火五越式牛肉粉專門店 (華生樓) (已結業)

疫情影響冇得出外旅行，唯有去食碗越南河粉當係去左旅行啦！今日就去咗太子界限街「火五越式牛肉粉專門店」食午餐～店內地方寬敞，餐牌主打各式各樣越南檬粉、河粉、小食、米紙卷及越式油香飯等等香茅雞翼一客有四隻，大小適中，雞翼好juicy，仲有香蔥同炸蒜，更添美味手作札肉米紙卷米紙卷有多款口味可供選擇，呢款手作札肉米紙卷勁厚身，裏面充滿青瓜絲、生菜、粉絲、札肉等等配料，好足料，味道同口感都好豐富呢！蒜蓉牛油蝦球蝦球金黃香脆，炸到脆卜卜，已經去除蝦殼，啖啖肉！面上加左牛油蒜蓉，勁香口惹味，邪惡小食之選火五火車頭牛肉粉火車頭配料有生牛肉、熟牛肉、和牛牛丸、札肉。生熟牛肉嘅肉味都好香濃，最好食係粒和牛牛丸，內𥚃勁juicy又重牛味，超正哦！河粉好滑溜，吸收哂湯底嘅精華，不得了越式香滑濃咖啡☕️越南咖啡出名好飲，果然係入口順滑，咖啡味香濃突出，同時又有奶香