潯 (已結業)

今日放假同屋企人到位於屋企附近既京瑞廣場行街 石門出名多高質餐廳😍之後到左夜晚想食晚餐時就試左呢間Cafe 今次我同屋企人點左兩個main corse 分別有蒜香白酒蜆肉意粉同埋M3香煎西班牙豬安鞍伴核桃醬蒜香白酒蜆肉意粉用上左非常新鮮嘅大蜆 蜆肉爽口彈牙鮮甜 最欣賞係蜆肉清洗得乾淨唔會有沙 意粉亦都煮得岩岩好有咬口 每條意粉都充滿香濃既蒜香同埋橄欖油香味 仲食到粒粒蒜蓉粒 而且蜆肉既味道亦都滲透起意粉入面 值得一試！M3香煎西班牙豬鞍伴核桃醬 香煎豬鞍扒充滿油香味厚身 肉質嫩滑每一啖都非常juicy 而且一切開好驚吉係好靚既粉紅色 豬鞍扒既油香味完全令人食唔停口 最特別係配上左核桃醬 出面比較少見估唔到原來好夾 核桃醬既清新會減輕左豬鞍扒既油膩感 真係超級推介！

⭐️潯⭐️ ➡️沙田石門安群街3號京瑞廣場1期1樓150號舖 🎀食物: 4/5🎀環境: 4/5🎀服務: 4/5石門一向臥虎藏龍，仔細探索可找到很多高質小店。因有朋友住附近，所以我常常來用餐，這次又發掘到好店推介給大家😎 ▪️All day breakfast 食材豐富，有德國豬肉腸、牛奶炒滑蛋、薯餅、炒菇、茄汁豆、煙肉及沙律菜。🤩 份量不少，吃完覺得非常飽！牛奶炒滑蛋超級有驚喜，入口滑之餘，還吃得岀牛奶香，非常有水準👍🏻 薯餅脆口而不油膩😋下次有機會再來嚐嚐其他意粉及漢堡😋

自從屯馬線一期通車以後，往返新界東也方便得多， 今次就去了石門站下車周圍逛逛。 港鐵站旁的 京瑞中心 係寫字樓大廈 ， 但原來內裏也有不少小店進駐， 今次就光顧了小店潯，here we are。 小店著實不大， 大概可供十來人一起進餐， 但好彩小店有落地大玻璃， 陽光射進來，也使 用膳環境很pleasant. 週五下午時分來到， 還有午餐。午餐配沙律或湯與及餐飲。 是日餐湯:粟米濃湯 ＆鴨胸沙律，沙律菜新鮮爽口， 配搭自家調味的醬汁， 清新怡人。 粟米濃湯入面有粒粒粟米， 有咬口， 味道香而有層次。 蒜香白酒蜆肉意粉 香氣撲鼻！意粉送到埋枱嘅時候，滿滿都是 蒜香和白酒味道，胃部完全被 籠絡。蜆無沙而有淡淡海水味, 用小小白酒煮一陣就已經夠哂味! 清清地但鮮味十足，意粉 有咬口而不會太林 ，簡單的用鹽和黑椒調味已經 perfect. 慢煮豬鞍扒配薯蓉 慢煮豬鞍扒有驚喜! 果然好夠淋， 而且豬鞍已熟仍保持粉紅色, 慢煮完後再煎 仍然嫩滑可口, 鬆軟多汁。薯蓉不單香滑， 因為裏頭也放了粒粒薯仔， 有咬口亦都有薯仔的香。 另外不得不提的是店家自己調配的醬汁，酸酸甜甜而帶一點辣，帶來

一直都知道石門多小店，每次都希望試新野，因為總是覺得小店好有❤️，今日黎到京端一期1樓呢間食簡單西餐既「潯 Here We are」，雖然細細間鋪頭，但五臟俱全，一個簡單吧枱，幾張細枱仔。一入門口要量體溫，消毒雙手☺️ 大家都安全d 🙈 餐牌選擇都算多，有10幾種Dinner Set , 每個晚餐都會送埋是日例湯，今晚例湯係蕃茄濃湯，飲落啖啖香濃蕃茄蓉，應該仲加左牛奶打茄湯，好滑身👍🏻 以餐湯黎講真係幾唔錯，起碼飲得出用心煲❤️🥢蟹肉蟹膏燴飯$168本來想擇Burger 食，但見到蟹膏蟹肉又好想食，果然無令我失望，淡淡飯香都有蟹既濃味，加埋洋蔥煮既白醬意大利飯，軟硬適中，唔會係超硬個種，蟹膏香濃味同飯好夾 👍🏻👍🏻🥢大蝦彩椒鮮茄辣汁意粉$98意粉種類都有幾款，但蕃茄控既我一心想食蕃茄意粉😂 大蝦真心幾大隻，仲有3大隻，已經去左蝦腸，而且蝦係用茄汁爆香過，好入味☺️ 另外辣汁意粉🍝唔會話超辣，佢係辣加茄味，所以係甜甜酸酸咁，幾開胃同特別✅見到隔離兩台都叫All day breakfast 🤣好豐富咁🙈 下次早d黎食，咁就成日唔使食野❤️

