火水爐冰室火鍋

營業中

休息中

貌似舊戲院，其實是細蓉店。火水爐坐落煙廠街，朗庭軒旁邊。沿著彎曲樓梯直上，發現梯間貼滿大量昔日的海報，頂層扶手位置鋪滿一個個火水爐，拼湊出一幅半身牆，陳設懷舊之中見特色。牆上畫滿水彩畫、細格地磚仔、大圓摺枱加一桶筷子，那些年的大排檔就是這樣的。另一個賣點是陳仕偉師傅，陳師傅是由米芝蓮麵店過檔的。換句話說，我們現正以街坊價享用米芝蓮貨色。👏👏👏到細蓉店，怎樣錯過雲吞麵，那當然要先來一個細蓉，再添兩粒水餃 😋😋細蓉+燕皮水餃 $46燕皮水餃皮薄饀靚，燕皮爽口，吃起來餃皮不會黏在一起；雲吞有蝦有肉有鮮味；麵條爽口彈牙無皂水味，可把浙醋省掉。曾經有人問我那裏有靚雲吞麵可嘆，那個時候答不上話，現在有答案了。豬手牛腩撈麵 $58撈麵比湯麵更耐放，撈了五香腩汁，可選碟上或碗上，碟上麵條份量會多一點；牛腩炆得鬆腍入味，豬手亦炆至離骨，徹底將骨膠原釋放出來。韮菜花 $22韮菜花新鮮嫩綠，基本無渣；蠔油屬自家出品，鮮味之餘不會太咸，明顯比家中的傳統品牌優質。真想可以買瓶回家自用。蝦籽蘿蔔 $28蝦籽橙紅細如沙，炒香配蘿蔔，有新鮮感，蘿蔔夠嫩夠腍無渣，但味略淡，加點味道會更好 🤗🤗

行過呢間門面咁靚嘅火鍋店門口大大隻字寫住”火水爐”ho eye catching!!好有80年代feel就忍唔住入咗去食..上到去見到佢係任食打邊爐仲有雞煲又有肥牛仲有好多前菜! 仲有鮑魚!!!!!!!!!!!😛😛😛最吸引我係佢入邊嘅裝修同埋佢係可以任食你想食幾多都得又有海鮮又有肥牛又有得揀湯底!食咗差唔多三百幾蚊我覺得都算值嘅因為始終都有海鮮食都幾新鮮😋😋最後做一個好好食嘅糖水不過唔記得影相

下午兩點都仲未食午餐，邊行邊搵食。路過被門面裝修吸引，酷似從前那些戲院的電影上映海報，當然入去食野，感受埋入面既懷舊風啦～樓梯位售票處都好有特色～入去坐低睇下有咩食～之前聽同事提過食茶記食物，但而家轉咗crossovers 「元朗好到底麵家」仲拎過米芝蓮。講開就發現自己好耐無去過麵店，再襯埋大排檔設計，都幾好feel~~另加$24可跟餐，有蠔油生菜同飲品～金牌雲吞撈（碟）碟上份量多啲價錢貴啲，男士啱晒～雲吞精緻細粒，入面有鮮蝦豬肉，調味剛好，麵底十分不錯，爽彈，沒有梘水味撈麵通常會跟一碗清湯，呢度碗清湯好鮮味，一啲都唔Hea~~蠔油生菜新鮮，咬落脆口，唔會淥到過淋。百花蟹皇燕皮水餃麵「燕皮，是瘦豬腿肉加澄麵調味，手工打製而成，皮薄如紙。」餐牌背面解釋什麼是燕皮。仲係非物質文化遺產！外皮感覺似魚皮餃，真係超薄身，透咗入面内餡顏色～厲害！粒粒飽滿，内餡豐富，裡面有一層厚厚蟹皇包住蝦膠，好好味呀！湯底都唔錯，唔會太濃味，食完唔會口乾，証明無添加味精～處處影相位～懷舊！有型！收銀處旁邊有一盆時代遺物-火柴，暴露咗年齡添#唔洗入元朗都食到「好到底」#我最喜愛麵底#下次要試豬手#夜晚火鍋應該仲有f

