火水爐冰室火鍋

營業中

休息中

真係好少嬲到要登入打食評，但難得一班人約齊黎打邊爐，無諗過要一肚氣咁走本身見咁多正評，又sell懷舊裝修咁，同埋有花膠雞煲先黎食一早Book左6位，張枱都係十分之細，坐得好迫，醬油又要另外收錢，野飲先過份，只係得4款汽水簡，其他野飲全部要收錢，唔想飲汽水連水都無得飲，衰過酒樓任食之後上個最期待既花膠雞煲，份量少得驚人，十分之懷疑連半隻雞都無，6個人每人食左幾舊就無，員工係你未食完已經過黎催你收走個煲轉打邊爐，可能佢都知份量太少，盡快收走佢廢事獻世掛！轉左做火鍋，食物只能夠話係普普通通，不過不失，以人頭計每位$300黎講，性價比真係其差，非任食既食物更高質素都唔洗呢個價錢！最重要係員工既態度真係其差，早半個鐘last order 我覺得無問題 ， 我地都係食埋枱上既野食唔想浪費，但佢十分鐘前就已經過黎催你走，最後5分鐘又過黎催多次 叫你盡快食埋糖水 收走你個爐 最後遲左5分鐘走 好似殺左班員工全家咁 講緊當時9點半，無人等枱，有幾張吉枱，又唔係阻你收工，有無必要咁趕客？問心 唔係要求你有咩貼心服務 但呢間野收你$300一位，交出$130既水準，連對客人基本專重都無，睇番好多負評既經歷都係

朋友係openrice搵到呢間懷舊火鍋店 見有波睇評價唔錯大家就一齊諗住睇下波吹下水 首先裝修都係比較"懷舊" 枱凳都係一般摺枱同冇pan摺凳 而食物方面 頭盤嘅魚蛋同炸燒賣係唔錯，雖然乾啲但起碼唔係凍雞煲嘅味道尚可 但我地五個人食只得大約一隻以下 半隻左右嘅雞 真係夾多舊都冇火鍋配料方面 一啲大眾料如蟹柳係冇嘅 仲有好多配料需要另外加錢飲品方面就只有汽水（四款） 連茶都冇 相比其他一般火鍋店可以話係大大失色 比較不滿嘅係大約仲有半個鐘完已經有員工keep住嚟催交枱 但係其實現場一半入座都冇 而且員工態度都不太友善 令我地都唔想多留

人大了同朋友見面時間愈黎愈少，好難先可以約齊人食餐飯，點知今次揀左呢到食飯就係錯誤既選擇。本身上到餐廳已經發覺好迫，六個人一張細圓台手撞手。先食雞煲後打邊爐，雞煲份量少得出奇，少到我以為可以加雞。我地六個大男人食，懷疑唔夠一隻雞，可能二人食都係咁上下份量。任食火鍋配料選擇少亦唔係咩高質食材。肥牛超韌 豬潤厚切，係有Ｄ食物可以接受但其實只係一般貨式。連飲品都係得四樣汽水，唔伕汽水既朋友可能要自費了。最唔開心就係比員工黑面同催，雞煲食左一陣已經過黎話要換煲。最後有幾張空台 冇客等緊 員工都會早半個鐘不斷催你離開。我地以為甜品最後會自己上，點知夠鐘都未有就問下係咪有甜品，點知個員工呆一呆，黑黑地面悔氣地話：有～～～～嘩，係好似欠左你咁。最後拎左一個甜品比六個人分，每人食到一啖都好感恩。（係講緊有空台冇客人等緊）埋單人均300蚊。價錢質素服務冇一樣合格。食到一肚火，相都唔會幫佢POST !

