火五越式牛肉粉專門店 (華生樓) (已結業)

今日行去太子果頭，突然間想食越南野所以就行咗入去。入到去冇乜客，仲有個毒毒卡位就即刻揀左入去坐，空間都幾闊落同埋幅牆都幾靚感覺唔錯。因為太肚餓，叫咗碗生牛肉河，花膠雞湯河，挪威三文魚米子卷，同埋白雲鳳爪。嘢飲就叫咗杯椰子水，一杯越式咖啡。上菜好快坐咗兩三分鐘啲嘢就開始到，其實你之前有特登搵個食啲乜嘢見過個生牛肉河同埋白雲鳳爪都好出名所以試試，白雲鳳爪真係唔錯好有咬口，啲河粉都好大碗好飽肚但係嫌個湯就唔係好夠味，同埋飲完有啲口乾可能味精有啲重手左。個米紙卷有啲太足料 好大舊，略嫌清淡，好彩有一塊三文魚（偏咸）中和番啲味！個咖啡我覺得幾唔錯，平時飲開小甜今次唔記得叫都唔會太甜，但係杯椰子水就太淡 麻麻地啦！同埋佢用左街外珍珠奶茶鋪既杯裝。係衛生既，但係自己偏好環保，觀感就一般啦。

今日因工作需要黎到廣告招牌公司林立嘅界限街，睇招牌睇到餓餓地俾呢間「火五越式牛肉粉專門店」黃色嘅招牌吸引佢，不如就試試佢！ 餐牌用畫架放於門外，食物選擇非常豐富，包括越式湯河、檬粉、青木瓜沙律及油香飯等等，午市加配飲品仲有半價優惠，加杯越式特飲圍番都唔洗加＄10蚊，幾抵！ 入座後店員安排我地坐係面牆嘅卡位，好似一個寧靜嘅小角落唔洗同對面「你眼望我眼」。餐廳以白色為主色，牆身擺放綠色植物幾清新！ 由於做完野非常肚餓，我地一行二人叫左好多野食。=========================火五生牛肉粉 $42好大碗生牛河呀！牛肉切得好薄仲係「紅當當」，賣相好靚！牛骨湯底唔算好濃，河粉超多，一啖湯一啖粉，正！ 炸軟殼蟹青木瓜沙律 $68大大舊炸軟殼蟹岩岩炸好，脆卜卜好食！熱氣野梗係要配番d清新嘅青木瓜沙律中和番！ 手作大蝦米紙卷 $38餐廳將青木瓜沙律同大蝦以生菜包成米紙卷，一啖一件，食落非常清新！ 越式炸蝦春卷（3件） $28長條狀嘅炸春卷食到蝦滑做餡料，味道不錯 香茅美國黑毛豬扒（2件） $42兩塊大大塊嘅黑毛豬扒預先切好，非常細心，豬扒香茅味香濃，又唔會蓋過肉汁，呢個價錢CP值高！

每次食越南🇻🇳Pho都係中意佢既湯底，今次黎到太子火五試下先。可能近排疫情關係，見到好多外賣速遞員出出入入，但都有不少顧客堂食。火五火車頭牛肉粉 $62份量多，好大碗，可以2個人食。呢個火車頭配有生熟牛肉，扎肉同和牛牛丸，個牛肉湯底係自家熬製，濃郁到真係不得了，就略嫌有少少咸，但就回味無窮！牛肉好嫩，和牛牛丸肥美既美味，但佢個河粉就索哂啲牛肉精華湯底，入哂味！榴槤炸彈 $48呢個炸榴槤波波真係榴槤愛好者必食！係流心榴槤餡糯米糍，爆餡的^^炸得啱啱好，鬆軟煙韌，齒頰留香。意大利黑醋汁蒜蓉牛油雞翼 $38一上枱時賣相好似炸生蠔，雖然呢個麵粉多左🥲但都食到淡淡既牛油香，如果係無骨雞翼就更有誠意了^^火五特色鳳爪 $22開胃小菜，一口鳳爪啖啖肉夠哂滿足，味道小清新。可能我比較中意食辣，如果味道濃點同辣一點會好味啲！好彩都有鋪頭自家製既甜辣醬去增添不少味道。越南三式冰 正價$19 跟餐$10不會太甜，椰香味撲鼻，不過硬條啫喱用飲管吸唔到，最後要用匙羹食🥲凍咸檸梳打 正價$19 跟餐$10食完啲香口炸物，緊係要點杯咸檸梳打下下火，又透心涼😙

