潮樓 (已結業)

今晚同老公食飯, 9點幾最好去邊?　梗係去9點後半價的潮樓啦. (好hard sell)上次食過有幾款野唔太滿意, 今日因星期五, 好多人等, 等左半小時至有位, 坐在open kitchen對出. 今晚order了:鴛鴦雙棗(蝦棗及蟹棗) - 蝦棗比上更熱辣, 好正! 蟹棗我老公話唔彈牙, 但我好鍾意, 有肉汁! 而且分量不少, $35(折實)真係抵!沙茶牛河- 上次見隔離檯有, 賣相好靚. 因為order左糖醋麵而冇叫. 今次, 一上檯已經好impressive! 沙茶醬香, 河粉滑, 唔太油. 食落口重正! 當然d牛肉係有用蘇打粉醃過, 先至係潮州巷果種"牛河味"!鹵水鵝片- 上次雙拼得4片, 今次單叫就9片, 差不多, 但都夠食. 墨魚拼生腸- 兩者都冇染色, 夠爽身. 不過最好味的鹵水在碗底, 記住沾來食!埋單免茶介免加一, 抵!

全日三免之外, 9點後小菜打冷全部半價, 同屋企人去食.3個人, 叫左:胡椒豬肚湯- 普通, 夠辣~潮式雙拼(鵝片+蝦棗) - 鵝片得4片, 蝦棗就幾正, 雖然多粉, 但有我爺爺(正宗潮州人)home-made蝦棗的精髓->馬蹄!煎蠔烙- 唔脆, 林pat pat, 而且d蠔唔乾淨, 好多殼鹵水豆腐- ok, 以半價後$15來說, 份量頗多, 滿半碗"公雞碗"椒鹽白飯魚- 漏左落椒鹽! 而且太厚粉, 唔好食潮式伊麵- 即是糖醋麵, 煎得唔夠脆同場加映另一正宗潮州人, 我爸爸解釋"打冷"來源, 不是"打冷=打人, 有人食霸王餐"果個, 而係點解潮州食品咁多都係凍冰冰呢?"因為潮州近海, 好多人全家出海打魚為生. 但因不方便帶柴帶爐上船煮食, 於是在家一早整好魚, 蝦棗, 鹵水肉等等, 帶上船午餐食一d, 晚餐食一d, 所以你爺爺家都係鍾意一碟碟一早整好擺檯面, 用竹蓋蓋好, 午餐又係果d送, 晚餐又係果幾碟, 但唔擺過夜o既. 唯一會reheat的是滾湯(用生菜/紫菜加魚丸滾成的清湯), 用好少火reheat就夠, 所以潮州人唔興老火湯o架, 冇人在家睇火. "呢個故事我第一次聽

上星期六晚, 成九點幾唔知食咩好, 最終揀左潮樓, 因為貪佢全日三免(免茶, 免加一, 免酸菜).原來九點後, 有d食物做特價.肉碎蠔仔粥- 兩個人叫左一窩, 真係眼闊肚窄, 一碗share都得.鵝片併豬利- 鵝片好淋不過豬利硬左d.手撕雞海哲- ok.金銀蛋莧菜- ok.叫左四樣都食唔晒, 唯有打包...

I think the service was really poor. Our waitress looks unhappy and she doesn't pay attention. Look, we orderd 6 dishes all together, the first 3 dishes came quickly, but the white rice we ordered didn't come until we almost finish; and those are dishes that should be accompany with rice. Then some of my friends ordered a 2nd bowl of rice, but it took them so long for that we finished those dishes by then, but the other 3 dishes took a long time to come. Then my friends were just staring at t

去到門口拿了檯號, 入到去無人帶位, 唔通又係快餐店格? (去過將軍澳新都城同集團的吃過會明白)坐低叫了茶等了十分鐘先拿來, 唔通滾水都係即刻煲?炆斑頭腩- 一般, 個賣相唔係咁靚蒜香雞- 味道ok, 隻雞唔肥雞燉翅- 一般雞湯, 無咩特別瑤柱豆苗- 落得過多油去煮個豆苗鹵水鵝片拼盤- 有紅腸同豬耳及年藕, 鵝片幾大塊蜜棧蠔- 六隻蠔豉一開二, 加塊青瓜菠蘿薄片放在生菜面, 唔覺好食唔收加一唔收茶錢, 叫了四個白飯埋單$500,唔算貴, 但無咩特別

