火五越式牛肉粉專門店 (華生樓) (已結業)

一個人在太子逛街，行行下肚仔餓就梗係要搵野食啦！太子出左名就多野食，好多地鋪搞到我眼花撩亂。行經一間牛肉河專門店叫「火五」就想起了當年在越南的味道，當然要試一試啦！叫了一客火車頭河，勝在咩都有，肥牛，牛丸，牛腩，札肉所有吸引晚餸都係哂一個玩碗入面！麵都尚未黎到就先黎一份配菜芽菜/香葉/青檸飲品是荔枝梳打飲之前要整均勻如果唔係糖漿就係哂個底度。味道十分清甜荔枝味十分香火車頭河，湯底十分濃，牛骨味香當中我的最愛是牛丸爽口彈牙中間仲有濃濃晚肉汁爆出黎非常驚喜！！

今日嚟到位於太子嘅越南菜，週末嚟度發現都幾多人，好彩有位坐姐。仲見到有張枱專係用嚟放外賣，果然好生意！價錢夠貼地，難怪咁多人幫襯。火車頭牛肉粉（$62）- 材料勁多，有生牛肉、熟牛肉、和牛牛丸同扎肉，湯底鮮甜， 仲可以改湯檬。越式魚翅花膠雞湯湯（$59）- 估唔到真係有魚翅，呢個花膠雞湯仲好清甜。香茅雞翼（$22）- 烤得好脆口，雞肉仲好juicy，香茅尾都好出。香草大蝦青木瓜沙律（$52）- 個沙律落啲魚露好好食，個大蝦真係幾大粒，仲好爽口彈牙。

星期日，同朋友喺太子有嘢要做，想快快脆脆食個午餐，出咗地鐵站附近見到呢間「火五」，即刻入去試吓先。我點咗：🐥越式花膠老火雞湯河$56: 真係有花膠，河粉仲幾滑。🥬蠔油唐生菜$19: 唐生菜口感爽脆，簡簡單單，食落感覺幾健康。朋友就點咗：🐮法式咖喱牛筋油香飯$58: 咖喱汁好厚身，黃油香飯好大碗，朋友話食得超級飽。🐷黑毛豬扒（小食）$42: 豬扒已經切成 bite size, 一啖一啖食得好方便。港式奶茶$16x2: 奶茶熱辣辣，天氣涼涼哋，飲落感覺好溫暖。

放工夜麻麻勁肚餓，快快喺附近食返餐平靚正嘅越南菜，太子附近，火五越式牛肉粉 都好有人氣，經常滿座大概都要等位10至15分鐘。越式香茅豬頸肉青木瓜沙律 $58越式香茅豬頸肉，甘香惹味，香茅豬頸肉鹹香微焦，配搭清新酸甜的青木瓜沙律，好開胃。法式咖哩牛肋油香飯 $58French Curry Beef 法式咖哩微辣而且好香咖喱味，牛肋炆得軟淋入味，油香飯香噴噴。火五火車頭牛肉粉 $68可以話係呢度嘅招牌粉，內容豐富，款式多樣化，包括生牛肉、熟牛肉、和牛牛丸、扎肉，味道濃郁。Medium Raw Beef 生熟程度剛剛好，入口柔軟即化，配搭秘製醬汁，更加惹味。凍奶茶 $16越式奶茶，甜度適中，茶味香濃。

OpenRice見餐牌訂座幾抵就BOOK左黎食。叫左個火車頭、沙律，魚皮同生菜2個人孖份食。枱面有幾款醬料調味，分別係是拉差醬、沙嗲XO醬同海鮮醬。軟殼蟹青木瓜沙律軟殼蟹勁大隻，青木瓜絲嘅份量都超多，可以當一份主食😂。🥬蠔油唐生菜幾大碟，無灼到好熟，仲係爽口既。黃金脆魚皮好大碟，有D多😂，好脆，無油益味。火五火車頭牛肉粉免費加底，生齊生熟牛肉，牛丸同扎肉，湯底幾香，牛丸好好食！MENU應該要出一個淨牛丸粉！揀左河粉，可能因為加左底D湯索得有D快😂，最好快D食。大碟夾抵食👍🏻。

