火五越式牛肉粉專門店 (華生樓) (已結業)

朋友想食越南野，同事介紹火牛，越南菜之中價錢比較親民，即管試下！餐廳感覺有啲似茶餐廳，坐位唔迫，坐落都舒服～見到menu有好多款小食揀，忍唔住叫多幾款，再加個飯share~炸蝦春卷 $28好大條，成對筷子咁長既炸蝦春卷，脆卜卜，內裏蝦肉唔算多，食晒成條都唔會濟～意大利黑醋汁蒜蓉牛油雞翼 $38好邪惡既牛油雞翼，咬落去，勁重牛油，雞翼脆卜卜，成件事好油膩🤣不過配返黑醋汁即刻膩感大減，配搭唔錯😆香茅豬頸肉 $28都幾大碟！有蔥油襯托，入口幾香，係乾左少少，但係呢個價錢，呢個份量，係抵食既！法式咖哩牛肋油香飯 $48咖哩好香，唔辣，睇餐廳介紹話個汁用上煲到溶既蕃茄同洋蔥等材料煮成，牛肋條軟淋淋，配埋充滿油香既飯，2個女仔食係好足夠，因為真係好大碗！

收工好鬼餓，仲要去上堂，求其搵間野快食就算！經過見到間野冇乜人，可能時間尚早，越南粉，價錢唔貴喎，四、五十蚊，就試下你啦！枱頭除左檬粉汁之外，仲有3款越南醬俾客人試～越北是拉差醬、河內沙爹XO醬、越式海鮮醬～XO醬同海鮮醬感覺上同平時港式既冇乜分別😅叫左碗生熟牛肉粉，份量都唔少，大大碗，湯底有牛味得嚟都幾清甜，一路食一路飲湯，唔錯！野飲揀左越南椰汁冰，好抵讚既係，飲品獨立包裝，感覺衛生，雖然唔係咁環保，但呢啲敏感時候，係唔錯既，加上好似我呢啲趕時間既人，chur完碗粉，杯野飲唔晒可以成杯拎走飲～

天氣熱辣辣，飯都唔想食，經過呢間牛肉粉，口乾乾食啲濕濕地野都好，隨便入去試下～原來佢有好多款野食，有啲款式平時越南餐廳比較少見～生熟牛肉粉 $48充滿牛香既牛肉湯河，熟牛肉唔鞋口，生牛肉夠粉嫩，湯底用牛骨加上16種香料低溫煲煮，配上滑溜河粉，加埋芽菜同九層塔，味道層次更能提升～原來仲可以免費加粉，岩晒一眾大胃王，不過佢正常份量都唔少架，小妹一碗已經好足夠🤣黃金脆魚皮 $32身為鹹蛋控同炸魚皮控，用鹹蛋黃醬炒既魚皮，金金黃黃，又脆又鬆化，愈食愈上癮！D24榴連炸彈 $48滿有驚喜！外層似糯米糍，脆得嚟煙煙韌韌，榴連內餡係半溶架😍，仲有好濃郁既榴連味，正！

有朋友話食過呢間越南餐廳，味道唔錯，太座又係好鍾意食越南湯粉，一於決定嚟試試!一家三口當然要貪心D食“火五火車頭牛肉湯檬”，湯底濃淡適中，有生熟牛肉、扎肉同牛丸，但點解我仲食到好淋嘅牛肋，哈哈當Bouns，唔錯嘅選擇!“香茅美國黑毛豬扒油香飯”豬扒入味夠淋身，唔會有食柴嘅感覺，油香飯真係好香，唔覺意會食多碗!“手作大蝦米紙卷”總覺得米紙卷同壽司係有血緣關係，係咪都係凍食嘅原因呢？呢個真心推介，好清新嘅口感，一定要食!“黃金脆魚皮”係一個意外驚喜，一來本身係叫唐生菜，可能侍應忙中有錯，誤打咗茶牌上一行嘅魚皮，二來係食落香脆，好快清理完畢!太座話鹹檸7合格，我嘅越南椰汁冰比較特別，係椰子水同椰果，好得意!呢度算係較為新派嘅越南菜式，絕對啱香港人口味!

