潮洲滷 (已結業)

喺灣仔出席完活動, 去我喜愛的潮州滷水店買外賣返屋企同媽媽撐枱腳! 食潮州滷水嘢好怕 order 豆腐, 一般嚟講都係酸左既, 但係呢間唔同, 無變酸! 豆腐好實淨, 好有豆味, 坊間少見! 鵝片 ~ 我唔係好識食多骨既嘢, 啖啖肉比較對我胃口! 鵝肉結實而軟滑, 有鵝肉味, 唔沾醬汁都好夠味 (我平常係唔喜愛沾醬的) ! 不過呢排天氣熱個人無乜胃口, 沾少許醋反而更開胃, 仲解油膩感! 腎片 ~ 厚切, 好有口感但係唔會硬, 滷得好入味! 肝 ~ 同樣厚切, 中間部份質感軟滑, 雖未至於入口即化, 但係都唔會好實好硬! 反而頭尾邊位就有少少過火!註: 除左午餐, 我好少一間食肆會幫襯多過一次, 證明佢真係幾好食! 

最近成日落雨 食晏就係附近買飯盒返公司食 禁岩見到呢間潮洲滷 細細間幾乾淨 而且滷味好似不錯 飯盒亦只係HK$40-HK$78 仲送埋野飲 好吸引！我地叫左：1. 滷水豬手飯2. 滷水掌翼飯3. 雜錦飯 4. 滷水鵝片拼豬耳店員服務態度好好 推薦我地食乜同教我地點食 抵讚👍🏻返去打開飯盒都好驚訝 因為每盒都放滿晒餸 味道仲幾好 滷味好入味 點佢配埋嘅醋同埋滷水汁 無平時滷水嗰種油膩感 成個飯食晒 推薦鵝肶 鵝翼同埋豬手 正食呀👍🏻👍🏻

前幾日經過灣仔已經見到好多人排隊買飯食，不過咁岩約左人未有上前查看。今日Lunch決定去試一試佢「潮洲滷」。滷水店一盆盆的，有鵝、腎、豆腐、大腸、豬手等等...見到都流口水了。睇番menu，滷水飯多數價錢為$40-$50(價錢都不算貴)，但細心一睇，原來有一款優惠飯餐只係$24。原隻雞脾飯（連飲品） - $24 係灣仔$24食到個飯都絕無僅有，呢次仲要係原隻雞髀飯，仲送包檸檬茶，真係幾抵食，怪不得咁多人排隊購買。重點係雞脾肉質都幾嫩滑。真是食過番尋味，忍唔住放工再去買滷水回家同家人一齊再食。今次買了滷水鵝、滷水豬耳、滷水豬大腸、滷水鵝腎和滷水蛋。鹵水鵝腎 ($16/隻)鹵水鵝腎食落爽口有嚼口，鹵水味道濃郁。鹵水豬耳 [$20/隻(中)]豬耳爽脆彈牙，加點醬汁更開胃。鹵水雞蛋 ($10/兩隻)雞蛋滲滿陣陣的滷水味，但食起來又不會有太咸的感覺。滷水鵝 ($127/斤)滷水鵝切得厚薄適中。而肉質亦肥瘦適中，滷水味香濃而不膩，但也沒有蓋過鵝肉本身的味道。鹵水豬大腸 ($18)食豬大腸好味之餘，最緊要乾淨，見到大腸內都相當乾淨，都有信心進食。豬大腸有咬口且不算太算肥膩，鹵水味濃郁，亦沒有任何異味

今日早放，就決定買啲滷水返屋企孝敬家人。見灣仔呢檔潮州滷咁好生意，又有咁多明星相，應該食得過，就決定係呢度買。一場黎到梗係買多啲返去慢慢食。唔知叫乜，又想每樣要啲，就同老闆講左個數$250，等老闆發辦，斬啲好野比我啦。最尾要左兩大盒，分別有滷雞、滷鴨、豆腐、紅腸、鴨腎、雞腎、雞腎、鵝腸、滷水蛋、豬耳。超夠份量，攞上手都夠曬重。番到屋企，家人都大讚好好食，滷汁夠曬濃，又入味。雞鴨都係超多肉，唔係淨係得骨架。肉質都仲係好嫩滑！一次過可以食到咁多款滷水，大家都好開心。

