲院， 廣告牌招牌都是自家設計的公仔和標題。裏面懷舊裝修，設計超過癮，打卡一流！ 全場不停播放懷舊搖滾金曲，氣氛像回到80年代的disco, 令人興奮！牆身掛著舊戲名，霓虹燈模仿夜總會一角，偏廳原來是七八十年代家居一角，玩味極濃！選了麻辣花膠雞煲牛小排套餐$298每位。職員好快手送上一盤火鍋調味料，配料超新鮮企理。之後便送來餐前小食，是炸魚蛋和燒賣，很窩心！知道等位等得太耐，食客會好肚餓。花膠大大塊，兩位就有兩片，第一次食有辣味嘅花膠，原來都幾好味。微微的香辣(因為我們點了bb辣) 食得更滋味！花膠滑嘟嘟口感，吸收了雞煲的鮮味，很好吃哦！雞煲上桌時還未熟，職員調教了五分鐘的鬧鐘，夠鐘才吃，肉質就剛剛好，超鮮嫩，有雞味！雞煲的湯汁相對別的雞煲較清，但配料超多，洋蔥、薑、芫茜、唐芹、蒜粒，令雞煲十分惹味。食完雞煲，轉火鍋打邊爐，選了芫茜皮蛋湯底，比較下火。自選任食的火鍋配料， 一定要試試這裏的頂級牛小排和特級安格斯牛。頂級牛小排，肉色鮮紅亮澤，非常新鮮，脂肪雪花紋理，分佈均勻，口

係旺角食過火水爐既朋友都一至好評，性價比極高，得知屯門時代廣場開了分店，當然要來試一試啦，呢到主角係花膠雞煲😋裝修一如旺角店既七八十年代既懷舊，加上大量火水爐的裝飾，給人一種回到過去感覺！先來一鍋花膠雞煲，小辣，花膠份量超級大！膠質很重，配上少辣很惹味吃完雞煲換湯打邊爐，可以選擇雙拼鍋底！推介沙嗲湯底，味道濃郁！海鮮拼盤，有海蝦、蠔，墨魚滑，蜆，鯇魚片，很新鮮！海蝦爽口彈牙！特級牛小排，紋靚，重牛味，薄薄地淥幾秒就吃，任叫很爽呀！另外蔬菜丸類亦很新鮮，餃子亦係新鮮手包，重本！最後仲有個雜果涼粉紅豆沙冰，懷舊甜品，現在很少地方吃得到了！人均消費三佰元，有呢個質素，算不錯吧！

今日平日唔使返工自己一個諗住試下呢間新野。13:02落單，叫左個麵同一杯咸檸七，杯咸檸七好快就到，諗住麵應該唔會好耐啦。同枱另一食客已經係咁催單，最後發現冇落單，點知都等左好耐。去到13:32,等左半個鐘終於忍唔住催單，話會跟單，最終過左10分鐘要我再催。再過多5分鐘嚟左個唔係我叫嘅麵，就叫佢換返，但一路都未有，前前後後足足等左差唔多50分鐘，其間勁多枱客係咁催單同俾錯野。最後忍唔住拎住張單去問有未，但個職員居然勁冇禮貌咁話我發脾氣，我唔會同你跟，你去取消張單啦！！！未食已經食氣

一行四人去吃火水爐火鍋, 店名叫火水爐, 我們年青的都快要不知道是什麼了~不過老一輩就肯定知道, 裝修是以六、七十年代為主題, 帶爸媽去食有懷念過往的感慨。任食套餐有四款: 花膠雞煲, 麻辣花膠雞煲 $198, 特級安格斯海鮮火鍋 $258 及頂級牛小排鮮火鍋$298。最貴的也不是貴很多,當然是選它!!首先是麻辣花膠雞煲加上餐前小食, 本來我不小心誤會是火鍋的配料, 後來想到是餐前小食, 是一碟炸熟了的龍蝦丸及陳皮魚蛋, 好吃! 沾些泰式辣醬吃是絕配!!我很欣賞它是吃了雞煲後, 再換另一鍋湯吃火鍋, 其他店是直接把湯加在雞煲內, 然後湯底是又油膩又喊, 火水爐可以換另一鍋真是捧!!湯底也有四款: 芫茜皮蛋鍋, 花生沙嗲鍋, 麻辣鍋, 清湯鍋 , 我想吃清淡些所以點了芫茜皮蛋吃完了雞煲會送上跟餐的海鮮拼盆, 太豐富了, 有肥美的生蠔, 海蝦!!然後要自己點配料及汽水, 肉片我都點了, 不會說頂級牛小排是最好的, 有點似雪花肥牛, 吃了都停不下來, 一個人吃幾碟都沒問題。 除了牛肉, 黑毛豬也挺好, 只是豬要全熟, 時間掌握比較難, 放久了又會變過熟了變老了。韭菜餃一咬就是充滿了韭菜的香味

