火五越式牛肉粉專門店 (華生樓) (已結業)

今日嚟到位於太子嘅越南菜，週末嚟度發現都幾多人，好彩有位坐姐。仲見到有張枱專係用嚟放外賣，果然好生意！價錢夠貼地，難怪咁多人幫襯。火車頭牛肉粉（$62）- 材料勁多，有生牛肉、熟牛肉、和牛牛丸同扎肉，湯底鮮甜， 仲可以改湯檬。越式魚翅花膠雞湯湯（$59）- 估唔到真係有魚翅，呢個花膠雞湯仲好清甜。香茅雞翼（$22）- 烤得好脆口，雞肉仲好juicy，香茅尾都好出。香草大蝦青木瓜沙律（$52）- 個沙律落啲魚露好好食，個大蝦真係幾大粒，仲好爽口彈牙。