澳門翠苑餐廳

營業中

休息中

見到咁多食評,終於路經此店幫襯下午3點多,order個咖哩雞農夫包,等約10分鐘見到老闆親自拎個食物俾客人,都算有誠意,可能見個客等得耐啦一打開個用錫紙包住的農夫包,小弟第一時間拎個包蓋點落d咖哩汁食,個包頂果然十分鬆脆,不過食得狼狽.成都係d麵包碎,而且d咖哩汁好稀,食時候d汁滴下滴下.到裡面咖哩雞,小弟有點失望,美其名可稱得上為煎雞扒條加少許咖哩汁,d雞完全沒有咖哩味.可能個老闆唔想太多咖哩汁浸住d雞驚整淋個包,但咁樣就影響的.況且當我愈食d包肉時,d包已經好"un",同個包蓋簡直無得比,結果我草草2口了事.不過花數拾元試下玩下都無妨.

冒名而來, 終於來到這間餐廳~第一次來吃東西, 一位阿姐很Nice的問我吃什麼, 也推介澳門凍咖啡給我, 本來我怕飲了咖啡睡不著,最後也要試一試, 還叫了個咖哩牛柳農夫包. 等了一會, 阿姐把整個餐送上, 還教我們怎樣飲那杯咖啡, 不錯, 有一種親切的感覺呢~咖哩牛柳農夫包, 想不到會那麼脆的~味道還不錯, 牛柳味道也得好~至於那個咖哩汁, 愛吃辣的人會覺得不辣,還會覺得不太濃, 我就覺得已經足夠~最後就是那杯凍咖啡, 看出當中的心思~整體不錯, 只是周圍環境不太理想,如果這間餐廳搬去地舖, 我相信也得受歡迎的~下次會再去"幫襯"的~

第一次來這裡，老板很有禮貌，他還推介凍咖啡，就叫了這個和咖哩雞農夫包。分量真的好大，才42元一個餐，竟夠兩個人吃。賣相也不錯，但食落卻比較普通，不是說不好，隻是除了吃法新鮮之外，我可能還是寧願食把咖哩和薄餅拌著吃。凍咖啡也算有心機做，味道還好。這個價錢，這麼大的量，本沒什麼好投訴，不過食完之后，整晚都很口喝，未知是否有關聯。

一直都想試,今日終於有機會啦!叫左牛楠果個5mins有得食!真係有埋手套禾!即刻食個頂,好脆呀!咖哩我麻麻,所以我淨係食個包...好好食好脆!不過有一邊膿左dd...牛楠老豆評價係"中上" 我諗ok掛...凍啡佢話好好飲!不過佢話隔黎"魚湯王"仲正~下次再食!good呀!

由於見到好多人都盛讚農夫包, 所以噚日都同男朋友專程去試. 由於我地兩個都唔係太餓, 所以只係叫左一個豬柳餐食, 都係配凍咖啡.在等店員攞野食來之前, 已經見到有好幾張檯O既人食農夫飽, 好大個.....之後當店員將我地O既餐放O係檯上, 個感覺更加震撼~~~~~~~~雖然未打開個錫紙, 但係已經嚇親, 哈哈~~~~~~~O係食個飽之前, 首先講下個湯, 我覺得同平時飲開O既羅宋湯分別不大, 都OK. 之後打開個飽, 先食個飽蓋, 嘩!!!好熱好脆, 好正呀! 之後再點D咖哩汁, D味又濃又香, 好好味, 再食埋D豬柳, 好淋呀, 點汁食會好味好多. 不過因為我地食得慢, 個飽凍左會無咁脆, 但係有咖哩汁搭救, 都仲係好食.至於杯咖啡, 好香, 好好味, 唔似出面D茶餐廳咁無咖啡味, 我平時都有O係公司飲開即磨咖啡, 但係我覺得依度O既咖啡竟然比公司果D更加好味呀!2個人SHARE個餐都夠, 因為我地兩個都食唔哂一個餐.......好想打包D野食走, 特別係個咖哩汁.環境方面都OK, 唔可以話污糟, 不過有隻蚊成日O係我地附近飛來飛去.下次會再食下其他野~~~~~~~

好耐冇出街了,正所謂久旱逢甘露..呢到係琴日同女友食晚飯的地方..可惜呢到係熟食中心,衛市情況確實有不少進步空間。但係,黎係食好味既食物。眼不見為乾淨就算。叫左一個農夫包餐\,$42一個豬扒包餐\$22兩個都係飲凍咖啡老闆幾有禮貌,有笑容,幾NICE下個阿姐見我排緊隊叫餐\..索性幫手落單,減少左人客排隊時間,唔錯!但係衛生情況真係要注意下啦......我落緊單個陣,有位客人拎左兜湯黎同老闆講入面有隻野......連小昆蟲亦久有所聞這處的大名嗎?哈哈~過左一陣食物已經送到桌上,農夫包真係幾大個!烘到好脆!!好味~!!!但女友認為咖哩稍辣了點兒,我卻認為剛剛好~香味撲鼻而來~~~咖哩雞亦頗滑..唔錯的包豬扒包外層亦十分脆身,豬扒咸度適中。雖然本人不好咖啡,但今次亦放棄凍奶茶......嘗一嘗,的確甜度適中,不太苦亦有十分香濃的咖啡味道。凍咖啡雖好,卻未有令我放棄凍奶茶的念頭十分滿足的一餐\!!!

