潯 (已結業)

今次同同事喺石門放工，呢d timing都係好肚餓，而呢邊我發覺都好多嘢食，最後我呢到呢間西餐好似唔錯就食左個yummy dinner😁首先坐低職員嚟一個忌廉湯同蒜蓉包我因為唔想食飯嘅關係叫咗一個蒜蓉牛油汁三文魚柳配薯蓉 真係熱辣辣肉厚又脆皮 好好食 加埋個薯蓉very good, 啱啱好再嚟同事叫咗一個煙三文魚卡邦尼意粉，我攞咗少少嚟試係唔錯，意粉份量都好多同夠哂熱，對於我地果時相當hungry嘅狀態食完之後都好滿足，下次係呢區做嘢都會再嚟

別緻小西廚here we are石門對我嚟講係一個覓食嘅小天地兩期嘅商場入面都有好多café同食店但我就被轉角位一間西餐廳吸引住事關佢有兩張二人檯係望住樓下小車道一邊食一邊望住出面 好悠閒食物就叫咗個All Day Breakfast同埋蘑菇汁雞排意粉All Day Breakfast最欣賞就係個牛角包軟淋淋同時又好鬆脆 好正然後就係個炒蛋 雖則蛋只有普通嘢但係要將普通嘢整得唔普通就可見炒得有心機蘑菇汁雞排意粉一食會有熟悉嘅感覺蘑菇汁好位出香 雞排都係有小小炸過嚟皮脆肉香 而且份量都幾多吓而哩個係lunch set係送個餐湯或者意粉嘅另外再叫咗份脆炸薯條配黑松露醬黑松露醬好好味 酸酸甜甜 好開胃而且啲薯條係即叫即炸 唔會淋晒硬晒仲叫咗兩杯飲品熱桃茶 同埋 桃梳打嗌完慢慢望住出面嘅街道慢慢嘆哩一餐好享受 無入錯餐廳

呢日踩完單車，經過石門，諗唔到食咩，行下行下行左黎京瑞廣場既二樓，見到呢間鋪頭係呢個情況下都有D人氣，於是就入去試下∼ 見到就黎到情人節，呢間餐廳都出左D情人節套餐優惠∼都唔算貴嫁∼ 我地今晚就叫左個牛肉burger 加湯，同埋叫左個炸魚餃，野飲就叫左Cappucino~ 個湯係甘荀湯∼仲跟蒜蓉包添~ 估唔到咁街坊既商場都有咁好食既西餐∼∼ 牛肉burger就夠哂大大份！又配上薯條∼個burger夠哂Juicy,又配上大大塊生菜同蕃茄，完全唔姑寒！ 炸魚餃都做得好出色，都算好多肉同好大塊！ 炸完之後d魚質地唔會話太老∼ 仲有跟沙律同蕃茄醬∼成件事食完唔會太邪惡haha Cappuccino亦都好好飲，唔會話有d酸味！ 下次要再黎幫襯小店！

第一次來到石門這個地方，地鐵站一出便有兩個小小的屋村商場，隱藏著很多小店，我們很隨意地選了這間小小的café來食個午餐，地方不大，裝修簡單，小小的開放式廚房，有塊大落地玻璃，令環境開揚舒服。餐牌選擇頗多，但午餐價錢最親民，最平的都不過五十蚊，已包餐湯/沙律及餐飲，份量亦不少啊。餐湯是粟米湯，應該是將整鮮粟米粒打成的，粟米味濃，還食到少許的粟米粒。而沙律則是簡單的煙三魚沙律。午餐- 鮮茄肉醬飯，雖然只是新鮮蕃茄跟肉碎的簡單配撘，但這個醬汁總是很好送飯的，醬汁上再灑上芝士，更惹味，但如果可以再焗一下就更好。大蝦露筍忌廉汁意粉，意粉硬度煮得剛好的，大蝦份量亦很慷慨，但如果鍾意濃味的朋友會略厭淡味了一點。餐廳另外有當日的特別推介寫於黑板上，我就額外點多一個焗油甘魚骹，焗得皮脆肉嫩，不錯啊。餐飲方面，除了普通的咖啡/茶，另外轉其他飲品都只是加$5，我轉了一杯玫瑰Latte，有靚靚的拉花。

今晚同朋友行去沙田， 咁經過石門附近原來見到都有幾多嘢食，咁我同朋友都想食少少西餐咁，我哋就揀咗呢一間all day breakfast嘅餐廳。 我同朋友叫咗以下食品：日式胡麻醬德國豬肉腸意粉: 呢個意粉其實我覺得整得幾好食，佢撈埋咗一啲胡麻醬我覺得最好食嘅都係德國嗰啲豬肉腸啖啖肉同埋香腸嘅味道唔係普通嘅香腸，係德國嘅香腸所以呢个意粉mix and fusion得幾perfect，鍾意嘅朋友，可以試下呢一個意粉。蒜蓉牛油汁三文魚柳配薯蓉： 呢一個最重要嘅主角製三文魚佢呢個三文魚煎得幾好食啲魚皮有趣同埋啲肉又嫩滑鍾意食魚嘅朋友一定要揀一個因為佢哋而且確幾好。 加埋個牛油汁非常之香，令到個魚啲香味更加出。 食埋啲薯菜其實我同朋友都滿意。最後我同朋友叫咗咖啡去飲，飲完之後就走咗喇，如果大家行開沙田可以試下呢一間餐廳我覺得啲嘢都煎得唔錯。 同埋廚師煮嘢嘅水準亦都幾好大家可以一試。