係外賣平台長期有折，所以都叫過好幾次，今日經過就入去食晚餐，第一次堂食。呢到D湯粉、撈檬同飯都好平！加底仲要唔使加錢！糧尾之選😆！落完order就奉上芽菜青檸生牛肉湯檬牛肉放入湯底略略灼熟，牛肉份量都幾多。香茅豬頸肉撈檬配酸甜汁好開胃越式炸蝦春卷好長😆，啖啖蝦膠肉黃金脆魚皮推薦呢個小食，香口野，好脆白桃紅茶同埋青檸梳打野飲都幾大杯，叫得過。青檸梳打叫咗走甜，幾好！白桃紅茶有椰果，欣賞！抵食之選👍🏻。

🤍火五越式牛肉粉專門店🖤太子界限街14號華生樓今日決定同朋友食light啲，收工後決定去食越南菜🍴位置好方便，距離太子站都只係5分鐘路程🍜生牛肉檬粉 $42份量好足好大份，半生熟牛肉好嫩，湯底唔會過咸，而且食得出冇落味精，好香牛湯味🌯越式炸蝦春卷撈檬 $42緊係要試埋撈檬啦，都係大大份！而且配菜好足料，春卷足料真係有大大粒蝦肉，口感好豐富🥗手作炸軟殼蟹米紙卷 $78米紙卷係食越南菜必食！軟殼蟹好脆，夾埋其他配菜，大量蘿蔔絲同青瓜絲，口感非常爽脆，超級fresh！🍗意大利黑醋汁蒜蓉牛油雞翼 $38雞翼夠大隻夠滑，而且新鮮炸好夠脆卜卜！炸粉外層淋咗黑醋汁同蒜蓉牛油，好清新亦都好夾🙂

經過太子，俾呢間火五越式牛肉粉吸引左，小食同粉麵都有不同配搭款式，種類多😍本身都好鐘意食越式湯檬，鐘意加入青檬、辣椒，同牛湯好夾🤤🐮火車頭牛肉湯檬$62牛湯底好濃郁而不油膩，好清甜😋配料包括生牛肉、牛筋腩、越式扎肉、牛丸，牛腩炆得好腍👍🏻😋而牛丸係最出色！勁爆汁，好重牛味🤤檬粉不會太碎，夾得起，自己加入左芽菜、青檬、辣椒，枱面有3款秘製醬料，提升風味，好食😋🦀炸軟殼蟹撈檬$68其中一款好吸引的撈檬😍軟殼蟹撈檬好少見，外面的粉不會厚，炸到脆卜卜，外脆內軟😋😋加入越式甜酸汁，醬汁唔會太酸，好清新🤤好夾越式炸蝦春卷$28春卷包住生菜，越式必叫小食😋👍🏻黑毛豬扒小食$42豬扒好入味，加上好多炸蒜，青檬汁，好香口😋👍🏻越式香滑濃咖啡$19個味道同越式滴漏咖啡一樣，好香濃👍🏻越南三式冰$19

好今次嚟到太子做野 順便食下個lunch 見到呢間越南野都有幾個人排隊 咁我梗係又試下啦咁當然我咁鐘意食牛 食越南野一定要食生牛肉河啦 個牛肉湯底味好濃 生牛都好嫩滑好正 而且大大碗咁好抵 而我朋友呢就食撈檬 通常喺出面嘅咋我冇你都係得幾片嘅 但係呢就有5片咁多 而且仲係勁多粉嘅 就連我個好大食嘅朋友都食唔晒呀我哋仲叫咗一個軟殼蟹米紙卷同埋香茅雞翼兩樣都好滋味 尤其係個米紙卷 真係真材實料 呢度嘅飲品你係用台式嘅飲品嘅包裝方法 所以我趕時間飲唔晒我個咸檸7都可以拎走食咁多野都係$200有找 好抵食