朝早係灣仔做完野，就順便係度買埋個飯番公司食。行到石水渠街，見到呢間排曬隊既潮州滷水店，咁啱又好耐無食滷水野，就決定試下。呢度只做外賣，望住餐牌唔知叫乜好，聽到呢度個個都叫雜錦飯，咁我又叫左個雜錦飯。原來價錢好抵啊，$38仲包一包紙包飲品或者一支水。雜錦飯超大盒，有紅腸、豆腐、雞翼、雞腎、鵝腸、滷水蛋，仲有幾條菜。超抵食。滷得好入味，唔會過鹹，配飯一流。食完啲餸已經飽左八成，飲埋個檸檬茶就食唔曬啲飯了。

今晚加餸買左兩大盒滷味，3百蚊都唔駛！勁抵食！唔知食咩時最好就係有D便餸可選擇，款式又多，樣樣都想試，最後揀左燒鵝下莊 （但聽人講上莊仲多肉，下次啦！）其實下莊都幾多肉食！另外仲有鵝肝、豬手（無骨）、豬頭肉、豬腸、雞翼、雞腎、滷蛋...... 真係太多款啦！好貪心揀左好多美中不足滷水豆腐賣曬啦！每樣就咁食其實都夠味，不過點少少跟既汁就更好啦，不過唔可以點太多，會過咸！因小店經營所以只有外賣，咁都可能係咁抵食既原因！支持下小店！

《灣仔🔸潮洲滷》📝總分：7/10身為潮州人，食滷水就好似傳統習俗一樣打冷及滷味店開到成行成市好有人情味嘅一間小店，趁嚟緊就係父親節媽媽就話係屋企煮飯，我當然就係買餸加料啦收工經過灣仔間潮洲滷顧名思義咁梗係食潮州滷水野呢個滷水汁做得好好，不會過鹹老闆好耐心咁介紹，最後我買咗下裝嘅滷水鵝，鵝肉好甘香，騷味吾重，大件得黎又吾韌。豬頭肉勁彈牙，而且冇毛。食落好似淡淡肥膏咁樣，骨膠原勁重，油香味超重，正呀！內臟清潔得好乾淨完全冇腥味，鵝腎勁爽口彈牙，面鵝肝食落好甘香老闆仲好好人咁，請咗我食咗兩隻滷水蛋同埋鵝腎比我地

落左好幾日雨，真係落雨落到個人既心情都差埋......今日仲落足成朝，繼而仲收到家中女皇大人既扭計msg 話落大雨所以唔想落街買餸，叫我收工一係去買餸，一係就斬d料返黎做餸~~~好明顯女皇係知我今日淨係返半日，所以就想順勢偷下懶啦._.既然佢要偷下懶，咁就俾佢休息下啦~~直頭斬料返去，等佢唔洗煮添啦;）今日係灣仔個邊教班，落堂之後就去左上次獲得兩老大讚既滷水店，睇睇斬啲咩料返去做餸先☜☜☜☜上次既滷水鵝獲得一致好評，今次當然都要encore 啦~~除此之外，我仲要左鵝肝、鵝腸、鵝腎同豬頭肉，樣樣要左啲，師父幫我斬到靚一靚之後，分開左兩盒，仲話請我食隻滷水蛋添♥♥♥女皇大人一見到我拎住啲滷水返黎就偷笑，仲話今晚可以抖抖，淨係炒個菜同煲飯就搞掂xppp滷水鵝同上次食一樣，都係滷到入晒味！！！而啲鵝肉食落札實得黎又唔嚡，yumyumyum 上次去到，鵝腸同豬頭肉都賣晒，今日見到仲有，終於可以試到啦：）鵝腸處理得好乾淨，食落爽脆，難怪會咁好賣啦！！！豬頭肉看似邪恶但其實入口唔會覺得自己食緊脂肪會成口油咁架，反而係有彈彈QQ既口感，點上酸汁一齊食，食左幾件都未覺朊=]鮮鵝肝就既甘香又粉嫩，而鵝

