火水爐花膠館 (已結業)

今天帶小米到濕地公園，奈何樹屋臨時做清潔，要提前關閉。為了打發時間，選擇了小米口中＜偉大的輕鐵＞，由濕地來到屯門市中心，順便在附近晚餐。輾轉之下，在附近商場地面發現一家火鍋店。店門大大塊餐牌，可細看食物款式。加上氣溫十六度，天寒地凍，火鍋就是不二之選！　還未到六點，店門已有客人輪候，應該品質不錯！　百二分鐘的放題，六時入席，八時離席，十點保証回家。 就座後，先選擇鍋底和各火鍋配料。小米突然想要雞蛋，以火鍋料沾上蛋漿。自己家族向來没有這種習慣，不知小米何以得知這食法。最重要是，小米打蛋尚算有儀態，能夠保持枱面乾淨。魚蛋和燒賣，還有海鮮拼盤先呈上。濃厚花膠雞湯鍋 　　個人覺得：雞件，只係用來吊味，吊出靚湯底。就等於小時候，母親大人的花旗蔘燉雞：雞肉只是用來吊味！　花膠雞湯鍋真身：雞件，花膠，白蘿蔔。白色湯面，已浮出一層黃油。　嚐一口湯底，鹹中帶甜。　就讓小米先試一小碗雞湯吧！小米想再添，果然識食。我倆一碗又碗，整鍋雞湯都見底了！本來可免費轉做另一款鍋底來火鍋。自選的鍋底有麻辣沙嗲芫茜皮蛋，可是我和小米不食皮蛋，自己又暫時不能進食濃味的食物。而放題食材中，發現有芫茜菜和唐芹。只是很喜歡這個花

朋友相約打邊爐，推介新餐廳【火水爐花膠館】，因為曾光顧旺角店，印象不錯，一於駒車前往。餐廳在屯門時代廣場地面，在街上已經可以看到。餐廳沿用懷舊電影院風格，頗具特色。任食火鍋套餐每位只需$298連湯底，可選麻辣花膠雞煲或濃厚花膠雞湯鍋；朋友不愛辣，所以選了花膠雞湯鍋。基本醬油配料齊備贈送小食炸燒賣及炸魚蛋，味道不錯先來海鮮拼盤，有鮮蝦、鯇魚、生蠔、墨魚滑以及鮮活花蛤。墨魚滑鮮味出眾、口感爽滑彈牙。鮮蝦是中蝦已上，賺大了😍😍生蠔味道鮮甜，但小心別煮太久，否則會變成蠔仔的……😅😅蔬菜為火鍋不可或缺配料，西洋菜及唐蒿是我最愛，吸取了煱底油份，格外嫩滑。還有多種其他配菜，尤以粟米貢丸最美味，能吃到粟米粒的香甜味；鮮腐竹、金菇午餐肉也是我喜愛的火煱配菜。是夜主角頂級牛小排，脂肪分佈均勻，肉質細膩嫩滑，甚至有點和牛的口感。另一碟是安格斯牛肉，肉質較為爽口，牛味亦比較香濃，嗜食牛者定必欲罷不能。人均消費三百左右，划算划算，有海鮮及優質牛肉，確實為邊爐愛好者佳音。

湯底一向都係火鍋中既靈魂，無論食材有幾新鮮，都要有個出色既湯底，令食物味道昇華，豐富番整餐飯既感覺。今次呢間火鍋店主打花膠湯底，對女士男士都好有益處，決定一試。由於想試真d個味(其實係怕第一次食會伏🤣)，所以揀左最正常既濃厚花膠雞湯底。火鍋配料算係多樣化，只係飲品得幾款汽水係仼飲，其他要加錢。好少見火鍋店有一碟餐前小食送過黎(某d舖係自助去拎既🤔)主體終於出場，花膠好大片好滑，食落去好舒服。出色既仲有入面d雞，非常滑同好有雞味(無冰鮮既味道)，重點係個湯好好飲，未開始食配料先飲兩碗👍🏻👍🏻當下覺得個皮膚滑左🤣每次黎到既火鍋料份量唔算多，但上面幾款都好食，重覆叫左幾次。最好既係一路食個口都好jam有骨膠原，好滋補😂打完邊爐，仲會有個糖水送，令個口腔無左油膩感。環境以懷舊風為主，配合”偽”紅光管。唯一想佢改善既係個background music開得太大聲，講野好似要叫出黎😅整體黎講，想抵食而健康既話，呢間係選擇之列。

