瀛舍 (已結業)

今日一行2人黎到食放題!一入黎已經覺得地方好大好大!見到人地一大盤一大盤刺身! 肚子餓啦!哩度有好多好多款野食選擇!種類繁多！魚生又新鮮喎！見到人地一大兜有擺設既靚靚魚生上碟,但我地就細細的!可能份量叫得唔夠多 哈哈! 所以用小小既碗! (冇理由浪費食物呀嘛)因為我地仲要食好多其他野!壽司、手卷同SALAD!唔會太大舊整到你好快飽哂! 好新鮮好味!我最鐘意係D和牛SUSHI , 要贊好呀!另外熟食方面我地唔係叫左好多! 因為我鐘意既SASHIMI哩度最吸引既係超過廿十款既甜品！好多好多唔同款, 仲要不停refill! 愛甜品既你一定要試啦! 仲有DIY鯛魚燒、DIY心太軟...爆谷機、沙律bar!,沙律特別在有而家好多人食既紫薯呀!生果、熟食buffet等....仲有Sake任斟...任飲汽水啤酒!我覺得真係好抵食！一般放題我未見過有咁多野架! 值得一試！

到過大鴻輝中心的朋友都知道，整棟中心都是放題、韓式及日式放題、打邊爐等等，在排隊等升降機時要先睇睇兩邊排隊是去哪一層。而我就媽媽就去了瀛舍吃日式放題，由於早前已致電訂枱，很快就已經安排就座。就座了一陣子，全場都幾乎滿座了。菜式選擇很多，而且更有不少特別的菜式，例如：蟹王粥、黑松露燉蛋、人參雞湯及松葉蟹天婦羅等等。令我感到警喜的就是，該餐廳更提供自助甜品專區，大家可以自製心太軟、雕魚燒，以及自助爆谷及軟雪糕，感覺像兒時愛玩煮食的遊戲都搬到現實中，而雕魚燒更是兒時線上遊戲必玩架！而且更有紙牌說明如何製作，方法非常簡單，大家都可以自整美食。在上菜前，我先到甜品專區觀光一下，當中有大型蛋糕、奶凍、布丁、果凍以及一口甜點，令我餐前後都忍不住試試～旁邊的小朋友看到彩虹蛋糕都尖叫起身呢。而當中最中意就是牛奶奶凍，味道香濃，而且罪惡感較重，而芒果布丁內裡更有果肉的。然後就點了刺身，我點了三文魚、甜蝦及帶子刺身，刺身解凍情況很好，沒有雪藏味，而刺身亦不會太凍而令食家吃不到真正鮮味。刺身入口即融，適當的軟綿口感令人回味，特別是三文魚鮮味最濃，亦沒有多餘的根，我都忍不住吃了三輪呢！而甜蝦都沒有腥味，反而鮮甜

入坐起計有兩小時食，坐位舒適，叫了食物也很快到，甜品也有很多選擇，細細件，令人不知不覺吃了很多，實在件件都好味道最可惜雪糕櫃壞了，沒有雪糕吃另一款甜品是要自己動手做，獨一無二魚仔紅豆沙餅這裡還有好多不同罐裝飲品自行選擇，可是我選擇了清酒，清酒飲了很多也不覺醉也易入囗，配刺身來吃刺身好新鮮，我也叫了幾次，和牛壽司同其餘壽司也吃了很多，雞腎就太乾，焞蛋也有黑蟲露味道也很清，終結也不錯，依家還有100元優惠，大家如喜歡吃生蠔，記得like瀛舍才有生蠔吃，超大超肥美

昨晚和老公打算去食韓舍，之前吃過感抵食，誰知入座後發現轉了日式放題，不緊要吧！除了甜品沒有變之外，其他均是重新面貌，大部份食物是要寫紙的，我們首先order了刺身，三文魚、帆立貝粒、甜蝦算新鮮，接著，吃了壽司，最正的是米的部份不會太多，不會塞飽個肚，而炸物方面，吉到蝦、蠔夠脆口，不會太油膩，但有點失準的是天婦羅炸蝦，因為凍左、「淋」左一點。燒物方面，鹽燒雞翼熱辣辣、牛肉粒也香口、一口手卷的紫菜即叫即製，但欠脆。此間餐廳最有特式有DIY部份，可自己整，包括有懷舊棉花糖、紅豆餡的魚仔餅、軟雪糕（好香好滑），昨日7點左右再推出是日甜品推介「榴槤大福餅」，餡料是榴槤和朱古力蛋糕，好好味啊！最後飲品也是自助，這餐廳供廳道地罐裝「冬瓜茶」和「黑糖薑茶」，冬瓜茶好好味（像有些麥茶的香味），而黑糖薑茶則軟少甜，但薑味較濃。整體這餐廳的食物質素是不錯的，雖然款式不是太太豐富，但勝在職員態度友善，而且夠積極進取，經理表示因為同區太多韓式燒烤食品，所以他們亦轉了經營方式。

本人平時多數係旺角食開日式放題，由於家附近近日開左間新放題，好鐘意食日本野既我同老婆當然唔會放過啦！入到門口感覺店鋪相當寬躺乾淨且寧靜，第一個感覺就係「舒服」。有別於一般放題！坐低後立即order食物。這店很討厭！因為食物選擇非常多，花多眼亂！得兩公婆畫得太多又驚食唔曬食完後感，這店刺身非常新鮮肥美，喜歡刺身朋友不能錯過！其他食物質素亦是中上。還有重點超豐富酒店式甜品區，食完完全無後悔。日後一定會再來。希望食物質素可以保持👍👍👍