今日約咗響旺角打邊爐, 雞煲加打邊爐而家基本上係一個套餐， 今日食呢個特別係個懷舊裝潢， 地點係好景商場後面街， 旺中帶靜。雞煲有埋豬皮鮑魚(鮑魚人頭計)，另外有，炸魚蛋燒賣等小食，價錢258一位，包汽水，唔算平，但冇分入座時段呢樣好(但還是有用餐時間限120分鐘)，而且油煙味還好，每枱中間留有位置，唔會食到好迫急。order麻辣雞煲，雞件切得啱啱好，唔會太碎，個汁好香濃嘅麻辣味，豬皮完全吸收了麻辣味， 鮑魚都好好食， 一件唔夠喉。 炸魚蛋味道一流，燒賣硬了少少。雞煲之後換了個皮蛋莞茜湯打邊爐, d莞茜浮晒面，好足料。海鮮盤不過不失。任食餐單選擇多，最好味係安格斯牛肉，肥瘦均勻，冇雪味。牛柏葉，福州魚丸唔係度度有，最好味的係佢d雲吞，燕皮餃，係元朗陳仕偉師傅出品，平時食碗雲吞面都要30蚊，呢度可以任食

窩夫與蝦子餅去火水爐吃過兩次火鍋，某周六下午想去試試它的沙嗲牛麵和西多士，卻發現冰室已轉型為麵館。麵館由元朗好到底第三代陳仕偉主理。食物選擇不少。先來兩杯奶茶，凍熱各一，每杯14元。窩夫點了一碗秘製豬手麵($38)，加了兩隻百花蟹皇燕皮水餃($16)。生麵幼身爽口，豬手炆得很腍，水準不錯。燕皮以豬腿瘦肉混合澄麵和鹽等，以手工打制，難怪很少地方可以吃到。蝦子餅點了金牌雲吞麵(大蓉)($38)，同樣加了兩隻百花蟹皇燕皮水餃($16)，雲吞細細隻，豬肉的比例比蝦肉多，屬傳統的做法。蝦籽蘿蔔($28)的蝦籽份量足，色澤橙紅，幼細如沙，味道鮮濃甘香，令蘿蔔生色不少。

今日唔係上夜總會，亦唔係去打邊爐，更加唔係窮到要去當舖，而係去食蝦籽麵。兩人先點咗:- 忌廉 $12、奶茶 $14、招牌蝦籽撈麵 (碗) $40、燕⽪⽔餃麵 $42 加兩隻⾦牌雲吞 $12 和柱侯⽜腩 $48。【招牌蝦籽撈麵】是用馳名的好到底麵，上面撒滿蝦籽，一拎到出來，就聞到好香的蝦籽味。個湯就有好多韮王，所以味道就零捨特出。【燕⽪⽔餃麵加兩隻⾦牌雲吞】。生麵好爽。⾦牌雲吞唔係硬銷大大粒嗰種，而係可以一口食晒嗰種。我當然唔會一啖食晒佢，反而係咬一半先，發覺多咗一種味道 – 係蝦籽! 原來雲吞裡面都有蝦籽。好出色!燕⽪⽔餃皮夠薄，內裡有菌絲、木耳絲，口感唔錯。【柱侯⽜腩】炆得腍，夠入味，唔肥唔漏。食到呢到，仲係好想食蝦籽，就追加咗個蝦籽蘿蔔 $28 和一碟⽣菜 $18。【生菜】生菜本是普通嘢，但係蠔油就唔少嘢，好鮮味，唔似得李字號嗰啲哽嘢。【蝦籽蘿蔔】雪白的蘿蔔煮到咁腍，上面又係撒滿蝦籽。蘿蔔的清甜味加上蝦籽的香味係好夾的，好食到停唔到口。今次食住咁多先，下次再食過。埋單時有少少驚喜，原來阿姐自動幫我哋啲嘢食轉成套餐價，所以慳咗8蚊。