今日去到屯門做嘢，竟然見到火水爐喺屯門都開咗分店！最新奇嘅係佢係以花膠作為主題火水爐一向都主打香港地道懷舊味，店裏播住一首一首老香港嘅歌曲，令我10分懷念以前香港嘅好時光成個午市餐牌都係花膠花膠同埋花膠，冇一款主食係無花膠嘅出現，非常之補紅豆奶茶並唔似紅豆冰咁，係一杯加左紅豆嘅港式奶茶麻辣汁黑木耳都幾辣，開胃！鮑汁時蔬個汁好香鮑魚味🤔好濃，溝埋索哂啲汁嘅白菜好正雞湯好香甜，花膠超大塊重頭戲黎喇，我同同事都點左呢個乜都有嘅撈面，王牌雞髀名不虛傳， 索晒啲花膠味，啖啖肉，仲超級滑！冬菇超大舊，仲要唔只得一舊，又係入晒啲汁，好香菇味！雲吞水餃皮好薄，蝦都好彈牙；更加唔使講嗰舊超大塊嘅花膠啦！所有餸都好好食$70勁抵

呢間店吸引人既地方係門面好懷舊好正，食野方面又好似好吸引,於是走去試試。其實好食既邊爐好難，配料同湯底好重要。睇其他人既評價都話服務態度不是好好，但我又覺得好好wo,上至接待下至執台職員都好有禮貌，這點不錯喔！提提大家晚上9點後會有優惠，店面有點細大家要打電話book台會好一點🤣 最喜歡係嗌完湯底會送您餐前小食懷舊炸燒賣同炸魚蛋 好好食啊救命❤️ 今次係因為試水溫所以試左個最平餐先9點前$198 9點後$168 得一款牛同豬 中間套餐就2款牛一款豬 最正係可以食完一個湯底中途幫您換第二個湯底試其他湯底 我覺得下次可以試下 最後還會送您什果紅豆涼粉冰（超好食啊）有樣不足之處係場內音樂太大聲，嘈到傾唔到計，令人好頭痛 這點是不足的

門外寫著豪飲任食，原來只有汽水任飲，其他飲品都要收費；調味料都要收$13一位，重要另收加一；任食的食物非常普通，又唔新鮮，稍為好d 的食物都要另外收費；安格斯牛肉無味道，海鮮只有幾隻蚱同蜆仔和幾隻蠔，但唔新鮮；五個人只飲了三罐獅威，無叫其他自費飲品及自費食物，五個人埋單要$1521；店內開大音響，講野都聽唔到，入到去都想走，又有人食煙，大家要三思，實在太令人失望😰

之前已經惠顧過位於旺角的火水爐，最近見喺屯門時代廣場新開咗間「火水爐花膠館」，店內以七八十年代舊香港的裝潢作為主題，播放着懷舊金曲，好有復古feel啊！而餐廳則以花膠做主打，推出多款花膠火鍋湯底，女士們更加不容錯過每位$198起便可享用任飲任食火鍋套餐，設有三款價錢的套餐，豐儉由人，任君選擇。我就揀左$298花膠雞牛小排海鮮放題套餐除左有價錢的項目，其他火鍋配料都係任點任食的，仲有可樂汽水任飲餐前小食點餐後店員會先送上餐前小食：炸燒賣同炸魚蛋，熱辣辣新鮮炸起的，好彈牙，配酸甜醬食用就更加滋味濃厚花膠雞湯鍋湯底用鮮雞同南非花膠熬超過10小時，所以飲落都幾重鮮雞味。雞件有十幾舊，份量足足有半隻雞之多，肉質結實！花膠好大塊，口感軟滑，充滿骨膠原，滋補又養顏，係女士嘅恩物啊！食完花膠同鮮雞就可以開始打邊爐啦！海鮮拼盤分別有鮮蝦、蠔、墨魚滑、蜆肉等等，份量都幾多架！生蠔大大隻，好肥美，幾鮮甜哦！墨魚滑都好新鮮彈牙！蜆肉無沙，頗大粒肉！頂級牛小排油脂分布平均，脂肪比例較多，所以入口特別肥美香軟，牛肉味濃郁，高質素！任點任食真係好化算，食肉獸不能錯過呢豬腸由於跟餐本身有的配料都食到好飽，所以任點的火