又到收工嘅時候餵食兵團又出動😆就係同老公仔去食晚餐啦🤤今次又來到有美食天堂之稱嘅石門港鐵站旁邊嘅嘅京瑞廣場食嘢🎉上次嚟呢度食飯嘅時候，經過呢間『潯』餐廳今日一於嚟試一試🥰職員介紹咗今日嘅餐湯係忌廉蘑菇湯，一上枱已經聞到有震震嘅香氣，原來係加咗黑松露油啊，唔怪得知咁香啦，蘑菇湯充滿香濃嘅蘑菇味🍄仲非常Creamy超級好飲😋餐湯當然要配上蒜蓉多士，燶燶哋又夠脆口啱晒我口味👍🏻見到餐牌上有一字雞翼當然要試吓啦，味道方面就叫咗咸蛋一字雞翼，外層炸到脆卜卜，外層沾上了鹹香嘅鹹蛋黃味，好食到唔停口🤤主食我哋叫咗黑松露雜菌忌廉汁闊條麵伴香煎大啡菇🍄大啡菇好大隻，口感嫩滑，闊條麵口感煙韌，配上雜菌和忌廉汁，口感好有層次👍🏻我哋仲叫咗煙三文魚卡邦尼意粉🍝煙三文魚充滿鹹香鮮味，意粉口感爽口彈牙，配埋煙肉🥓蘑菇🍄洋蔥🧅和忌廉汁一齊食，非常好食😋飲品我哋叫咗水蜜桃紅茶🍑同埋榛子奶茶🌰水蜜桃紅茶🍑充滿香濃水蜜桃味😆榛子奶茶🌰充滿香濃榛子味🌰茶底好香👍🏻餐廳裝修簡單精緻😻座位闊落冇壓迫感，7點幾嚟食嘢已經坐爆曬😆餐牌仲有好多選擇，下次要再嚟試吓😻呢度嘅食物好好食和份量好多，價錢都好合理，大家有機會都嚟試吓啦😘

今日唔想去咁遠就去石門附近揾間餐廳静静地食下野。肺炎d 人少左出街，唔駛排隊就宵有得食~揾左間here we are, 食左個all day breakfast同意粉。。。。。。1沙田好像唔係好多地方有all day breakfast,,如果大家想試可以來下呢到試下像cafe仔，有意粉有飯。不過款式唔算話好多，但係石門來講選係一個新d的選擇。價錢唔算貴。。。。。。呢個商場都幾多野食。下次可以再來揾下其他唔同的野食

石門愈開愈多 多咗好多高質自家經營小店今晚見呢間小店以黑色為主調 晚餐單點唔算太貴 性價比高！.日式胡麻醬徳國豬肉腸意粉 $68 配朱古力意粉有驚喜！意粉略略炒過 口感較乾身但十分掛汁 鮮甜茄味濃郁好香 但胡麻醬味道較淡德國豬肉腸輕輕煎過 好香啊 係豬肉餡 味精味道唔係好濃飲品叫左朱古力 質素中上 全日早餐 $98好豐富啊！配料有薯餅、牛角包🥐、炒蛋、香草磨菇、煙肉、徳國豬肉腸、蕃茄豆薯餅好似用氣炸鍋炸 完全唔油 而且好脆口 好好味炸蛋有淡淡牛奶味 口感幾滑啊徳國豬肉腸幾高質啊 豬肉餡輕輕煎過 好香飲品叫白桃紅茶 唔算太甜 味道剛剛好！.Here We Are沙田石門安群街3號京瑞廣場1期1樓150號舖

嗶嗶嗶，又是京瑞廣場的報導，非常多餐廳在京瑞開業，其中一家叫潯，這天午餐就到了這邊吃這家餐廳沒有特色的裝潢，不過就坐得很舒適，我選了個邊邊的位置，邊望著大街邊吃食物：簡單點了一份全日早餐All day breakfast $98除了茄汁豆之外，牛油炒滑蛋，紐倫堡腸，牛角包，煙肉，薯餅，非常豐富！那個滑蛋帶點牛油香，滑溜細膩，十分值得一讚，配上牛角包簡直是絕配。薯餅也是值得一提的爽脆，而爽脆的煙肉加上沙律菜，營養非常平衡註：店家有提供鹽跟黑胡椒，可以取用伯爵茶茶香普通，但還算清而不澀，不過不失

