餐牌用畫架放於門外，食物選擇非常豐富，包括越式湯河、檬粉、青木瓜沙律及油香飯等等，午市加配飲品仲有半價優惠，加杯越式特飲圍番都唔洗加＄10蚊，幾抵！
入座後店員安排我地坐係面牆嘅卡位，好似一個寧靜嘅小角落唔洗同對面「你眼望我眼」。餐廳以白色為主色，牆身擺放綠色植物幾清新！
由於做完野非常肚餓，我地一行二人叫左好多野食。
=========================
火五生牛肉粉 $42
好大碗生牛河呀！牛肉切得好薄仲係「紅當當」，賣相好靚！牛骨湯底唔算好濃，河粉超多，一啖湯一啖粉，正！
炸軟殼蟹青木瓜沙律 $68
1
大大舊炸軟殼蟹岩岩炸好，脆卜卜好食！熱氣野梗係要配番d清新嘅青木瓜沙律中和番！
手作大蝦米紙卷 $38
餐廳將青木瓜沙律同大蝦以生菜包成米紙卷，一啖一件，食落非常清新！
越式炸蝦春卷（3件） $28
長條狀嘅炸春卷食到蝦滑做餡料，味道不錯
香茅美國黑毛豬扒（2件） $42
兩塊大大塊嘅黑毛豬扒預先切好，非常細心，豬扒香茅味香濃，又唔會蓋過肉汁，呢個價錢CP值高！
意大利黑醋汁蒜蓉牛油雞翼（5件）$38
5隻大大隻炸雞翼，蒜蓉牛油同雞翼perfect match!，不過黑醋味唔算明顯。
凍咸檸雪碧 跟餐半價加$10
咸檸果然夠哂咸呀，咸到刺激口水分泌，以雪碧嘅甜味中和番咸味，對食完炸野嘅我簡直岩岩好！
總結黎講火五越式牛肉粉專門店CP值極高，叫滿成枱食物都係二百幾蚊，絕對值得一食再食！
火五越式牛肉粉專門店 (華生樓)
📍太子界限街14號華生樓地舖