第一次試食，試吓麻辣花膠雞鍋，店裏用正式雞件而不是只用雞脾雞扒值得一讚，尤其一大片花膠老婆食得很開心，另外點了其他火鍋配料，食材夠新鮮，老婆話d菜差少少，安格斯牛片可以，墨魚滑出奇地好食，原來有餐後甜品，已食飽晒都試下原來先也不錯

有日經過見到屯市開左新餐廳 即刻約朋友一齊試 個名幾特別 叫火水爐 裝修都幾懷舊 仲用緊以前木色個d圓枱 任食雞煲邊爐 最出名應該係花膠麻辣雞煲 食完可以用雞煲打邊爐 都可以另外選一個鍋底 簡左298任食套餐 配料選擇更多 因為有朋友唔係好食得辣 就叫左小辣 即整既花膠雞煲 所以唔係即坐即有得食 就上左餐前小食 炸燒賣同魚蛋 即炸夠香口 真係無得輸 雞煲黎到再等5分鐘就食得 可能小辣覺得唔係幾夠辣 下次可以試下中辣 雞件幾滑 豬皮吸哂雞煲個汁既味 正啊 食完雞煲就可以叫佢換煲打邊爐 可以簡一款湯底 試下佢個招牌花生沙嗲鍋 有附送一個海鮮拼盤同好多配料簡 海鮮拼盤有蝦有鯇魚有蜆 都幾新鮮 墨魚滑 另外配料都點左唔小 牛小排 安格斯 都幾高質 出既份量又合理 跟人頭比 唔會每款都出勁多食唔哂 人人都有得食 又唔會太多 加點既配料仲會減少份量 好滿意依一點 野食都好新鮮 沙嗲沙底都幾濃味 會越煲越濃 唔鐘意濃味既人可能就要簡其他 食完仲有一份甜品 涼粉紅豆菠蘿冰 服務態度良好 但餐廳播既歌大聲 唔介意既話可以黎試下

未入門口 已經俾個阿叔問有冇訂位冇就今晚都唔洗再黎 完全係覺得full booking 唔洗做你一枱半枱生意 態度真係差到我都係去食野姐 見佢入面冇人 門口拎飛又拎唔到咪問佢係咪入得 正常你咪講一個今晚滿曬咪算 仲要串多你一句半句 講真 咁既態度就算幾好食都唔會入去～

喺屯門時代廣場行完街搵地方食飯，經過見到呢間《火水爐》裝修咁有特色，門口餐牌上嘅兩小時任飲任食花膠雞牛小排海鮮套餐 ($298)相當吸引，見呢幾日天氣又凍返，打邊爐就最適合不過嘅喇。餐廳裝修好有特色，到處掛有七八十年代經典電影戲名及裝飾，牆邊仲擺有一排排嘅火水爐，充滿香港七八十年代懷舊情懷。我哋揀咗$298(位)套餐入面嘅“麻辣花膠雞煲牛小排海鮮火鍋”。配料方面都有好多選擇。鍋底未到之前，侍應先送上炸燒賣、魚蛋做餐前小食。麻辣花膠雞煲，上枱煮五分鐘就食得，入面有半隻雞，仲有大大嚿花膠。雞肉嫩滑，花膠爽口彈牙，味道又香又麻，十分惹味。食完雞煲可以喺四款鍋底揀一款打邊爐。特濃花生沙爹鍋，花生味香濃，香口之選。時令海鮮拼盤，有蠔、蝦、蜆、脆肉鯇同魚滑，幾款都相當鮮甜！頂級牛小排，肉質嫩滑。特級安格斯牛肉，牛味濃郁。美國珍寶肥牛，肥瘦均勻，略帶爽口。黑毛豬肉片，有咬口，豬肉鮮味。山根、響鈴、鮮腐竹、午餐肉、芝士腸、豬皮、鵝腸、豬粉腸……等，款款質素都相當唔錯。當然唔少得丸類同蔬菜，牛丸、墨魚丸，彈牙好食；時令嘅西洋菜十分爽甜。飲品方面，有四款汽水任飲。最後食埋個懷舊甜品，涼粉紅豆菠蘿冰滋潤下，

