澳門翠苑餐廳

營業中

休息中

首次去食農夫飽,估唔到有野食..哈\"我同男朋友1人叫左1個咖哩農夫飽餐\..*我叫咖哩牛腩農夫飽..好大個包..d咖哩好香`唯一美中不足系，咖哩無薯仔..有埋會好d!d服務好正..買完野坐低佢\地會送上黎..特別!^^1個人系食唔晒..起碼要2人先食到!!哈有機會要再去食!太好味道*

見呢到既好評升得咁快, 成日都想黎. 但係因為環境並唔係可以坐好耐既好選攞, 所以恨左黎呢到食野好耐. 有日約左朋友出開旺角想食d野我就建議黎左呢到. 朋友係一個挑剔之人, 再加上我要佢係星期日超多人既情況下係太子行到過黎旺角, 所以我心裏面都好希望呢到既野一定要好似食評寫到咁好食. 如果唔係我就慘....好彩, 都無令我失望!大家都唔想食得太heavy, 所以4個人點咗2個餐. 一個係大家都讚既咖喱雞農夫包, 一個係葡汁四疏方包... 點完之後可以番埋位坐住等人攞過黎比我哋. 首先黎既係嗰個葡汁方包... 個汁我覺得麻麻, d餸無乜味, 好彩跟餐送嗰個紅湯同咖啡都好好味, 而我不斷安慰友人好戲在後頭, 祈求農夫包可以救我一命....等左一陣, 個農夫包就黎到. 一食... 真係好味喎. 咖喱汁味道好濃, d雞好嫩, 個包好焗到好脆啱啱好. 我哋覺得個葡汁唔係咁食, 所以攞晒佢d餸黎點個咖哩食. 諗住搵少少野黎彈都搵唔到呀真係. 不過我最欣賞都係佢杯coffee. 正!p.s. 我第二次黎既時候點左個咖哩牛脯農夫包... 嗰次我就覺得salty左少少囉.....

叫左個咖哩牛腩農夫包餐\加2蚊叫左杯凍咖啡..本身有個鮮茄牛腩粒湯送, 點知果日賣曬無2個人SHARE一個餐\個農夫包其實真係幾脆呀,外脆內真係幾有水份幾軟...D咖哩汁分開比你加入去食,唔會搞到D包入面稔得太快~好中意食個包, 點D咖哩汁黎食牛腩都幾稔幾好味=)相反個凍咖啡唔算太特別只係係上面放左D咖啡粉靚左D咁味道OK啦2個女仔食一個餐\肯定夠曬飽=)整體黎講味道都唔錯既

個番茄湯沒有味精的感覺，很好個飽脆脆的，加上咖喱汁，很好吃咖啡很香很濃但雞肉有進步的空間service不錯，會有待專人拿食物，老闆更會主動推介

因為太多好評既關係,以致小弟唔嚟食好似覺得好蝕底!一個人嚟,order左個咖哩雞包餐,保齡球咁大既農夫包送到面前,雖然一早有心理準備,但係都係驚左一驚!打開左個包蓋,咖哩味道ok,雞係炸雞件,味道都唔太差,但係又無咩特別,只係一般,麵包本身有點硬,而且唔係好熱,不過食麵包又唔駛真係好熱先叫好食!個牛尾湯味道都ok,加埋杯咖啡又一餐,不過又唔係令我成日想嚟嗰種餐廳!

