火水爐冰室火鍋

天氣雖然十分炎熱，但仍然無阻香港人打邊爐烚下烚下嘅興致。今日就去到旺角煙廠街嘅一間火鍋店名<火水爐>，店內裝修主打懷舊氣息， 就連餐廳播放嘅音樂 ，都充滿著七八十年代嘅特性 ，呢一餐飯實在勾起咗我呢個80後好多兒時回憶。

價錢方面，258蚊一位包咗一個雞煲，配料任食兩小時。 除此之外亦都會跟埋一個海鮮拼盤，入面有生蠔，海蝦，蜆等等，都幾有誠意。如圖所示雞煲都好足料，有好多雞件，花膠亦都很大件，入口口感豐旭， 仲有好多煮到好冧嘅蘿蔔。我哋四個人將啲湯飲到一滴都無！

花膠雞煲

海鮮拼盤

食完花膠，亦都可以選擇另一個湯底打邊爐。我哋就選擇咗 濃郁花生沙嗲湯底 。湯底一奉上，就已經聞到好濃好香嘅花生味 ，打咗邊爐冇幾耐，我哋要求服務員加熱水，就算加咗熱水亦都冇稀釋到湯底，反映出係真材實料 。

特濃花生沙嗲湯底

配料方便就有 安格斯牛，輕輕放入湯底烚十秒八秒就食得，厚薄啱啱好。另外仲有美國肥牛，肉同脂肪嘅比例都算均勻，很不錯。

安格斯肥牛

美國肥牛

其他配料選擇方面亦都有好多， 例如有芝士腸水餃，墨魚丸，炸魚皮等等，推介嘅就係豬粉腸 。

火鍋配料

友人們原本打算食飽去搵糖水食，但原來餐廳會奉送 雜果紅豆涼粉冰。自從有咗仙草等等，我都好耐冇食過涼粉， 一食之下，先至記得原來涼粉係咁好食㗎。 我仲好記得細嗰時，甜品冇咁多選擇，夏天就經常食涼粉㗎啦。

雜果紅豆涼粉冰

總括嚟講，加埋一300蚊一位， 有咁多嘢食咁多嘢飲，夫復何求呢。