澳門翠苑餐廳

營業中

休息中

見咁多人話好,我都唔執輸!整番個咖哩豬扒農夫包餐,有餐湯,咖哩豬扒包同一杯凍飲,凍飲我飲凍咖啡!食落口,其實我又唔覺好好食,個包仲好似唔係好夠熱咁,餐湯味道可以,我個包唔知點解會唔夠熱,因為係用錫紙包住...算啦!但係我下次都係食番行入d檔燒腊!

叫了一客招牌咖哩雞農夫包，羅宋湯足料，個包都好大個，點汁都好好味!咖哩香而不辣，辣d會仲好味。唯雞件得5-6件，一個人食就ok，兩個人share就真係到喉唔到肺了..另外，當日下午三時抵達，好多位置選擇，但玩場環境太多蚊滋橫飛，影響進食。

今日約咗個死黨去食呢到出名的咖喱農夫雞包,包脆好味似食緊巨型法式朱仔包,個湯有好香濃牛腩味薯仔煲到好淋,個杯咖啡都0K有濃的咖啡味,但相比我公司買的咖啡仲差好遠,因我公司買的係意式咖啡用意式啡豆價錢唔同所以冇得咁樣比,講番D嘢食先,我哋仲叫咗個中式套歺係三色蒸水旦,個水旦就一般,因不是蒸得太靓有D過老,因水旦如果要好食要考功夫,時間同蒸的火喉要掌握得好好,是有難度,水旦上碟要係鏡面沒有氣咆內要滑唔係好多地方做到,碟菜淡咗D,飯太大碗啦食唔曬,其實整體來講都0K但食物太大碟食唔曬有点浪費,個包都太大只食了一半,價錢合理唔怪得這熟食中心咁旺,真係大件夾抵食,仲有係隔兩間舖叫了煎蚝餅,嘩好唔掂好鬼多粉冇旦味D蚝淡味冇鮮味,只食兩口已放棄,本人從未來過呢度食嘢,不知有此地方,都係睇食評至知,但要自己揾枱有D麻煩,因本人好少去快歺店食嘢要自己搵枱嚴麻煩,臨塲仲有小插曲,遇見多年冇見的同事,係隔離開咗間鋪做咗老闆,仲同佢傾咗好奈,下次要幫櫬吓佢至得。

一直都想同女朋友試下個農夫包, 但第一次去搵, 因太肚餓, 加上搵唔到, 所以食唔到, 不過好彩今次終於搵到間野了, 原來o係朗豪酒店個個小巴站上面, 熟食中心一入門口第一間就係了^^急不及待, 未搵位已經order左一份咖哩牛腩農夫包餐, 仲加埋$2要埋金牌凍咖啡tim, 除此之外, 因為女朋友怕我唔飽, 仲叫多左個常餐, 之後老細就叫我地搵個位先, 佢會搵人拎過黎俾我地坐低等左一陣之後, 野食送到黎啦, 個包真係幾大個wo@@" 好豐富既大餐放係面前, 但食之前都係影左幾張相留念下先^^咖哩牛腩農夫包餐:咖哩牛腩農夫包: 個包好脆好好食, 加埋個咖哩汁簡直無得頂, 同埋佢d牛腩都好入味, good丫咖哩汁: 香濃的咖哩汁, 配包食正正正紅湯: 睇人地d食評話個湯凍冰冰, 但我飲個碗就相反, 熱熱地幾好飲, 唔係去之前想像中咁差姐金牌凍咖啡: 好有咖啡味, 真係無介紹錯^^常餐:豬頸肉粉: 佢俾錯左米線我, 不過算啦, 我個人好隨和的, 但味道比較咸一點牛油豬仔包: 本來想+$5轉左佢做豬排包, 但女朋友話太多野食了, 所以叫我下次先食, 不過豬仔包都好好食, d牛油熔晒落個包度,

叫左個咖哩牛腩農夫包---好味！外層好脆，正！個包好好味，但Ｄ牛腩可以整得再好味Ｄ，唔夠「林」飲左凍咖啡，又真係幾好飲～至少唔係一般茶餐廳既貨式！不錯！整體黎講都幾滿意！維持水準！值得推介！

佢都係openrice一哥,三十日之內最多笑臉既餐廳,我又要會一會佢!食既係咖哩豬扒農夫包餐,包size巨型,一個人食唔哂,咖哩味道一般,因為我覺得咸左少少,豬扒味道都係普通,餐湯唔錯!對我嚟講,可能一碟咖哩豬扒飯會較合適,但係呢間店唔算難食!