跟朋友去太子買東西，因為不太熟這一頭就先openrice看看吃甚麼。這是一間小店，價錢定位不貴。兩個人叫了兩碗粉跟兩個小吃大約200內。火五火車頭牛肉粉：牛肉粉的量相當大碗，河粉滑溜，裡面的配料有牛丸、扎肉、生牛肉片和牛腩。最令人驚喜的是豬頸肉撈檬：豬頸肉燒得香脆，而且油脂感十足，酸酸甜甜的很夏天的感覺。酸辣鳳爪：辣度不太有，但酸味比較出。最值得推介的是咸蛋炸魚皮：魚皮炸得香炸不出油，而且入口酥而不腥，咸蛋香連香蔥一起吃別有一番風味。值得一提的是飲品連主食半價，大大杯的青檸梳打不過10元左右。

今晚喺太子買完野，就喺附近食飯！見到火五幾抵，餐廳入面又乾淨，一於就喺呢度開餐啦！行到身水身汗，即刻要一杯凍飲先！鹹檸檬梳打好消暑！非常之夠凍小食要咗個鳳爪味道酸酸辣辣，好開胃！而且一碟份量都唔少，$22真係抵食越南野次次都會嗌牛油雞翼！呢個小食真係好邪惡，牛油味好香，好香脆面頭淋咗少少黑醋，減輕啲肥膩感！主食要咗一個火車頭、一個老火花膠雞湯檬粉。火車頭材料豐富，又有牛肉、又有牛腩、又有牛丸、又有扎肉 最鍾意啲牛腩，又淋又滑。雞湯幾好味，比火車頭嘅湯底清淡，不過雞肉就唔夠滑。今晚埋單每人先$100，性價比高，下次再食！

太子這家火五，無論堂食或外賣單都接不停手，就知道有多火熱了！加上價錢實惠，我和男友當然不輸蝕要來吃！吃越南菜，粉是必須的，另外又點了咖喱和小食，價錢相宜，就不小心點多了。意大利雞翼是蒜蓉牛油雞翼的變奏版，保留了超香脆的外皮，滑嫩的雞肉，加上意大利黑醋，直接把油膩感下降了。又點了一項炸的小食，因為充滿鹹蛋黃香的黃金脆魚皮實在太吸引，卜卜脆，又香口，十分邪惡呢！份量也不少，可能三四人分會好點。招牌火車頭湯河，有齊生熟牛肉、牛丸和扎肉，非常適合食肉獸們。我最喜歡生牛肉的嫩滑，還有爽口多汁的牛丸。調味區任君使用。湯頭味道清香不會太鹹，配滑溜河粉吃，多喝幾口也不錯。男友君吃咖喱牛肋油香飯，大大碗，深啡的咖晌汁又香又惹味。牛肋肉已切碎混到汁內，只需要用匙吃，非常方便。黃色的飯粒甘香，混合咖喱牛肋後味道更香濃。我們還點了椰汁冰和三包冰，真的有感受到椰子味，是足料的，還可以拿走。看到背後那些外賣了吧！！我們點得太多，吃到超飽，但仍然只是200元左右，名副其實平靚正！

話說有間抵食大大碗又足料既越式河粉喎Btw有一段時間冇食越式野，女友就帶完我行完街黎呢間餐廳品嚐下行完街特別肚餓，一睇個單張諗都唔使諗就即刻叫個「火五火車頭牛肉粉」貪佢多食材，滿足晒唔同願望火五火車頭牛肉粉侍應一擺到碗粉到我面前，都幾驚訝，因為都真係幾大大碗個湯做得真係唔錯，唔太濃之中又會帶番點牛河既味道當我哋仲叫咗幾點小食 因為肚餓吖嘛 Haha香茅豬頸肉食落口一啲都唔油膩，仲己有咬感，點埋秘製醬汁一流呀意大利黑醋汁蒜蓉牛油雞翼食落脆口，第一啖食到甜甜酸酸嘅黑醋汁之後口腔散發出淡淡嘅牛油清香越式炸蝦春卷都係香香脆脆，唔錯手作炸軟殼蟹米紙卷竟然最好食係呢個，平時唔好卷因為女友想食所以先叫但竟然係最好食係佢一定要點埋佢個秘製汁呀想知點好食法？就真係要親身嚟試吓啦貼身服務提供充電服務熱辣辣嘅熱奶茶好食 我會下次再黎食過的Btw小巴黎玫瑰牛展大好賣，賣哂下次你一定要食到

