澳門翠苑餐廳

營業中

休息中

第一次去到熟食中心..係食另一間..當食梗既時侯隔離有個鬼佬+香港人食梗農夫包,鬼佬仲問我野..但我唔係咁識聽..佢隔離香港人就翻譯問我食既野係邊間..同好唔好味..我答完之後望了望佢地食既野覺得好有趣..就同朋友講下次試下佢地個個不如上openrice才知原來咁受歡迎..之後第二次去到我都係忍手..等朋友試先..結果佢無乜評價..食剩1/5麵包..但佢就話咖啡反而好飲..叫我下次一定要試..今日終於試哂成個餐啦!同另一個朋友諗住一人叫一個唔同送既農夫包..點知職員話牛腩好呀.結果就兩個牛腩餐..ok!開餐啦..湯..無乜特別..嚴格黎講比西餐難飲d..個包啦..急不及待沾一下汁食啖..(未試過咁食..所以有仲新奇feel)到送啦..一望就見到牛筋多過腩..哇!d牛筋比出面既硬d..4-5舊左右!牛腩得3舊..舊舊都無乜咬感..好似瘦肉咁..份量又少..好快食哂....由於朋友食得比較慢..係呢刻佢先打開個包.到佢試食d送..佢都話早知叫牛柳好過..之後我話份量少..佢就話佢牛筋6~7舊..多過牛腩.我都覺佢d送多d..不如叫牛筋農夫包餐..(此刻我認為間野個廚師肯定忙過頭..導致份量

叫左個curry chicken 睇落仲以為好大份, 點知食食下一條友都食得晒, 不過點睇咖哩無咖哩味d chicken 仲要炸到死實實,個麵包係幾翠, 但又dry dry地.....反而啊杯coffee 都幾ok, 不過食一次就夠啦, 頭也不回~

農夫包︰即制好大個、好脆，但時間要等耐些咖喱︰好香、有少少辣雞肉︰好嫩蕃茄湯︰好足味凍檸茶︰普通環境︰感覺不是太好，但為了食好野無計啦

見到這間那麼多笑臉，我和babe又怎會錯過呢?weekday晚上，一推門進熟食中心，已聽見有人叫:"農夫包o係呢邊...""我地d咖啡你一定話好飲..."我們要了一個咖哩豬柳農夫包餐($40) - 農夫包大大個，好脆，咖哩好香又不辣，豬柳好稔，very good! 碗蕃茄湯果然是家庭味道，凍啡也十分不錯，不是一味甜那種。一個金牌茶餐($30) - 蕃茄牛腩螺絲粉的湯底好像比農夫包餐湯的淡，不過也很好吃，火腿奄列比較油，凍檸茶都幾好，也是不太甜。這個熟食中心不算太迫，也不算嘈吵，又有人送食物過來，很抵食。真的很飽!

兩個人叫左個咖喱牛腩農夫飽餐。個飽好脆，正如呢度general 既食評所講。個湯似係平時屋企煲開果d 蕃茄薯仔牛肉湯。好味好味﹗比個溫馨提示朋友仔，最好帶多張濕紙巾去，可以食完抹抹手ma。

見到呢間野係呢度咁多好評..琴晚忍唔住同朋友去食左個常餐..茄汁腩肉通粉+豬扒包個通粉好普通..俾一般茶餐廳既水準仲要差少少個包就幾好食..但塊豬扒真係麻麻地..個環境都唔係幾乾淨..有2隻昆蟲飛黎飛去..我個朋友食完既結論都係同我一樣..下次唔會再黎..

睇到咁多網友都比咁多個笑面,所以一於去試下個咖哩雞農夫飽有幾好味...食完真係發覺係一流喎~!!"抵讚"..d咖哩汁好好味而且雞肉煮得又夠嫩口,真係正到爆~!!另外仲叫左一個是日午餐:"焗豬扒意粉",豬扒無骨又夠嫩,意粉仲唔係一般茶餐廳既白恰淡而無味,而係煮到好入味,真係好好味,又足料又夠份量,的確算係:平.靚.正的一餐..下次一定會再幫襯~!!

