瀛舍 (已結業)

日式放題食材每間都是差不多, 想突圍而出, 就要靠食材的新鮮感, 和款式。有很久沒有吃刺身, 今天就約朋友來大吃一餐; 只見菜單上的食材琳琅滿目, 無論壽司, 刺身, 燒物都有數十款, 我們就點了雞軟骨, 芝士豬扖, 鹽燒海蝦, 焗芝士帆立貝, 醬燒松葉蟹棒火炙壽司, 醬燒三文魚腩火炙壽司, 芒果炸蝦卷, 三文魚刺身, 八爪片刺身, 蠑螺刺身等。雞軟骨粒粒金黃色, 十分香脆, 配以沙律醬, 甜甜酸酸的, 淡淡中帶點沙律醬的甜香; 芝士豬扖, 金黃色的外皮, 外脆內軟, 像吉列豬扖, 但每一口都有香濃的芝士香味, 鬆化可口;炸物吃完就吃串燒物, 鹽燒海蝦, 火紅色的海蝦, 串得直直的, 鹹鹹的蝦殼, 十分入味, 蝦肉潔白爽口; 惹味無窮。焗芝士帆立貝, 金黃色的原粒帆立貝, 怖滿芝士, 香甜可口, 香濃的芝士味, 但感覺過於甜醬燒松葉蟹棒及三文魚腩火炙壽司,都值得一試, 軟軟長長的松葉蟹棒, 蟹面上怖滿香濃的芝士, 松葉蟹棒肉多, 極富蟹鮮味;而三文魚腩壽司, 三文魚腩十分肥美, 魚油豐富, 香滑無比;芒果炸蝦卷, 小小卷的炸蝦卷, 蝦卷上放著一小片香甜芒果, 芒果很幼滑清甜, 炸蝦卷吸

荃灣大鴻輝中心又有新放題啦,,平日午市時段都係$148咋,不同時段不同收費同朋友仔5點上到來,地方很大,簡潔既日式裝修,乾淨企理,趁d人未放工無乜人,早食早著數 行到入去會見到長長既自助甜品,枱上放滿各式各樣既甜品,多不勝數,令人眼花撩亂我最喜愛水信玄餅,水晶般美麗,口感比啫喱更爽更滑,精緻漂亮,充滿日式味道,很有特色,草莓大福,外面是用糥米制成既草餅皮包住巧克力同草莓,草莓更是甜甜的不會酸,非常吸引 除了滿足一眾大朋友既口味,小朋友泥到都會很開心,有爆谷食,又有鯛魚燒DIY一番,有得玩又有得食啤酒汽水任飲之餘,更有純米大吟釀清酒任你飲,果然毫不吝嗇,鍾意飲幾多隨便斟讚!讚!刺身有三文魚,油甘魚,甜蝦,北海道帶子,劍魚腩,馬刀貝,蠑螺,八爪魚,鮑片,希靈魚........三文魚油脂分佈均勻,劍魚腩新鮮厚切,甜蝦鮮甜彈牙,馬刀貝,蠑螺夠爽脆.......壽司做得很精緻,飯團結實唔會散,不只賣相很吸引,味道好,配搭更是一流醬燒松葉蟹棒火炙壽司上面舗著香濃芝士澳洲和牛火炙壽司,燒完和牛唔會韌,配埋燒汁一齊食,味道很好黑松露三文魚壽司,散發住濃濃黑松露香味,更是吸引,主打瀛壽司係用海膽

送到的食物微暖，不夠熱，但味道OK，希望能夠改善一下。蛋糕並不推介，無論外表或是味道都差。推介各種火灸壽司，味道好，但有點肥，因太油。刺身都OK。現金付款有$50元優惠。信用卡無此優惠。