同媽媽去買餸嘅時候搵到呢一間滷味，好多人買外賣雜錦飯，門口貼左雜誌訪問，細看之下原來係家庭式經營，斬料加菜係常識吧🤤叫咗滷水鴨、豬大腸、鵝腸、鵝腎，店主仲送多幾塊紅腸，好好人🥰🥰全部滷水食材好入味，會有想食落去嘅衝動😱鴨肉大件得嚟唔韌；豬大腸軟林林又好咬；鵝腸爽口到不得了（唔知點解令我諗起老天祿🤣）；鵝腎就大嚿過雞腎；紅腸就正常水準🤓咁多野夾埋唔使$130，成家人都食得好開心🥳感性mode：咁有人情味嘅小店喺香港真係買少見少，與其俾錢比連鎖店大集團賺，倒不如放緩腳步，欣賞下大街小巷用心經營嘅小店，發現唔同嘅驚喜🤗-滷水鴨 | $70半隻滷水豬大腸 | $18滷水鵝腸 | $20（大）滷水鵝腎 | $20-

📍 潮洲滷 (灣仔)👏🏾👏🏾👏🏾👏🏾👏🏾❤️灣仔石水渠街1-13號其發大廈地下8號舗出色潮州滷味，比平時的新鮮，一d都唔會un ，滷水汁嘅味道恰到好處唔會太咸。送飯或送酒一流 . .✅豬手個皮彈牙唔um ，隻手除左個皮唔肥，食落好香，好濃豬味✅鴨都新鮮入味✅個鴨腎睇落硬，食落又唔會un，仲有齒頰留香嘅感覺估唔到咁入味✅最重要個豬腸，無屎味，平時我都唔鍾意食，但呢個又唔會un，好好食wor✅仲有個雞蛋，平時啲滷水雞蛋都好鹹，呢個食咗兩件都唔怕漏🤤.一盒：$150好味指數： 1️⃣2️⃣3️⃣4️⃣5️⃣6️⃣7️⃣8️⃣8/10分#hkfood#hkfoodstagram #hkfoodieblogger#hkfoods #hkfoodielife #hkfoodie#hkfoodpic #foodielife#foodiesofinstagram #foodies#ctfoodie#hkfoodshare#cteateat#cteateat_灣仔篇#大眾點評 #香港美食#滷味#潮洲滷#吃貨人生#吃貨#美食推薦#美食日記#魚#食好西#香港美食#asmr#豬大腸#滷水蛋#滷水#滷水拼盤#wine

潮洲滷 ❤️❤️地址：灣仔石水渠街1-13號其發大廈地下8號舗呢間滷味性價比極高，位於係街市嘅細鋪，出邊貼滿一啲報道同埋相片，係等緊嘅時候都見到好多街坊幫襯，加送一流。 今日就買咗返屋企同屋企人一齊食1. 老闆友善好人一盒斬左好多比我🤓2. 豬大腸煙銀爽口，平時勁驚啲豬屎味，呢個使得又乾淨整得又爽口。平時唔鍾意食呀我都係咁食3. 雞髀啲肉都夠晒滑，唔會太鹹味道啱啱好4. 豬手啖啖肉，又唔會有飽滯感5. 主角係鴨，一啲都唔肥恰到好處🤤.好好味指數： 8/10分