沿著朗豪坊麥當當那層,搵到了旺角熟食中心...原來都不難搵去到之後搵好位..便去了買野食買了後要等一等,等待有個牌仔..會有嬸嬸送過來等待了蠻久...食物終於到了2人只要了1個農夫包set和2杯凍咖啡,因為聽聞1個set已夠2人食了嘩....真的很巨大呀,配有咖哩汁和餐湯-凍咖啡還有當然要試這兒的凍咖啡啦有咖啡粉灑左係面頭到,飲到一半先好搞混佢呀d咖啡唔算話太特別,不過真係好飲-咖哩農夫飽很大個飽飽呀..我們要了咖哩雞的首先倒了一半咖哩汁落個包包到先..之後開餐雞扒的份量很小..但也夠食!蘸著咖哩汁真的一級棒,咖哩夠香濃,真的很好食呀食完雞肉後便幫包包分屍...包包很脆,蘸咖哩汁一齊食很惹味噢...這裡的農夫包真的很好食呀!!yummy yummy我相信如果我一個人也吃得落整個農夫包

其實我食左好多次. 今日先有時間上來讚下佢.coffee 好好味, 又滑~~最中意係個朱扒包.食親常餐都一定加6蚊食佢.又平又正.

見到咁多個"讚"，咁我一定黎試下啦!平日黎唔到試，就揾左星期六試下啦！！叫左一份常餐($2x)鮮茄牛腩粒通粉　－　好大碗，其實唔係通粉係螺絲粉，好味．d牛腩又好多，有dd'鞋'，不過很入味喎！食到最後，碗底有薯仔同蕃茄．嘩，正！(唔好意思，好似賣廣告咁！！)跟住個豬扖飽(加$5)　－　個飽唔係好大個，不過飽好脆，塊豬扖就好似肥左D，油左D．不過都OK架！加杯熱檸茶．佢地d服務好好，仲攞埋份餐比你．另外，地方係熟食中心裡面，所以要等位，你食緊野個時，已經有人係旁邊等位！依樣就冇辦法啦！

這家餐厅没什么特别。今天尝试了咖哩牛腩農夫飽，咖哩与大家樂比差很多，只是面包比较好吃，但是HKD$40 买面包加个湯划算吗？如果可以我希望能在这里买面包，在大家樂买咖哩，咖啡水平一般还可以。

見佢咁勁咁多人讚就o黎哩度食個dinner當其他餐廳拍烏蠅時佢就有客似雲來叫左:茄汁通粉餐(湯底好似字母湯, 有薯仔, 紅蘿蔔, 好大碗呀, 通粉好大粒)+ 豬扒包: 包好脆豬扒入味夠腍咖哩豬扒農夫包餐(豬扒夠腍, 入味, 咖哩冇乜特別), 餐附有羅宋湯(普通啦) 招牌凍啡(好正好濃咖啡味唔太甜)俾埋手套你食包, 几細心老闆主動介紹有乜好食好飲, 几好人~會再來啊~~

對上果次食扒餐又平又好食, 不過今次食就好普通.我女朋友食果個農夫包幾特別, 不過味道都係普通.平餐廿零蚊就有, 貴既都係40蚊攪掂.

記得係openrice 看過關於翠苑的食評...但又忘記在旺角那裡. 是日誤打誤撞找到了這裡. 二話不說, 當然點了這個啦!一到來, 嘩, 除了咖喱牛腩飽和凍咖啡外, 仲有餐湯. 以為係羅宋湯, 但飲落似住家蕃茄湯+洋葱, 唔錯.個咖喱牛腩, 係藏於大大的麵飽內, 一咬下去, 個飽烘得脆脆的. 唔錯! 仲有碗咖喱汁tim. 咖喱味道唔算好特別, 但收係個飽內, 真係幾得意!凍咖啡係學澳門茶餐廳, 加咗d咖啡粉. 又唔算非常好味, 但不過不失啦!

7號同一朋友去見識吓呢間連續幾次進入openrice好評餐廳十強的名店見到新出的咖哩牛柳農夫包,決定試吓,friend又跟我叫咗呢個,跟咗涷啡等咗20分鐘,個包終於出來了,感覺個size好似比以前細咗小小,不過都係大到一個人好難食得晒外層的麵包依好鬆脆,咖哩汁好香,同埋唔辣,牛柳好滑,沾下咖哩汁仲好食涷啡都係咁香濃,個餐湯好似變咗中湯,以前好似係羅宋湯希望可以keep住呢個水準