呢間邊爐之前都有食過，覺得裝修幾靚同埋嘢食都幾唔錯，所以得閒都會留意下佢，咁岩呢排見到佢出咗新菜單 - 花膠雞，女朋友一聽到花膠就話想試吓，咁佢出到就去～基本上，除左個鍋，仲會有個海鮮拼盤（不過海鮮任食要加錢，其實本身個個都好夠2個人食），任食肥牛同食完有個懷舊甜品！襯返呢間既主題，每位其實都係$258，價錢係幾合宜！食材選擇都多，應該適合大部分人口味我去個時都成9點幾，都仲好多人係到，都幾滿，食飯時間bk左先去會穩陣d主角到！雞件幾滑同實淨，花膠都幾多，當然唔係d貴花膠，但食落都ok！個湯仲可以飲，幾清甜濃郁，不過最後飲左食左d先開始打邊爐，一落肥牛個d就油好多唔太想飲材料冇寫多既多數都係跟人數執，都幾好唔怕食唔哂浪費海鮮拼盤！有成4,5款，冰鮮黎講都算不錯肥牛既肉色潤澤紅紅，剝一剝就食得最後唔洗講，我飽哂都一定會食既懷舊冰，真係好好味，之前幾次都比我食哂！個日咁岩仲要星期二，全單有八折😍圍返都係$200/人左右，其實幾扺玩，而且我9點左右先食，食到11點幾都冇趕我走，服務態度又幾好，真心覺值得大家試一下

同朋友聚會都少得打邊爐？今次去左火水爐。舖頭門口個招牌都好搶眼，一入到去個佈置都好得意，充滿舊式香港情懷，到嘅時間比較早，未到晚飯時間，可以隨意咁同朋友影相。其中一樣裝飾係滿座嘅燈牌，搞笑係當餐廳滿座佢真係會著，幾榮幸見證依一刻！一坐底就有人幫我地上醬料車同小食—炸陳皮魚蛋同燒賣。醬料車有蔥、芫茜、炸蒜、生蒜同麻醬，而且人到車就到，非常方便，客人唔洗郁就拎到啱自己口味嘅醬。今次同朋友點左舖頭主打嘅花膠雞安格斯海鮮火鍋套餐（$258/人）。個湯底一上黎就聞到好濃雞味，趁住佢仲清清地嘅時間飲左一啖，好香甜，而且有種屋企飲雞湯嘅感覺，唔錯！花膠同雞都十分足料，又爽又滑，比預期中好食！另外套餐內都包左唔少野食，唔同種類都有，基本一般打邊爐必食嘅都有。首先上嘅係海鮮拼盤。有大大隻嘅蝦，鯇魚，墨魚滑，肥嘟嘟嘅蠔同埋白貝。睇上去同實際食落都好新鮮。同埋佢好貼心咁用竹籤串好曬d 蝦，食起黎好方便，剝殼都容易啲，而且擺上黎都個造型都幾啱用黎影相。肉方面我地點左特級安格斯牛、美國珍寶肥牛、黑毛豬肉片。雖然兩種牛肉都唔錯，但我個人就鐘意安格斯牛多d ，口感比較嫩口同埋都幾香牛肉味；黑毛豬肉片口感幾爽。3款肉

平時番工係附近食LUNCH望到依間「火水爐」就覺得好神奇有趣裝修充滿懷舊樓上茶記既感覺今日放工約埋一班同事來食上到樓上 彷彿好似番到80年代既感覺身邊既同事仔當然即刻周圍影相留念去呃LIKE經姐姐介紹下，先知水火爐晏就都係有午餐食而夜晚就係 2小時～放題式既打邊爐我地今次揀左$258既 花膠雞安格斯海鮮套餐成個套餐～包埋餐前小食、海鮮拼盤、甜品同汽水任飲餐前小食就係炸魚蛋同埋燒埋仲配埋個帶少少辣味既豉油啱晒一邊等埋其他同事一邊搵嘢食而套餐既湯底有兩款濃厚花膠湯鍋 同埋 招牌花膠麻辣雞煲因為唔食得辣既我地 又想滋補養顏既我地就揀左濃厚花膠湯鍋湯底十分足料 一撈起滿滿既雞同埋花膠 十分真材實料～飲埋果啖湯 雞味十分濃郁火水爐提供既配料相當多選擇肉類、粉麵、雲吞水餃、丸、蔬菜同一般火鍋配料等等一應俱全仲正係套餐仲附送埋海鮮拼盤拼盤有蝦、蠔、墨魚滑、沙白、鯇魚 份量都相當多 亦都好新鮮甘多款入面我最鐘意墨魚滑因為墨魚滑相當彈牙 仲帶有少少馬蹄粒 口感十足～我個人十分鐘意食餃子類既野火水爐既水餃類十分高汁！雲吞入面包住左大大粒有蝦肉肉同蝦既比例剛剛好，餡料飽滿韮菜餃都唔輸蝕嫁！韮菜非常香，吸收埋