繼上次食完佐敦店之後，同朋友都心思思想食返，咁啱今日出到太子發現火五原來有開分店！梗係即刻Encore！火五熟牛肉粉（$58）嚟到牛肉粉專門店點可以唔叫佢地最出名牛肉粉！Keep到一貫水準！牛味依然濃郁👍🏻必食之選☺️香茅雞翼撈檬（$48）雞翼皮脆內嫩、香茅味突出👍🏻檬粉搭配秘制渃蘸，酸甜清爽、口感十足😋手作大蝦米紙卷（$38）大蝦粒粒飽滿，搭配米粉、青瓜、紅蘿蔔、生菜，口感豐富、有層次，仲可以按個人喜加入酸甜醬或酸辣醬，增加風味。白桃紅茶（$19）甜而不膩，加入新鮮白桃碎，有桃味之餘，又不失茶味。如果唔飲得太甜太凍，仲可以叫少糖少冰😆

#越式eatcovery #太子eatcovery💡抵食又大碗之越南野火五近年愈開愈多分店，而今次就選左係太子既分店試下。店鋪雖然唔係好大，但環境舒適，最緊要係美食嘅選擇種類有好多，包有一款岩你口味😋🍽 越式魚翅花膠雞湯河湯底好鮮味，飲落清甜得嚟又啲香料味，唔會好咸。雞件大舊得黎夠厚肉，食落唔會鞋口。最重要憬以咁抵價錢食到養顏花膠，正！另外，小店好細心將芽菜青檸辣椒分開上，可以因應自己口味決定🥰🍽 香草大蝦配春卷撈檬撈檬份量十足，嚇親小編，我諗有兩個人份量，大蝦雖然炸過，但入面仍然好爽口彈牙，而且仲好大隻，春卷外脆內軟，咬落去有扑扑聲，正！枱面仲有一大枝甜酸汁，可以自行加辣椒汁，酸酸辣辣，好開胃！仲有青瓜同紅蘿蔔絲，增加口感！🤣🍽 火五特式鳳爪鳳爪已經去曬骨，啖啖肉，超正🥰 而且醋味足夠，酸微微好開胃！仲有青木瓜絲伴碟無骨，鍾意食泰菜嘅朋友仔真係唔可以錯過！🍽 手作大蝦米紙卷 米紙卷皮薄唔太厚，餡料有好多青瓜絲、甘荀絲、生菜及蝦肉，蝦肉新鮮，口感清新。ps/湯河或者撈麵都可以免費加底，絕對唔洗驚唔夠飽。當晚食個陣，外賣單不停，店員都好忙，相信好多街坊都覺得好味又抵食！

好耐冇食越南菜，之前同朋友食過，今日同同事去太子買嘢，途經太子，順便食埋飯。火五生牛肉粉($42)牛肉嫩大大片，濃郁湯底清甜配上芽菜、香葉，非常之好。越式炸蝦春卷($28）簡單長長蝦春卷，炸得卜卜脆內軟。手作大蝦紙米卷($38)米紙煙煙韌韌，包住鮮蝦、生菜、青瓜好清新。火五特式鳳爪($22）去骨鳳爪，食起方便，配上酸汁，酸酸甜甜好開胃。黃金蝦球($48)黃金蝦炸得脆卜卜，爽甜鮮蝦滲出鹹蛋黃香味。

本身比較少過嚟太子呢邊，今日咁岩經過開，又開始肚餓，喺門口見到個餐牌價錢唔太貴就決定食。呢度每一張枱都有好多醬汁俾你使用，鍾意加咩醬汁都可以😉📌生牛肉湯河生牛肉湯河味道好好，湯底有好濃郁嘅牛肉味。而係呢碗粉嘅上面有好多洋蔥絲，令到每單都可以有啲洋蔥絲襯托住啲河粉💓另外佢啲牛肉都幾嫩👍🏼推薦呢款📌炸春卷撈檬碗撈檬一上到嚟個份量嚇親我，從來未試過食一間越南粉係咁足料，啲粉係食極都好似食唔完咁。連男仔都覺得個份量好大🤣🤣而味道都唔錯，有越式風味📌炸春卷春卷佢係即刻炸，外脆內軟，裏面係有好多蝦肉。📌黑醋蒜蓉牛油雞翼雞翼都係好抵食，一份有五件，兩個人share都食唔晒。佢同樣都係即刻炸，外面陳皮好趣，亦都好夠牛油同蒜蓉味💓飲品就叫咗三色冰同埋越南咖啡，水準都係水準之上。另外比較欣賞佢個三色冰好夠椰奶味💓

