澳門翠苑餐廳

營業中

休息中

星期五晚2個人去食, 叫左咖哩牛柳農夫飽餐, 2個人食都夠飽~比左錢之後, 坐低等, 唔駛自己拎野食, 幾好.咖哩汁: 好香, 唔會太辣, 好味, 但係都應該幾多味精.牛柳: 應該數埋只得5-6塊, 幾好食, 但係我食到幾舊都係牛筋.農夫飽: 個飽好大個, 好脆, 點咖哩汁食好好味呀湯: 麻麻地, 我唔係太鐘意飲, 好彩我身邊果個肯捱義氣飲晒, 唔知佢鐘唔鐘意飲呢~咖啡: 好好飲呀, 連平時唔鐘意飲咖啡既我地都覺得好好飲呀, 我都幾怕苦, 可能佢都落左好多奶, 幾好飲, 又唔會太甜.我地都係覺得呢餐係食麵包飽既, 不過整體黎講幾好, 下次會再去.

四年一次的2月29日，同女友人買完禮物，專程去試試呢度既農夫包，兩人叫左咖哩雞農夫包&馬拉盞豬頸肉炒飯，農夫包如網友所POST的相一樣，好大份，我見議要第一時間食，因為先來的係馬拉盞豬頸肉炒飯，所以個包都攤左一陣，裡面雖然都係熱，但個包面好快淋，仲有如果裡面多D配菜就更加好，不過真係唔錯，幾好食；由於果度位於美食廣場內，所以要同人搭枱，如果兩個人想靜靜地傾下計，就要諗諗!

1月19日, 下午茶時間展開尋找農夫包之旅~ 唔揾過都唔知, 原來旺角熟食中心就係朗豪酒店下面!! 我地仲差d走左去隔離街個街市... 上到去一個乾淨街市版既food court, 不過你order完野就返埋位等食就得喇~ 服務幾週到, 值得俾多d分~::: 咖哩牛柳農夫飽餐::: $40 (+$2 凍檸茶)跟餐既牛尾湯極度似羅宋湯. 不過d蔬菜牛肉絲料都幾多~ 甜甜地幾好味~一黎到個農夫包比d錫紙包到撼. 成個南瓜甘大. 都唔知點開始食好. 掀開個包蓋, 個包都唔係好熱. 甘大個包入面挖得好少位塞滿左d牛柳條. 牛柳幾香濃冶味, 咖哩係馬來西亞既咖哩, 微甜又唔太辣, 不過份量唔多, 所以感覺好乾. 好彩佢跟餐仲有一兜咖哩汁比你點下包, 甘先armarm好~ 個包既外殼好脆, 但係入面大部份點唔到咖哩既包不論質地同味道就同白麵包冇分別!! 總括黎講甘樣食法幾得意但係真係食到一台都係包碎~::: 豬扒包餐::: $18 豬扒包真係唔錯~ 庇美澳門架都真係!! 個包面焗得好脆~ 豬扒同洋蔥都煎得幾香~ 豬扒唔係好厚身, 但係好香口, 肉質都幾嫩滑~ 可以一試~其實街市熟食中心仲有好多野食

首先多謝openrice送左2張戲飛俾我先。今日只係返朝早，所以決定放完學就去睇戲。距離放映時間仲有個半鐘，一於搵個地方食晏先。雖然很多食肆都想去，不過自從上次同阿思食完呢度既牛油豬仔包，就一直心思思想再去，而且朋友仔未試過，所以不再作他選。因為早就打算睇完戲去食tea，所以2個share一個常餐D(鴨胸忌廉湯通粉+牛油豬仔包+凍啡)。食物一黎到，我當然即刻將豬仔包吞落肚。不過，一拎上手，包只是微暖，塊牛油仲未完全融化，但我都唔理3721先擺落口。唉...牛油味不重，包又唔算外脆內較，真令人失望。幸好凍啡無咩唔同。至於鴨胸忌廉湯通粉就好普通，鴨胸還可以，不過忌廉湯就只是加左鹽既忌廉色熱水。雖然唔太滿意今餐既quality，但quantity是不錯的，因為2人都食飽飽了。下次再黎熟食市場，我應該會試下其他鋪，因為今日同一張檯果4個男人都食燒味飯，睇落好似幾好味。