今日同朋友一行三係呢度打邊爐，每人盛為300元港紙，整體性價比低，唔推薦大家黎。環境：呢到主打懷舊風，設計特別，但我地坐既位置係冇咩特別設計...想影張相都唔係好靚。每張枱都唔係好近，還可接受。食物：今次叫左花膠雞煲，確實有幾塊大片花膠，不過雞唔鮮，而且鞋口，略為失色。而且呢度飲品種類選擇極少，只係得最基本嘅可樂、忌廉、七喜，如果你想飲其他嘢又要額外加錢！至於呢度火鍋配料嘅選擇其實亦都唔係好多，呢度嘅肥牛亦都唔係特別出色！雖然又未至於會食落好難咬開，但係牛肉都冇牛味，完全唔會覺得自己係食緊肥牛！其他配料選擇亦都好一般，都係一般嘅芝士腸、芝心丸、午餐肉....我比得$300就唔會係預食啲我比百幾$200就可以食到嘅嘢囉..就算你話佢係主打湯底唔係火鍋配料，呢度嘅湯底好鹹，而且食完好口渴..感覺上好味精！一坐落佢就會提供豉油同埋蔥辣椒等你自己配搭想要嘅醬汁，當你以為佢好貼心嘅時候，賣單你就會發現原來醬料要額外收費！已經收緊成$300一位嘅時候仲要收我$13醬汁費！而且個豉油係淡而無味，我同朋友基本上冇點樣點過d豉油！服務：好一般！叫咗碟娃娃菜，催左三次都無人送來！而且呢度嘅枱唔算多，完全唔

真的超喜歡Old School的餐廳裝潢！火水壚的裝修以舊香港格調為主，一進入店內已經非常eye catching!!!還沒有點湯底，侍應便把調味車推來，好可愛呀(❁´ω`❁)湯底方面，我們選了濃厚花膠雞湯鍋。在打邊爐之前，已經可以品嚐到濃郁的花膠雞湯～超～好～喝～的(⁎˃ᴗ˂⁎)大大片的花膠也有3、4片，雞肉軟嫩夠肉味，這鍋湯裡的雞肉超多！還有餐前小吃～炸過的魚蛋跟燒賣沒想到也好好吃呀٩(˃̶͈̀௰˂̶͈́)و這個套餐包含了特級安格斯牛肉及黑毛豬肉片，看肉片上的花紋超美的～牛肉很重肉味，非常好吃～雖然未到入口即融，但淥過後也不會變硬，口感很好～忍不住再encore(๑´ㅂ`๑)黑毛豬肉片大大片，同樣也是高級食材的口感，淥久了也不會難以咀嚼，非常棒(●♡∀♡)另外這個套餐還包括了時令海鮮拼盤，覺得真的超化算！海鮮包括有海蝦、蜆、生蠔、墨魚滑，非常新鮮。另外我們還點了炸魚皮，炸魚皮不會太油，淥三秒後的口感最好～平時少食魚皮的我也吃了好幾片，想說這裡的食材全部都非常好，連不是主食的配菜都很新鮮。兩個人吃到這裡已經飽了～沒想到原來還有甜品！本來我已經吃不下任何東西了，但這個甜品也太吸引了！吃了火鍋就是要

