火水爐冰室火鍋

營業中

休息中

呢間打邊爐店用火水爐黎做名覺得有點特別，果然連餐廳內部既裝修都好特別。環境同歌都好懷舊有特色，好似聽緊以前既hip hop歌，有disco feel，感覺去左7、80年代一樣。由於唔太想食辣野，所以選擇左濃厚花膠雞湯鍋。唔洗等好耐，大大煲花膠雞湯鍋就放左係面前，湯好濃味，而且無咩味精好多花膠口感好滑，爽口同彈牙海鮮拼盤墨魚滑安格斯牛肉、黑毛豬肉片牛肉好爽脆，安格斯牛真係同其他肥牛有出入，入口即溶。豬肉好薄，平時打邊爐唔太鐘意食豬肉，但覺得呢款黑毛豬有驚喜，唔會話好硬好鞋。點辣醬會更好食。雲吞如果雲吞煮到好散口感會唔好，但呢到既雲吞好值得encore，皮雖然薄，但唔會好鬆散仲包得實入面既料。入面既蝦好大粒，肉都好入味反而午餐肉有少少鬆散，唔太夾得起。飲品種類就唔算多，普通汽水就任飲，特別飲品就要加錢。另外上菜都算快，唔洗等太耐。

近期各行業都好流行玩懷舊風，所以我今日同朋友去咗油麻地一家非常有7,80年代嘅特色餐廳打邊爐午餐。一行到餐廳門口就已經有舊戲院感覺，上到去亦有好多唔同嘅打卡位，枱枱桌桌亦都有大排檔感覺，同時非常之乾淨，坐得好舒服。呢度午餐都有一人邊爐，套餐包一款肉類，一款麵食同埋一盤set好咗嘅配料。湯底部份竟然有花膠雞湯做選擇！唔好以為$100都唔使個湯底就求求其其，除咗啖湯飲得出係用鮮雞熬出黎之外，仲真係有一大舊花膠，相當有誠意。我哋都聽咗店員建議，飲咗兩碗湯之後先至正式開始打邊爐。肉類方面，我哋兩位都加咗錢升級牛肉。首先有特級安格斯牛肉，肉味夠濃，脂肪唔會好多。另一款頂級牛小排脂肪比例就較多，所以有入口即溶嘅感覺。配料方面，雖然冇得特別選擇，但係亦都非常之豐富，包括有生菜，粟米，冬菇，金菇，雞髀菇陳皮魚蛋，粟米貢丸，午餐肉，腸仔，響鈴同埋竽絲。最後配埋非常滑嘅稻庭烏冬，其實作為午餐唔需要特別再加配料都非常之滿足。

今日係星期三，約左朋友食飯佢好想打邊爐，話美國🇺🇸果d唔夠香港味於是去左旺角嘅火水爐店舖嘅裝修好有香港70/80年代特色因為我地好早就去到 店員還在準備中我地食HKD258/位嘅套餐，2個鐘任食。叫左個濃厚花膠雞湯鍋，仲落火鍋料前飲咗雞湯先足料大花膠同雞，味道都濃郁。套餐有包海鮮拼盤：蝦、生蠔、蜆、脆魚腩，仲有魷魚🦑膠。當然有叫安格斯牛肉、黑毛豬肉片，比起肥牛我哋更加鍾意食安格斯牛肉，脂肪含量均勻，冇咁肥膩。好驚喜佢嘅海鮮同肉都好新鮮，特別係啲蝦：原來啲蝦頭仲有啲蝦膏好新鮮一啲回味都冇，肉質都好彈牙鮮甜。另外魷魚🦑膠入邊有馬蹄粒，食落爽口，唔會一pat pat。我地order安格斯牛同埋黑毛豬肉片最頻密，其實我朋友唔多鐘意食豬肉，但今次佢食左好幾碟，味道唔洗多講。食蝦嗰陣時，唔小心將啲蝦膏彈左落件衫度，店員見到俾咗件圍裙我哋，見到火鍋冇湯，會自發加湯、收空碟同食物渣。成個過程都食得好舒服。其實係可以轉湯底嘅，有四款俾你揀，湯底由濃到淡，任君挑選。可惜我哋食得慢，冇轉到湯底下次可以叫多啲朋友一齊嚟食，咁就可以食多啲唔同款嘅嘢

