潯 (已結業)

今日同老公一齊食lunch，路經石門見到呢間新小店，環境乾淨清潔，菜式亦都好似唔錯，就決定入去試一試啦🤔🤔🤔適逢lunch時間餐牌，都有唔少嘅選擇原來鋪頭啱啱只係開咗一個星期，仲係試業階段老公揀咗焗肉醬闊條麵我就細食啲，食鱸魚加黑松露薯蓉午餐配有沙律或者餐湯分別係煙三文魚沙律同埋洋蔥忌廉湯因為太肚餓啦，沙律同餐湯嚟到嘅時候，我哋三扒兩撥已經飲完食完...講返少少評語啦洋蔥湯有好重嘅洋蔥味，忌廉湯底唔算好濃，整體來講唔會好膩沙律方面，三文魚唔算少，沙律菜亦都好新鮮焗肉醬闊條麵先嚟到，熱辣辣而且上面有好香嘅芝士，以新鮮蕃茄配適量肉碎，闊條麵可以適量地掛汁，麵身口感亦軟硬適中😝😝跟住鱸魚嚟到喇😍😍魚皮煎得好香脆切開魚肉嫩滑多汁，好好味薯蓉做得好細滑，配以黑松露更加香噴噴加上火箭菜伴碟，淋上適量橄欖油，好香呀！餐飲我揀咗柚子蜜，濃濃嘅柚子味但唔太甜作為呢一餐完美嘅結尾🥰🥰希望呢間小店繼續保持水準聽老闆講遲啲佢仲會加多少少甜品類下次再去嘅時候希望試到啦🥳🥳