京瑞一樓的小店，意粉好好食。晚市的餐牌，價錢六十幾蚊起，都幾合理。第一次食，當然由最平的開始試。日式胡麻醬德國豬肉腸意粉 $68隔住口罩都聞到香味，即時留口水。胡麻醬味唔濃，反而食到鮮甜茄味。成功之處係每條意粉都索曬味，唔會汁還汁，粉還粉咁。大愛。切成一片片的德國豬肉腸，略略炒過，幾惹味。煙三文魚卡邦尼意粉 $68最愛欣賞三文魚玫瑰花，影返張先啦。煙三文魚大大片，口感一流，都幾重本，CP 高。卡邦尼 cream 汁亦滲入意粉內，好好味。慢煮法式鴨胸 $78肥美鴨胸兩件，外皮燒得好香，暖暖地鴨味香濃。配上法式汁，fusion 感覺強。近窗的高枱，都幾舒服

京瑞呢兩個商場不嬲都多嘢食，而且又有啲小店食吓咁。食厭咗大路餐廳嘅話過嚟食吓都幾多選擇。今日就嚟咗呢間潯度試吓。雖然已經係夜晚，但都無阻我地想食All day breakfast 嘅決心。不過呢個all day breakfast就好普通，唔值$98咁貴。牛角包偏唔新鮮，炒蛋、腸、蘑菇、薯條呢啲都係正常發揮，感覺好似全部炒埋一碟咁。另外，我地仲叫咗呢個日式胡麻醬德國豬肉腸意粉。比起all day breakfast, 呢個就抵叫好多啦。胡麻醬意粉食落味道又幾ok幾開胃，欣賞佢地呢一份創意。而且雖然好基本，但都不得不提佢地好能夠掌握意粉嘅軟硬度！好耐無食過啲意粉係煮得岩岩好唔太林身啦。加多$10仲會有個跟餐嘅羅宋湯，感受到餐廳有心整呢個湯，都係$10就加到，好值得加

石門呢到有唔少餐廳，今日就同個fd就搵左間cafe食all day breakfast餐應唔算大，但坐得好舒服，設計都好文青黎到就係為左食all day breakfast，梗係即刻叫返個啦！呢個好足料呀，鋪到成個碟滿哂我覺得最正係個條腸🤣🤣唔係廚師腸個d頹野，當然個蛋都好滑好正如果可以加d鹽同黑椒就更加perfect另外我地仲叫左個意粉！呢個意粉好特別，食落甜甜地，好惹味呀！個麵質偏硬，係我最鍾意既口感，因為我最怕就係食到淋哂既意粉加埋d腸同蕃茄仔就梗加好味跟餐加左個湯，係羅宋湯，少少酸勁開胃野飲叫左杯green tea latte同埋熱朱古力，唔錯！不過如果杯latte可以濃味多少少就再好味d兩個人都係食左$200到咋，超抵

武漢肺炎疫情持續在全球蔓延，所以近來就算出門也不會走太遠，這晚就近近地在沙田石門京瑞廣場的潯Here We Are吃晚餐。小店面積不大，座位不多，裝修簡單。價錢走平民路線，一客意粉最平也只不過是 $68，不收加一服務費。韓式辣醬單骨雞翼 $58雞翼表皮炸得香脆不油膩，沾上韓式辣醬，微辣得來帶有獨特的酸甜風味。一咬開肉質嫩滑，肉汁豐富，而且切成單骨雞翼，食時更方便。自家製手打牛肉漢堡配薯條 $108最傳統的基本款漢堡包，夾著各種爽脆生菜、新鮮番茄片、炒洋蔥和漢堡牛肉扒，層層疊起後確實是一口無法掌握。包身烘焙出外層輕脆的口感，麵包佈滿芝麻粒，麻香四溢。手打牛肉漢堡扒口感扎實爽彈，保留著飽滿肉汁，牛味濃郁，入口已是肉香四溢。厚切薯條炸得外脆內軟，不會過於油膩，完全吃到停不了口！煙三文魚卡邦尼意粉 $68醬汁調較得香滑濃稠，讓意粉入口更奶滑。煙三文魚色澤鮮豔，脂肪條紋清楚利落，魚肉鮮美而有彈性。意粉煮出Al dente輕微韌度的口感，軟硬適中，每一根都掛上濃滑的奶香。