人大了便很少想食放題，但這晚實在不想再花心思想吃什麼，於是便走到了瀛舎放題。最方便，想食什麼便點什麼，各式各樣都可以食得到。接近十時來到，時候比較晚所以已經有一些食客已經準備離座了。座位算是蠻舒適的，我們被安排在窗邊的卡位，很大空間。先看一看Menu，這裏的選擇蠻多的，少不了當然有刺身、壽司等，還有串燒，炸物，天婦羅等。最想不到的是這裏的竟然有一個甜品區，不單有很多選擇，就連DIY的甜品都有。這裏的刺身算是挺新鮮的，送上桌時還有乾冰做出煙霧效果，十分有趣。個人比較喜歡這裏的大蝦和八爪魚，前者Creamy後者有嚼勁而不韌。其他食物質素算是幾好的，天婦羅和炸物也是新鮮做起的。比較推介的是帶子酥，可說是必試的一個小食。酥皮小盒是咸咸甜甜的，裡面放了幼滑薯蓉，再上一粒帶子在上，很有趣而又好味的小食。另外還有這裡的玉子壽司，玉子上掃上了一層薄薄的糖，再稍為燒過，做成焦糖薄脆在面，有蛋味之餘帶點甜。食過主食後，到甜品區走了一圈，各式各樣的蛋糕和甜品都切得小塊的，適合每樣都想貪心一試的我。另外還有爆谷和甜品DIY區。食店已經準備好鯛魚燒或是心太軟的蛋糕醬，食客可以自行放到焗爐內，不一會就可以享用到熱

大鴻輝都算是荃灣這邊搵食大本營，有新放題，價格唔貴，雖然食評好壞參半，都可以一試餐廳環境開揚，座位寬敞，坐得舒適，兩人可坐四人座位，不會迫唯獨櫈子太重，出入不方便開放式廚房，食品由這裡出餐，感覺坐近這裡食物會比較快上食品紙有10張，種類適中日式放題必點刺身、壽司刺身種類夠，三文魚刺身賣相不錯，有新鮮光澤、夠厚身寫的件數和送的件數吻合，偶爾有一種錯了，可以接受甜蝦亦清甜有鮮味鮑片刺身仍在冰點狀態，要改善壽司飯仔細細，適合放題灸燒三文魚的半生熟做得好，醬汁微酸開胃燒物及熱食以下幾款不錯日式牛肉鍋，雖然牛肉不多，但湯底味濃及煮得菜類入味可以在放題吃點菜幫助消化脆皮帶子酥味道有海鮮鮮呆，帶子以薯蓉伴碟，一件小鹹點有三個豐富口感焗帆立貝、焗蠔比較特色的燒物，如果可以保持熱度上枱更好燒菠蘿燒過的菠蘿特別甜，而且平常不會自製，放題食最好~串燒-原隻蝦DIY心太軟呢間放題最有特色的DIY心太軟跟足指示做，外型都睇得吓不過就全熟，做不到心太軟效果但這個配方不錯，味道不太甜，亦軟自助雪糕飲品超多選擇啤酒汽水茶類齊全，還有清酒，凍冰冰易入口的食到咁上下可以飲熱茶甜品Last but not least!光是

朋友喜愛食日本菜，今晚我做東道主請食飯，所以選了荃灣這間日式放題，一於大快朵頤。跟其他大多數放題一樣，不同時段有不同收費，我們7點入座，價錢是每位$238(平日)。餐廳地方寬敞舒適，裝修簡約和諧，門口放了一盞別緻可愛的大企燈。食物種類繁多，除了一般的刺身，寿司，沙律小食，卷物，串燒，燒物，天婦羅和炸物外，較特別的有一口手卷，煮物和一品料理。點了數款刺身，當中以三文魚，甜蝦刺身鮮甜嫩滑，肉質晶瑩剔透，最受追捧，令人回味一點再點！寿司當中則以“澳洲和牛火灸寿司”成為我的至愛，澳洲和牛稔香軟彈，媲美日本和牛，加上軟綿綿的寿司飯，口感豐富。一品料理的“日式燉人參雞湯”及“黑松露蒸蛋”味道也不錯，不坊一試。燒物的“脆皮帶子酥”和“白汁焗蠔”也頗特別。值得一提的是甜品吧及設有DIY甜品區，款式相比其他放題算很多的了。各式飲品包括清酒都是任飲。這晚以這樣價錢可以同朋友盡情吃吃喝喝日本菜，認真超值！