友人生日.上次經過覺得佢幾懷舊.咪試下..裝修確係幾懷舊...初初上到去都幾好Feel...點知食緊雞煲時突然我地果度冇左兩部冷氣..熱到出曬汗.根本食唔到落去...邊爐都未開始打就濕曬...之後有返冷氣.但係都係好微...食完雞煲換第二個煲加湯底打邊爐...我地叫左$258...好彩係..啲牛黎得好慢..其他食材除左生菜烏冬..都係唔好食..啲丸佳寶都好食過佢咁囉..食到尾段.朋友碗烏冬有隻疑似小強物體囉.但對方稱係藥膳煲其中一樣藥材woo..但真係唔似...

係香港行懷舊路線嘅餐廳越嚟越多，今次去咗煙廠街打邊爐，係任食任飲汽水所以啱我嚟，唔會 over budget。先食個鮑魚雞煲，飽魚好腍，夠晒惹味，但可惜無得添加。湯底嗌咗唔洗加錢嘅香茜皮蛋湯，如果要 fancy d 嘅湯底就加幾十蚊。仲有海鮮拼盤非常豐富，帆立貝、脆鯇片、廣島蠔、蝦、花甲。呢個都係無得添加嘅。美國安格斯牛同西班牙黑毛豬呢啲打邊爐必備嘅就當然唔少得。丸類反而有好多選擇有驚喜，有陳皮魚蛋、粟米貢丸、龍蝦沙拉丸同爆漿魚丸等等，夠晒脹爆。仲有蔬菜、粉麵同其他火鍋配料，一定飽到上心口。最後餐廳仲驚死你唔飽，俾咗一盤紅豆椰果涼粉冰，好有心呀！

終於可以一試火水爐了，懷舊而走本土風的裝修早已令它岀名。更好的是餐廳走任食路線，價格較穩定，不怕男生來到吃不飽。最適合一大班朋友會吹水食。而今晩我們吃了早鳥時段，8時半前結帳的安格斯海鮮火鍋任食餐只需 $238/位，包海鮮配料還有汽水任飲呢！醬油每位 $12先來一碟小食，就是魚蛋和炸燒賣。果然走香港路線。然後便是鮑魚雞煲，不吃辣的更可走辣。餐廳也很認真，把計時器放在枱上，告知我們最佳的食用時間。雞肉要趕快吃掉，因為焗久了便會減少嫩滑感。鮑魚也煮得腍而入味，真是好味。湯底是香茜皮蛋湯，夠清甜。海鮮拼盤非常豐富，帆立貝、脆鯇片、廣島蠔、蝦、花甲和沙。鮮甜彈牙，打邊爐必備。當然少不了鮮嫩的美國安格斯牛西班牙黑毛豬丸類有驚喜，除了普通的丸外，更有陳皮魚蛋、粟米貢丸、龍蝦沙拉丸和爆漿魚丸。吃時要很小心，因為丸裡的餡熱騰騰的很易燙嘴唷！蔬菜、粉麵和其他火鍋配料應有盡有。最後大家也吃到飽，然後店員説還有甜品。竟然不是平時放題的杯裝雪糕，而是一大盤的紅豆椰果紅豆冰！吃完真的透心涼，可以開心回家了。