話說喺Office用外賣App搵嘢食，周不時會見到「火五越式牛肉粉專門店」，而且折扣優惠仲好高，我已經心動多時💕。呢日終於食咗，不過係堂食，哈哈。餐廳環境正正常常，店舖中間有幾張枱係專執外賣🥡，因為訂單真係多到一個點！每張枱都放有調味架，辣椒、辣醬、魚露等通通有齊，食越南菜必備！火五火車頭牛肉粉($62)，🚂火車頭配料包括生牛肉、熟牛肉、牛丸以及扎肉。由於湯底夠熱，嚟到嘅生牛肉已經熟咗；熟牛肉本身就係牛腩，夾埋牛丸，全部都係牛🐮；當然仲有兩片扎肉。湯底唔油兼冇味精，不過可以濃味啲啲🍜。火車頭可揀河粉或者檬粉，我哋要咗後者。最吸引嘅地方係呢度嗌多粉免費，咁就唔使驚食唔飽。所以我哋一齊食一碗粉Share，再加多幾款小食🙈。手作挪威煙三文魚米紙卷(6件)($48)，米紙卷其實都好飽肚。米紙卷有四款口味，我哋揀咗煙三文魚，感覺好Fusion，組合出奇地幾夾😗。除咗三文魚外，米紙卷入面亦包住酸蘿蔔絲同菜，所以外皮煙韌，內裏爽脆。意大利黑醋汁蒜蓉牛油雞翼(5件)($38)，菜名嘅頭部份，即係黑醋汁，主要係淋上面。🍗而主角雞翼先係令我一試愛上嘅原因，因為炸衣夠薄又夠酥脆，而且帶有牛油香，第度食唔到依

特別鍾情牛骨湯底的越南粉， 因為淆出來的湯底配合檬粉特別好味， 這個是與一般清湯湯底不同的。 這間餐廳湯底清甜， 還有不同的醬料 (沙茶xo醬、 海鮮醬、是拉差醬) 供選擇，吃粉麵的時候可以按自己喜歡調味， 也可以吃出越式風味。店家還十分好，如果希望加粉，不用加錢，不會怕吃不飽。 火車頭粉麵裏面有一個極之吸引的配料就是和牛牛丸， 一咬下去，牛丸的油脂和牛肉味到爆出來，挺難忘的。餐牌除了一般粉麵選擇之外也有小吃，小吃價錢大眾化，一般都是大概20元至50元， 好像我這樣貪心上每樣都試一點，是一個好選擇！ 連青木瓜沙律也有四款。希望試一試他們的魚露，於是點了一個米紙卷， 喜歡那個魚露，並不是只有甜味，帶一點咸甜，配小食剛好！ 無骨鳳爪不是軟身的，是爽脆， 味道是小辣，大眾能接受。枱上面有一個黃金炸魚皮的相片， 吸引了我的眼球，於是也點來吃， 每一件魚皮都披上金黃色，沒有油膩的感覺，超級脆口，非常好吃！下午230pm開始便供應下午茶，四款食物配飲品都只是40元。這間店內的枱分佈十分寬敞， 在疫情期間真的能夠做到安全。吃了什麼？火五火車頭牛肉粉(生牛肉、熟牛肉、和牛牛丸、扎肉) $62手作大蝦米

今日去太子附近做嘢，食埋野先返公司。行過見到「火五越式牛肉粉專門店」嘅門外嘅menu價錢合理，而且店內客人不少，一於試吓！店內熱鬧，有不少等外賣嘅客人同速遞電單車手。點菜以tick點心紙方式；清水以自助方式自由斟🚰========================火五生牛肉河粉 $42生牛肉粉可以揀河粉或濛粉，仲可以免費加粉，本身以為呢個價錢份量會偏少，點知咁大碗 😮 趁湯熱嘅時候，先試一啖，湯帶淡淡香料香氣；再放入芽菜，將生牛肉同芽菜浸熟，牛肉半生熟，肉質幾嫩滑！河粉份量好多，食極仲有，相信三人都夠食，最後食唔晒有啲浪費，下次食應該叫少粉🙈手作大蝦米紙卷 $38米紙卷滿滿嘅餡料，有蝦、生菜、青瓜絲、蘿蔔絲、濛粉，口感清爽較淡口，蘸咗放喺枱面嘅越式酸汁啱啱好👌🏼越式炸蝦春卷 $28春卷新鮮炸好，餡料有蝦膠，脆卜卜意大利黑醋汁蒜蓉牛油雞翼 $38見到黑醋牛油雞翼呢個combination，好奇心驅使下要試吓！雞翼炸起幾大隻，新鮮熱辣，外皮香脆，但炸漿偏厚；黑醋汁酸味中和蒜蓉牛油較膩嘅感覺，重口味嘅我覺得蒜蓉味可以濃啲突出啲 🤔香茅美國黑毛豬扒 $42本身以為餐牌上寫一份有兩塊，會係手掌心嘅