有食過越南野嘅朋友都知係香港食特別貴，今次同朋友係太子搵到間性價比高嘅餐廳食得越南野，當然一定要叫牛肉河粉，見餐廳碗碗面都大碗，所以決定先叫一碗share先，怕浪費食物。依到個菜單有個特別選款係夠粉，重要係唔洗加錢，岩哂啲大食嘅朋友火車頭牛肉河$52(有生&熟牛肉,牛丸同扎肉），份糧都幾多，河底都好香牛味，另外加埋芽菜同小小辣椒又嘗到另一番風味小食方面都有好多選擇，每樣價錢唔貴，可以叫多幾款都唔怕黑醋汁蒜茸牛油雞翼$38個汁小小酸，所以食雞翼唔覺油膩，反而有小小開胃蝦春卷$28每條都好長同入面蝦肉都多，香脆可口香茅豬頸肉$28有小小炭火香味，肥瘦剛好食得越南野，當然唔少得要叫米紙卷，依到嘅軟殼蟹米紙卷$76，有八件仲要件件都好大舊，值得要食餐廳整體服務都好好，座位又夠哂闊落，去開附近嘅朋友仔都可以去食下

生活逐漸回復，週日傍晚與朋友在太子上完堂順便用膳，見到間牛肉粉專門店，今年應該沒有吃過越南菜，就入去試試。黃金脆魚皮 - 新鮮炸起魚皮還是熱哄哄，魚皮大塊又脆，表面沾了咸蛋黃的香氣，食不停口，絕對是包裝咸蛋魚皮零食所不能相比。火五火車頭牛肉粉 - 來牛肉粉專門店當然要試其招牌牛肉，火車頭有齊生牛肉、熟牛肉、牛丸及扎肉，適合喜歡配菜款式多的朋友。湯底清甜，生牛肉在湯中灼得剛熟，熟牛肉夠腍，肉味濃郁，牛丸及扎肉亦彈牙。雞翼煮得入味，充滿著香茅香氣。香草大蝦青木瓜沙律 - 食了脆魚皮及雞翼，要點沙律平衡一下。大蝦泡得香口彈牙，青木瓜混了紅蘿蔔絲十分清新，配少許酸辣醬汁，令人食不停口。還有手作大蝦米紙卷。點了這麼多食物都不用$200，又有水準，抵食。

越南菜都係香港人最愛之一 本身今年都會去越南 疫情之下無奈取消 今日出咗太子果邊就經過火五越式牛肉粉專門店 就不其然想食越南粉 彌補一下無得去旅行的失落 我地兩個人食 點左2碗粉 一個沙律 哩度食物種類都幾多 如果真係好肚餓要多粉都唔洗加錢 等上菜期間發現好多人叫外賣 確係抵食兼好味香草大蝦青木瓜沙律 $52食河粉之前就先食份沙律 青木瓜絲 紅蘿蔔絲 加埋青檸汁 撈勻嚟食 清新得哩 又開下胃 大蝦有四隻 香脆彈牙有口感 火五火車頭牛肉粉 $52食完沙律就到主食啦 火車頭樣樣有d 有生牛肉 熟牛肉 札肉 牛丸 牛肉好厚又非常嫩滑 重點夠曬淋 湯底清甜有牛味 足料之餘又好味份量又多 我無加底都夠飽大蝦春捲撈檬 $66朋友仔就簡左撈檬 話夏天唔想食湯面 加埋 酸辣汁撈勻檬粉食好醒胃 春捲炸得好脆 大蝦都係夠曬彈牙飲埋杯青檸梳打 清清個口就完美喇

趁疫情開始有緩和嘅趨勢，事隔多月終於可以輕鬆下出黎同朋友食番餐好~嚟到太子行左一陣都係決定食下好耐都未食既越南河粉!!~ 朋友話之前同同事黎食過，大讚呢度嘅河粉好食~MENU上選擇唔少，我地兩個都研究左一陣先下到決心~叫咗火車頭牛肉粉~價錢都幾合理呀~最重要係可以免費加粉!!男仔都唔洗驚食唔飽，夠哂經濟實惠! 我最欣賞佢個粉，非常滑，我好怕D河粉又油又厚，火五既河粉完全冇呢個問題!值得一讚!!同事之前去過越南旅行，都大讚呢度嘅河粉夠薄夠滑好正宗!火車頭既料有生熟牛肉、牛丸同扎肉，佢哋嘅生牛肉真係半熟狀態，嫩嫩的粉紅色入口又有牛香。我哋仲叫咗個招牌小食拼盤~牆上既宣傳好吸晴~個拼盤有炸蝦春卷、青木瓜沙律、香草大蝦、黃金脆魚皮、大蝦米紙卷、扎肉米紙卷，幾香脆，又唔油膩，非常之惹味，兩款米紙卷口感非常之豐富紮實，女仔細食啲嘅話其實淨係食個米紙卷都幾夠飽XDDD好欣賞佢個越式香濃滑咖啡~係以膠杯裝上~甜度適中~膠杯裝嘅話仲可以飲唔曬嘅時候就直接拎走~夏天時邊行邊飲夠哂方便XDDD幾鍾意呢度既裝修好簡潔，又夠光猛，仲有部大電視。店員有禮又醒目，下次黎開太子想食越式野一定會再ENCORE~!!