之前見到新monday報導，d相又幾靚，又有得自己整心太軟，一於同班同事去食啦，點知真係淨係得個樣睇得！三文魚成陣雪味，帶子係腥的。芝士焗蠔，應該無事啦…點知係凍ge天婦羅，下面圓形嗰舊係海膽手捲天婦羅，係酸ge。唯一正常係下面呢堆炸物…係好食的，起碼係熱ge,不過都係偏咸。甜品好唔好味就見仁見智啦，個人覺得係人造味，好似化學品，甜到苦…218一位再加一，我可以食到好好質素，一定唔會再黎！！

好耐無食過放題啦,今日就和友人來high 一high.近近地就在荃灣揾咗間上樓放題到食晚飯。 原來這裏前身是韓舍,同一集團。一入門口,就見到有free wi-fi, 我唸而家啲食肆生存之道其中一點係要有free wi-fi 侍應安排咗我地坐低後,望下點紙餐單。這裏有11種唔同種類食物,有:沙律,小食...刺身.....壽司.....火炙壽司.....串燒...煮物......一口手卷......卷物....一品料理.....天婦羅和燒物我們都點了好多種食物,樣樣食下, 放題當然唔少得魚生啦,這裏有10種刺身,我地都是叫了五款魚生。件頭不是太大件，但都新鮮,味道又鮮甜。我地又點了一品料理的日式糖心蛋和胡麻冷烏冬。糖心蛋的顏色唔係咁吸引,但食落又半生熟喎，中間些少流心,好味。 烏冬 好香芝麻味,好爽口,細細碗可以試多幾款口味。燒物叫了燒鯖魚和燒菠蘿和鹽燒海蝦。這三個都好好味,鯖魚4分1條為一份,煎得很香口,皮很脆。菠蘿燒完咬下去還有很多汁,很甜。蝦加了些鹽,啲肉都好爽,唔梅,唔錯.香草燒羊架,鹽燒雞翼是必食推介。 羊架不是太細件,沒羊羶味,好林身。 鹽燒雞翼,餐廳已劏開了一半,方便食,少少

今晚約朋友食飯,主題是日式放題;原本想到油尖旺一帶,但朋友因交通地點問題,選擇了在荃灣區!之後經openrice搜尋一下,發現了有新晉榜的一間叫瀛舍;問了朋友也覺得想試試,就打電話去訂位了!甫一坐底,發覺周圍的景觀很開揚,而且座位較為寬敞舒服,如此格調的日式放題在荃灣區來說應該值得一讚!之後看了點菜紙,首先來個小量刺身試試其新鮮度:馬刀貝鮮甜可口,肉質夠爽脆;油甘魚肉質較細緻,而且切片較薄,在口中咀嚼有很易融化的感覺!而劍魚腩與帶子也有不俗新鮮度,可是與前兩者比較起上來,個人喜好馬刀貝與油甘魚的口感多些!再來些沙律清一清口腔;車厘茄,生菜與粟米都尚算是新鮮可口,沒有"揸流灘"之感!而這味壽司是全晚點睛之作!一上檯就有黑松露的香味撲鼻已來,在嗅覺上先滿足了喜愛松露的食客!三文魚的魚脂與黑松露的質感相得益彰,而黑松露的香味又帶起了魚的鮮味,互相放大了亮點!瀛壽司的醬汁有點過濃,不免遮蓋了吞拿魚的鮮味!至於鹽燒蝦燒得十分乾身,有點吃著蝦乾的味道與質感,個人很是欣賞!之後再來了兩轉刺身拼盤,特別一提的甜蝦也是相當美味的;喝著任飲的韓國啤酒,已有相當的飽意;望著窗外的夜景,又是一個滿足的晚餐!總