哈哈~上個月同家姐食完豬柳農夫包，今次帶個friend試牛腩既‧農夫包個表面依然焗到好脆，牛腩入味同埋有牛筋，炆到幾腍，好味道，但以肉量計，上次既豬柳好似多的‧咖哩汁方面要投訴ar，今次成碗汁一件薯仔都冇……失望-.-話說小妹係熱啡愛好者，上次飲左金牌凍啡，今次都係聽返自己話，要左杯熱既，味道都ok‧初時怕夜晚飲完會瞓唔著，又冇喎，都係點零中就想瞓‧可能係今日行街行得攰掛^^下次既目標係咖哩雞Ps 翠苑對出既三行枱，大概5成幾客人都係叫農夫包，搞到枱枱都幾乎有個太空館擺係枱面，搞鬼得很~~

恨0左咁耐, 終於都有得食!!!是日與友人一起到此, 共襄KO農夫包之盛舉!!要0左個咖喱牛腩農夫飽餐~~都幾多0野食...@_@好彩係同友人2個一齊食...個包真係好大, 用友人的間尺量了量...單是直徑便大約有17CM...@_@咖喱汁都幾好食~!! 唔太辣~~都幾香~~牛腩都幾腍!! ^^個包索晒d汁好好食!!! 外脆內軟!!!杯咖啡都好好飲!!! 好香滑!!!! ^^2個女仔食到飽飽...勁呀!!服務都唔錯~!!

去旺角行街, 唔食平時食開的壽司店, 反而去左旺角熟食中心的《澳門翠苑茶餐廳》~ 下午2 時左右, 人不算多, 好快搵到位~ 因為S 小姐之前食左野關係, 我地share 左一個咖喱牛腩農夫包, 我食左個金牌咖啡, S 小姐要左個凍奶茶~咖喱牛腩農夫包：好大個, 熱辣辣, 好正呀!! 可惜個咖喱汁就唔係太濃, 唔係就真係好Perfect 啦~ 農夫包外脆內軟, 點著咖喱來吃真的不錯~ 牛腩炆得好"林", 唔驚咬不開~ 餐裡面的羅宋湯可以不飲, 因為無乜味, 雖然係見到足料, 但真係水還水, 無蕃茄味, 無薯仔味, 真係緊緊比水有點點味吧~金牌咖啡：好飲, 好有咖啡味, 在Openrice 睇到『面頭的咖啡粉是待冰融了, 咖啡無乜味時再攪一下, 讓咖啡粉再溶入其中, 這樣咖啡就不會再變淡』依照這個做法, 咖啡飲到最後不會變得淡然無味, 老闆真發明真係勁!!味道：農夫包外脆內軟, 咖喱汁就欠一點濃味樣相：大大個農夫包, 大大杯飲品環境：比一般街市樓上的熟食中心來說, 係非常之乾淨衛生：OK, 唔見Dirty服務：落完Order 後坐o向位等食, 係等食果下比較耐, 可能農夫包較大, 要多一

今日同朋友仔黎左哩度食晚飯...見哩度排左咁耐十大咪黎試下law...環境係幾乾淨既...叫左個咖哩雞農夫包...咖哩味道一般...開頭食個陣個包真係好脆...不過到後尾個包好難"meet"出黎食...個牛尾湯味道都幾好...

成日見到呢間餐廳位列磅首，所以決定今晚就要試下....呢個熟食中心位置响朗豪坊隔離小巴站樓上，唔係特登搵真係唔知呢度有野食！同朋友一共兩人去食，因為怕唔夠食，所以叫左一個農夫包+楊州炒飯。先講一下楊州炒飯，好多义燒，炒得都幾香口！跟住飯牛柳湯，細細碗都幾好味，不過裡面得少少肉粒+薯仔。之後就食個農夫包喇，佢用錫紙包位，仲熱！(因為我先食飯，再食包)個表皮有少少脆，一打開裡面有一塊塊砌件既雞排，不過裡面無乜汁！好彩佢連一碗咖喱汁比你，呢隻咖喱夠香口，又唔係好辣，岩曬！但略為唔夠熱！下次去要試下個咖啡先^^p.s.買完佢個哥哥仔比個號碼牌我，我仲諗住自己出去攞！點知呀姐會幫我地攞過黎！都幾好喎

