潯 (已結業)

見疫情緩和返啲，而且天氣唔錯，所以就諗住出去食返個branch啦！見到門口啲畫咁靚，所以就忍唔住入去試吓啦！呢度假期都有午市套餐，大約五十零蚊左右 ，有湯有main course仲有飲品，價錢唔算貴！不過由於見到呢度招牌係食all day breakfast , 所以我都叫咗一個試吓！材料超級豐富，有炒蛋、腸仔、蘑菇、茄汁豆、沙律菜同埋薯餅！我個人最鍾意佢塊薯餅，熱辣辣得嚟，仲又香又脆😌配埋杯rose latte， 絕對係一個寫意既午餐😎男朋友想食飯，所以就叫咗個泰式冬陰功雞扒飯！ 雞扒大大塊，配埋個冬陰功Sauce, 辣得嚟微微帶酸，而且仲帶啲香茅味，好鬼惹味😍成餐飯大家都食得好滿足，滿意！

朋友住石門，我就入咗去搵佢。第一次嚟到石門，就搵咗一間地方唔算大但係環境都唔錯嘅餐廳。裝修簡簡單單但係我好鍾意，坐喺度同朋友傾偈都好舒服。我同朋友叫咗個飯同埋一個意粉share。佢有個餐湯，蕃茄味較濃，有D似蔬菜湯，比平時飲既羅宋湯別有一番風味。呢個大蝦彩椒鮮茄辣汁意粉賣相好靚，佢幫我哋剪咗蝦殼中間，所以d蝦食起嚟都好方便。我唔係好食得辣，但係佢依個辣係小辣，加上啲意粉煮得好煙韌，蝦嘅份量都好多，所以好好食。朋友嗌左個冬陰功雞飯。佢啲汁都幾辣下，食辣既朋友一定好鍾意。佢有成隻雞比俾我哋，啖啖肉之如d雞又好滑，好正。兩個人埋單都唔使$200 ，好抵食！

京瑞有好多餐廳，今次試左呢間。呢間野雖然舖位唔太大，不過野食有驚喜。佢d菜式都幾有創意，同埋都煮得唔錯。首先黎左呢個湯。佢個顏色比較紅，雖然感覺淡左少少，但個味都幾天然，係新鮮的味道。呢個係辣汁意粉，平時冇咩機會食到。雖然佢橙橙地色，不過佢都只係少少速，夾埋d茄味都幾夾。個意粉texture幾彈牙，唔錯。佢d蝦都去左腸，所以整得都幾有心思。最後呢個係冬陰公雞脾飯。其實佢都辣辣地，鍾意食辣既朋友應該幾鍾意。雞都整得幾入味，汁撈埋d飯食落去係幾香。總括黎講，佢地都幾有創意同埋心思製作食物呢！

石門一向多美食，今日嚟Lunch, 試咗兩個set。疫情嚴峻，店員很細心的替每位客人，先量體溫。餐廳好乾淨整潔，坐得舒適。「自家制手打牛肉漢堡配薯條」Burger超厚勁足料，咬落好多肉汁好Juicy, 厚厚嘅牛肉，吃得出真係手打出來的。好好食，外層漢堡包好有口感，絕對是非一般漢堡包。「溫泉蛋肉醬闊麵」平時食肉醬意粉好少機會配溫泉蛋，今次試過，覺得好正，味道好夾，而且流心嘅蛋，每麵質更多汁，更有口感👍🏻濃郁蕃茄味，好欣賞咁簡單嘅闊麵都整得咁好食😋價錢都好大眾化，抵食，下次要再嚟試埋晚餐嘅菜式。

今日去咗石門食lunch, 知道呢度附近有好多新嘅餐廳, 去咗京瑞廣場一期一樓嗰邊食, 行咗一陣見到呢間小店覺得好有feel就入咗去試下。我哋坐緊玻璃窗位置感覺好寬敞、舒服。我點咗煙三文魚卡邦尼意粉，煙三文魚份量好足夠，捲起一個花形好靚。卡邦尼汁食落好creamy，食得出係好有質感嘅忌廉及蛋黃味，絕對係好有heart嘅卡邦尼醬。意粉食落唔會太硬，捲起同Ｄ汁一齊食入口好配。另外叫咗一個特別啲嘅，就係烤焗深海鱸魚配黑松露醬薯蓉，因為自己本身都好鍾意食魚但係又好怕食到雪藏魚柳嗰種味，見到呢度有深海鱸魚就一定要試下啦。因為係即整嘅緣故所以都要等一段時間，但係絕對值得等嘅，因為食落個魚皮好酥脆、魚肉好嫩滑，而且食落絕對唔會有骨，所以唔需要擔心。最特別嘅係我未食過黑松露醬薯蓉，不過一向鍾意食黑松露嘅我其實好期待。發現黑松露醬同薯蓉原來好夾，入口有黑松露香又有薯蓉實在嘅質感！俾我發現黑松露有多一種食法！整體嚟講畀到我好多驚喜，下次再嚟石門都會食！

