火五越式牛肉粉專門店 (華生樓) (已結業)

外賣app成日見到 傳說中的元祖三上大喜屋買一送一, 搵openrice又搵唔到喎原來佢本身是越南餐廳來的😂今日心血來潮試下, 又幾好食喎咖哩豬扒飯買一送一 加埋外賣app 40蚊優惠送到上門 34蚊有兩個, 真係抵到爛不過都要有質素先得嘅, 如果唔係送畀我都唔食㗎😄 真心覺得佢ok嘅

已經係第二次黎食，今次試左其他款，食物依舊大件抵食。花膠魚翅雞湯河真係出哂名大大碗，我同朋友share食。呢個調味夠重，但味道係夠胡椒粉多。而魚翅同花膠都少同細，未發開😥好在河粉入咗味，索哂湯汁。香茅雞翼呢個激讚，夠鑊氣，好脆好脆，好酥！💓好有風味，面層仲有啲炸蒜，錦上添花🤣扎肉米紙卷Pepper味濃既厚身扎肉，連同清淡既檬粉一口咬真係互補不足🤣大蝦米紙卷呢個蝦肉較細少🥲如果爽口會更好。真係抵食在每件都大大舊咁。椰汁冰食得咁油膩真係要叫返杯椰汁冰下火🤣好透心涼啊，既能解膩又消暑，又有少少椰肉咀嚼下，正！

行完文清小店，見到呢間越南餐廳就喺面前😍諗都唔諗就入去食返碗越南粉先！餐廳都幾光猛！當日好熱入去吹吹冷氣，即刻要返碗咖喱牛肋撈檬咖喱牛肋撈檬超級大碗，咖喱牛肋， 有牛腩同牛筋各三大件，咖喱汁搬埋成碗粉，都幾香！粉面嘅份量仲好多早知就叫佢少麵🤣咁就可以叫多幾樣小食香草大蝦青木瓜沙律起初以為係普通爽蝦，原來係炸蝦球！好香脆！牛腩依然軟林牛筋幾入味且林，補充骨膠原一流！朋友就食火五火車頭牛肉麵呢邊又生牛肉、扎肉、牛丸、牛腩...乜嘢都有少少，滿足貪心嘅佢🤣跟餐嘢飲半價我就要左杯凍咖啡佢就要鹹檸七！飲品味道唔會好甜，而且咖啡幾香濃！朋友嘅鹹檸七就夠晒出味！獨立包裝唔驚倒瀉！

#太子高性價比PHO一年過後，再來這家抵食越南餐廳食Pho。在香港吃越南粉，價錢一向也貴，特別是在市區的連鎖店，這家在界限街附近的越南粉餐廳，跟大家分享一下。火五火車頭牛肉粉 ($62) Pho Dac Biet (HKD52) 送到時香氣四逸，份量十足，大大碗，選用生牛肉、牛丸和札肉，牛味香濃，除了香外，雖然較當年貴，但價錢依然相宜！火五生牛肉河 ($42) Medium Raw Beef with PHO (HKD42)若嫌火車頭河太豐富，可以食生牛肉河粉，依然有咬口又易消化，半生熟的牛肉，既嫩滑又入味，也可以加入辣椒和草增加香味和味道。另外飲品都抵飲，$19特飲凍青檸梳打和三色冰。凍青檸梳打 ($19) Iced Lime Soda ($19)消暑必備既飲品，冰涼微酸，加上梳打水，爽快！凍三色冰 ($19) Che BA Mau Iced Jelly and Green ($19)三色冰數量多，味道香滑，有特飲令套裝性價比提升不少！食了不少東西，食物質素不俗，越式食品加上特色飲品，酸酸甜甜的口感，令人胃口大開，特別是炎炎夏日，日後會再來！

同男朋友食過幾次覺得好抵食！今日雖然趕趕地時間都再去食過！-🐮火五車頭牛肉河｜💰62🌟生牛肉🐮熟牛肉🐮牛丸🐮扎肉啱晒選擇困難嘅人😚好大碗ε-(´∀｀; )湯好夠味‼牛牛味出哂黎但又唔會膩唔油💕✨仲食到少少好似藥材味既感覺！好好飲！牛牛嫩粉唔會過熟ε-(´∀｀; )而且份量好足牛腩好嫩淋💕肥膏比例岩岩好牛丸都重牛味多汁帶筋好咬口！大推牛丸🥰牛筋仲要勁大嚿🤣煙un重牛味多河粉都唔使加錢！一定夠食夠飽旁邊仲有同唔同嘅醬汁同辣椒粒！.🇻🇳手作大蝦米紙卷｜4件｜💰38蝦味濃又爽口！每件大大舊！個皮都彈牙！整體爽口清新又夠味.🥗特式鳳爪青木瓜沙律｜💰48鳳爪都幾多隻而且彈牙爽口夠入味！好清爽，又清新，酸酸甜甜熱辣辣既天氣食完都心平氣和d加埋炸蒜青檸更加惹味！岩哂炎炎夏日食😤.🥬蠔油唐生菜｜💰19-🥥凍越南椰子冰｜💰19-佢仲有好多唔同小食，例如春卷、雞翼、D24榴槤炸彈‼️唔怕搵唔到岩食既野🥰同埋上菜都好快手，差唔多5分鐘到就到齊而且食物都有質素！仲要價錢真係平！好抵！服務態度都好好