今日去開太子行下街買啲野，行到攰就要搵下食咩。上openrice就見到呢間越南野，好似抵食又好正，就決定去試下。去到見到有好多外賣嘅速遞員係度等，堂食都坐到半滿。侍應原本叫我哋坐卡位，不過唔知點解要我哋轉位坐，雖則最後個卡位都係俾兩個人坐左。睇下左餐牌，啲野都算平嘅，又多選擇。我哋揀左幾樣，可惜個花膠粉無左，唔係都想試下。首先飲品就上枱先，一個凍越式濃咖啡同一個凍越南三色冰。兩個都好大杯，同埋唔算十分甜。飲落都係好香好飲嘅。之後火五火車頭牛肉粉就上枱，個份量都好足，大大份，啲配料都一啲唔孤寒，而我哋揀左檬粉，都好爽口亦都好好食。之後仲有兩個小食，分別係挪威煙三文魚米紙卷同香茅雞翼。第一次見嘅米紙卷包三文魚，不過又出奇地好食，加埋個醬好正，可以試下。而個雞翼都好新鮮，熱辣辣，不過唔知係咪越南雞翼，個size會偏細。我哋食咁多，埋單都係二百蚊，食到咁多野，抵玩！

1. 火車頭牛肉粉湯檬唔係講笑，見佢枱面有張紙介紹牛肉湯底，以為都係啲誇張失實嘅介紹，但飲第一啖湯嗰陣，湯底濃郁嘅程度係其他越南粉店揾唔到嘅，而且晚市都係52蚊大大碗，有生牛肉，熟牛肉，牛丸，扎肉，食一碗都好飽飽啊！2. 越式炸蝦春卷撈檬42蚊碗，呢碗係朋友叫嘅，撈檬都係正正常常唔會伏嘅選擇。我偷食咗舊蝦春卷，炸得好脆，入面啖啖蝦肉，好味!3. 手作扎肉米紙卷32蚊有4舊，淨咁食有啲dry，但點醬之後都唔錯喔4. 意大利黑醋汁蒜蓉牛油雞翼38蚊有5隻，炸粉漿略嫌多咗啲，雖然一間賣越南粉嘅舖頭有呢款雞翼好似好奇怪咁，但味道其實唔錯，意料之外好味5. 三色冰雖然係19蚊一杯，好平，但啲三色啫喱略硬...麻麻地

周四跟同事J路經火五，大家都對越南野情有獨鍾。越南湯河加撈檬都係經典款式。因為見到火五有特色咖哩撈檬，木瓜沙律🥗等等都頗有特色，所以想試試。火五位於太子界限街，近深水埗，離太子地鐵站十來分鐘步程，常算啦，唔太遠。我對呢區都好熟，一直都心思思想試吓咁囉。V仔,同事J去到時尚早，但人流都不斷出出入入，加上店內的外賣🥡不絕，店員都無停手咁。火五裝修尚可接受，乾乾淨淨咁啦。我地坐底睇完菜單，每人一個主食加一個小食。當然係想試晒佢招牌野先，湯河，撈檬，沙律🥗，春卷。同事J就左火車頭湯河，生熟牛加牛肋肉，湯底夠味，喜歡魚露嘅朋友一定要試試，加埋牛肉味，都算唔錯。我就嚟個黑毛豬扒撈檬，火五嘅酸辣汁相當唔錯，可以人鮮引起食慾。一口氣食咗一大半都無問題。下次可以試吓個咖哩撈檬。今次先試正常嘅。軟壳蟹木瓜沙律都好有特色，蟹殼好好味😋，而紙春卷好鮮味加埋佢了得嘅酸辣汁，一流呀。