今日又黎到石門食飯啦~~之前食過呢間西餐廳感覺非常好, 忍唔住encore呢道地方唔大, 要食就最好訂座啦~餐廳既精選菜式""餐牌簡而精~~salad, pasta, rice, main dish, brunch, snack, drink樣樣有!!全日早餐 $108份量都算幾大呀!!!有salad, 牛角包, 炒蛋, 雜菌, 茄汁豆, 煙肉同薯蓉~~最鍾意個牛角包, 超脆, 外脆內軟, 勁好味!!其他種類都好好味呢~~想食多款式食物既揀all day breakfast岩晒啦!!大蝦彩椒鮮茄辣汁意粉 $983隻大蝦好吸精丫!!!大大隻呢~~大蝦爽口彈牙, 又夠鮮味鮮茄汁味道濃郁, 意粉軟硬度適中!~~

今晚係石門見完客，約埋老婆係附近食飯，呢度係有幾多特色小店係京瑞廣場既，有d似小型葵廣，咁就慢慢行下睇下有咩食喇，老婆話想食意粉，咁就見到呢間潯 Here We Are有幾多特色選擇，就決定試下我地叫左兩個意粉，兩個意粉既質感都好彈牙，幾岩食煙三文魚卡邦尼意粉好creamy,十分中意佢整既汁，煙三文魚好多舊👍🏻大蝦彩椒鮮茄辣汁意粉，個汁好特別，酸酸甜甜既，3隻大蝦爽口新鮮加10蚊跟左兩杯coffee，佢有唔同口味，咖啡味都幾香濃

今日同呀爸係石門呢個食物沙漠搵食 想食個All Day Breakfast 簡簡單單搵左間係京瑞廣場既一間細細地既西餐廳餐廳係商場既轉角位 環境相對寧靜 雖然餐廳唔大 但餐枱之間既位置都唔會好接近 黎食飯傾下計都幾自在下B2全日早餐 有牛角包,炒蛋,炒雜菇豬,肉腸,薯餅同沙律菜 而個份量方面亦好豐富 薯餅夠脆 牛角包亦夠哂軟 P3煙三文魚卡邦尼意粉 煙三文魚捲起好似朵花咁 意粉亦曬上香草 賣相幾吸引 卡邦尼意粉食落幾濃郁 意粉軟硬度適中 食物份量幾多 夠哂滿足最後仲食唔曬TIM 所有既食物質素都唔錯

今日嚟到石門，由於我個人比較喜歡小店，所以揀咗呢間‘潯Here We Are’。 店舖小小的，裝修不是很堂皇，反而是簡簡單單的，但就是有家的感覺，很舒服！我今日同朋友兩個人，叫咗‘蕃茄濃湯’，‘煙三文魚卡邦尼意粉‘ 和 ‘素食早餐’。首先，蕃茄湯味道很濃，酸度剛好。素食早餐啱晒我呢d鍾意食All day breakfast ，又鍾意食素嘅朋友，薯餅好脆，班戟鬆軟，大菇同蔬菜都很新鮮，好美味。至於，煙三文卡邦尼意粉，三文魚擺設到就像一朵玫瑰花一樣美，意大利粉的軟硬度方面，我個人比較喜歡偏硬身的，而他所做的，正正就是我所喜歡的軟硬度，偏硬身的，不是很軟淋那種，我真的很喜歡！讚！下次必定會再來！

上個禮拜為左確保4日紅假可以乖乖留家抗疫 所以假期前一晚 我同小胖男友出去食返個久違既西餐 黎個"speed dating"先去左石門一間乾淨企理既小店 係限制令下安心地撐枱腳煙三文魚卡邦尼意粉 $88厚厚既煙三文魚玫瑰 賣相吸引意粉既軟硬適中 份量都唔少而carbonara sauce既質地creamy 唔會太杰身 正合小妹心意M6手打牛肉漢堡配薯條 $118Burger用左非常親切既港式芝麻包做包底 烘得好脆內裡塊M6手打牛肉佈滿芝士 吸左蕃茄既精華加埋醬汁 味道有驚喜小店無加一收費 食飽飽 2個人都係$200左右 幾抵食

呢排好少出街食飯,突然好想食cafe, 所以去左石門搵食呢間cafe鋪面唔大, 一眼睇晒,佢既廚房係開放式, 除左可以突顯空間感之外, 仲比到食客衛生既信心。同朋友分別叫左all day breakfast 同smoked salmon carbonara spaghetti all day breakfast絕對係一間cafe既試金石, 呢個all day breakfast有德國腸,炒蛋,煙肉,茄汁豆,蘑菇, 沙律菜同牛角包,越簡單既食物就越難做得好。而潯here we are 呢間cafe係絕對值得一試,尤其係條德國腸,夠晒肉味,口感扎實。另外個smoked salmon carbonara spaghetti份量比想像多,有4片smoked salmon, 味道唔會太咸,而佢既意粉煮得爽口,唔會好似平時食開咁淋。最後餐飲點左焦糖奶茶,因為未試過, 味道有新鮮感,明顯飲到焦糖味,而茶味唔太濃。朋友就叫左green tea latte, 佢表示一流。

