瀛喜日本料理 (已結業)

今晚經朋友介紹，到嚟荃灣瀛喜日本料理。但其實對荃灣區唔太熟，上網預先揾路行。得出一口闕：「先揾大河道，就會揾到海霸街。」所以好快揾到。食物種類選擇多(雖然放題實係果幾味)，但發覺刺身盤有好幾個「造形亅，除花、草、樹枝外，又有d會放乾冰。我地果枱就係一隻金色.........唔知係天鵝定水鴨！所以唔預佢入鏡。外觀一流份量亦一流！之後有「壽司拼盤」，好出色！因為飯搓得細細件並加入黑松露，可一口食兩件，當晚我先後揀選油甘魚+黑松露和牛反卷。雙拼也！串燒種類係好多，但唔知係咪我無襯熱食，總覺欠缺串燒應有嘅熱度同焦香。失色了...如果大家鍾意食熱氣野，「炸物」實啱你！當中猶以吉列蠔同辛辣雞中翼最好味！炸蠔外皮厚薄適中，蠔肉亦厚但咬落唔會「一住野」，雞翼係堅好食！怕熱氣嘅你都會臣服的。小食方面，「紫菜云吞」係最深得我心。香脆而不油膩，好食！或當晚係假期前夕，所以座無虛席，但上菜快無漏單。最抵讚嘅係店員有禮而笑容充足！ 

之前吃過了很多間日式放題，這次相約了一位攝影師朋友一共四人吃晚飯，地點選擇了荃灣的「瀛喜」。我自己既來之則安之，橫掂荔景站有車轉去我屋企，交通尚算方便，那就不妨一試。「刺身」吃刺身一定要冰鎮，這方面它做到了，合格。因為我們四個人的份量拼在一起，都幾大堆頭。當中我最喜愛吃甜蝦，蠻新鮮。「手握壽司 / 卷物」這方面我覺得頗有驚喜！它用了黑松露混入不同的壽司，例如「黑松露三文魚」、「黑松露和牛反卷」，我覺得都不錯吃。而且飯也沒有太大舊，不會令人吃得太飽，這方面是抵讚的。另外「火炙蒜香和牛」入口軟綿綿，我自己就吃了兩件！「炸物」這方面我就沒有吃太多，只吃了「芝麻雞全翼」及「吉列蠔」，我起初以為「吉列蠔」用的材料會是不新鮮的蠔，出奇地蠔是蠻鮮味。「串燒」屬於比較大路的貨色，燒黑豬仔腸、海蝦、燒雞皮、免治雞肉串汁、雞腎串，若果能有清酒的話就更正斗。其餘食物隨影：若以每位$186，兩小時任食包飲品來說，尚算抵食，壽司與刺身絕對是主打，各位大胃王不妨參考一下。

吃放題有好多選擇，點解要去荃灣，純粹遷就朋友，不過，四出覓食，畢竟都是我們的興趣。這晚我們其中三人約好在荃灣站等，然後一起去餐廳，都不熟荃灣的路，用上手機又問路人，最終花了半個鐘才到達這間瀛喜日本料理，才發覺地點原來距離地鐵站只是5分鐘，讓另一位幫我們訂座的朋友在餐廳久等了。這晚吃的日式放題，每位$186，兩小時任食，食物有壽司、刺身外，還有串燒、炸物、一品料理等，尚算豐富。我們四人都屬於瘦削型，郤叫了不少食物，當中最有食力的，原來是最瘦那位。點選的食物集中在四大類，方便吃之餘，亦方便店方一次過盛上。刺身: 三文魚腩、甜蝦、北寄貝、帶子、劍魚、立魚、海螺等壽司: 黑松露三文魚、柚子風油甘魚、火炙醋魚、火炙蒜香和牛、火炙三文魚、波士頓三文魚卷物、芒果加州卷物、黑松露和牛反卷炸物: 芝麻雞全翼、辛辣雞中翼、吉列蝦、吉列蠔、日式餃子、忌廉薯餅、芝士年糕串燒: 燒黑豬仔腸、汁燒雞肉串、雞脾菇、清酒雞腎串、墨魚丸、海蝦、燒雞皮、免治雞肉串飲品都有頗多選擇，例如我這罐橙汁，還有啤酒。小評:未吃前，也有點懷疑百多元的放題，質素好得到哪裡呢，結果比預期中好，尤其刺身和壽司，選擇多而也頗為新鮮，壽司之中