一個平常的日子，因做嘢來到太子，午飯時間到，食咩好呢？匆忙中約了住喺附近的朋友，佢話去『火五』喇，我話係喎，好嘅好嘅，掛住曾經食過嘅榴槤波波，口水爭D流哂出來……主食叫咗『火五火車頭牛肉粉』，『日式鰻魚飯』，小食就『火五特色鳳爪』和『D24榴槤炸彈』。牛肉粉裡有齊生牛肉，熟牛肉，和牛牛丸和扎肉，大大碗的河粉，男仔食就好D，女仔就…太飽喇，和牛牛丸好彈牙，好有質感; 鰻魚飯只係賣48蚊，鰻魚成條咁多，你話抵唔抵?鳳爪亦大大份，两人食綽綽有餘 ，我喜歡的『榴槤炸彈』有流心滑流的榴槤，有香脆的外皮，而且旁邊佈滿星星的碎片，好靚，試一啖，係食得嘅，正

最初係因為見到某外賣app話自取外賣有3折，見咁平，試試佢，見到有三間食肆都係同一地址，問清店員，原來都係同一間，間間都試過點餐，包括：1."火五"鋪頭同名，越式，試過特式鳳爪同米紙卷，折完好似每樣十幾蚊，超抵食2."天下第三", 記得之前叫時係叫天下第一，唔知係咪因開多左分店，呢個地址變左做第三🧐🤔，唔知算咩式，介紹好似話港式，豬手好抵，廿幾蚊半隻，不過個汁有d過鹹。3."元祖三上"日式，叫得最多次係呢間，叫過冷麵，牛肉飯，咖哩飯，鰻魚飯，都係廿幾蚊個，選擇又多，份量足，好抵食。幾間同一款罐裝飲品，都唔同價錢，叫外賣時可格下價，食品選擇多，價錢又超平，值得推介。👍👍

越南粉同平時茶餐廳食到嘅粉面不同之處係，越南粉湯底係用牛骨熬製，河粉吸埋湯汁，牛味更濃郁。火車頭牛肉粉 $62配料有生牛肉、食牛肉、和牛牛丸、扎肉。生牛肉同和牛牛丸都好濃牛味，熟牛肉軟淋，唯獨扎肉就肉質麻麻，調味比較重，好濃白胡椒味。法式咖哩豬頸肉撈檬 $58香茅豬頸肉都係同樣價錢，好奇就黎試下，豬頸肉好食，但如果係咖哩豬頸肉飯應該更啱我口味😛蒜蓉牛油蝦球 $48超邪惡之選😈係我最愛🙈炸過嘅蝦球，然後用牛油同蒜蓉炒，香味四溢，超邪惡😈越南椰汁冰椰子水加椰肉，好清，無糖之選😉

今日去左好多地方,  攰到一個點，去到太子就見到間越南嘢，都有啲清新感，就係我想要嘅餐廳。 火五生牛肉粉$42湯底唔算好濃，係帶點牛嘅香味，原來係廚師用左牛骨同十六種不同嘅香料慢煲8小時已成，而牛肉分外嫩滑， 最正嘅係加底，響出面係未試過！ 火五特式鳳爪 $22越式鳳爪比出面嘅較酸，好在唔太辣，大大隻咬落好爽！ 黄金脆魚皮 $32用咸魚黃炒越南魚皮，片片大塊,好香口而且食落十分鬆化. 花膠魚翅雞湯油香飯$59 凍青檸梳打$19凍越南椰汁冰$19兩杯飲品都好清新，青檸夠酸又夠氣，椰青水就點左少甜，食到椰青肉，飲完感覺舒服，熱氣悶氣都消除！