同同學reu 想打邊爐見呢間幾多好評就book左台試下結果完全失望 地方又細 野食又唔係特別好食 價錢唔平 員工服務態度有問題優點：裝飾幾靚野食上得快缺點：食材選擇少 大多都要加錢 肥牛冇牛味超韌 豬潤切得厚 仲有d未切斷 海鮮拼盤唔新鮮飲品選擇少 基本上得四款汽水 其他嘢全部要加錢 如果唔飲有汽飲品係一定要再加幾十蚊一支 連水都冇提供價錢唔平 收三百幾蚊一個 但得少量花膠筒 同少量急凍海鮮 六個人食個雞煲可以得半隻雞 每人兩舊雞肉都冇 而且冇得refill Book左六個人 但張台同兩人台一樣大每個人既餐具同醬油碟後根本冇乜位放食材員工趕客 個雞煲岩岩食左十分鐘已經催我地換煲 但好彩個雞煲基本上冇乜食 我地已經食完 即使有幾張空台 冇客等緊 員工都會早半個鐘不斷催你離開夠鐘既時候即使你煲內有食物佢地都會照收走 極度冇禮貌加趕客餐有包甜品 當我地order既時候 個員工係黑哂面極度唔想比 最後比一碗我地六個人分最後只可以講三百幾蚊唔洗係呢度食貼錢買難受 300幾個正評可能第一次打邊爐

最近幾個月都很想再去旺角火水爐，回味他們的老油條，上星期終於約到朋友去回味一番。吃火鍋前先調配醬汁。先來香口的炸燒賣、魚蛋。我們點了招牌麻辣花膠雞煲，麻辣汁非常惹味，花膠份量十足，雞件嫩滑。吃完雞煲後，是時候轉吃火鍋。上一次點了麻辣鍋，但辣到吃不了蔬菜，這次選了沙嗲鍋。海鮮拼盤有蝦、蠔、墨魚滑、蜆等，材料件件新鮮，蠔非常大件，蝦肉鮮甜爽彈。炸魚皮、響鈴、老油條來了，點一點渴底即食，保持酥脆，十分美味。安格斯牛肉，牛味夠濃，肉質嫩滑。這次可以吃多一點菜。最來吃個懷舊甜品，入口冰涼，爽。

哩間火水爐由內而外裝修都好懷舊，模擬香港六、七十年代既大排檔設計，環境好特別，係打卡好去處。哩到其實係一間雞煲火鍋店。食完個雞煲，加湯就可以轉做火鍋，而且係任食既，非常吸引。我地就揀左個中價位$258既火鍋套餐。哩個套餐跟一個海鮮拼盤、小食，同任食火鍋紙上大部分冇標價格既火鍋配料。小食係好簡單既燒賣同魚蛋，等個鍋黎食下小食都唔錯。哩個花膠雞湯鍋一定要試。個湯好清甜，冇味精。雞肉非常滑，而且份量多。足料老火湯，齋飲哩個湯都值回票價。食完個雞煲之後店員可以比我地轉另一款湯底打邊爐。不過哩個雞湯鍋太好食，所以都冇轉其他。二人份量海鮮拼盤，賣相唔錯，有乾冰雪住，可以慢慢享用，海鮮都好新鮮👍🏼。哩到上單速度又快又齊，值得一讚。另外食物非常衞生，豬腸、豬潤同牛栢葉等內藏都切抵清洗乾淨👍🏼👍🏼。打邊爐點少得肥牛，哩到既美國珍寶肥牛，絕對冇得彈。肉質明顯比安格斯牛香而嫩滑👍🏼👍🏼。最後仲有甜品送。打完邊爐熱辣辣，再即時食返個刨冰降下温，好滿足既一餐。