前幾晚上去開飯，就叫咗一個常餐A "葡式鮮茄牛腩粒湯通粉+ 豬仔飽+ 熱檬茶" $26.-。等咗一陣阿姐送餐嚟，發現成碗通粉內得兩小粒牛腩，一大堆紅蘿白，但係我老公碗餐湯內牛腩點解仲多個我果碗，立即問一問阿姐先。我︰阿姐碗通粉點解得兩粒牛腩咁少？阿姐︰係咁樣，牛腩唔係餸嚟，牛腩只係要嚟煲湯，係湯渣，畢到有就有，畢唔到咪冇囉。明明餐牌上寫明係"葡式鮮茄牛腩粒湯通粉"，大家有冇聽過"沙爹牛肉湯麵"啲牛肉係湯渣嚟，有牛肉就係你好彩未吖。翠苑不如改餐牌寫為"葡式鮮茄牛腩粒湯味通粉"好過啦，咁答案係阿姐先講得出，下次真係唔會再食。

好友〝積奇五〞早前巳試過這間澳門翠苑餐廳;他十分喜歡這餐廳,所以今次連同他再一起到此試試.點了兩個餐〝咖哩牛腩農夫飽餐〞同〝咖哩牛枊農夫飽餐〞.咖哩農夫包餐($42): 有餐湯,有杯"金牌凍咖啡",有一碗咖哩汁,有一個超大size兼內藏餸料的農夫包.(餐廳有膠手套提供,給食客落手食農夫飽.)餐湯:紅色餐湯一個,但足料.咖哩汁:咖哩有少少辣,但很好味.農夫包:個農夫飽夠脆,牛腩也很腍,very nice! (牛枊雖香口,但還是牛腩好一點!)凍咖啡:不錯,不錯!幾好飲,正!地方環境:以熟食中心來講,出奇地乾淨!值得推介之地方,可以一試又試再三試試…

同朋友午餐時去吃，每人一個餐，分別是咖哩牛腩和豬柳。今次感覺已沒上次那麼好，可能不太餓吧。牛腩都幾淋，不過肥膏多了少少，豬柳與咖哩就不太配合，又不夠入味。咖哩汁不過不失，牛肉湯亦然。不過農夫包就保持水準，夠脆，而凍咖啡仍然好飲。整體而言，味道仍不太差，而整餐都只有包，感覺比較悶，可能已沒新鮮感了，偶爾一餐仍可以，但如果要常常吃，我一定受不了。不過，下次試這食肆，可以吃它們的飯類，始終咖哩伴飯應比較好味。

0岩0岩去完呢度食左個常餐，有蕃茄薯仔牛腩粒通粉+豬仔包轉左豬扒包+熱奶茶，真係幾好食wo~拎左牌仔就等阿姐送餐過黎，服務真好﹗第一時間食個豬扒包，一向唔鍾意食麵包0既我都覺得口感好好，豬扒0既味道真係好special，好似同個包合二為一咁，好特別，未試過豬扒係咁0既味道，成個包食哂呀﹗食完個包先開始食個通粉，其實唔係通粉而係螺絲粉，朋友話咁咪仲抵食囉~居然仲熱辣辣，個湯仲一d都唔稀，好有料，但由於食左個包已半飽，個粉食左一半咋﹗點解個胃咁細>_<最後飲埋杯奶茶，都好滑呀﹗應該係用黑白奶，唔錯﹗差d唔記得一定要講0既係收銀叔叔好好人，好中肯咁介紹餐單上0既野係點整有咩料，等我可以因應佢0既意見去揀自己食0既野，雖然食野期間有隻小烏蠅飛過，但其實就算呢度個廁所都出奇地企理呢﹗今餐真係好滿足呢﹗一定會再黎食~

連食兩間第一位,俾我選,我覺得澳洲牛比較好!我終於搵到佢地,原來係朗豪坊二樓有條橋行過去就係!咁梗係要試吓佢地個農夫包,我食既係咖哩豬扒包,個包一打開d錫紙,大大個喺我面前,打開個蓋,有陣好似印度咖哩味飄上嚟,包本身好脆,但係好乾,點左咖哩食係好d,但係我食到一半既時候覺得好漏,就放棄!湯味道ok,其實都唔太難食,但係唔值第一!