昨天是弟弟生日, 一家人出了市中心食飯, 最後決定去新開張的火水爐, 因為有牛小排任食套餐, 啱晒我們吃肉的一家人!可能是因為新開的, 很多人都想來嚐鮮, 七點半也差不多滿座了我們要了最頂級的任食套餐, 有花膠雞煲又有任食牛小排花膠厚厚的, 每人也有一大塊!雞煲要了微辣, 雞件很嫩滑, 如果吃完了雞煲也可以換鍋吃火鍋我要了芫茜皮蛋鍋, 芫茜湯是綠綠的, 因為它是把芫茜打碎放在湯內, 所以芫茜味是超級濃郁!! 有芫茜那麼吃火鍋就不會太上火了時令海鮮拼盆有蝦, 沙白, 蠔, 魚片等等, 海鮮新鮮, 但是想再點就要加錢了當然, 最最最重要的主角是牛肉!! 要瘋狂吃牛肉呀~我三款牛肉都點了, 一定是牛小排最好吃!! 雪花最平均, 肉質最好! 其實另外兩款也不錯, 有牛肉味的!! 老油條看起來很硬, 不過放在湯滾一下, 就可以吃了, 口感有點像吃炸魚片, 不過它是油條的香味汽水任飲, 但是啤酒是收費的。爸爸點的啤酒是用痰罐載著, 笑死我了~生日的主角瘋狂吃牛肉, 十分滿足! 吃完9點外面排滿了人, 原來9點後有優惠!!

和媽媽新年聚會 ，我們一起來到火水爐吃火鍋放題。1800開始已經有人排隊，新開張人氣很旺盛。點了濃厚花膠雞湯鍋牛小排海鮮火鍋，花多40元，就可以任食牛小排肥牛，非常超值。先來一份小食，是炸魚蛋和燒賣，新鮮即炸，非常香口。接著是濃厚花膠雞湯鍋，花膠很鬆化，雞肉很嫩滑，喝一口湯，每一啖都有雞湯的鮮甜。餐廳的火鍋料質素很高，首先是時令海鮮併盤，有蝦，墨魚滑，蜆，魚肉及生蠔，蝦新鮮且肉質鮮甜，墨魚滑彈牙且有墨魚香。頂級牛小排採用最上乘的肥牛，肥瘦均勻，牛肉味濃。黑毛豬肉片口感嫩滑，有啖啖的豬肉香。此外還點了響駖，豆卜，油條，金菇及生菜，油條即叫即炸，非常香口。稻庭烏冬煙韌之餘又彈牙，與雞湯味道很匹配。飲品可選擇各款汽水，有可樂和忌廉，都是打邊爐必備之選。最後是傳統的懷舊甜品，涼品很爽口，紅豆鮮甜，值得來懷舊一番。

這間雖然同旺角那間人氣熱點同一個名，但味道完全同旺角不同，原來再三問問，旺角佢地從頭到尾係一間店，而無開分店架，所以這間只是同名的火鍋店，而不是明星都去打卡的旺角火水爐。

走80年代風 播放舊時迪士高音樂😂 適合朋友放題一聚👍屯門新開左火水爐👅 之前食過旺角店一次 都覺得高質 今次再試分店 味麻辣花膠雞煲+頂級牛小排海鮮火鍋🥳 任食安格斯牛 牛小排 黑毛豬肉片 ❤️超正🤤食肉獸可無限♾食牛牛牛牛🐮🐮仲有懷舊甜品紅豆雜果涼粉冰 打完邊爐 食🍧降溫🥰=======================三個90後吃貨會不斷開心share美食💓*喜歡睇我地美食分享的，不妨按👍及share，讓更多人睇到我地既post🙆🏼‍♀️*📍OpenRice: 3bad_foodies(Lv4)歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_屯門美食推介...=======================