成日係旺角食來食去都係食個d睇完OR又來試, 一直都唔知旺角有熟食中心見到依度好評如潮就來一試招牌農夫包要了咖哩牛仔柳農夫包, 和凍啡因為即叫即烘, 都等左ok耐會有人送來俾你, 同埋依度幾乾淨試了少許湯, 不錯.急不及待就拆開錫紙打開個蓋, d咖哩都ok香, 隨手拿起包來點個包外皮真係好脆. 所以食吃來真係好煩好多碎...雖然咖哩未算出色不過用手撕開個包食好有feel,加上凍啡真係幾好飲和親愛的食得開心又幾好味...值得再來!

因為唔想食咁飽, 所以叫左個牛油農夫包, 以為有啲似多士咁, 會溶係入面, 但係有啲失望, 只係將四塊放係冰上, 比你自己查, 好似有啲比人呃左咁, 個飽係幾脆, 但係唔值咁貴,係飽鋪都可以買到咁脆既飽自己查牛油, 唔抵呀~~~~

我今日搵左成大半個鐘先搵到其實間野係朗豪坊m記...隔離條天橋..行過去就係ga la我都係琴日睇到好多人讚先理食我覺得個農夫包好食但係咖哩牛腩真係鹹左d...我就覺得個餐湯唔錯...好好味

我食既係咖喱豬扒農夫包餐,飲凍檸茶!首先,最估唔到係個包咁大個,一個人唔知點食...但係食落去覺得味道好好,個包脆卜卜,熱度夠,口感很好!咖哩汁好香,但係同我食過既葡式咖哩味道上好似有少少分別!豬扒份量足,食哂個包已經好飽,但係下次我會約埋個friend嚟,咁唔使一個人食哂個包食唔到其他野!

試左咖哩牛腩農夫包餐.咖哩汁-唔岩我農夫包-我呢個左D,不過都叫做係成個餐的靈魂...牛腩-好肥o下,食得少少.湯-一般,較淡凍啡-好靚又好飲.

睇完OPENRICE一直都好想試吓此店既咖哩農夫包; 岩岩星期六有時間, 所以一放工就來此店試吓..1時多去到都已經幾多人, 2個人都係叫一個餐SHARE食左先,即叫即整所以都等左一段時間先送上..唔知係咪期望過高反而我覺得佢地D咖哩真係麻麻地仲要偏咸唔算十分好味, 至於咖啡都算OK啦...最正都係個包啦..碗湯可有可無...不過份量十足2個人食都食唔曬.

昨日到旺角行街,來了這裡試下好評如潮的澳門翠苑茶餐廰. 今次試了蕃茄牛腩粒湯通+ 豬扒包+ 熱奶茶先說個湯通, 好大碗好多通粉, 啲湯好味, 但我成碗入面一粒牛腩都冇, 完全扣晒分.豬扒包個包好食, 但豬扒好似冇乜味.奶茶有一般茶餐廳的水準.總括來說只算不過不失, 勝在就腳同價錢唔貴, 都可以一試.

在一個類似一般街市形式而做到好好味道的食店，我夠膽講，北角的東寶小廚可以入香港街市五強之一，其中一個原因是價錢是實惠的，但以此（街市格局）食店以王牌農夫包咖哩套餐為例，要成40元。換就其它店鋪餐廳吃一個咖哩餐（個包就由飯代替罷了！）只需約35左右；確是貴了一些，（你可能話其它地方不包餐湯呢！）無錯杯咖啡的確讓你飲到有D（星巴克Feel），但不是個個喜歡飲咖啡的！至於個包也不至於其它砰友所寫的那樣Excellent! 可說是比吃咖哩飯多一個好選擇擺了！你想食個好吃有特色的包不如到登打士街吃那間專做越南法包的店，確有另一風味呢！總體來說是不個不失，個包可有更進一步的改變空間的，祈望下次帶來真正的驚喜呢！

早前去食，現在才補回食評!!除了環境影響外，絕對會是食家值得一試的地方。當日去到叫了一個咖喱豬扒農夫包餐+忌廉湯(因為唔食牛，所以無點到牛尾湯，失望)+凍咖啡女朋友就要了芝士吞拿魚焗飯!!一開始就飲左杯咖啡先，真係唔錯。個湯同平時茶記個d又係差唔多。但開始食個飽，見到個飽都呆左，估唔到咁大個，不過個飽真係好(很脆)，咖喱真係幾岩我口味，不太辣!不過要真係食快一點，因為我和女朋友間中食一下焗飯間中食一下包，時間耐左，包也沒那麼脆了!食女朋友個焗飯又唔差bor，不過一百蚊都唔駛又真係幾平，水準也相當不錯，抵食!