前幾晚去朋友到作客食飯，就決定加少少送，見好耐冇食過滷水鵝，就決定試下灣仔街市呢間啦🙈🙈當日我就叫咗滷水鵝，豬手，豬耳同埋滷水蛋聽聞呢間最出名嘅就係滷水鵝，個人認為滷水鵝嘅調味啱啱好，送飯一流，但比較重口味嘅我就覺得，香料方面就可以再落多少少啦，但整體來講都好好味又抵食豬手同埋主要分量同樣係超多，食極都係仲有而且都係好入味，配埋呢間店舖比嘅酸汁，愈食簡直係愈開胃🥰🥰而滷水蛋呢間店舖都好好將啲蛋幫我地cut開曬一半，咁就唔使驚每次都要食一隻咁飽啦，啱晒同一班朋友share食

媽媽知Foodamin這陣子忙著做演出沒時間買餸煮晚餐﹐買了我一直想試的潮洲滷水外賣﹐放在我家好讓我放工回家作晚餐﹐有媽的孩子有福了。媽媽買的是Foodamin 一直想試在灣仔的小店 {{ 潮洲滷 }} 。媽媽為我挑選了滷水蛋、滷水豆腐和滷水豬腸﹐還有滷水鵝脾啊﹐會不會太豐富呢。主打大熱的滷水鵝厚肉嫩滑結實﹐滷水汁滲入鵝皮﹐滷得醇厚甘香﹐鵝皮油潤﹐又沒有搶過鵝自身本來的肉香﹐啖啖軟嫩鵝肉又沒有肥膏﹐十分滋味。滷水蛋和滷水豆腐同樣入味而且不會太咸﹐富濃郁蛋黃香和豆香。滷水豬腸洗得乾淨﹐入口軟滑又不韌。媽媽介紹店面乾淨又整齊﹐店員是後生仔和一個姐姐﹐和善有禮﹐買得開心又食得開心。Foodamin下次去買鵝片試試先。

晚飯加料之選！鄰近地鐵站好方便好易搵，全部都係賣滷的食物。店舖雖然細細間又近街市，但係好乾淨企理，買都買得好放心。滷雞好入味，醃得味道剛剛好唔會太鹹，雞肉都幾嫩滑而且唔會好多肥膏。本來怕豬大腸會整得太硬，但係原來一d都唔會，有咬口又唔硬。望落顏色唔算好深以為唔夠入味，但係原來食落好夠味！要左少少豬耳試下，好爽口呀下次可以叫多d。本來想要埋鴨掌但係一早已經賣晒啦太熱門。呢間滷味真係幾推介，唔係食完會覺得好鹹要係咁飲水果種，而家feel到真係有研究過點樣滷得香滷得入味但唔會好鹹。

某日中午到石水渠街附近午膳，看到這家滷水店很多人排隊，便想買回家給家人品嚐。可是前陣子工作很忙碌，無暇到來，不過今天終於有時間特意來斬料加餸，買回去孝敬一下家人。雖然鵝比鴨貴，但買給家人吃當然要買鵝啦！店內環境整潔企理，食物井井有條地擺放著。看到廚房衛生乾淨井然有序，讓食客吃得放心鹵水豬大腸 ($18)豬大腸不肥膩，有咬口且不硬，味道濃郁，好吃沒異味，陣陣滷水香滲入口中，很下飯。鹵水雞蛋 ($10/兩隻)滷水雞蛋滲透陣陣陳香滷水味，口感很好，絕不覺濃濁涸喉及過鹹。鹵水鵝腎 ($16/隻)鵝腎味道香醇濃郁，而且爽脆有嚼勁，佐飯配酒皆宜。鹵水豬耳 [$20/隻(中)]豬耳口感非常好，柔韌又爽脆，味道鮮香不膩。滷水鵝 ($127/斤)鵝皮色澤亮麗，鵝肉肥瘦適中，油香濃厚而不膩；滷得入味出色，沒有蓋過鵝肉味。肉質一點都不粗糙，鬆軟而無渣，酥香入味而不鹹。