之前已經喺其他分店lunch食過，而我願意再食嘅話，即係好味😂😂🎈火五火車頭牛肉粉 $62（免費加底）最鍾意多料既我，當然係叫呢個有齊生熟牛肉、扎肉同埋和牛牛丸嘅火車頭牛肉粉啦🥰🥰分量仲要超抵食，三粒牛丸、三片扎肉，仲有唔少嘅生熟牛肉。因為想試多d小食，所以我哋兩個人諗住叫一碗加底share🤣點知真係超大碗，結果兩個人都食唔晒，早知就唔使加底啦🙈我最最最欣賞係佢地粒和牛肉丸，爽口彈牙之餘，仲好有牛肉香味，唔係一般可以喺出面買到既牛丸😋😋餐廳仲提供三款好有越南特色既醬料食河粉，包括是拉差醬、沙嗲xo醬同埋海鮮醬👍🏻🎈香茅雞翼 $224件雞翼份量好適中，香茅味都好重👍🏻🎈蒜蓉牛油蝦球 $48蒜蓉味超重，熱辣辣食落口好味😋🎈手作大蝦米紙卷 $38米紙卷又係食越南野必食，包住滿滿既青木瓜絲、青瓜同埋生菜食好fresh👍🏻👍🏻🎈凍青檸梳打 $19🎈凍白桃梳打 $19青檸梳打一如既往好飲，好清新解膩。不過蜜桃梳打原來係罐頭桃既味道，唔會難飲，不過唔係想像中既白桃味道🤣不過我真係有理由相信喺越南真係會咁既口味🙈🙈總括而言，火五真係性價比高，大件夾抵食。佢地既越式河粉真係好出色👍🏻👍🏻

筆者一向比較少寫越南料理，不是不喜歡，就是沒遇過超想跟大家分享的。位於太子的「火五」，味道很不錯，無需加服務費，性價比高。環境：✨店面頂着黃色的大招牌，非常奪目。✨室內設計走簡樸家庭風，花地磚及部分牆磚帶東南亞復古氣息，整體感覺舒適。服務：✨筆者當天用餐時間正值晚餐時段，客人較多，但店員態度友善積極，上菜速度亦頗快。食物：🌯 越式炸蝦春卷 ($28)✨晶瑩剔透的春卷裹上生菜、米線、青瓜、蝦等等，顏色賞心悅目，吃起來清甜水潤，爽脆口感令人歡悅。🍗 意大利黑醋汁蒜蓉牛油雞翼 ($38)✨雞翼外表金黃，炸得外脆內嫩，不會太厚粉，且沒有雪味，配上意大利黑醋汁及蒜蓉牛油，香氣撲鼻，酸甜惹味。🐟 黃金脆魚皮 ($32)✨炸魚皮處理得宜，酥脆無腥味，每一塊都滿佈金黃色的鹹蛋黃流沙，味道香濃，但油份較低，入口輕盈。🥢 生牛肉粉 ($42)✨份量很足夠，湯底深啡色，香料味不俗，不會太油膩。✨牛肉纖維不算太粗，帶少許咬勁，但尚算有彈性，整體不錯。🍹 青檸梳打 ($19)🍹 白桃梳打 ($19)總結（5分滿分）餐廳環境🖼🖼🖼🖼餐廳服務🤵🏻🤵🏻🤵🏻🤵🏻🤵🏻食物賣相🌸🌸🌸🌸🌸味道質素👅👅👅👅👅整體價錢💸💸性價比