和妹妹兩人在看農夫飽餐的牌時,那個男服務員(老闆?)主動提議我們兩人可以叫一個餐, 因為份量頗大. 最後我們點了: 農夫咖哩雞飽+番茄牛腩湯+菊蜜(hk$40)個飽外脆內軟, 雞扒好嫩滑, 好好味, 邊吃邊點咖哩汁, 好快我們便清哂全部, 無浪費~下次可以叫一個餐之外, 再叫多一樣o野~ 應該會更perfect~ p.s. 服務員好nice~ 加分~

咖哩雞農夫包+湯+熱飲$40 <-價錢合理 比完錢10分鐘內有得食, 包包面好碎裡面軟林林..好味, 此餐廳提供膠手套可以落手食..爽呀^^咖哩少少辣, 我覺得雞肉比豬扒好味, 另外湯就差左少少因為好多肥肉浮面.. 整體黎講可以一試

今晚終於到了旺角吃了期待已久的咖哩農夫包首先，我十分欣賞老闆的幽默感我點了一個咖哩牛腩農夫包A 餐跟常餐A，共$68，我拿了$70 出來老闆立即開玩笑式說:"既然係咁，唔使找啦~" 我反應都不慢，"咁你比番十蚊我，收齊頭六十啦~"食到一半，我又問老闆拿杯熱水老闆又玩我:"好呀~廿蚊杯~你幫襯左幾多錢丫?"我答:"咁你拎四杯比我先夠喎~哈哈"很爽的老闆! 食物方面，我點的咖哩牛腩農夫包餐有湯有凍咖啡有一碗咖哩汁有一個大農夫包湯足料，好味咖啡，是這餐最捧的，加上朱古力味棉花糖粒的咖啡，比一般茶記咖啡要好上一倍!至於農夫包，我吃的那個不是大家說的那麼脆那麼足料，牛腩是好吃的，但份量不多，包是不脆口不太熱的，我覺得只可算是勉強合格吧~咖哩汁我覺得是敗筆，味道雖是香口，但我食到一半時，已覺得好口乾，相信是味精作怪吧~ 這是相當可惜的當然，那包size是超大的，我只吃了八成便相當飽，吃不下了^^ $42一個餐，我覺得凍咖啡值上$20，農夫包只值$22，而風趣老闆值100分... 至於評分，我只能給一個OK，希望下次可以有物超所值的感覺吧!

上星期去，澳門翠苑餐廳食左佢哋最出名嘅農夫飽配雞，涷咖啡，紅湯。不過，我個唔食飽同beef嘅男朋友就無野食！end up，佢叫左個清湯鮑魚通粉，唔精彩，但都很不錯！再講吓個飽，個樣好得意，外面好脆，內又香又軟。咖哩都幾香，薯仔入味。令我最最最回味嘅係個咖啡，連我個TROUBLE 男友都講好正！

我自己叫左個農夫咖哩雞包餐,四十幾蚊,有一個大包包住d咖哩雞,一碗咖哩汁有兩件薯仔,一中牛尾湯,同埋一杯凍咖啡!個包真係幾脆,點咖哩汁食味道可以,雞係炸雞,但係味道一般而已!不過咖哩雞多數都用雪雞,係正常,但係問題出現在個包其實唔熱,雖然好多前輩讚好好食,但係唔知你地有無同感,又或者呢排天氣凍啦!牛尾湯味道都係一般,不過唔算難飲!只係普通質素,唔值第一,不過唔知其他野好唔好食...

第一次同2個朋友一齊去,知道農夫包出名, 叫左個農夫包餐啦, 我朋友就叫左個晚餐(炒飯) 及雜扒餐.order時,本來仲想加多個小食, 但老闆提醒我地"食唔食得晒呀? 個農夫包好大下嫁", 話叫住先啦~ 好~聽佢講, 叫住先....嘩...個包真係好大, 仲好好食~點知, 我地3條友把所有野食晒,老闆見到仲主動送多2個靚仔(白飯)比我地餸咖哩汁~正~個個都寫農夫包, 其實佢地d 豬扒包都唔錯.我早幾日下午上左去食tea, 好好食~~