潯係沙田石門既西餐廳，見到間餐廳新開，位於商場入面，個menu又幾吸引就決定走去食下，點知又幾有驚喜~ 我地由於唔係太餓既關係，所以淨係點左餐湯同埋兩道菜。-✨餐湯餐湯係一個幾香既甘筍湯，個湯煮得好濃郁，味道甜甜地，幾開胃~-✨蒜香洋蔥白酒蜆肉意粉 ($78)一直都幾鍾情有蒜香味道既意粉，呢一份意粉仲加上左白酒黎煮，加強左果重刺激既感覺~ 蜆肉好大件，足足有6 – 7 塊，蜆肉幾鮮甜。-✨慢煮春雞配香草檸檬醬 ($138)呢份春雞係我今晚最期待既主菜，慢煮菜式可以令到食物保持水份同埋嫩滑。個香草檸檬醬幾特別，味道酸酸甜甜，配合燒雞食起出黎特別惹味~ 春雞不負所望真係非常多汁，調味恰到好處，而旁邊既配菜例如薯仔味道幾出色，呢道菜值得再食多次。

雖然而家抗疫時代，但日日屈喺屋企真心悶，所以今日過去石門食下飯行下睇下有冇貨入。喺京瑞廣場都真係幾多食肆，今日就食呢間之前阿妹食過既潯，佢話之前食lunch好抵，意粉又抵食😍晚餐當然冇午餐咁平，但價錢仲係好相宜。$70都有個意粉，加$15亦都有飲品，抵食。加埋10蚊仲有餐湯，不過我地怕太飽，中午又飲過湯，就冇叫到lu叫咗個日式胡麻張德國腸意粉，一於試吓佢嘅意粉🍝如何。果然冇令我失望，醬汁好香，同意粉好配合，意粉嘅口感都好好，但牙得來唔會太硬身。有少少芥末味嘅胡麻醬同德國腸🌭好夾，夠味得來又唔會太濃味，唯一缺點就係因為都幾好食，食下食下好快食晒，感覺唔太夠🤣蒜蓉牛油汁三文魚柳扒 - 真係幾大塊，煎到剛剛好，魚肉🐟唔鞋但又夠甘油香口！😛用薯蓉做個底都係好好既選擇，夠香滑，又唔會食到好漏！加埋火箭菜🥗做配菜，男女都啱食！整體食物質素都幾高，雖然係1樓舖位唔太易搵，但值得一試！🤩

今日去了沙田石門，同朋友選了一間小小的家庭式小餐廳！內面的裝修好溫馨！好多小裝飾！我們坐在窗邊的位置！有一邊的位置是坐在窗台！😓有點怕怕！好高呀！🤣😂我們兩個人點了一個日式胡麻醬德國豬肉腸意粉胡麻醬味道不太凸出，番茄的味道比較明顯！意粉軟度剛好！味道不錯！👍🏻👍🏻蒜蓉牛油汁三文魚柳配薯蓉三文魚煎得脆脆，內面軟軟的魚肉！上面的火箭菜不太新鮮😞😞下面的薯蓉好香，不過不夠滑！😏😏😏

石門兩座商業大廈百花齊放，西餐廳選擇不多，"Here We Are” 最小，亦係我的至愛。午餐有五、六欵，黑椒汁牛仔粒闊條麵，麪條Al dente，加入厚粒冬菇係神來之筆，中西合璧，有創意。當快餐店賣50蚊一碟牛腩飯的時候，小店賣60蚊，包括湯/沙律，茶/啡的一個午餐，實屬克己。侍應/廚師/店主勤快有禮，食客食得開心，定必再次光顧。“ Here We Are” 有中文名字，＂潯＂。各位發明家，幾時可以發明有香味的食評呢？熱切期待。

石門而家真係好多好嘢食！疫情蔓延我哋好耐冇行街啦...今晚去咗石門搵食😋舖名叫Here we are😃佢哋好似cafe咁，飲吓嘢西式餐牌...重點係小店梗係支持吓啦😉🌹 Rose Latte☕️ 淡淡玫瑰味配厚身奶泡🤩好滿足呀！🍑Peach Tea蜜桃味夠，份量十足！日式胡麻醬德國🇩🇪豬肉腸意粉🍝$68，好食好味又抵食，意粉炒得好夠火候，絕非白烚交行貨！豬肉腸好好味唔油膩，又唔韌！個汁簡直離地🤭濃濃茄香開胃之選😋😋香煎羊架配牛肝菌汁$178，廚師推介👍🏽羊架肥肉比例恰當，我最like個汁...菌味濃郁又唔咸，如果配埋飯就perfect🤩🤩