其實睇左OPENRICE話呢度個農夫飽好正~不過一直都未有黎試..起初怕好難搵...原來就係0係個紅van站樓上!琴晚同男朋友終於黎左試..黎到7點度!!一入到熟食中心~原來第一間舖就係佢!隨便搵個位坐低~跟住就由我去買野食!叫左個" 咖哩牛腩農夫飽餐" ,飲凍啡! ($40 +$ 2 凍飲加2蚊)之後..老闆就著意叫我坐低..話一陣會拎黎俾我..等左大約7,8分鐘度!我個"太空館" 終於黎~我覺得好似太空館...哈哈~阿姐俾錯熱咖哩我..(我唔係汪阿姐喎~~!) ...叫佢幫我換~阿姐都好好禮貌~冇嫌煩!~~~讚!!!影完一輪相..開餐!!男友都好奇地問: " 個飽應該點食?!?!"幸好...體貼的..有埋手套俾我地~我地就咁用刀協助下..用手黎食~~呵呵~~先飲一啖凍啡!!真係得喎~~連男友都讚好!!好香濃既咖啡味~又夠滑!good~再飲一啖湯!!好香!!!但不叫濃...因為佢應該冇用..或者用左好少茄膏去煮!好清新..有d似阿媽煲既蕃茄薯仔湯!個農夫飽真係外脆內軟!做得好好~個飽索晒d咖哩汁!林林地咁..真係一流!!另上的一碗咖哩汁..有5,6舊薯仔!啱晒我呢d食咖哩..寧要薯

同朋友2個女仔去搵食,都好多人下~share了1個咖哩雞農夫包+紅湯+2杯凍啡~($54)等左陣阿姐就送個餐黎啦~個包真係好大!凍咖啡: 十分好飲!推介!紅湯: 牛尾羅宋湯- 都幾好飲丫,好足料,勁多肉,淨係飲個湯都飽左1大半咖哩雞: 味道一般,始終有d雪味,麻麻地~ 個汁就OK~農夫包: 好難扯出黎,都幾硬,可能係因為凍左~食淨左半個包...因為2個女仔都冇咩胃口,而且好飽!咖啡係成餐dinner中最好的!

同男友去食~一開始地址有d難找,因為不懂在朗豪坊度入..-個包幾脆& 幾大個,2個人叫一個咖哩牛腩農夫飽都夠食,but個包食起來有d麻煩!-咖哩味道ok,牛腩估唔到都幾多! 個湯多料味濃!-另外值得一讚的是杯凍檸茶,夠味~我最鐘意這款味道!總結:以咁ge價錢$40,真係幾抵食,會再幫襯的!

農夫包好正呀~~42蚊，其實係貴的~不過好大個，我都食唔曬，個皮脆脆的，入面係咖哩(自選餸)~加多一碗茄湯，一碗咖哩，一杯涷飲~最正係~其實佢o係個類似街市既物體入面，不過佢既服務一d都唔差，幾細心~一般呢d中心，要買左飛，之後自己等位，等佢嗌number之後埋去扲野食~不過呢到係佢自己扲埋黎比你，正~!!同埋呢~佢個度d座位係fix死的，但係我地張枱剛好欠一個位，我曾經去過第二間到晌人借膠椅，可惜失敗了....但係呢間野的呀姐好好人，佢見到我地要位，自動波的扲左張膠椅黎，太好了~!!

昨日傍晚6時許在MK留連, 正想找吃, 突然想起"開飯"介紹過這裡的咖哩農夫包, 便去一試.本人不算大食, 便和女友分享一個咖哩牛腩農夫包餐:1. 羅宋湯料足味濃;2. 錫紙裹咖哩農夫包配咖哩點汁: 咖哩牛腩份量適中, 有牛腩及牛筋, 入味兼稔; 整個農夫包鬆軟煙韌, 正好作點咖哩汁用;3. 熱檸茶容量OK, 檸檬片適中;二人享用後不感過飢或過飽, $40以MK角度算抵食, 咁就一個笑啦!