入到西餐廳揀咗個high table 去食， 採光好，心情靚靚，食個lunch， 疫情關係，餐廳今日唔係太多客人，餐廳內幾位店員非常有禮，細心，會同客人解釋下咩體質既人適合咩飲品，送上sweet溫馨提示。泰式冬陰功雞髀飯68元 送熱咖啡非常有趣嘅配搭，雞髀控既我，食咁多次雞髀都係食開，瑞士汁雞髀 ，炸雞髀為最出名，最典型，估唔到餐廳咁有創意，自創左呢個嘅泰式冬陰功，想像唔到原來冬陰功雞髀配搭好夾， 食完之後食兩片青瓜，清埋口氣， 配白飯好食。送了羅宋湯，特濃湯底，配搭香草，正。全日早餐 108元 送熱奶茶唔想食得太飽可以簡單食個西式all day breakfast， 食物材料多，份量精緻。估唔到最吸引我既係特級香口鬆脆牛角包，另有珍寶腸，沙律菜，薯餅，茄汁焗豆。

💛💛黃店💛💛呢間位於石門的西餐廳，沙田友一定要支持呀👍🏻👍🏻👍🏻石門其實好多好食小店，要慢慢發堀先知。今次就比我發現到呢間小店，介紹比大家。堂食位置不多，但可以選擇返外賣自取,仲會有9折架🧡All Day Breakfast $108食材豐富，有牛角包🥐德國牛仔腸、煙肉、牛乳炒滑蛋、薯餅、炒菇、茄汁豆和沙律菜，我就超鍾意食佢的薯餅，熱辣辣又脆身，食完唔會成口油，好彩有2塊炸，唔係一定唔夠喉😂😂😂另外炒菇都好入味🧡煙三文魚卡邦尼意粉 $88好少餐廳煮的卡邦尼意粉會再額外加煙三文魚，所以幾特別，唔會太單調，比較豐富 👍🏻👍🏻👍🏻整體味道不錯

疫症下，真係好少出街食野，見近排個案減少了，所以中午出去鬆一鬆，近近地馬鐵搭一個站到石門搵下野食。問小公主話想食意粉，所以簡左「潯 Here We Are」，支持下小店，lunch set有6款。我地叫左2個意粉及1個小食。Lunch Set包是日餐湯或鴨胸沙律及餐飲。鮮茄肉醬闊條麵 $58上枱時仍熱辣辣，用新鮮番茄配肉碎，面還放了些香草，肉碎量適中，肉醬掛到闊條麵，不會覺得好乾，闊條麵軟硬都適中，份量適合女士。卡邦尼意粉 $58卡邦尼意粉軟硬ok，醬汁不是太濃及不是杰身，所以不會覺得油膩。白酒煮大蜆 $88個汁用蒜粒洋蔥炒過，調味調得幾好，蜆量亦很多，每隻蜆都沾有汁，會食唔停。

石門越來越多食店，而且比較少連鎖式，今日經過呢度又可以嚟尋寶！今日想chill下，決定揀間Cafe嚟試！☺️Here We Are! 呢間cafe舖頭雖然唔大，但係食品飲品選擇都唔少，我哋揀咗個窗口位坐仲可以望到出面嘅風景。All Day Breakfast全日早餐首先當然要嗌返個all day breakfast賣相超靚，而且超大份！有勁多材料: 有沙律菜，兩塊薯餅，牛角包，滑蛋，蘑菇，腸仔，茄汁豆同埋bacon！比起出面嘅all day breakfast更足料！味道方面，滑蛋好香牛油味而且好大份亦都好香滑，配落牛角包食都唔錯。薯餅一樣出色，好香脆。沙律菜新鮮，再加上有其他配菜，非常豐富。煙三文魚卡邦尼意粉+蕃茄湯套餐蕃茄味好濃，而且食到新鮮嘅蕃茄蓉，唔會似出面溝粉個種，好味而且味道開胃👍🏻煙三文魚份量超多！搭到好高，賣相唔錯！醬汁亦都調得好好，香滑嘅忌廉配上煙肉，仲有香蒜味，煙肉份量都唔少，所以口感好好。意粉彈牙唔會太腍或太硬，整體來講呢個carbonara非常唔錯！Overall來講呢間隱世Cafe食物質素唔錯，沙田區來講Cafe選擇唔多，今日又發現多個新地方，得閒嚟呢度坐下ch