又係月底出糧請老豆老媽子食飯既日子，之前喺雜誌見到荃灣呢度新開一間超抵食放題，就梗係要來試吓啦! 雜誌話預早訂位有88折，咁就當然幾大都訂咗先啦!呢間鋪入口雖然喺街角位，但係佢喺2/F，樓下1/F同G/F都比間泰國餐廳搞到我地以為行錯地方~入到去覺得呢間鋪都幾大，好多張枱得來又唔會坐得逼，絕對係聚腳既好地方!! 雖然佢既裝修格調唔多似放題，但係好坐同乾淨先係最重要!餓咗咁耐，坐低當然第一時間攞紙剔嘢食啦! 嘢食種類話多唔多話少唔少，基本上一般放題有既佢都有，不過刺身種類就少咗啲，至少冇我鐘意食既旗魚刺身=[第一ROUND都係以刺身為主，另外搭咗一堆既燒物/炸物等等，值得一讚既係佢地既服務，雖然當日坐得好滿，但係佢地依然招呼周到，眼見你想遞餐紙就已經主動行咗埋來，唔使你叫佢!上菜速度好快，第一樣嘢食係一板海膽~ 賣相唔錯，同埋底下墊咗冰，好有誠意=]跟住就係辣酒煮蜆、蟹粥同芝士焗元貝~ 全部都好睇又好食，個蜆非常新鮮，大大粒既蜆肉一啲都唔腥，而且雖然話辣酒煮，但係其實冇乜辣味，啱我呢啲唔多食辣既人食 可惜既係食到底有少少沙，但係都值得再叫!放題食蟹粥雖然怪怪地，但係都想試試~ 蟹粥細細煲

日式放題在香港落地生根多年, 當然有一定支持者。但要突圍談何容易。小妹與兩位朋友今晚千里千迨迨來到荃灣搵食, 目的是一間新開的日式放題。對荃灣區實在陌生, 從地鐵站搵路已經半個粒, 人又攰又餓 ……..最後路在口邊, 唯有問人, 辛好有熱心人仕帶我們到餐廳。人齊當然點菜, 習慣先看點菜紙。種類不小, 但傾向一些大路食物。先來一條刺身盤熱身, 而刺身盤已經是一個亮點, 睇頭十足, 刺身放得好整齊, 以印象分取勝。然後再來一盤壽司, 兩者質素也不俗。接下來吃熱食串燒味道一般, 但勝在種類繁多。其中一款小食 味道比較深刻。以三文魚鬆包成云吞錎然後再炸, 入口香脆一點也不油膩, 幾好味。八款飲品是任點的, 小妹要了黑糖薑茶 (凍)頗熹歡其微微薑味, 甜度自然。但好像超市式便利店等也找不到。小妹和朋友胃口細, 食唔到太多食, 但如果自問是大胃皇就發達啦以大約二百元任食, 實在收貨有餘。

我們一行3人到呢間餐廳，好快已經安排座位，一坐底立即狂tick, 食物好快就來齊，檯都無位放，魚生新鮮又一大盤，真的一大盤，我們食完果盤之後都無胃口再點魚生。之後再食天婦羅炸粉唔厚熱辣辣，雞中翼好入味，炒 魷 魚出奇地好食，最難食係串燒囉雞腎，有陣酸臭隔夜味道，飲10啖汽水未無用，同waiter 講雞腎有問題，佢是但答(哦)，無反應，態度超級差~之後食燒雞皮咬都咬唔到，根本係炸,炸到硬曬.... 大家都是唔好點串燒之後再來蟹粥，麻辣粉絲都幾好

今日星期日來到這附近，七點鐘四周圍都很多人排隊吃飯，記得之前留意到這間店準備開張，見不用等位，便一試，覺得很不錯，但2天之後發現評語原來很差，難道食物質素不夠穩定，所以是好彩吃到好，所以過了2星期後再來一試，預早吃個中秋飯！幸好沒有令我失望，今次比上次多人，而且比上次更好！刺身：三文魚、油甘魚、馬刀貝、鮑片、貝柱都屬於穩陣，甜蝦值得推介，比較大隻又甜美！螺肉大小適中，容易入口，而且很爽口。有新推出的三文魚腩，呢個好好吃，肥美！！壽司：飯份量很好，細細件，不容易因飽肚而吃不到其他，推介火灸三文魚、火灸蟹柳，好香味。鰻魚也不錯！卷物：呢度卷物較差，例如吉列芝士蝦卷炸完應該放了一段時間才做，所以一點也不脆，淋晒！！天婦羅：炸粉薄，熱騰騰的，非常脆口！以海蝦、南瓜、蟹爪最好吃！！炸物：芝麻雞翼好好吃，非常入味！還有芝士年糕和餃子這些大路野，餃子皮厚，通常都是這樣的！！蝦多士本人覺得太油膩，不是太好吃！串燒：豬仔腸、汁燒雞肉、墨魚丸這些都沒有什麼特別，說是不差的。雞脾菇就麻麻地，沒有味道可言！海蝦老實講，食過沒有一間放題是好吃，全部都是燒得太乾的問題，所以是預計中事！最唔掂係燒雞皮，乾到冇朋友，

之前見到呢間新開又做團購，買左張黎try try。原來係新店開張，7:30p.m前買單或者9:30p.m.第二位$88，如果係咁，圍返一個人都係$140左右。仲唔駛買coupon就黎就去。去到就梗係叫左刺身先LA，三文魚切得好厚，但無魚味,層次亦都不分明,當然係好正常,一分錢一分貨MA，希靈魚好腥，拍得住明將呀,哈哈吞拿魚無咩鮮味，得得舊肉甜蝦可以係話呢到最好食架啦,幾鮮.另叫左燒三文魚餃，好鬼喊。牛油粟米，無咩牛油味，是罐頭粟米一粒粒。蟹粥，味道幾好，蟹不是重點，是粥的味調得好,好明顯好多味精。整餐飯無咩特別好食，但真係好慢LO,叫左第一轉,等左半個鐘,但又限時。侍應又十問9唔應,有禮貌叫一次吹下d食物,點知又大聲叫我等等,大佬,雖然我係團購姐,但我都有比錢的,所以下次我不會再去了

