火水爐冰室火鍋

營業中

休息中

今日放工都差不多9:00，同同事行經煙廠街,好肚餓諗住打邊爐。見到喱間火鍋店裝潢好有特色，而且價格相宜，所以就二話不說入去啦!門口的即日上映的橫額別具風格，以為入咗戲院？唔係呀係去打邊爐啊～好creative 。而且門囗模仿我阿爸媽年代入舊式戲院賣票嘅售票處咁，好懷舊。入到去，我地揀左個花膠雞煲，海鮮拼盤加安格斯牛任飲任食套餐 $258 。嘩！個花膠雞煲真心好食。花膠雞煲令整個煲加強口感，大大塊又養顏健康，岩哂我地d女士們！海鮮拼盤有大蝦、墨魚滑、海蜆等。我覺得大蝦好新鮮，墨魚滑又爽口彈牙，不錯吧！我想講安格斯牛真係正到痺，肥瘦肉脂分佈均勻，色澤鮮嫩，口感一流，燙一燙7秒即食，非常好吃！呢個價錢食到高質海鮮同埋安格斯牛，物超所值啦！

上一次與朋友食完日式沾麵後，見到餐廳附近有好似不錯的火鍋店，於是就相約同事放工一齊去食。火鍋店要行數級樓梯便到達。餐廳環境佈置都充滿濃濃的懷舊風味，可以令人回想舊香港的情境。我們點了258元（及加一服務費）花膠雞湯安格斯海鮮套餐。花膠好林，但未去到有膠質情況。雞塊嫩滑，湯底鮮甜。飯前小食：炸魚蛋及炸燒賣。味道普普通通。響鈴正常。魚皮唔多脆，浸一浸已經淋了。蘿白，粟米，蜂巢豆腐正常。芝心丸簡直淡而無味，非常失望。豬紅亦都是淡而無味。安格斯牛，普普通通。海鮮拼盤，生蠔不太鮮，搞到個湯底成陣味，完全沒有意欲想再繼續食。最後，太重味精，要不停灌水解渴，無下次。

之前朋友經過門口覺得好得意，所以就約咗今晚去試一試。朋友一星期前係open rice訂咗枱，所以唔使等位。餐廳係限時任，分左2個menu, 一個$258 ，另一個係$298。交左比朋友決定，因為有人唔食牛肉所以叫咗258嗰個算Lu ... 唔知係好定唔好呢叫左$258，因為個人對整餐整體來講覺得麻麻地。花膠雞煲係好足料嘅，雞滑，花膠亦不少。不過，打完成個邊爐都幾囗喝。原來有個海鮮盤送，不過全部都係好似急凍咁冇乜味道。安格斯肥牛 — 比較韌。唔同嘅餃，朋友食魚皮餃話好厚皮又冇味，其他搞我有食到，冇乜特別，唔會話好食但係又唔難食。粟米好食，其他冇乜特別⋯響鈴都仲要脆，但個魚皮就有啲淋左d。

我一向都好中意LUNCH打邊爐, 今日星期六上完堂1點同個同學仔一齊去打邊爐, 十下十下, 我地都係係OPENRICE SEARCH附近有咩打邊爐, 咁岩見到呢間好似幾特別, 又平, 所以就黎試下!!間野係上樓既, 係地下見到餐牌都覺得唔錯,一路行上去仲有好多好懷舊既裝修, 但一D都唔舊!! 好乾淨! 可能係LUNCH既關係, 上面只有1-2枱客人, 所以空間感好大好舒服, 去過個廁所都好乾淨!!!午市有一人火鍋, 每位$88, 鍋底方面有3款揀, 老火清雞湯, 招牌麻辣湯同埋濃厚花膠湯底 (加$20), 我地揀左後面2款, 可以互食大家既湯底, 肉類方面可以揀一款, 真係豬牛羊齊晒, (有美國珍寶肥牛, 黑毛豬肉片, 羔羊肉片, 特級安格斯牛肉 (加$10) 同埋 頂級牛小排 (加$20) ), 我地2個都中意食牛肉架!! 所以係叫左2款唔同既牛肉, 冇叫到豬羊!頂級牛小排特級安格斯牛肉配料方面都好豐富呀, 每人一盤, 樣樣都有D, 呢個係一人一鍋好處, 唔使叫一碟野但得2個人驚食唔晒, 而家每樣小小, 中意既可以再追加, 唔會浪費食物每人一盤既配料，時令蔬菜, 粟米, 魚蛋, 玉米

同班麻甩女仔慶祝生日，緊係要去打邊爐～仲要專登揀間行舊香港style 嘅！餐廳位於旺角一條內街～未必好多人知～所以我地唔洗等位叫左個花膠雞煲～～超正，啲花膠好好厚身，又黏👍🏻 啲雞入味又夠滑！ 2樣野撈埋一齊，夠哂惹味～不錯！其實雞煲上之前仲有啲炸燒賣同魚蛋做前菜～～第一次有呢個體驗，真得意～食完雞煲當然係到主菜～打邊爐我地叫左超多野食樣樣都好正～～我最喜歡的是豬肉丸～又彈牙又多汁！真係要encore ～～～ 啲牛肉同豬肉都好味道🤪今個晚餐超豐富😂

