火五越式牛肉粉專門店 (華生樓) (已結業)

繼上次食完佐敦店之後，同朋友都心思思想食返，咁啱今日出到太子發現火五原來有開分店！梗係即刻Encore！火五熟牛肉粉（$58）嚟到牛肉粉專門店點可以唔叫佢地最出名牛肉粉！Keep到一貫水準！牛味依然濃郁👍🏻必食之選☺️香茅雞翼撈檬（$48）雞翼皮脆內嫩、香茅味突出👍🏻檬粉搭配秘制渃蘸，酸甜清爽、口感十足😋手作大蝦米紙卷（$38）大蝦粒粒飽滿，搭配米粉、青瓜、紅蘿蔔、生菜，口感豐富、有層次，仲可以按個人喜加入酸甜醬或酸辣醬，增加風味。白桃紅茶（$19）甜而不膩，加入新鮮白桃碎，有桃味之餘，又不失茶味。如果唔飲得太甜太凍，仲可以叫少糖少冰😆