好耐冇請 - 家住屯門的二家姐食飯了, 今日我地出荃灣揾食, 行到以前舊英皇寫字樓現在改了名, 但依然係大把野食 二家姐好鍾意食魚生的, 我們看了看餐牌決定去這間餐廳這段時間兩小時收費是208元再收加一服務費餐廳環境寬敞舒適, 也擺放了很多自助式甜品, 汽水啤酒任飲大雪櫃也分別擺放有十個以上!我們的自選刺身拼盤選擇了三文魚,甜蝦,金槍魚, 帶子 。 肥美啖啖肉的三文魚一向是我二家姐的至愛, 而我個人就特別喜愛晶瑩剔透的甜蝦, 非常鮮甜, 後來再encore, 吃極也不厭! 八爪魚夠爽及帶子鮮甜也超水準燒三文魚腩壽司的魚油被燒出來, 一口咬進去肉汁連油配上珍珠米的壽司飯, 非常滿足!爽脆的虎蝦壽司, 也是必食, 這幾年甚少在放題餐廳吃到這麼有水準的虎蝦至於海膽手捲, 我個人對海膽的要求甚高, 主要原因是我對海膽有過敏的反應! 這個海膽應該尚有進步的空間! 來個清酒煮蜆, 蜆肉新鮮清甜與清酒十分相配天婦羅真的值得一讚, 海蝦天婦羅的皮又薄又脆, 包裹著熱辣辣的軟熟𧎚身, 非常美味! 燒牛肉粒的時間及調味調得很好, 軟熟鮮牛肉一粒粒地停不了口, 芝麻雞翼, 炸芝士波 及甜紫蕃薯也吃過返尋味

這裡是看新假期的網站編輯推介而動容的是為自製鯛魚燒與草莓大福餅而來來到發現原來是由韓舍韓燒轉型為瀛舍放題。畫上心儀食材後，便出發到外面巡視一番。這裡除了提供放題紙上的款式，外面有多樣自助的食品可供取用。有兩組大型的飲品櫃，冬瓜茶、黑糖薑茶等，還有清酒有一條長長的甜品吧，心儀的大福餅不見，鎮店的彩虹蛋糕昂首坐著。另有即切刺身與數款小菜可拿取，中間也備有韓舍留下來的DIY區域，馬上手癢動手製作一條鯛魚燒。溏心蛋有水準，而黑松露蒸蛋未至於水嫩，質感有點像布甸那種，裡面有蟹柳與冬菇片，整體算不錯。鹽燒雞翼則略膩太乾一小碗的是人蓼雞湯，而大鍋的是牛乳海鮮鍋。人蓼雞湯人蓼味不太突出，但算是好喝；而海鮮鍋的奶味充足，在大量娃娃菜與原條三文魚的加持下，也是不錯的選擇。脆皮帶子酥放在嘴邊已聞到濃香的牛油味，咬下去酥皮邊脆卜卜，而且夠熱甜品當中比較喜歡比利時軟心朱古力

我細佬剛從外地返來,約了他出來吃晚飯,兩個人,唔唸咁多,最好去食放題,一定夠飽 因是在商場上面,都等了約10分鐘。上到去,都好大間,座位都好寬敞。這裏有自助甜品吧,和自助區,比一般只是剔紙有更多選擇因細佬不食魚生,所以只是點了數款。只叫了三款,三文魚好新鮮,還有帶子,甜蝦雖然不是很大隻,都鮮甜,還叫了大蝦鮮果沙律,金菇牛肉卷大蝦鮮雜果沙律,這個我點了多次,因為有熟的鮮蝦和多款的新鮮生果,好好味.金菇牛肉卷,這個熱辣辣,咬下有肥牛的肉汁,金菇都容易咬開,不會好鹹.日式蟹王粥,這個是餐廳推介煮物食品之一,點了兩次,每次都有件蟹在粥內,粥的稀洁程度剛剛好,但我覺得稍為鹹了一點.食唔到魚生,梗係必點天婦羅啦,點了虎蝦天婦羅,都算大隻,粉漿不會太厚,記著要趁熱食,否則就會變林身.最無敵係飲品是自己從雪櫃自取,有多達10款選擇。自助Bar 有D.I.Y. 區,可自製流心蛋糕和鯛魚燒,可以考下自己的廚藝,唔錯不知道是否星期五,人流比較多,餐廳都有足夠的侍應,沒有漏單情況.200多元,食放題,都有好多東西吃,算唔錯.