入到黎呢間火鍋餐廳先覺得環境係不錯，幾的色，周圍ge佈置一種懷舊ge味道，真係有時光倒流的感覺。奈何呢餐確係令人覺到失望。食物品種相對番 同價錢，即約$300一位ge火鍋餐廳，真係完全係少。鱔片無，鯇魚片就係海鮮盤有，無得普通叫。汽水只有4，5款free...其他都要加錢。呢個價錢講緊有啲餐廳係可以有成箱雪櫃飲品任客人選擇。濃厚花膠雞煲ge湯都算有質素既。但啲花膠就係質素比較差的種類，雖然係好多，但我寧願食好d ge質素，而俾少d都得。海鮮盤既生蠔不太新鮮。牛肉就算不錯，韭菜水餃同陳皮魚蛋 反而有驚喜，好食。整體真係感覺一般。服務確係好既，上菜又好快。

第一次去食，等好耐先上菜，仲要次次漏單。食品只包汽水，仲要好少餸選。好多樣都係要加錢。個雞煲又淡味。所以去一次就夠。仲有菜單度好多菜都話無，或者無貨，又唔一早講。而且加加埋埋差唔多300一位，伏

星期六同男朋友lunch去左打邊爐，第一次晏晝打邊爐，因為見到$88好似都幾抵🤩-餐廳門面好有懷舊風格-🔹一人火鍋套餐($88)有得自己揀湯底，可以揀一款肉類(4片)🥩另外有個拼盤，有菜、魚蛋、貢丸、響鈴、午餐肉、腸仔🥬麵我就揀左烏冬。我揀左花膠雞湯底，入面真係有花膠又有雞🐔我地太肚餓唔夠飽，可以另外追加啲配料我地揀左頂級牛小排($38)+安格斯牛肉($28)+廣島蠔($38)。自製左一碗牛肉烏冬。廣島蠔冷藏得好緊要，應該要煮耐少少。-🔺跟餐送一罐汽水🥤

今日收工已經係8:30，同事提議不如食個打邊爐先返屋企，傾吓計relax下！我當然OK啦！然後我們行吓行吓，就行到去油麻地附近呢條街，都有好多食肆，有甜品屋，有打邊爐，有拉麵，也有日本料理，我們今天去的是一間火鍋店名為火水爐。主要是因為給他的門面吸引，他的設計以七十年代為主。格局也很特別很像舊式戲院一樣。。。有夜總會招牌，舊式的收銀機，連傢俬擺設都十分古老。我們今天叫了一個花膠雞煲鍋底，加安格斯牛肉，海鮮鍋。是任飲任食的，120分鐘。每位$258，。價錢尚算合理，食物也尚算新鮮。鍋中的花膠和雞是滿滿的，超級抵食！店員給了一點炸物，是炸燒賣及炸魚旦！炸燒賣在外邊很少吃，感覺很特別！安格斯肥牛及雪花肥牛都超級新鮮，並沒有雪的味。海鮮分別有蜆，墨魚滑， 鮮蝦， 鯇魚肉，生蠔。魚肉十分鮮甜很爽口。墨魚滑也打得很好，食起來很滑。我們也叫了少少菜，水餃，粟米，等等。。。店員都很好，會留意顧客夠不夠湯，主動加湯，也會問食物夠不夠。。。最後我們食甜品，甜品是雜果紅豆涼粉冰。紅豆幾大粒！食完十分滿足！差足電，明天又要努力工作了！

收夜既日子通常都去打邊爐，今日又9點幾先食到晚餐，一於食個花膠火鍋補補！依到既裝修都幾有特式，仲有直播足球睇我地揀左花膠雞湯，中意食辣既朋友可以食麻辣花膠雞湯依個湯本身可以就咁飲，係好好味，有唔少膠原呀！飲完可以要尼打邊爐，或轉湯底打都得！我地就要返依個湯送既餐前小食，炸燒賣同魚蛋都幾好味睇吓，塊花膠好大塊呀！安格斯牛好味，唔怕靭。其他任食食材都幾新鮮餐有一盤海鮮，有好多隻蜆，有蝦，墨魚滑。d蝦好彈牙！應該都幾新鮮，蜆唔怕有沙，幾好依到叫野食會因應人數而上，2個人上既份量岩2個人，唔怕浪費，唔夠又可以再嗌最後仲送咗個甜品，紅豆涼粉雜果冰！不得不提，依到服務態度好好，不時有侍應主動加湯，同收食完既碟！

