影片
更多
2019-03-07
1005 瀏覽
香港人一年四季都鍾意打邊爐，有需求喺市場上面但係當供應越嚟越多嘅時候大家又會用一個乜嘢嘅準則去選擇？食物質素係最緊要，其次，我會重視佢有冇特色，當然環境 同埋價錢都係考慮嘅第三個因素。. 上年同朋友食過旺角火水爐火鍋，最近知道屯門亦都開咗分店，嗰度更加係主打🤘花膠雞煲；爸爸係超級花膠愛好者，所以趁住星期日，就提早訂位帶埋屋企人嚟試下👨👩👧👦火鍋任點任食，不過按住牛肉質素劃分咗唔同價錢。同屋企人嚟食，想佢哋食好少少，所以就揀咗任點任食嘅🐂牛小排套餐。餐廳嘅遊戲玩法係顧客會先享用花膠雞煲，然後就會奉上火鍋湯底進行火鍋環節，所以一個價錢會食到兩個煲，性價比高🤘. 花膠雞煲🐔上枱嘅時候已經聞到香噴噴，奶白色嘅湯底就知道骨膠原好豐富，滾起嘅時候我哋打開一撈，有四大片花膠，估計應該係按住人頭去分配花膠數量；至於雞件，都有七至八件，全部感覺新鮮，肉質嫩滑。 最欣賞佢個湯底，入口香濃但唔覺得油膩；湯裏面仲有白蘿蔔，估計係為湯帶來更加鮮甜嘅味道。. 火鍋湯底有四款可以揀，想火鍋湯底清清地，所以揀咗最穩陣嘅芫茜皮蛋湯。. 🍴芫茜皮蛋湯因為皮蛋切得大件，所以唔容易溶喺湯中，每一次撈起都會見到完整嘅皮蛋
上年同朋友食過旺角火水爐火鍋，最近知道屯門亦都開咗分店，嗰度更加係主打🤘花膠雞煲；爸爸係超級花膠愛好者，所以趁住星期日，就提早訂位帶埋屋企人嚟試下👨👩👧👦
火鍋任點任食，不過按住牛肉質素劃分咗唔同價錢。同屋企人嚟食，想佢哋食好少少，所以就揀咗任點任食嘅🐂牛小排套餐。餐廳嘅遊戲玩法係顧客會先享用花膠雞煲，然後就會奉上火鍋湯底進行火鍋環節，所以一個價錢會食到兩個煲，性價比高🤘
. 花膠雞煲🐔
上枱嘅時候已經聞到香噴噴，奶白色嘅湯底就知道骨膠原好豐富，滾起嘅時候我哋打開一撈，有四大片花膠，估計應該係按住人頭去分配花膠數量；至於雞件，都有七至八件，全部感覺新鮮，肉質嫩滑。 最欣賞佢個湯底，入口香濃但唔覺得油膩；湯裏面仲有白蘿蔔，估計係為湯帶來更加鮮甜嘅味道。.
火鍋湯底有四款可以揀，想火鍋湯底清清地，所以揀咗最穩陣嘅芫茜皮蛋湯。
.
🍴芫茜皮蛋湯
因為皮蛋切得大件，所以唔容易溶喺湯中，每一次撈起都會見到完整嘅皮蛋😎.
🐂牛小排
貴價套餐就係可以享用🐂牛小排，我哋當然有點。肉同脂肪比例完美，平時打邊爐唔食肥牛嘅我哋都欣賞佢嘅牛小排，放落熱水灼灼，啱啱冇血水嘅時候食就最啱，仲一啲都唔韌👍
.
😎油炸鬼
打邊爐食魚皮就食得多，食油炸鬼都係第一次；理論同魚皮一樣，浸落水數三下，拎返上嚟，入口介乎半脆與半腍之間，好鬼盞鬼👻
.
🦐海鮮拼盤
呢個係我哋估唔到會有嘅項目，每一台都會獲分配適量嘅海鮮，成個海鮮拼盤最驚喜係生蠔，肥美得黎有少少海水味，仲夾住腥味，證明佢相當新鮮！.
菜類
蔬菜亦都好翠綠乾淨👍絕對放心食用.
🍧紅豆涼粉冰
火鍋店少有會提供自家製嘅甜品，或者呢度想配合到成件事都好懷舊，所以佢哋都製作咗呢個咁懷舊嘅甜品。甜度適中，份量亦都啱啱好，食完熱辣辣嘅火鍋食物再食凍冰冰嘅甜品，係幾完美嘅完結。.
火水爐無論食物種類、款式、質素、價錢同埋地方環境，畀我感覺都比出面火鍋店出色， 更值得一讚係員工會主動為我哋換上乾淨嘅碟，呢一個服務，出面嘅火鍋店真係畀唔到。
張貼