去荃灣接朋友放工，去好多野食既大鴻輝中心！有時段優惠，我就8:30後入座 $208一位！環境坐位闊落，有空間感，仲有卡位望街景！見到選擇種類由A至K就知多！我就喜歡見食魚生，凍食開始！即使用點菜紙去落單，魚生都公開比食客睇，乾淨衛生！三文魚有口感，螺肉夠爽身！整體魚生新鮮！到暖胃食物！清蟹粥必點，蟹味鮮甜，粥做得夠棉！鹽燒雞翼，唔燶、香脆皮薄，味道不會太咸！芝麻雞翼咬落有芝麻香味，皮脆唔會炸到硬曬！天婦羅蝦，原隻蝦，炸粉唔厚！雞腎煙靱，香辣口味！濃郁牛乳味道，滑溜感，熱飲最好！鍋內豐富食材、豆腐、娃娃菜、冬菇、蟹棒！生甜被彩虹蛋糕吸引，唔會太甜，彩虹色做法，有誠意！服務員態度良好，好有禮貌！

好難得荃灣區開左日本放題 小妹當然要唔執輸去捧下場啦星期一晚上 約埋媽子一齊去大飽口福😁地方好大 感覺都舒服嘅 唔會太迫 食放題走唔甩一坐低就來一客刺身 可惜一般⋯反而壽司有驚喜 米飯唔用日本米 反而用韓國米 口感同賣相好好多 正所謂有粥食粥 有飯食飯 來一客蟹粥先 喂 ok喎 煲到飯粒綿綿的 而且好鮮甜喎👍🏼 再黎甜品完全贏左九條街 多到呢呢度只係一小角 淨係食甜品都飽左一半😂 其中呢款要推介一下 餐廳簡直追上潮流單單看外觀 根本唔覺得會係放題中食到表面係靚嘅唔洗講啦 口感似啫喱無味的要加埋底部黑糖一齊食 立即好食左 重有紅荳士多啤梨草餅 又係一個驚喜竟然放題有得食 重要好味嘅 想點😂紅豆微甜 配上草莓微酸 加上外層煙靭👍🏼估唔到餐廳甜品比熟食出色以上兩款驚喜甜品已經覺得值回票價😂

我都係第一食咁難食嘅嘢 難食到想警剔其他人唔好中伏 到底係其他人味覺同自己太大分別定點？ 點可能好食 賣相不討好其一 漏單漏半個鐘重要只黎一樣嘢 重可以話甜蝦賣曬只係晚上9.30 以四百幾價錢 根本應該揀旺角大瀛喜 呢間我係前一日訂位 準時九點到 同員工講佢話等等 一等就好似忘記左咁 係咁放遲黎過我地嘅人入去 重要好似計番我9點 但埋坐已經九點十幾分 講到嘢食一心期待 但點知極度難食 真心係我食過最難食 帶子似橡筋 重要細過五毫子 可惜無影底 蠔真係細到一個極點 以為咁啱一隻姐 點知兩隻都係咁 叫蟹粥有蟹殻 但蟹肉得幾條蟹絲 啲嘢真係好難放入口 重有雞腎 好似食緊柴咁 蒜香牛肉粒就一樣好似橡筋咁重要有汁？可想而知有幾淡味 芝麻雞翼算係幾好食但個賣相都太過份 可以連雞皮都無埋 真係唔係我自己食左影相做俾人睇 而係一黎就係咁 順帶一提炸物入面重係粉漿 炸蠔腥到想嘔 重有一碟好似鼻涕嘅嘢 實在係嘔心 啲液體起曬泡泡好似痰咁 叫人點食？ 全場最好就係甜品 總括而言 如果想嘥二百幾去食甜品 只能說有大把好選擇 二百幾呢個價位食放題有更多更加好 絕對唔洗去呢間垃圾。