第一次來旺角熟食中心,想不到ok乾淨,不過都係快餐式吧。試左雞肉農夫包加店主極力推介既無敵凍咖啡。包味道普通,咖哩香味一般;反而凍咖啡比較好飲!!另外好欣賞佢地既服務,我地坐到好遠,佢都送來給我地,真係值得加分~~

話說復活節的第一天，是日的活動為宴請友人打邊爐，都十幾廿年無做過呢0的野﹗一時大感緊張﹗因為要買埋人地0的送都唔知預幾多好﹗所以一早起身就出左旺角﹗去左呢度﹗OPENRICE近期人氣急升的翠苑﹗真的怪不得佢地羅榜首，個農夫包配上咖哩真係好食到不得了﹗只係四十蚊吧﹗太抵喇﹗成個都係岩岩焗起超脆呢﹗個湯都唔係行貨野，飲落濃濃的好好味，仲有好多湯料0係入面添﹗呢道凍咖啡亦都好出名呀﹗飲落好有馬交特式，一流﹗

成日在食評上睇到農夫飽有幾好食,今日卒知試到啦,果然好好味喎,我試咗嗰牛腩農夫飽,個飽外脆內軟,牛腩又夠淋配埋咖哩汁啱啱好,特別一提嗰杯冬咖啡都好好味呀,冬咖啡吾係咁易做到又香又濃,食完後真的很飽.想試其他都吾得啦,各位老友下次嚟最緊要要搵多幾個朋友一齊嚟可以試埋其他招牌菜啦!

今日去食左咖哩農夫飽餐個包好大.二個人食好飽.岩岩食果時第一口食左牛根.好林.好好食.d牛腩都好林.不過d料好少.好包好大..食到最後好"掛".之後叫左個賽螃蟹炆伊麵,呢個超唔好食.d伊麵好硬...個凍咖啡就好好飲.好香濃.其實我覺得普普通通.係個農夫飽比較特別外...暫時都唔會再去住~^^

翠苑既人氣真係愈來愈旺,好似好多人都慕名而來咁,有見及此,連我都不得不試下佢出名既葨夫包(以前一直唔試,因為見到好大個,肯定自己食唔晒或者死,果然!)只係一個咖喱農夫包有好多款材料選擇,又牛腩又鮮又乜又物.我選定左咖喱牛柳農夫包,牛柳比想像中粗大厚肉,四四方方好得意,咬落又唔喎,同埋咖喱整得幾入味,令到牛柳好好味!個包就真係好脆呀,由於除左包內既咖喱汁,仲有另有一碟咖喱分碗上,有好汁又有薯仔,所以用包點汁食係足夠有餘,而且又美味,但係我後黎發現最好味一部分,又唔係好脆好脆果d包,反而係包心入面俾咖喱汁浸過一陣令佢質感介乎脆同淋之間而又有咖喱味果一浸!其實,佢既所謂咖喱,我覺得以葡汁黎形容會比較貼切,唔算辣,淡黃色,無論係賣相定係味道方面,我都覺得佢係葡汁。至於套餐附送既羅未湯,大家千期唔好有期望喎!不過講真,淨係個包已經食到飽飽啦,碗湯唔要都無所謂啦!加上仲有杯飲品呢!

前日發現左呢個網,所以即刻要去試試呢間排名頭3位既餐廳啦! 去到之後, 要左果間野既招牌菜: 牛柳農夫咖喱包餐, 跟了個凍咖啡, 葡式鮮茄牛腩粒通粉. 上菜時間約15分鐘.. 算耐左d...因為果時系非繁忙時間, 無咩人. 講下d菜先, 杯凍咖啡一流, 唔苦. 夠多淡奶. 咖喱牛柳農夫包都好好, d咖喱味道剛剛好, 唔會太辣, 又唔會無咖喱味. 牛柳又夠多. 可惜, 最差算是葡式鮮茄牛腩粒通粉. 呢個菜真系名不乎實. 我完全搵唔到有鮮茄, 至於牛腩粒... 搵左好耐....得一粒甘多=.= 簡直唔合格啦! 都會再去多次食下, 希望有改善啦.

昨晚與友人們一起試下農夫包~點了豬,牛,雞~個包果然好大個~個皮都幾脆~夠熱~~但嫌d料少左d~~葡汁咖哩味道普普通通~~但d汁份量ok~~可以點晒成個包都得~

今日去左試喇..我要左咖喱牛柳農夫飽~牛柳好滑..我仲好好彩有兩舊薯仔XDD係幾好味o既..但又未去到唔試唔得果種地步..最正都係杯凍咖啡!我同男朋友爭住飲...XP"下次經過..可能會淨買凍啡拎走($13)-3-

好耐之前食，補寫番牛腩農夫包set成40蚊都幾貴個包外脆內軟好食牛腩就普通牛腩lad curry就唔spicy嘅但係唔熱同唔夠味個湯就普普通通無乜特別