第二次黎食午餐因為佢好抵食 首先有一蚊一件三文魚壽司 仲要係魚腩 每份餐可嗌十件 叫左廿件跟著我地叫左一份豬排蛋飯($38) 飯有d乾 唔夠多蛋 豬排麻麻有d鞋另外叫左海鮮炒烏冬($45) 好足料 好多海鮮同蔬菜 不過有少少鹹跟餐有野飲 有湯送 唔使加一 星期六日lunch每人三四十蚊算係咁 滿足

見d食評咁差 以為會好難食 但又冇想像中咁差 可能已經改進左 e+仲做緊優惠 九點半後入座，二人同行一人半價 好抵食呀！！ d刺身好厚 好新鮮。 炸物都唔錯，唔會油林林 牛柳粒好香！蟹粥好好食，非常香，里面有蛋絲！ 辣酒煮蜆都ok唔係好辣 壽司都好唔錯。只有一次漏單， 本身以為佢成日漏單 點知只有一次！絕對有下次幫襯 ！而家仲做緊優惠tim

之前見到呢間新開又做團購，買左張黎試下。去到見到佢新店開張，7:30p.m前買單或者9:30p.m.第二位$88，如果係咁，圍返一個人都係$140左右。仲唔駛買coupon就黎就去。先去到叫左刺身先，三文魚切得好厚，但無魚味，希靈魚好腥，吞拿魚無咩鮮味，甜蝦可以係話呢到最好食架啦。另叫左燒三文魚餃，魚肉滑，但欠味道。牛油粟米，無咩牛油味，而且是罐頭粟米一粒粒。蟹粥，味道幾好，蟹不是重點，是粥的味調得好。整餐飯無咩特別好食，而刺身除左第一轉比較有質素一點，其餘的，都比較差一點。

上星期五晚收工，來到荃灣與朋友會合，朋友訂左呢間，話新開想去試試，於是我們一行三人先上去，因要等埋另一個朋友，故朋友先訂八點五十分，等到那位朋友來到向帶位職員講，估唔到即刻可以入座 ，入去後環境也可以，諗住呢間應該唔錯的，點知......帶來了一次極不愉快的經歷！ 一坐低，即刻寫紙點野食先，先張紙有啤酒飲，就先寫幾罐啤酒，點知交完紙後店員向我們講冇酒牌唔出得啤酒，心諗︰「冇酒牌又寫係度，又冇人同我地講！」 ；算數！(朋友之後自已落去買左四罐啤酒上來)叫野食先，先叫我地的最愛---甜蝦刺身，第一轉很好，見好食就再叫多幾轉，但之後再來的，無論賣相，數量以及質素都相差甚遠！ 。仲有，當晚我地食左成兩個鐘，成檯都係食完的碟，蝦頭，骨頭垃圾等，完全冇人過來收走和夾走 ，或向我地提供器皿俾我地裝住；而且成間舖的員工，個個全無笑容 ，又冇招呼，我地叫左好多野食都冇來到，又冇任何人過來跟進或詢問我地，舉手叫佢地收野，才很不情願地行過來，收野時又笨手笨腳，當時我地都諗住今餐食完就算，下次都未必再來。到大約十一點，有個類似主任的人行過來話LAST CALL，問仲有冇野食加，跟住我同

這間店開了將近一個月荃灣附近不斷有人派傳單眼見食物多樣.優惠後的價錢便宜！立刻早一星期訂530-730的時段。非常期待終於等到今天了!但幻想總與現實不乎!食神豬和朋友到達。見到很多人在吃。應該不差的吧!周圍也有日本的氣氛朋友和我像飢餓 的狼一樣便立刻點菜!但最後發現叫得有些多呢！先講刺身: 我最愛的三文魚！很.失.望三文魚沒有三文魚味。刺身雖然有很多冰在底。但刺身完全不冷。沒有味道!新鮮度到壽司: 火灸三文魚壽司不錯！加分！吃的時候有火燒三文魚的味道!可以推介一番~吃壽司的時候~炸物來了!又是失望。我從來沒有吃過這麽差劣的炸物。炸物還是濕的。從碟上夾上來時。碟上的紙是全濕的Orz炸物夾的時候還在滴油……我最愛吃的芝士年糕很小芝士在頭!好像在吃一堆粉的物體。食神豬還有吃八爪魚和螺… 又是失望的呢(╯з╰)八爪魚和螺沒有味道而且是暖的!不得了!完全不知道自己在食咩。其他的食物質素平平。沒有那種食物應有的味道 超級失望!服務方面不錯…送東西快。不會漏單。總括而言我應為這間店和荃灣的漁屋相比是比較遜色。價錢 雖然和漁屋差不多但質素卻差很遠 .不會再到這吃放題了(╯з╰)