今日去第一城搵朋友， 朋友話第一城已經食到悶，帶我去行幾步路石門嗰邊搵小店食。 原來石門有個咁嘅商場， 入面有非常多嘅細舖頭仔， 都係香港人開嘅良心小店。 我哋行行下見到呢間都幾別緻， 於是試下。室內嘅裝修 以小店嚟講真係幾典雅， 好有家居風格， 坐咗喺度同朋友傾兩個鐘計都覺得好舒服店員都好注重衛生， 全部有戴口罩， 一坐低即刻畀咗兩個信封我哋， 用嚟裝口罩， 照顧周到首先上枱係兩個薯仔洋蔥湯， 師傅將薯仔整碎， 溶咗落啲湯度， 啖啖都好滑， 好有心機 令到湯嘅味道更有層次另外我都好鍾意佢呢個胡麻醬德國豬肉腸意粉， 雖然話意粉算係易煮嘅嘢，難度就係醬汁嘅調味， 胡麻醬之外仲加咗其他他醬料， 酸酸甜甜， 日式醬汁配西式腸仔， 又意外地夾， 上碟仲整得好靚最令我滿意嘅係呢個 手打牛肉漢堡， 牛肉漢堡煎得好香， 同時入面保留好多肉汁， 再加埋肥瘦均勻， 滑得嚟唔會好油膩， 更唔會好似快餐店漢堡咁硬柴柴， 足見廚師嘅工藝。雖然已經夜晚， 但係我都忍唔住叫咗杯cappuccino， 大大杯， 仲有好厚嘅泡泡， 飲完充滿返體力。重點係舖頭非常之有良心， 店員又好有禮貌 ，真香港人小店 應該要多多支

第一城旁邊嘅石門，自從多咗住宅之後，京瑞廣場亦都多咗好多和式各樣嘅食肆，今日就過咗去食午餐。雖然係星期日，無咗一班上班族，但好多食肆都有營業。今日就去咗1期1樓嘅潯食午餐。星期日嘅午市，餐廳都仲有推出set lunch，價格仲要好好添。當然，除咗set，餐廳亦有提供menu俾大家選擇。 我今日就分別點咗All-Day Breakfast 同埋午市嘅慢煮豬鞍扒配薯蓉。All-Day Breakfast 包含嘅食物其實都幾多，只要一試，就知道餐廳由食材，以致烹調方面有花心思去烹調同經營。All-Day Breakfast嘅煙肉嫩滑唔硬，肉腸嘅選擇亦都好好，蛋亦好香好滑。整體來講整個All-Day Breakfast都非常滿意。到咗重點嘅慢煮豬鞍扒配薯蓉，豬鞍扒嘅size同厚度，加埋慢煮嘅烹調方式，仲要係假日，依個價錢可以話係相當之咁抵食。豬鞍扒煮得剛剛好，肉質鮮嫩。醬汁好特別，帶有微微嘅辣味，同豬鞍扒、配菜嘅薯落好夾。餐廳唔係好大，座位唔係好多，幸好佢哋可以提供外賣自取。

石門小店尋寶之Here We Are一期商場一樓的西餐小店，店內佈置精緻簡約，窗邊的高桌適合朋友傾計散心，設置很有格調。今日收工後來吃個晚餐和飲下野放鬆下，晚上商場人流比之前少左好多。有我最愛既ALL DAY BREAKFAST同埋咖啡，見到好吸引呢店內的環境都幾舒服，可以坐窗邊的位，比較RELAX及隨意~好多唔同的選擇之中，今晚我地選了ALL DAY BREAKFAST 同日式胡麻醬醬徳國豬肉腸意粉，仲有蕃茄忌簾湯呢~個湯好真材實料，有濃的蕃茄同薯仔味~登登，我的ALL DAY BREAKFAST$98 到了~~~好豐富呀~~~最愛脆薯餅，因為真係好耐冇食了~值得一提既係呢個炒蛋真係好香，個牛奶味好濃，入口就食到了~超滑!!!日式胡麻醬醬徳國豬肉腸意粉 $68，呢個味甜甜的好特別，個汁唔係一般普通的汁，調得幾獨特!份量真係都好多下，食到好飽呢~!!!!來到CAFE一定要飲咖啡，呢個CARAMEL Macchiato $30 acchiato $30 個花拉得都唔錯，味道如果再多D咖啡味仲會好D~家下好多人都唔出來食飯，小店都一定好難捱，希望多D人可以快D出來食野, 支持本土經濟LA