【飲食台】夏天雖然好熱，但都係忍唔住打邊爐，尤其同阿爸阿媽食飯，呢間賣點為香港情懷的火鍋店就岩喇！入面真係好舊年代的裝修，我地被安排坐係夜總會區~花膠雞煲頂級牛小排海鮮火鍋放題$298首先會上一碗炸魚蛋燒賣比你頂頂肚先，味道有D淡，之後就係湯底喇，花膠好多，雞好大隻，個煲太細搞到有D逼HAHA花膠黏黏的，感覺好養顏，湯底好鮮甜，老豆都話正！送左個海鮮拼盤，我最鍾意係蝦蝦蝦，好爽口彈牙啊！！蠔都好新鮮，唔會有腥味，D蜆就好容易得返個穀LOL 之後我係餐牌上可以點既牛同豬都叫哂，頂級牛小排、特級安格斯牛、美國珍寶肥牛、黑毛豬肉片，個人覺我豬好食過牛，唔知點解D牛有點點難咬開，不過牛味就好重，唔好整咁熟就得！另外仲叫左D丸類，都係平時食個D HAHA，所以腦魔認為打邊爐最重點係個湯底啊！店名：火水爐花膠館地址：屯門屯隆街2號屯門時代廣場北翼地下35-38號舖

今日小學聚會，book左呢度打邊邊同吹水聚下舊~裝修以香港80年代作風格，打卡之選🤤濃厚花膠雞湯❤️非常非常足料又濃郁，雞湯鮮味，有金華火腿嘅咸鮮，食完唔口渴。花膠大大舊，骨膠原滿滿😍沙嗲x麻辣湯 ❤️沙嗲湯底花生味重，麻辣香料足，唔會太辣，個個都食得👍🏻海鮮拼盤❤️蝦彈牙唔黏殼，蜆size中等但勝在無沙~ 生蠔勁肥美亦鮮甜。。響鈴❤️大大條，勁吸湯😍😍牛肉❤️色澤紅潤，肉質唔鬆散，幾高質👍🏻丸類❤️有多種選擇，最愛沙律丸同墨汁墨丸，彈牙好味😋

好有特色 超有格調既冰室火鍋店!集冰室和火鍋店於一身的懷舊風餐廳，食物揉合懷舊及創新元素。餐廳裝潢用上8，90年代中排檔 茶餐廳嘅設計，播放住經典英文金曲串燒。淨係影相都有排影！ 記得細心留意下周圍既畫會有驚喜!餐廳裝潢用上8，90年代茶餐廳嘅設計，插放住經典英文金曲串燒任食套餐 $258位 包括雞煲+海鮮拼盤+任食火鍋配料仲有炸燒賣同魚旦做小食因為唔食辣 所以揀左濃厚花膠雞湯鍋，招牌花膠雞煲好足料，四個人食每人都食到四、五塊大大件既花膠。嫩滑既雞件加上濃郁既清甜既雞湯，非常滋補。食完花膠雞煲，當然要換過個湯底 4選1揀左特濃花生沙嗲湯底濃厚 之後就算揀加水都唔會淡。打邊爐當然唔小得牛肉，任食配料有2款牛肉包括特級安格斯牛&美國珍寶肥牛個人就喜歡特級安格斯牛，因為牛味濃郁肉質較有咬口。美國珍寶肥牛 - 但朋友就更喜歡美國珍寶肥牛嘅油香。海鮮拼盤，多種火鍋配料 食都好飽!最後仲有甜品送。紅豆雜果涼粉。服務周到，上菜夠快，雖然任食兩個鐘但感覺唔會食得好趕。電視仲有足球睇，幾適合三五知己一齊飲下啤酒食住野睇波，氣氛確實不錯的。

之前都提過，火鍋對於香港人是有著一定的情意結，無論是傳統的鴛鴦鍋還是現在大熱的麻辣鍋、美人鍋，相信大家都不會陌生吧？！早前行經旺角煙廠街，發現了一間新開火鍋店，以舊日本地色彩、生活文化為主題，小店位於一樓，地面入口大大個霓虹光管招牌，入口複製了昔日戲院售票處的模樣，掛着「即日上映」的膠牌，沿樓梯直上，就好像進入了時光隧道一般，周遭都是不同的舊物，火水爐、收音機，手繪電影廣告、夜總會招牌和舊式木紋圓摺枱，地下還鋪上懷舊紙皮石，一景一物均充滿著七八十年代的昔日情懷，全都是一些老香港特色，對於新一輩來說可能完全沒見過，只是一些有趣得來老土的擺設，但對於筆者這個跨年代的「老人家」而言，卻是一些珍貴的回憶，童年時的感覺全都回來了。現在開始明白，父母以前常說的「舊時嗰陣」是怎樣的一回事，原來人大了經歷多了，緬懷過去就好像是一種生活的調味，甜酸苦辣在心中，捨不得、放不開……港式情懷、集體回憶就是這樣成為了大家心中重要珍惜的一環。用心別緻的裝修當然吸睛，食物種類和收費也很重要吧？！這個大家就不用擔心，皆因這店的價錢也算是街坊價，有齊港式前菜小食、海鮮拼盤、特色鍋底和不同的配料，加上任飲汽水，每位也只是