十二月二十四日找地方吃晚飯，本來想先試尖沙咀那間，但那邊實在太忙啦，訂不到位，於是先試銅鑼灣這間吧。發覺這裡的食品跟價錢都不錯。最喜歡的是地方頗靜，員工也有禮貌，適合跟朋友相聚談天。唯一不太滿意的是冷氣太大，桌上的食物很快便涼了。而且我也不太習慣那張菱角形的椅子。當晚只點了簡單的食物，味道OK la 。

環境好嘈, 同朋友講野要講好大聲先聽到..... 尖沙咀店好好多

全店以深木色為主，天花掛有傳統燈籠、雀籠作點綴，環境很不錯。坐位方面亦很寬敞，設有圓檯、長檯及卡位，坐椅呈陵形(在下不太習慣!!)。若晚上坐窗邊位的話，還可看到各大廈頂的煙火表演(每晚八時正至八時二十分)。店內設有閉路電視，可讓客人看到部份廚房內的製作情況，可惜三組鏡頭中，有兩組只是堆砌出來供人欣賞的食物定鏡，只有一組是久不久才有工作員在小煎小炒‧‧‧形同虛設！是次在下與朋友五人點了以下的菜式：1)蜜糖豆炒班球--- 味道不錯，只是班球並非班球，只可用小班片來形容。2)海蜇手撕雞--- 是辣的，麻麻o地la~！3)沙茶炒肥牛--- 用芽菜及芹菜墊底，不膩口！4)蜜梨螺頭湯--- 剛好五碗，冇得添飲！還有一大碟湯渣吃。5)方魚炒芥蘭--- 味道不俗。6)糖醋麵--- 製作時間長，吃完其他後還等了很久。另奉上的沙糖已結為一堆，需自行推散才能用，可見是放在碗裏已有一段長時間。7)水晶飽--- 有奶黃及蓮蓉兩種味，涵多皮不厚，好味！8)芋泥--- 上有切片白果，吃下像熱騰騰的芋頭雪糕。在下最推介的是甜品，其餘的是OK la~(由於朋友搶俾錢的關係，在下也不知是次總計多少，只知這裏好像是免茶芥、

上次去過尖沙咀個間覺得幾好食, 所以特登再同我亞爸亞媽去試. 環景就北京道個間靚d, 食物同服務就呢間好啦! 我叫以下食品:鹵水拼盤~ HK$70 有鵝片,紅腸,豬頸肉,豬,蛋... 雞燉翅~ HK$130 (足四位用) 好味又足料炆斑頭腩煲~ HK$80 OK方魚芥蘭~ HK$50 太多油啦!潮州凍蟹2隻~ HK$60 都幾細隻, 一般咋!糖酷麵~ HK$60 好好味四位埋單四百幾不是太貴。因為亞爸亞媽食得好開心!

