之前見到呢間新開又做團購，買左張黎試下。去到見到佢新店開張，7:30p.m前買單或者9:30p.m.第二位$88，如果係咁，圍返一個人都係$140左右。仲唔駛買coupon就黎就去。先去到叫左刺身先，三文魚切得好厚，但無魚味，希靈魚好腥，吞拿魚無咩鮮味，甜蝦可以係話呢到最好食架啦。另叫左燒三文魚餃，魚肉滑，但欠味道。牛油粟米，無咩牛油味，而且是罐頭粟米一粒粒。蟹粥，味道幾好，蟹不是重點，是粥的味調得好。整餐飯無咩特別好食，而刺身除左第一轉比較有質素一點，其餘的，都比較差一點。

之前睇openrice ,見到好多人都讚呢間餐廳夠特別，夠懷舊，一直好想試架，難得今日8點幾要出去工作，約埋個朋友去試下先。先叫左2杯紅豆冰，朋友叫左杯椰汁紅豆冰($28)，而我叫左杯咖啡紅豆冰($28)，紅豆是自己煲的，口感十足，唔算太硬，味道不錯，而咖啡方面就不用擔心，相信都是他們的皇牌吧!而紅豆冰上的雪球只是冰來的，不要誤想為雪糕哦。友人叫左個煲仔公仔麵($38)，材料都幾多，有餐肉，腸仔，荷包蛋，叉燒，牛肉等。由於早上叉燒未有貨，要用鴨胸代替。未黎之前已經做好工課，過黎係要食個䓤蛋包既，但由於太早同算係繁忙時間，呢個包係唔會供應的，要2:30p.m才供應，好失望哦。我嘗試問姐姐可否叫個公司治(因為這個在繁忙時段都是不會供應的)，最後姐姐幫我問下廚房可否為我加做。最後都有得食(　^ω^)多謝姐姐。公司治($28)，餡料有腸仔(唔係廚師腸呀)，餐肉，牛油，蛋同烘底包，雖然材料簡單，但味道出奇好味，而當中既人情味，係幾多錢都買唔返黎架特別提點，如果時間足夠，最好2:30後先來進餐，咁先可以食晒咁多樣野架

得寶商場越開越多食肆，見到依家係九龍灣開左間放題，心諗近近地試下啦，一試就中伏了。唔知係咪我地太早到，店舖一人都無，入到鋪頭見到d職員好細個，個人認為係d 暑期工或者係岩岩出黎工作既男女孩子，鋪面既，覺得無傷大雅，但係連切刺生既師傅仔，全部都係好細個，係六七個都咁細個，心諗大鑊了。先點刺身先，黎到個外觀都幾好架，甜蝦不過不失，無咩問題。果個有殼既蝦(唔記得咩名了)，肉質散壞，無口感，無鮮味;三文魚，切得太薄了，無口感，唔知係味太薄，所以食唔到三文魚既鮮味;希靈魚，又係好薄，而又好腥。而熱食方面，係ok 既，羊胺，串燒，炒牛肉，牛油帶子，三文魚頭都係好食既，奈何友人食完之後好口渴，唔知會唔會味精過重了。所以總括黎講，我唔會再去食

知佢地d燒味幾好食，有質素，特登黎食乳豬，一黎到叫，無乳豬，叫左個四喜來臨門$118(自選4種燒味),叉燒，油雞，熏蹄，燒豬。叉燒好干無肉味，燒豬切到薄一薄，無口感而且一大截肥糕，熏蹄于過不失，油雞唔滑又鞋口。品質好差，唔好覺得megabox無咩人黎食就咩都無同做得差，我覺得要好好尊重每個食客，做都做好d呀。

坤記粥品d粥係幾好，幾足料架，叫左碗柴魚花生粥，粥底唔算棉，但好足料，都有幾多野食。但個腸粉真係唔得，叫左個炸兩食，個皮凍既，d豉油好咸，唔得。另外叫左個叉燒腸，好少少，係暖既，但d叉燒無肉味，無叉燒味，劣

上次去西貢唔打唔撞入左去望下，好鐘意食麵包既我見見到件件都好吸引，全部都係一d比較英式同法式既包!!好得意架，呢到有個姐姐係到切火腿，好大隻果d呢~$8-100g，而且佢都係咁話佢呢到好出名架咁。咁就買左個有nuts麵包加多片火腿，索架2x(不過我見佢切火腿果陣都無量過幾多g就直接索價，感覺不實在)，而佢呢到買包記住佢地可以幫你加熱同夾個火腿入去!加熱左既包架火腿好好味，個包軟而煙x，係幾好味!!不錯。

係美心西餅入面，我一直都好鐘意食呢個朱古力蛋撻，一來我覺得朱古力味不過不失，唔會太差，二個覺得都幾抵食架($4)。不過依家轉左包裝，多左d nuts之後就要($7)。而撻底都幾鬆化，配搭得宜!

是日黎到掃街，見到咁多野食，緊係間間都試下先啦。見到人地食緊條粟米食得好好味咁，就試一試佢。半條粟米($8)，因為生烤到熟，所以要等16分鐘，但出奇地烤得好好味，牛油味好香，甜味適中，而且好有口感同咬口，好好味!

見到都幾多人排隊食佢既雞蛋仔同格仔餅。14蚊一底，26蚊兩底，差唔多啦。叫左底雞蛋仔食，一咬係空心既，值得一讚係幾香脆，但空心既雞蛋仔無質感，食唔出佢既香味。但我諗格仔餅會好少少，因為比較多人食既。

真材實料既魚肉燒賣，完全係將成粒無彈性既魚肉放入舊黃色既皮入面，唔值得好食，值得一讚係佢地無點落麵粉，食落係鮮魚肉味，而肥肉都唔覺得好多係入面，可以講係粒健康燒賣。但係識煮野黎講，覺得幾唔抵食($20/8)