約左幾個朋友再戰火水爐，我地好晏先訂枱，要到9:00先有。上次食左麻辣花膠雞，今次就要左花膠雞湯飲。個湯黎到奶白色，撈一撈好多料，花膠差唔多有手掌咁大塊，雞件亦好滑好香湯味。海鮮拼盤，啲蝦好甜好易剝殼，魚片亦都好鮮甜，蠔煮完都無縮哂幾大隻。飲完湯換過個打邊爐湯底比我地。普通肥牛質素都唔差，而安格斯就唔洗講，肉香味濃一啲都唔嚡。丸類都幾靚，起碼芝士腸我係食到有芝士汁爆出黎，流心芝士丸入面真係流出黎同好濃芝士味。響鈴整得唔厚，所以放一兩秒就得唔會韌。埋單嗰時比左個清涼既紅豆涼粉，分到每人一碗唔錯。

想打邊爐，又想補補身，當然係要有花膠雞湯底啦。😂😂😂又係火水爐，想食花膠雞煲就諗起佢。之前試過屯門市中心嘅分店，今日喺九龍就嚟旺角分店試吓。裝修一樣係走懷舊風，樓上舖，真係用咗好多火水爐做裝飾呢！😆😆今次冇食雞煲，只係用花膠雞湯打邊爐。一嚟到當然係食咗花膠同雞先啦，雞肉再煲就會老 所以要快啲食晒或者夾起先。鍾意飲湯嘅建議一開始飲左先，如果唔係之後開始打邊爐，就有點太油膩喇。係好濃既雞湯，會痴住！證明足料🤩火鍋配料質素幾高，最推介佢嘅墨魚滑同牛肉！要打邊爐一定encore👍🏻

隔左好一排無黎了, 朋友講起想食返呢到，因為又有花膠雞煲食之餘又有得打邊爐.今次有花膠雞湯鍋揀.即炸既燒賣同魚蛋, 一啲都唔乾, 超熱氣但我鍾意.花膠雞湯好濃好甜, 啲花膠都好大塊, 而且都比左唔少, 雞都浸到好嫩滑好入味.飲完湯就轉左個沙嗲湯底, 好香花生同沙嗲味, 煮完啲野食都係強烈既沙嗲味。拼盤啲蝦都幾大隻又彈牙, 墨魚滑爽口一啲都唔膠.安格斯牛都唔錯, 肉味唔算重, 煮完啲肥膏無哂.叫左份雲吞同水餃, 兩款都大大粒, 入面啲餡都好足料.最後仲有個好好味既雜果紅豆涼粉作總結.

約左好耐無見既朋友係旺角食飯，佢想健康少少，但又唔想食沙律個啲，咁索性一鑊熟，去打邊爐，佢有菜食時，我有肉食。🤪呢間係Openrice見到好似好吸引，個價錢又唔會太貴，又係任食，所以黎試下。因為朋友唔食得辣，所以我地揀左濃厚花膠雞煲。佢可揀兩個湯底，第二個湯底係食完雞煲後另上既。我地揀完雞煲，就上左個小食，係炸魚蛋（？）同埋炸燒賣。佢包埋係個餐度。我本身唔太鍾意炸野，試左粒燒賣，點完sweet chilli之後酸酸甜甜外脆內軟好好味😱。結果我食曬😐🤰🏻之後上左海鮮拼盤，好新鮮啲海鮮，魚肉同蝦肉都好結實，啲蜆同埋個蠔都唔腥，好味。跟住個雞煲終於出現，我地煮左陣個雞，就畢曬啲肉出黎，個雞好嫩滑，點生抽食，一流啊🤤食完雞就飲埋個湯，好濃既雞湯，我喜歡。食完雞飲左湯，我地就比左張食物紙個店員，第二個鍋都係張紙度點，好快個店員就黎收左我地第一個鍋，上第二個。第二個我地揀左沙爹湯底。都係好濃郁既味。我地點左肥牛，肉質都幾嫩，好唔錯。佢啲菜都好新鮮，食左好多🤪最後飽到抱住個肚出去🤰🏻

今日同朋友嚟到依間充滿懷舊風味嘅火水爐，香港好少餐廳會有咁嘅裝潢擺設咖，好有特色。平日黎都好多人食，所以要黎嘅朋友記得要打去book位啦！我地食左花膠雞煲、海鮮拼盤+安格斯牛個火鍋套餐：花膠雞煲勁惹味，超級大舊花膠，真係唔怕你食，只怕你蝕！雖然佢有成車火鍋醬汁配料比我地自己調較，但食完成個雞煲，都忍唔住要留返碗汁黎點火鍋配料。海鮮拼盤入面有蝦、魚片、生蠔、墨魚滑同埋蜆。所有海鮮都好鮮甜，啲蜆入邊仲一啲沙都冇，洗得好乾淨！一個價錢就可以食到，如果打邊爐鍾意食海鮮就啱晒！安格斯牛嘅肉質彈牙，冇雪味，個人覺得比肥牛更好食！鍾意食牛嘅話叫埋十碟八碟已經返本！依間野仲可以任飲汽水，唔似其他火鍋店要再額外加錢！打完邊爐之後個人燥燥地，食返碗涼粉就啱晒！清熱一流！個雜果涼粉紅豆冰唔太甜，涼浸浸，好好味！而且好有本土特色，都算係呢間餐廳嘅一大特色！用佢黎收尾簡直完美句號。