今日老公難得收早，所以同佢去咗食「火水爐」呢間人氣火鍋店！店內的裝修懷舊，70年代風格。有夜總會招牌、康樂棋壁畫、老舊收銀機等，啱曬影相打卡，勁有feel😍！我哋今晚食《花膠雞安格斯海鮮火鍋套餐》，價錢 $258～～ 有海鮮拼盤+安格斯牛任飲任食，湯底係花膠雞湯。鍋一到，即刻飲啖個花膠雞湯🤤🤤飲得出係老火靚湯底，湯底好清又夠鮮甜，花膠份量都多啊！佢仲可以揀其他自選湯底的。下次嚟必試埋其他湯底🙌🏻除咗食材新鮮，店員都好nice ，服務又好，每次上菜快，收碟快，又夠細心自動加湯，值得一讚❤️最後仲會有埋甜品🍮 真係飲飽食醉啊！🙌🏻

火水爐 - 一間裝修懷舊既雞煲火鍋裝修主題以六、七十年代大排檔為背景未入去企係門口前已經睇到店主別出心裁既構思樓下地下既裝修，店主用左六、七十年代電影院既售票窗口做裝飾門口同樓梯均掛起「即日 TO . DAY 上映」懷舊海報，而主演既通常都係火鍋料上到一樓，見到好有心思咁用火水爐砌出一道「矮牆」而且收銀位亦充滿住懷舊既感覺，前面裝有一盆舊包裝既香煙亦見到一盤汽水玻璃樽放係前面而且由木檯，吊燈，鐵皮水壺，到室內海報都非常有懷舊色彩可見店主一絲不苟咁將個懷舊感覺完美呈現出嚟上得嚟食既多數都會叫「套餐」而佢依家有2款任飲任食套餐比你揀一種258 一種298，兩者最大分別係298可以食埋「頂級牛小排」揀好「套餐」梗係揀食咩雞煲啦，是晩我決定一試佢個「麻辣花膠雞煲」配小辣而店員亦會問你想之後配咩湯底，佢都幾多款比你揀，有特濃花生沙嗲，麻辣，莞茜皮蛋或者清湯，甚至你可以加錢轉其他湯底添，之前好興既卜卜蜆鍋都可以比你揀！而我今次決定唔轉湯底，就咁係個鍋度加返雞湯落去試下。之後店員會推架裝滿調味料既車仔比你自由配搭有生蒜，炸蒜，辣椒等等。同時店員送上套餐之一「 餐前小食」－炸魚肉燒賣同魚蛋炸得啱啱好，

每次經過火水爐都好有衝動上去打邊爐，今日lunch 同朋友就興起就上去打番個邊爐先，叫左1人邊爐套餐$88 包老火靚湯底，高質火鍋🍲肉，一罐汽水，仲免加一及醬油$，認真抵食！它位於煙廠街不大起眼的位置，樓下入口樓梯旁邊有個賣戲票的裝飾，沿著梯級上二樓，貼上一些設計成昔日戲院上映的海報。餐廳牆壁擺設好有懷舊氣氛，還有一排舊式的火水爐。我地揀左老火清雞湯及招牌麻辣湯。醬料就自由配搭！肉類：黑毛豬肉片，友人選左另加$10特級安格斯牛肉，配料： 是令蔬菜🥬、新鮮粟米、陳皮魚蛋、玉米貢丸、午餐肉、炸響鈴、腸仔、芋絲扎，麵食就選左稻庭烏冬。仲追加左2份頂級牛小排、雲吞、水餃🥟；特級安格斯牛肉及黑毛豬肉片肉質鮮嫩，牛肉焯一焯就食得，而黑毛豬很Q彈，肉質都幾滑身！唔會Un! 多款配料可以一併食，稻庭烏冬吸晒d湯好入味同滑身！我就喜歡💕清雞湯底，好濃郁雞香味道，而友人就喜歡💕麻辣湯底，個種麻辣麻痺到喉嚨既感覺好爽！再飲啖忌廉汽水🥤食得十分暢快！另外，店員貼心的服務，很快清理碟又忙著加湯，值得嘉許！👏🏻👏🏻👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評

尋日端午節，兼係我媽媽生日，妹妹話不如出去食飯慶祝吧結果嚟到呢度，好快已經有位，好鍾意佢嘅裝修，令人有一種時光倒流的感覺我哋叫咗花膠雞煲，同埋一啲火鍋配料，食得好開心

