影片
更多
2020-05-21
64 瀏覽
今日收完工約咗個老友喺太子一帶食飯，呢條街附近都有好多高質素嘅小店，諗咗一陣最後決定幫襯呢間火五越式牛肉粉。睇一睇Menu，呢間舖嘅價錢幾親民，一碗粉$40-$50左右，喺越式粉麵店嚟講算抵食。我同朋友每人嗌一碗粉，我叫咗呢碗火車頭牛肉粉($52)，朋友叫咗碗牛丸+扎肉粉($42)。兩碗粉都大大碗，好足料，湯底好清甜，一路食都飲咗幾啖!小食方面，我地嗌咗越式炸春卷($28)同埋意大利黑醋汁蒜蓉牛油雞翼($38)。雞翼個黑醋汁好惹味，幾特別嘅一個嚐試! 炸春卷就成條都係蝦肉，比起香港茶樓食嘅更加有質感。飲品方面，我叫咗杯越式香滑濃咖啡($19)，其實夜晚就唔係咁好飲咖啡，不過我本身就幾鍾意飲越南咖啡，去越南旅行每日都喪飲，呢到就整得冇當地咁出色，但係整得算係水準以上，絕對值得一試。朋友就叫咗杯越南三式冰($19)。枱頭有三種越式醬汁，我試咗是拉差醬同沙嗲XO醬，不過我就冇好似當地人咁樣倒啲醬汁落碗粉到，只係用個碟裝起佢嚟點。最後埋單，兩個人加埋唔洗$200，大件夾抵食!
睇一睇Menu，呢間舖嘅價錢幾親民，一碗粉$40-$50左右，喺越式粉麵店嚟講算抵食。
我同朋友每人嗌一碗粉，我叫咗呢碗火車頭牛肉粉($52)，朋友叫咗碗牛丸+扎肉粉($42)。兩碗粉都大大碗，好足料，湯底好清甜，一路食都飲咗幾啖!
小食方面，我地嗌咗越式炸春卷($28)同埋意大利黑醋汁蒜蓉牛油雞翼($38)。雞翼個黑醋汁好惹味，幾特別嘅一個嚐試! 炸春卷就成條都係蝦肉，比起香港茶樓食嘅更加有質感。
飲品方面，我叫咗杯越式香滑濃咖啡($19)，其實夜晚就唔係咁好飲咖啡，不過我本身就幾鍾意飲越南咖啡，去越南旅行每日都喪飲，呢到就整得冇當地咁出色，但係整得算係水準以上，絕對值得一試。朋友就叫咗杯越南三式冰($19)。
枱頭有三種越式醬汁，我試咗是拉差醬同沙嗲XO醬，不過我就冇好似當地人咁樣倒啲醬汁落碗粉到，只係用個碟裝起佢嚟點。
最後埋單，兩個人加埋唔洗$200，大件夾抵食!
張貼
