潯 (已結業)

呢日踩完單車，經過石門，諗唔到食咩，行下行下行左黎京瑞廣場既二樓，見到呢間鋪頭係呢個情況下都有D人氣，於是就入去試下∼ 見到就黎到情人節，呢間餐廳都出左D情人節套餐優惠∼都唔算貴嫁∼ 我地今晚就叫左個牛肉burger 加湯，同埋叫左個炸魚餃，野飲就叫左Cappucino~ 個湯係甘荀湯∼仲跟蒜蓉包添~ 估唔到咁街坊既商場都有咁好食既西餐∼∼ 牛肉burger就夠哂大大份！又配上薯條∼個burger夠哂Juicy,又配上大大塊生菜同蕃茄，完全唔姑寒！ 炸魚餃都做得好出色，都算好多肉同好大塊！ 炸完之後d魚質地唔會話太老∼ 仲有跟沙律同蕃茄醬∼成件事食完唔會太邪惡haha Cappuccino亦都好好飲，唔會話有d酸味！ 下次要再黎幫襯小店！