外賣8折，點了生牛河、扎肉河、紙米卷軟殼蟹、豬頸肉木瓜絲沙律，沒有一樣似樣，尤其紙米卷皮好硬、好厚、唔新鮮，轉眼肉都唔知整左幾多日又乾又柴又硬，總之十分難食，其實八折左都仲好貴，不知所謂

openrice而家做緊28蚊優惠， 今日緣份到叫到真係好開心。炭燒鰻魚飯竟然只係28蚊，以為28蚊就會好細份，點知打開盒飯都算幾大盒 ， 飯係珍珠米 ，但最大缺點就係鰻魚有碎骨。生牛肉湯檬竟然係有半價只係21蚊，預咗返咗屋企肯定係變咗熟牛肉， 湯同粉分開嘅所以返到屋企啲粉都冇淋到, 但係就有一啲碎。 牛肉都算多，不過外賣返到屋企凍D咗就黐埋一嚿 跟粉有一盒仔辣椒辣到噴火。兩個人食飽飽都只係49蚊， 緣分到會再翻食

✿╮❤╭✿✿雜感女生   好味日記✿˚*•✰。火五．清爽的越南太子。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤ 一個任性的周末瞓到12點先起床突然想食越南菜就和朋友衝去太子找火五醫肚 是的要排隊，要等位因為人多勢眾外賣多多但無損興致因為太耐沒有吃越南菜了這家店是地道的  香茅雞翼很入味蔥蒜平分秋色雞肉帶汁香2人分享就剛剛好！越式炸春卷長長的，好好食！外層香脆，內裡蝦肉彈牙好食得太過份了，卻只得3條強烈建議做夠4條！ 香茅豬頸肉撈檬58蚊咋！58蚊咋！58蚊咋！重要事情講3次！太大份量了！2人分都飽到飛起豬頸肉勁爽口，撈檬加入地道汁汁索索聲吸入，呢種滋味就是正！ 法式咖哩牛肋油香飯大胃王注意！要留肚進食！牛肋條香軟入味黃色油香飯又吸入秘製汁汁再混入面層的咖哩同食滋味多層次！  越式凍咖啡朋友點的，加甜特別香濃好飲  越南椰汁冰我點的，清爽有椰肉粒粒好有travel的感覺 

疫情影響冇得出外旅行，唯有去食碗越南河粉當係去左旅行啦！今日就去咗太子界限街「火五越式牛肉粉專門店」食午餐～店內地方寬敞，餐牌主打各式各樣越南檬粉、河粉、小食、米紙卷及越式油香飯等等香茅雞翼一客有四隻，大小適中，雞翼好juicy，仲有香蔥同炸蒜，更添美味手作札肉米紙卷米紙卷有多款口味可供選擇，呢款手作札肉米紙卷勁厚身，裏面充滿青瓜絲、生菜、粉絲、札肉等等配料，好足料，味道同口感都好豐富呢！蒜蓉牛油蝦球蝦球金黃香脆，炸到脆卜卜，已經去除蝦殼，啖啖肉！面上加左牛油蒜蓉，勁香口惹味，邪惡小食之選火五火車頭牛肉粉火車頭配料有生牛肉、熟牛肉、和牛牛丸、札肉。生熟牛肉嘅肉味都好香濃，最好食係粒和牛牛丸，內𥚃勁juicy又重牛味，超正哦！河粉好滑溜，吸收哂湯底嘅精華，不得了越式香滑濃咖啡☕️越南咖啡出名好飲，果然係入口順滑，咖啡味香濃突出，同時又有奶香

限聚令下，一家人唯有在家叫外賣，看到這家食評唔差價錢又唔貴，一於試吓。11:45下單，大約12:25出車。湯和粉隔開，外層再用保鮮紙包住，湯唔會漏出嚟，感覺幾企理。我食越式鹹菜腐竹胡椒豬肚湯粉，豬肚都有好幾舊，夠晒淋但冇乜味，個湯好濃，越食越辣，味道都唔錯。依個價錢，份量足夠，味道又可以，係飽肚之選。