屯門新開的火鍋店，今晚同朋友聚餐，朋友提議食，就決定了試試。裝修很有特色，挺有感覺的，叫了任食花膠雞牛小排海鮮套餐，花膠雞湯底濃郁，花膠真材實料，一開始就喝了一碗，有家的感覺。火鍋配料多選擇，肉類高質，特別喜歡牛小排，牛味濃，不韌，口感嫩滑，沒有雪藏味。丸類多選擇，特別愛墨汁墨魚丸，彈牙爽口。自家餛飩，水餃，很有水準，餡料新鮮，令我們叫了幾次。油條都是我們另一至愛，熱辣辣炸起，用來加下湯底，比響鈴好吃。這間火鍋的質素高，多選擇，最後還有一個涼粉下火的甜品，滿足，店員的服務很好，主動加湯，收拾。

香港人一年四季都鍾意打邊爐，有需求喺市場上面但係當供應越嚟越多嘅時候大家又會用一個乜嘢嘅準則去選擇？食物質素係最緊要，其次，我會重視佢有冇特色，當然環境 同埋價錢都係考慮嘅第三個因素。. 上年同朋友食過旺角火水爐火鍋，最近知道屯門亦都開咗分店，嗰度更加係主打🤘花膠雞煲；爸爸係超級花膠愛好者，所以趁住星期日，就提早訂位帶埋屋企人嚟試下👨‍👩‍👧‍👦火鍋任點任食，不過按住牛肉質素劃分咗唔同價錢。同屋企人嚟食，想佢哋食好少少，所以就揀咗任點任食嘅🐂牛小排套餐。餐廳嘅遊戲玩法係顧客會先享用花膠雞煲，然後就會奉上火鍋湯底進行火鍋環節，所以一個價錢會食到兩個煲，性價比高🤘. 花膠雞煲🐔上枱嘅時候已經聞到香噴噴，奶白色嘅湯底就知道骨膠原好豐富，滾起嘅時候我哋打開一撈，有四大片花膠，估計應該係按住人頭去分配花膠數量；至於雞件，都有七至八件，全部感覺新鮮，肉質嫩滑。 最欣賞佢個湯底，入口香濃但唔覺得油膩；湯裏面仲有白蘿蔔，估計係為湯帶來更加鮮甜嘅味道。. 火鍋湯底有四款可以揀，想火鍋湯底清清地，所以揀咗最穩陣嘅芫茜皮蛋湯。. 🍴芫茜皮蛋湯因為皮蛋切得大件，所以唔容易溶喺湯中，每一次撈起都會見到完整嘅皮蛋

開店嘅時候，見到餐牌有蟲草花蒸雞飯，就好期待，但終於有時間去⋯⋯可惜已經更改左餐牌無左。有d失望！然後想食其他有關雞嘅飯，都已經賣晒⋯⋯個時只係晏晝三點幾。所以只好叫豬手飯，其中一隻手有好多毛係上面，份量夠飽，味道唔差，都會再試。

「火水爐」應該係爸爸媽媽以前年代嘅產物，對於我哋呢一代，其實都唔係太熟悉係乜嘢，但係會知道係一樣復古嘅物品。而喺而家嘅社會入面，其實都已經唔再出現太多。今日同埋佢哋去到屯門呢間名為火水爐嘅火鍋餐廳晚餐，裝修果然同舖頭名一樣，帶有點懷舊嘅味道；室內環境除咗為人熟悉的霓虹燈光管，當然重放咗幾個火水爐做裝飾，地板沿用6、70年代嘅格仔階磚地板 ，餐具亦都離不開綠色筷子。.呢間餐廳主打係🤘任食花膠雞煲加火鍋，難得一家人晚餐，當然揀最好！我哋揀咗最貴嘅牛小排套餐；點餐之後店員先送上🍴炸燒賣魚蛋，呢個懷舊小食炸得香脆熱辣辣。. 🍴花膠雞煲好快就送上嚟。花膠有三大片，有薄切牛扒咁厚，而且相當彈牙，大概就跟返人頭計而去分配花膠嘅數量；雞件人均大約有兩件左右，好鮮嫩；至於精華，我覺得會係個花膠雞湯，骨膠原好重，記得趁熱飲，如果唔係凍咗就會起咗層膠。.食完小食飲埋個湯食埋花膠同雞，其實已經大約飽咗一半，店員隨即換上另外一個火鍋專用嘅煲， 湯底就自行選擇，我哋揀咗最傳統嘅🍴芫茜皮蛋湯，同出面有少少唔同，佢呢度嘅芫茜同皮蛋係相當足料，而且切到好大件，唔會滾一滾就溶晒。火鍋配料當然要選擇呢個套餐嘅主打🐂牛小排。