在汝州街界限街交界有一間越南菜餐廳名叫火五。呢度嘅食物選擇多，有湯麵、撈檬、越式飯、同唔同款嘅小食。枱上除咗有越南菜必備嘅魚露之外，仲有是拉差等醬汁可供選擇。首先叫個大蝦米紙卷，總共有四件，每件都有一隻蝦，味道清新爽口。另外仲叫咗香茅雞翼，總共有四隻，雞翼首先半煎炸，然後再在上面淋上葱油。招牌火車頭牛肉粉可以免費加底，份外分量十足。火車頭有生牛肉、熟牛肉、和牛牛丸同扎肉，非常豐富。由於湯底夠熱，所以生牛肉都已經有九成熟，而熟牛肉就係牛腩牛筋，扎肉總共有三片，而佢嘅和牛牛丸亦有3粒，係有湯汁嘅牛丸，所以好值得推介。撈檬成日都食，今次一於就試吓咖喱豬頸肉撈檬，呢個配搭果然夠晒新穎，有咖喱汁可以唔駛落魚露。青檸梳打夠冰凍。而越式咖啡就夠香夠滑，而且仲係少甜，大大杯好抵飲。

地點優越，容易食到平民價越南粉，雖然座位不多，但出餐夠快，人來人往，唔洗點等！手作大蝦紙米卷(4件)$38好大件，一口咬唔哂，好飽滿！主角-火牛生牛肉湯檬($42)湯底清澈，帶有淡淡牛香氣，灑上黑胡椒，香上加香，牛肉選用牛柳頭，所以夠嫩滑，配埋河內沙嗲XO醬，超正的配搭！越式花膠老火雞湯香油飯($56)好多足料，花膠又爽又滑，雞湯底撈香油飯都唔錯！蠔油唐生菜（ $19 ）大大碟D24榴槤炸彈（ $48 ）即叫即炸，熱辣辣！香濃榴槤饀

喺太子站附近覓食，經過呢度，記起之前食過，幾好味幾抵食，又啱我呢日想快快脆脆搞掂一餐，咁就決定入去開餐😆叫咗$62嘅「火五火車頭牛肉🥩粉」，跟河粉加$10嘅「凍咸檸雪碧」（原價$19），再加$48嘅「黃金蝦球（5件）」同$19嘅「蠔油唐生菜🥬」😋-「凍咸檸🍋雪碧」嘅鹹檸已經打碎咗再同雪碧撈勻，唔使自己慢慢「篤」檸檬🍋，飲得非常方便😋-「火五火車頭牛肉🥩粉」裏邊有生牛肉，熟牛肉，和牛牛丸，扎肉；生牛肉係切薄片，剛剛熟，仲有少少粉紅色😋；熟牛肉有一大嚿，非常軟熟，全部牛🥩都幾好牛味😋；呢碗越南🇻🇳河粉嘅份量仲非常之大😆-「黃金蝦球（5件）」嘅蝦仁🍤被脆漿包住，再沾上鹹蛋黃，食落好香口😋-「蠔油唐生菜🥬」簡單新鮮😋- 食飽晒之後，仲想飲杯咖啡，咁就加咗$19嘅「凍越式香滑濃咖啡」，真係又濃又滑，好飲😋

平時都唔多打食評，但今次真係頂唔順食完要洗胃🤢岩岩上網見到依間野食評好似唔錯，所以入去叫咗個生牛肉河同泰式鳳爪，點知碗牛河放低果時個牛肉已經係熟咗個湯底唔正宗得嚟仲要好鹹個麵淋到一夾起就散，我食咗兩淡就無食了。個泰式鳳爪反而正正常常不過不失🤭。真心完全唔明點解依間野可以咁多好食評。😪依間野可一不可再。勸奉各位見到依段嘢嘅人懸崖勒馬回頭是岸，千萬不能中伏🤢如果你堅持入去食我保證你不愉快離開🙊

係葵涌叫外賣見到有優惠叫左佢個花膠雞湯飯，點知伏到核爆既花膠雞湯飯，雞有三舊食左一舊決定影相上黎介紹下，花膠只有手指尾大小，雞係煲完湯既雞扒肉，以為唔會再叫，好少寫食評，真係太伏

以前有人買過外賣俾我食諗起個湯檬食完係好舒服 唔會口渴今次嚟到太子 梗係要嚟食返次啦！火五火車頭牛肉湯檬 $62份量強勁！一碗有齊生牛肉、牛腩、和牛牛丸、牛筋、扎肉湯底亦係牛味香濃檬粉好滑 連湯食好好味兩個人都夠食一碗 推薦👍🏻香茅豬頸肉青木瓜沙律 $58喜歡先淋上魚露 再撈勻食酸爽口味醒哂胃而豬頸肉都有6、7塊又係份量勁足！香茅雞翼 $22雞翼上面有乾蒜同蔥油炸得好好味 抵食👍🏻咸檸梳打 $19係手搖飲品嘅包裝 令人感覺衞生好大杯 抵飲👍🏻-真係又平又好食😋留意到店舖好多外賣訂單 仍毫無影響堂食上菜速度 真係好有效率呀！