同三個朋友去咗打邊爐，店員介紹嘗試花膠雞煲。一試難忘。雞湯濃郁好味，係打邊爐之前食咗好好味嘅花膠同雞。超級無敵真心極力推介朋友嘗試，實在係一試難忘！！！！！！！

火水爐令人想起兒時煑食的爐具。友人約我今天晚上在這吃火鍋。它位於堙廠街不大起眼的位置。友人約在這間懷舊餐廳吃火鍋放題，樓下入口樓梯旁有個賣戲票的裝飾，沿著梯級上二樓，貼上一些設計成昔日戲院上映的海報。餐廳牆壁擺設好有懷舊氣氛，還有一排可愛的火水爐。先來個餐前小食是炸魚蛋，炸燒賣。我們選了$258任食套餐，選了花膠雞湯鍋，先喝一碗花膠雞湯，好鮮甜，雞又嫩滑。海鮮拼盤有蝦，一排魚滑，蜆，生蠔。特級安格斯牛肉及黑毛豬肉片任食，友人是牛魔王，狂吃牛肉，我較喜愛黑毛豬。還有很多火鍋配料任吃及汽水任飲。最後還有一個紅豆，涼粉雜果冰。還要讚讚店員貼心的服務，很快清理骨碟又忙著加湯。盡情吃喝兩小時，超抵食！😋👍

同朋友喺旺角行完街，順便食埋晚飯，佢話之前食過嚟間幾好，想再食，而我又未試過所以上去試試好在我哋早去，原來walk-in好易無位店以舊香港位主題，裝修設計有趣，餐具也有懷舊feel店員話濃厚花膠雞湯鍋係新嘢，友人亦非常雀躍話未試過，就order左叫左$258嚟個餐煲到的同時，會先給我哋可以即吃的餐前小食-炸魚肉燒賣，炸陳皮魚蛋，俾客人可以在煲未滾先過一過口癮海鮮拼盤-有墨魚滑，蝦，蠔，脆鯇，鱔片濃厚花膠雞湯鍋-花膠好大舊，個湯底超好飲而且雞量很多，最少有大半隻火鍋配料大部分免費任點我推介美國安格斯肥牛，肉質鮮嫩得嚟，牛肉味勁重，仲可任叫懷舊甜品-雜果紅豆涼粉冰，整個甜品甜度適中，不會太甜紅豆總結，此店性價比可謂高到爆燈，打邊爐可任食之餘仲要食物質素高，重點系不用$300就可食到花膠雞煲

今日同老公兩個出咗旺角食飯😂，其實之前經過過呢一間火鍋店，見到佢外面裝修好懷舊，已經想試吓，所以一早打咗電話去訂枱，同老公兩個準時到達，入到去環境好舒適同埋好懷舊，服務員亦都非常有禮貌，火鍋店內有三個價錢提供選擇，我哋兩個決定食一位$258嘅任食火鍋，湯底方面我哋揀咗花膠雞湯，個湯好有雞味，確實係有誠意，出面好多地方係當你飲完個湯之後，再加水去打邊爐，但呢一間火鍋店可以比多一個選擇你，就係有另外四個湯底俾你選擇，最重要嘅係免費嘅，當然啦，亦都有另外幾款嘅湯底係需要收費的，但最後我同我老公決定都係用返花膠雞湯嘅湯底打邊爐，因為個湯真係幾出色，而火鍋配料方面我叫咗：特級安格斯牛，肉味非常濃郁，亦都非常腍👍🏻👍🏻美國珍寶肥牛，雖然冇安格斯牛咁好食，但肉味亦都非常好👍🏻其他亦叫咗響鈴、山根、牛丸、粟米、雞髀菇、韭菜餃、五餐肉等等，仲有好多選擇👍🏻另外亦會有一個海鮮拼盤，入面有蝦、蜆、墨魚滑、蠔同埋脆肉鯇，用了非常新鮮及爽口，尤其是係墨魚滑，好彈牙👍🏻最後仲會有甜品🍮，紅豆涼粉雜果冰，用呢一個作為呢一餐嘅結尾，非常之咁滿足🤤整體來講，款式選擇好多，用餐時間兩個鐘，亦非常足夠，但溫馨提示，真係記得