每次行經呢度都被佢嘅搞鬼裝飾所吸引, 裝修到成間懷舊戲院咁行上去亦都係以懷舊主題, 其中一面牆上以兒時玩嘅康樂棋為裝飾, 不禁令人有集體回憶呀!呢度日市係冰室, 晚市就供應任食火鍋, 限時150分鐘!呢個安格斯海鮮火鍋任食套餐每位$258 (兩位起)餐前小食係呢碟炸燒賣, 魚旦及雲吞, 熱辣香口, 一啖一隻好方便!套餐係先食招牌鮑魚麻辣鷄煲, 辣度可由BB辣至大辣, 煲返滾就食得! 打開煲蓋麻辣嘅香味已經散發出黎, 此刻鷄煲亮點去左隻鮑魚度 (哈...哈.....)呢度嘅鷄煲除左有鷄件外, 仲有豬皮同豆腐卜, 兩者同係"索"汁尤物, 入口就食到麻辣醬汁味, 有幾有心思!  主角鷄肉幾滑, 數量都唔少; 而隻鮑魚食落爽口彈牙, 配埋大量甜味紫洋蔥, 味道惹味中帶點甜味!食完鷄煲選好湯底就可進行邊爐時間, 喜歡清清地又可以下火嘅香茜皮蛋湯時令海鮮拼盤, 款式並唔係劃一, 睇下邊款海鮮靚就比邊款, 今晚有廣島蠔/脆鯇片/沙白/蝦/青口等, 每位每款一至兩隻!海鮮望落樣子討好, 以冰粒墊底保持凍度蝦同沙白味道鮮甜, 唔點任何醬料都好味蠔烚完稍為縮細左, 但蠔味幾濃無價錢食材係任食系列, 汽水任

今晚去開旺角，想起很久沒有去火水爐，吃火鍋，於是約六點便來到，可能時間尚早，我們成為第一枱客人，不過到了七點，客人陸續進入。聽侍應講餐廳營業時間延長至凌晨2點，以後夜麻麻都有得打邊爐，哈哈😄👏要了雞煲少辣，侍應已經送上了餐前小食，可以吃著等雞煲。雞煲上枱後，侍應按了計時⌛️五分鐘，夠鐘就會幫手開蓋，撈一會就可以吃了。雞煲質素無變，都是很多材料，雞肉入味又嫩滑。仲有每人一只鮑魚仔，又腍又入味。吃完雞煲，要了麻辣/芫茜鴛鴦鍋打邊爐，另加$28，想不到麻辣有些似四川麻辣，只是沒有牛油蒲面，芫茜皮蛋煱底清甜。海鮮拼盤：有蝦、蠔、脆肉鯇魚腩、脆肉鯇魚片、靑口、蜆。我最喜歡是脆肉鯇魚腩、蝦、蠔。火鍋必然之選是牛肉，安格斯牛肉，脂肪平均，肉味十足。再要了餐肉、生菜、蕃茄，就差不多飽了。飯後還有雜果紅豆涼粉，吃完火鍋吃些涼粉清熱一下，這個安排真的不錯。

近排真係好熱，熱到街都唔想落，但肚餓都係要搵野食，近近地去火水爐算。夜晚就食火鍋，日頭有粉麵食，同好到底似係聯乘咁，如果要食好到底，入到元朗都係大排長龍，呢度唔洗等可試，都要朝聖下。好到底以麵聞名，特別係蝦籽麵，由佢地嘅師傅主理。我地叫左雲吞麵、蝦籽撈麵，後者可轉套餐，加24蚊轉套餐可以多碟菜同埋飲品雲吞麵份量都大碗，而且用傳統碗，好吏懷舊感覺。麵放麵，以免浸腍，保持爽口。雲吞唔係好大粒，但裡面都有好多蝦肉，食落爽彈。麵質都係我鐘意嘅類型，唔會淋哂，幾有韌勁。細碗價錢32蚊，抵食啦蝦籽撈麵52蚊碟，份量足，男人都夠飽。上枱時已經見到蝦籽平均鋪左喺麵上。撈麵洌水夠乾，保持麵質爽口，撈暈後都食到明顯粒粒蝦籽，好香濃撈麵例牌跟碗湯，唔油膩，幾鮮味，唔會鹹，成碗飲哂，好食！秘制炸豬手正常就3大件嘅，但師傅見今日豬手細件d，就俾左4件我，夠哂公道豬手即炸，勁新鮮熱辣，冇油膩感，唔會成口油，食落酥香。原本仲想試埋其他小食，但已經好飽嚕。