天氣雖然十分炎熱，但仍然無阻香港人打邊爐烚下烚下嘅興致。今日就去到旺角煙廠街嘅一間火鍋店名<火水爐>，店內裝修主打懷舊氣息， 就連餐廳播放嘅音樂 ，都充滿著七八十年代嘅特性 ，呢一餐飯實在勾起咗我呢個80後好多兒時回憶。價錢方面，258蚊一位包咗一個雞煲，配料任食兩小時。 除此之外亦都會跟埋一個海鮮拼盤，入面有生蠔，海蝦，蜆等等，都幾有誠意。如圖所示雞煲都好足料，有好多雞件，花膠亦都很大件，入口口感豐旭， 仲有好多煮到好冧嘅蘿蔔。我哋四個人將啲湯飲到一滴都無！食完花膠，亦都可以選擇另一個湯底打邊爐。我哋就選擇咗 濃郁花生沙嗲湯底 。湯底一奉上，就已經聞到好濃好香嘅花生味 ，打咗邊爐冇幾耐，我哋要求服務員加熱水，就算加咗熱水亦都冇稀釋到湯底，反映出係真材實料 。配料方便就有 安格斯牛，輕輕放入湯底烚十秒八秒就食得，厚薄啱啱好。另外仲有美國肥牛，肉同脂肪嘅比例都算均勻，很不錯。其他配料選擇方面亦都有好多， 例如有芝士腸水餃，墨魚丸，炸魚皮等等，推介嘅就係豬粉腸 。友人們原本打算食飽去搵糖水食，但原來餐廳會奉送 雜果紅豆涼粉冰。自從有咗仙草等等，我都好耐冇食過涼粉， 一食之下

最近特別喜歡懷舊，今晚同一位老朋友去到旺角的火水爐吃安格斯海鮮任食套餐，可以一邊吃一邊懷緬過去，常陶醉，一半樂事。今次就選擇了招牌花生沙嗲湯底，依個套餐有海鮮又有牛，款式都還可以。首先，可以任點 美國珍寶肥牛，安格斯牛小排，和黑豚豬肉片，依3款都好高質，特別是安格斯牛小排，牛肉色澤鮮紅，口感軟腍，超級好食。安格斯牛真係正到沒得彈，肥瘦肉脂分佈均勻，色澤鮮嫩，口感一流，燙一燙8秒即食，非常好吃！總體來說食物味道不錯。

同個朋友嚟咗大名鼎鼎嘅火水佬，入到去個環境裝修都真係幾懷舊嘅，幾得意幾有特色嘅，好彩我哋去嗰陣人都唔算多，等左一陣就入得啦。咁第一件事梗係叫個最出名嘅花膠啦， 啲員工都幾好幾有禮貌嘅，花膠又真係幾足料嘅有心做。因為得兩條友嘅關係，所以叫咗唔係好多嘢食，叫咗個海鮮，有蝦有蜆，一個雜錦丸。海鮮都算唔錯算新鮮嘅，啲蝦係幾甜，丸就唔使問啦，都係嗰啲啦，冇乜咁特別。總體來講個湯係幾甜嘅，花膠又真係幾唔錯，overall都幾值得推介！

聽到呢度有間懷舊嘅邊爐 就同阿媽嚟懷舊一番 裝修方面真係好有特色同心思 從門口一路直上到餐廳入面嘅每一個部分 都用咗 7 80年代嘅風格 例如有一大排火水爐擺咗喺側邊 同埋好多舊式海報喺牆上面講番嘢食先 我哋揀咗呢個花膠雞煲牛小排 298蚊一個人 就可以食到佢招牌比較靚嘅牛小排 我哋兩個牛魔王當然唔可以放過啦 啲牛嚟到嘅時候都真係心心眼 油花分佈均勻 顏色非常鮮艷 睇得出係新鮮靚牛 淥熟咗之後亦都非常之淋滑 完全無筋 幾乎入口即溶呢個餐亦都跟咗一個海鮮拼盤 入面嘅海鮮都係好新鮮 同其他配料一樣 當中蝦 蠔 亦好大隻 成個盤望落去超吸引呀不過係呢間餐廳打邊爐 不得不提嘅就當然係佢個花膠雞煲啦 雞一定係大大舊好多舊 但係重點就係嗰幾嚿花膠喇 佢嘅花膠非常大塊同埋厚身 而且已經煮到非常之冧 咬落去好有滿足感 口感一流 正呀而我好鍾意嘅就係佢臨尾嘅甜品 打邊爐食到㷫烚烚 佢就拎咗一大碗菠蘿涼粉紅豆冰嚟 即刻降曬溫 經典嘅港式甜品 令人好懷念啊