昨晚跟家父家母一行三人到此晚膳。之前電話預訂時希望要七時半﹐但接線的知客說這段時間已爆滿﹐問我可否改八時。我沒有問題。後來七時四十分左右已到達﹐果然見門外輪候位子的顧客很多。知客見有空檯﹐就讓我們進去。此店裝修非常雅緻﹐偏暗的燈光配以傳統中式的深啡色木製檯椅﹐充滿古色古香的味道。侍應前來時先端上一盆功夫茶﹐但不幸地茶是有點涼的﹔至於奉客的茶(我們要了壽眉)質素很不錯﹐頗清香﹔食具則非常新淨。我們點了鹵水鵝片﹐荔芋香酥鴨﹐欖菜肉碎四季豆及潮州炒飯(因為從未聽過﹐想試一試)。鹵水鵝片還好﹐鵝肉算入味﹐但伴碟的豆腐則不夠滑﹔用來蘸鵝片的白醋則是佳品﹐令人醒胃。荔芋香酥鴨則差強人意﹐芋蓉弄得泥泥的﹐名乎其實是蓉﹔但荔芋鴨件炸得不夠酥脆﹐鴨肉亦太少﹔最大問題是伴碟的炸珍珠葉(平時常見用來伴川椒雞那種脆脆的小菜葉)竟然是軟而腍的﹐應該是預先炸好了一大盤﹐然後每次上菜前才拿一撮上碟﹐所以已經不再鬆脆。隨碟那碗醬油的味道亦令我摸不著頭腦﹐色澤及濃度像蠔油﹐卻是很甜的(既不是鮮蠔油味的甜﹐又不是甜醬的甜﹐更不是李錦記海鮮醬的甜)﹐小弟見識少﹐希望曾經吃過此菜的食客或有識之士(特別是對潮州菜有認識的人)能

要同長輩來飲茶，知道今日母親節會好墟埳，所以已經預早訂定一點鐘，又預左訂左都要等，所以朝早已同老婆食過完自助午餐打定底先。十二點九來到都唔算好多人，粗略估計都係得廿幾人左右，我們要的八人檯等不到5分鐘已經有，實在出乎意料之外。有一系列的母親節套餐，十位用八百蚊都唔算好貴，不過睇落好似散叫多選擇D，所以就剔紙仔。叫左好多點心，有好有麻麻，其中有印象的如下：炸兩：席中有朋友大讚，食落油炸鬼好脆，算交到功課。但我卻不大喜歡這個類型的炸兩，當然總比韌韌的油炸鬼好。花枝餅：幾彈牙又有花枝的味道，不過睇落相當油膩，可能因為廚房今日太忙做不了這個上碟前的工作。叉燒酥：一碟三條，長長的，熱熱的，味道實實地，不夠酥化。壽包：一籠三個，是白蓮蓉同咸蛋黃餡，幾好味，只是小點好抵食。水晶包：一籠四隻，皮好硬，餡又太過多，呢味唔係太掂。擂沙湯丸：做得外觀幾差，食落又麻麻，唔使叫。胡椒豬肚湯泡飯：碗仔細細，只一人份量。豬肚湯都有胡椒味，但濃一點就更好，清清地食這個都唔錯。蛋白瑤柱炒飯同欖菜肉碎炒飯：兩個飯份量都好大，各自賣50蚊都算抵食，炒得不油又幾好味，食得過。今日雖然人多，但侍應服務好好，跟單跟得足，收碟及沖

我同屋企人在此吃個晚飯，川椒雞好味道，咸菜豬肚湯都好唔味，鹵水拼盤ok，蒸倉魚唔抵食，潮式炒麵幾特別，甜品方面：黃金稞（太油），蛋黃蓮茸壽包超正（必食），besides that we order a vegetable dish , all together the bill around $650(for 7 persons). Excellent Food & Resonable Price.

整體而言,食物用料不錯，賣相及味道不過不失!但不收茶芥及服務小費此舉已收買了不少食客之心，再加上職員誠懇之服務態度，除給予食客深刻印象外，更可以收取強大宣傳之效，因此舉已足夠成為食客茶餘飯與三姑六婆、叔伯兄弟、親戚好友之傾談內容。適逢農曆新年將至，本人昨天正與家人在此食肆提早吃團年夜飯，恰巧坐於落地大玻璃窗位置，有幸一邊品嘗新款潮菜，一邊觀嘗小型煙花滙演，人生如此已感滿足。看來昨晚之晚宴，將成為親朋戚友到處拜年時之熱點話題。

tried this restaurant a few weeks ago with family. 4 of us ordered a "mini osyter rice in soup"... pretty good, a "goose pieces in soy sauce".. ok la, a"deep fried yam and goose".... very oily and bad, "pan-fried egg with sui gua"... taste bad, fried egg noodle..... even cold when it came out.. came to 250. Really bad meal! will never go again

快d 加入去喇....