近排成日都要ot，難得約到幾個朋友食飯，想食番啲好西慰勞自己。朋友介紹旺角有間行懷舊風嘅任食邊爐，一於去試下。黎到門口見到個裝修好有懷舊Feel，以香港以前嘅戲院做主題，餐廳入面睇得出好用心將香港舊時嘅元素放入裝修度，有夜總會牌、格仔地板、連啲碗碟都有好有舊香港感覺，當然唔少得火水爐啦~我地揀咗二百幾蚊嘅安格斯海鮮火鍋任食套餐。雞煲未黎，已經好體貼咁上咗一客椒鹽燒賣做小食，熱辣辣唔洗等就有得食，OT完好肚餓嘅我表示好感動。雞煲亦都好快黎到，店員好細心咁介紹番個雞煲，仲提我地唔好煮得太耐，唔係啲雞會「鞋」。的確又幾滑幾入味喎，個汁幾惹味。重點係一人有一隻鮑魚，雞煲汁加埋鮮甜鮑魚，正啊！！火鍋我地就揀咗麻辣湯底，雖然顏色好紅聞落又好似好辣咁，但試落又唔太辣，但係就好夠麻，啱晒鍾意食麻辣多麻嘅朋友。跟餐有時令海鮮盤同埋我地揀咗美國安格斯牛，海鮮盤有蝦、蠔、脆鯇、青口同蜆，食落都好夠鮮甜，美國安格斯牛亦唔似出面啲火鍋肥多過肉，確實幾高汁。我地仲叫咗啲丸同菜。而最驚喜嘅就係粟米貢丸，粒粒粟米夠特別又好食，忍唔住叫咗幾次。之後有甜品食，飽到行唔郁，好滿足啊！

之前上網見到依間就已經即刻想試，佢裝修勁有特色，一去到，由樓下條樓梯開始就有復古懷舊味，勁有心思，淨係影相打卡都有排玩！揀咗個鮑魚雞煲嘅任食套餐，都係2百零蚊好似幾抵食咁！先嚟就係一大煲雞煲啦，店員好細心講解要焗幾耐先食得，仲畀埋個Timer添！好貼心！4隻鮑魚岩岩好一人一隻，幾鮮甜又爽口，點雞煲D汁食，唔錯！雞煲D雞唔算有驚喜，但都好食嘅！食完雞煲就到任食火鍋啦～揀咗麻辣湯！嚟到成鍋都紅卜卜，不過好彩食落都唔算好辣，幾香！海鮮有大蝦、青口、脆肉鯇嗰D～我自己就最鍾意脆肉鯇～牛肉、豬肉分量都唔少，唔駛好似其他任食咁一嚟要寫10碟先得幾塊😂😂特別推介丸類！！！！！墨汁墨丸同埋粟米貢丸我都係第一次食，兩款都好彈牙又juicy，好有驚喜！最後仲有甜品添，為一餐畫上完美句號～

每次經過旺角煙廠街，都會留意到呢間懷舊又奪目既冰室，因為佢既建築物令人別有一番情懷。入到去裝潢似六七十年代，懷舊得黎又有點摩登，坐底後我地簡左安格斯牛海鮮火鍋任食套餐。🥢先上小食，有炸魚蛋、燒賣，真係好耐無食過，炸得好香口、夠熱，食唔夠仲可以無限添食。🥘再黎就係食招牌鮑魚麻辣雞煲，鮑魚夠彈牙，比相像中好。🍲湯底方面我地簡左皮蛋芫荽湯，雖然想試招牌沙嗲，但呢排食得太熱氣都係簡返個清清地。🥢美國安格斯牛肉同黑毛豬肉賣相靚仔，配料方面都夠新鮮，而家每次黎既分量都唔會太多，唔怕浪費。個人最愛呢度既粟米，因為真係好鮮甜。🥢海鮮拼盤有蝦、生蠔、脆鯇片、青口、沙白全部都好新鮮，蠔想食多幾隻添。🥄甜品打完邊爐後仲可以食返個透心涼既雜果涼粉紅豆冰真係降晒火，呢度既紅豆唔會太甜幾好味，雖然我麻麻地罐頭雜果，但有我最愛既涼粉食，加哂分。