今日天寒地凍8度真係唔好講少，去火五食碗熱辣辣嘅生熟牛肉粉大大碗火五生熟牛肉粉$58 午餐加$10 有飲品真係夠晒份量，牛腩炆到夠晒味少少根有趙口最緊要加埋金不換同牙菜一齊食加一兩粒辣椒食完成個人暖曬☀️炸軟殼蟹青木瓜沙律$68雖然蟹身唔算大隻但勝在好多蟹膏夠曬香，先食蟹之後再食埋爽甜帶酸嘅青木瓜咁就唔會熱氣😋凍越南三式冰 跟餐$10天氣咁凍應該飲熱野最啱但係呢度嘅三式冰我又想試！最後決定order少冰三式冰，夠曬椰汁又多料，飲完成個人醒一醒

今日又去咗旺角度掃平貨同埋幫屋企啲寵物添置新用品行完之後拎住一袋二袋就去咗食飯 見到呢間火五越式餐廳 入面嘅環境非常之大又闊 應該幾好坐 而且食物都算大眾化 所以就決定入去食手作大蝦米紙卷 顧名思義呢啲係舖頭自己手作嘅唔係出面交貨嘅大蝦蝦肉非常之爽口彈下米子亦都有淡淡嘅飯香卷埋一齊加上少少紅蘿蔔等等嘅蔬菜成個口感層次非常之豐富意大利雞翼 雖然話就話意大利 但係都有唔少嘅越式風味 包括佢係炸既 而且炸得外皮好酥脆 感覺好似台灣嘅鹽酥雞咁樣 但係入面嘅雞肉好嫩滑法式咖哩牛腩油香飯 咖哩就比較偏甜一啲 啱曬香港人口味 牛肋條亦都充滿住牛嘅油脂好甘香 配上油香飯令到成個餸菜有少少海南雞飯嘅味道 但係佢更加惹味香茅豬頸肉撈檬 香茅味十分之重 我個人比較鍾意香茅味 所以覺得好好食 豬頸肉因為佢烤左先至擺落去 所以都幾脆口 而豬油嘅味道都好金香越南三色冰咸檸七梳打 梳打同出面嘅味差唔多 但係三色冰就有少少驚喜 我本身以為佢好甜 但係佢甜得嚟又有少少酸酸哋嘅味道 非常之開胃

朋友介紹火五好食今日過開太子就黎試吓正宗嘅越南pho店舖唔算超大但係坐得舒服而且裝修優雅所以食得自在火五火車頭牛肉粉 $62份量好大 當中有生牛肉、熟牛、和牛牛丸同札肉一次過滿足三心兩意嘅我牛肉係超高質👍🏻非常嫩口而湯底真係無得彈要牛骨加上16種香料低温煲煮超過8小時湯頭清澈 帶淡淡牛肉香炸軟殼蟹撈檬 $68個炸軟殼蟹係即叫即炸 非常惹味外脆內軟正小食拼盤 $138黃金脆魚皮青木瓜沙律2炸蝦春卷4香草大蝦4手作大蝦米紙卷4手作札肉米紙卷可以一次過試晒外種小食味道唔錯 會再黎食

今日係太子返完工，行過火五時就比佢啲香味吸引住，就於是拉住同事一齊入去食返個越式lunch!我就點咗個香茅豬頸肉黃油飯，一拎上嚟份量十足，豬頸肉十分之香口，配搭埋個黃油飯簡直一流，性價比超高啊！每碗都會配搭少少青瓜絲，食落嘅時候就唔會咁容易食濟咗。同事食香茅雞翼撈檬，4隻大大隻雞翼，同佈滿青瓜紅蘿蔔絲，檬粉份量足溝埋撈檬個汁，酸酸甜甜好開胃。我哋都叫咗兩樣小食，蒜蓉香草大蝦，炸到金黃色的大蝦十分吸睛，脆口不膩，蒜蓉香草味濃，有d似牛油香味！另一款火五特色鳳爪，大大隻同肉質爽脆，鳳爪經過炮製唔會食到有冰鮮雪味，帶點酒香酸味，如何可以加點辣味就更惹味😍嘢飲叫左兩杯越式特色飲品，跟餐都係加$10，划算！越南三式冰同越南椰汁冰呢間係性價比不錯的越南餐廳🍴