去咗石門附近搵嘢食 見到呢間餐廳小店格局睇埋個餐牌 係食西餐 選擇都好多 就入咗去員工態度幾好有禮貌 座位唔多但係都好舒適-🥫甘筍忌廉湯忌廉湯好滑 真係會令到人飲完一啖又一啖 停唔到配上甘筍香甜嘅味道 令到唔鍾意飲湯嘅我都清哂-🍳全日早餐呢個全日早餐同正常嘅分量差唔多係有一個牛角包 沙律 炒什菇 炒蛋 煙肉腸仔 薯蓉但我就覺得呢間做嘅煙肉同腸比較出色 煎得好香 仲要腸仔咬落係有肉汁 好好味炒什菇食得出有用黑椒炒過 亦都好好味覺得呢間餐廳嘅煎炒食物做得唔錯-🍝煙三文魚忌廉白汁意粉意粉真係煮得好出色 軟硬度啱啱好 偏硬身個忌廉白汁濃度適中 唔會太油膩 調校得好好不過三文魚份量就比較少同埋比較碎-☕Hazelnut Milk Tea榛子奶茶我係第一次飲 第一啖飲就係覺得榛子味好出但反而奶茶味就比較淡 如果鍾意榛子嘅話不妨一試☕Americano主菜出色 咖啡就比較普通 同出面餐廳差唔多不過勝在份量夠多 超級大杯 所以價錢略貴

真係真係好耐無出街食飯 今晚終於沖出屋企 雖然係咁 我地都係食間近近地吧眾所周知 石門都算係多野食既一個地方而我地簡左”Here we are” 全因為有all day breakfast 舖位唔算大 有窗台位坐 幾得意總共叫左3樣野牛肉漢堡配薯條真心 好食 先講外形 好大份 一定飽飽漢堡外層有先煎脆 內層柔軟 牛堡juicy juicy真係有滴汁的 再加醬汁 正 你唔會覺得乾憎憎(我最怕) 薯條呢？！就正正常常雞翼請原諒我 唔記得叫咩名 味道我就好記得 新鮮炸雞翼雞翼表面有一層薄薄鹹蛋粉 唔會太鹹之餘仲好香好脆口 又係juicy juicy肉 切半雞翼 方便進食 唔夠喉煙三文魚卡邦尼意粉唔好睇碟細細 份量真係好多好多 帶點點creamy 煙三文魚砌成花花啲餐滿足 小店都可以做得出色👍🏻最後 我地居然無叫all day breakfast 🙃

今日同朋友去咗石門附近搵嘢食見到呢間餐廳小店格局，但入面坐滿人睇埋門口個餐牌，原來係食西餐覺得都幾吸引於是就入咗去食餐湯：雜菜湯，呢個雜菜湯超豐富，入面有各種嘅雜菜，味道酸酸甜甜，好好味炸魚薯條：啱啱炸起上枱，薯條係粗身嘅薯條，熱辣辣好香口，仲有兩條炸魚柳條 ，又係超香脆，入面啲魚肉都幾嫩滑煙三文魚忌廉白汁意粉：首先佢意粉真係煮得好出色，軟硬度啱啱好，佢呢個忌廉白汁濃度適中，食落唔會油膩日式胡麻醬德國豬肉腸意粉：呢個超驚喜, 意粉同樣煮得出色，佢呢隻汁調校得好正，胡麻醬同鮮茄味融合得好好，值得推薦呢間真係一間充滿驚喜嘅小店，因為佢嘅意粉煮得實在太出色

心血來潮好想食burger...所以就上網搵之後發現呢間小店，於是入去一試鋪內位置唔太多，2張四人高枱位另外4張四人枱，不過今日平日日子都唔需要等位，都坐得舒服、闊落食物order後大概15至20分鐘左右到我哋2個人嗌咗一份burger、一個黑松露闊面配大菇，以及一杯凍mocha...比較驚喜係burger ，份量充足又夠脆而且肉質滑身好食，所以食唒。闊面同mocha就比較一般，同出面餐廳不相伯仲。 所以比較上嚟，價錢以同區小店嚟講，略貴咗啲。如果能夠調整一下定價，會更為吸引客人，而且飲品加$15...都貴咗少少！ 除咗食物、價錢，員工態度殷勤又有禮貌，都值得嘉許。所以下次lunch or tea時段會再去一次，應該會抵食啲

這家店在石門馬鐵旁邊，東西都很精緻～小小的店面，很人性化貼心貼心的🔸 香煎🐷鞍配核桃醬肉質很嫩，配菜很多，搭著肉一起吃比較不會膩～旁邊的核桃醬很特別，我居然把醬吃光光🔸韓式辣醬單骨雞翼🌶️很客制化，因為我們有人不能吃辣，所以廚師特地幫我們弄了一半辣一半不辣～單骨雞翼，吃的超方便，我很喜歡上面還附有洋蔥～💲 大約HKD150@人🏡沙田石門安京瑞廣場1期1樓150號舖🕟打電話預定比較好69077483，畢竟是小店