影片
更多
2014-10-04
1648 瀏覽
又係月底出糧請老豆老媽子食飯既日子，之前喺雜誌見到荃灣呢度新開一間超抵食放題，就梗係要來試吓啦! 雜誌話預早訂位有88折，咁就當然幾大都訂咗先啦!呢間鋪入口雖然喺街角位，但係佢喺2/F，樓下1/F同G/F都比間泰國餐廳搞到我地以為行錯地方~入到去覺得呢間鋪都幾大，好多張枱得來又唔會坐得逼，絕對係聚腳既好地方!! 雖然佢既裝修格調唔多似放題，但係好坐同乾淨先係最重要!餓咗咁耐，坐低當然第一時間攞紙剔嘢食啦! 嘢食種類話多唔多話少唔少，基本上一般放題有既佢都有，不過刺身種類就少咗啲，至少冇我鐘意食既旗魚刺身=[第一ROUND都係以刺身為主，另外搭咗一堆既燒物/炸物等等，值得一讚既係佢地既服務，雖然當日坐得好滿，但係佢地依然招呼周到，眼見你想遞餐紙就已經主動行咗埋來，唔使你叫佢!上菜速度好快，第一樣嘢食係一板海膽~ 賣相唔錯，同埋底下墊咗冰，好有誠意=]跟住就係辣酒煮蜆、蟹粥同芝士焗元貝~ 全部都好睇又好食，個蜆非常新鮮，大大粒既蜆肉一啲都唔腥，而且雖然話辣酒煮，但係其實冇乜辣味，啱我呢啲唔多食辣既人食 可惜既係食到底有少少沙，但係都值得再叫!放題食蟹粥雖然怪怪地，但係都想試試~ 蟹粥細細煲
呢間鋪入口雖然喺街角位，但係佢喺2/F，樓下1/F同G/F都比間泰國餐廳搞到我地以為行錯地方~
入到去覺得呢間鋪都幾大，好多張枱得來又唔會坐得逼，絕對係聚腳既好地方!! 雖然佢既裝修格調唔多似放題，但係好坐同乾淨先係最重要!
餓咗咁耐，坐低當然第一時間攞紙剔嘢食啦! 嘢食種類話多唔多話少唔少，基本上一般放題有既佢都有，不過刺身種類就少咗啲，至少冇我鐘意食既旗魚刺身=[
第一ROUND都係以刺身為主，另外搭咗一堆既燒物/炸物等等，值得一讚既係佢地既服務，雖然當日坐得好滿，但係佢地依然招呼周到，眼見你想遞餐紙就已經主動行咗埋來，唔使你叫佢!
上菜速度好快，第一樣嘢食係一板海膽~ 賣相唔錯，同埋底下墊咗冰，好有誠意=]
跟住就係辣酒煮蜆、蟹粥同芝士焗元貝~ 全部都好睇又好食，個蜆非常新鮮，大大粒既蜆肉一啲都唔腥，而且雖然話辣酒煮，但係其實冇乜辣味，啱我呢啲唔多食辣既人食 可惜既係食到底有少少沙，但係都值得再叫!
放題食蟹粥雖然怪怪地，但係都想試試~ 蟹粥細細煲，份量啱啱好，而且真係見到有隻蟹蓋喺度~ 蟹雖小，但鮮味仍在! 軟綿綿既粥配上粟米同葱花，好食!
雖然冇帆立貝/帶子刺身，但係有芝士焗元貝! 香濃芝士蓋住鮮甜既元貝，芝士焗到表面微燶，賣相不錯，而且食落唔會覺得"漏"，非encore不可!
重頭戲刺身來啦! 氣派十足既刺身咁樣上枱真係好有驚喜xD 厚切三文魚賣相一絕，白肉吞拿魚等等非常新鮮而且數量足，但係最欣賞既係佢既甜蝦! 本身以為係細細隻果種，今次真係冇來錯! 而且原來因為我地有訂位，所以餐廳仲送咗啲象拔蚌比我地!
除此之外仲有一啲既焗牛柳粒、炒雜菜、野菌、枝豆之類，但係上菜速度快過我地食 冇時間影咁多其他相~~ 但係呢樣嘢不得不提，就係海蝦串同埋雞肉串，海蝦真係又大隻又新鮮，雖然真係好痴殼好難剝，但係真係好好食 雞肉串非常嫩滑，配上帶甜味既醬汁，食過番尋味
整體來講非常唔錯，效率高、服務好、環境舒服好坐，食物有質素，不過款式上可以再多啲~
題外話/補充資料：
預早訂位有著數~
(以上食評乃用戶個人意見 , 並不代表OpenRice之觀點。)
張貼
